عمرو اديب و دوره الغريب؟

[arom4]

مرحبا بكم جميعا
انا احب الكلام في الشأن العام في بلادنا ولا ادري ان كان سيروقكم دلك عموما سأشارك باول موضوع لي واري ما تعليقاتكم مع تحياتي........ امل

يا عمرو يا اديب: منك لله
عرض عمرو اديب في برنامج القاهره اليوم تقريرا عن طلبة الاتحاد الحر ( الدين فصلت جامعة الازهر العديد منهم علي خلفية نشاطهم الموازي لاتحاد الطلبه الي زورته الانتخابات الصوريه الاخيره) كانت مظاهره غاضبه وثائره
كان عدد منهم ملثمين وقام بعضهم باستعراض متقن لالعاب الدفاع عن النفس
بدأ عمرو الكلام بانه لن ينام بسبب هدا المنظر وانه منظر ارهابي مخيف وانهم اخوانيون وانهم مغرر بهم واستدعي مكالمه هاتفيه لاحد اساتدة الازهر الدي انهي كلامه متوعدا هؤلاء بالعقاب وان الجامعه الفاشله الظالمه المزوره اودعت الامر بين يدي النيابه
واقول ياعمرو بيه
ان هؤلاء الشباب هم شباب مصر المتفوق الرياضي الغالي ديس عليهم بالفقر فقاوموا بالتفوق ورباهم اهلهم علي المباديء فديس علي مبادئهم بالتزوير في كل شيء انتخابات المجالس اياها و حتي انتخابات اتحاد الطلبه فكونوا الاتحاد الحر
ولكن كبرعلي اساتدة الجامعه الدين لا يعلم بهم الا الله وضباط امن الدوله ان يتركوهم في حالهم فتم فصل مجموعه متفوقه منهم لقيامهم بتحية طلاب الفرقه الاولي في اول العام مش فصل نهائي ولكن مؤقت لمادا؟ ليتم تلطيخهم فلا يستطيع المتفوق فيهم ان يطالب بالتعيين ويصبح كادر جامعه وهدا عند الطلاب الطموحين اقسي من القتل ان حرم الجامعه لا يتلطخ بهؤلاء انهم ليسوا شبيحه او بلطجيه انما قد تلطخ قبلا بالمزورين وبلطجية النظام تلطخ حين طاله الفساد ولم يحمة الاساتده لانهم عبيد ادلاء ليس فيهم رجل حر بل كلهم شاهدوا التزوير والفصل الظالم لهؤلاء المساكين ولم يعترصوا بل ساهموا في الجريمه يؤسفني ان اقول ان الطريقه التي عرض بها الموضوع ستجعل الامن يفعص هؤلاء المساكين فحرام عليك ان الامن ليس في قلبه رحمه اصلا وكان منتظرا منك كلمة حق لهؤلاء المساكين ولكن يبدو ان فزعك كان علي مصر الوسطيه اقوي مصر الفاسدين والمزورين مصر يسرا وعادل امام وفاروق حسني ودينا
لقد احسست ان ابني بينهم يري الظلم والقهر والفساد انهم مقهورون وهم ابناء ناس حرام عليك منهم الاوائل والمتفوقين لو انهم في بلد آخر لجعلتهم تاجا لرأسها ولكن يبدوا ان مصر توحشت واستدارت تاكل ابناءها
ان مصر الوسطيه ليست وسطيه بسبب وسط يسرا او ابتدال عادل امام او حرية دينا ان تفعل ما تشاء باصقة علي الاخلاق والاحترام ورامية في وجوهنا بأنها مادامت تدفع الضرائب فلها كامل الحريه ان تفعل ما تفعل ان هؤلاء الشباب يستحقون الاحتواء وتنظيف ما حولهم من الفساد والتزوير ويسرا ودينا وعادل امام وسعد الصغير ومروه والحزب الوطني ووووو
وقد اتت الحمله التحريضيه ثمارها فتم اعتقال 140 من طلبة الازهر ومدد لهم 15 يوم يعني راحت الامتحانات وياعمرو بيه مصر بتاعتكم وبس مبروك

[نيهال]

كان نفسى مش ادافع عن عمرو اديب
لكن حبيت بس اقول انه من الشخصيات اللى بحترمها حتى الان فى جو سادته المصلحه والخوف من الناس الكبار
استمعت للحلقه مرتين يومها
عندما كانت مباشره وفى الاعاده تانى يوم
وحبيت بس اقول ان عمرو لما قال انه فعلا خايف حطيت نفسى مكانه.......لان الصوره اللى جاتنى لاول وهله انهم تيار اسلامى
ومع عدم احترامى لمعظمتحركاتهم السياسيه خفت انا كمان
لانى شوفت اسلوبهم فى الكليه والطريقه اللى كانوا بيعاملوا فيها اللى بيقولهم انا مش موافق فى الموضوع الفلانى
كانهم من طينه غير الطينه اللى احنا منها .ونادرا ما كنت الاقى اللين فى الاسلوب ...لكن الاعتدال كويس واللين مطلوب
ده للاسف الحال عندنا فى الكليه
ويا ريت لو حد عنده صوره تانيه يقوللى عليها
ويقوللى نسبه الناس اللى فاهمه الدين صح منهم اد ايه
مش عايزه اخرج عن الموضوع
لكن الكلام كان لازم يتقال كده
وارجع تانى واقول انه فى كلامه كانى انا اللى بسال وبستوضح من المتحدث الاعلامى للاتحاد الحر.وحاول يفهم منه اللى بيحصل ولانه مش يعرف يعنى ايه غضبه زى ما احنا فاهمين لكن محدش قدر ينكر ان عبد الرحمن احيانا كتيره للاسف كلامه كان مركزا فى نقط معينه
انا فهمت اللى يقصده ةغيرى كتير من الطلبه
والاجدر بعبد الرحمن انه يوصل الصوره افضل من كده .واللى شوفته انه حاول يفهم بقدر الامكان .......ولم اجده من وجهه نظرى مواليا للاتحاد الحر او لاداره الجامعه المستفزه والملقنه.بدليل انه تانى يوم
جاء بنائب ريس الجامعه مره اخرى وقاله يسحب البلاغات المقدمه فى النيابه علشان ده استفزاز صريح لاى انسان
فعلا موقف مستفز
ايه يعنى كسروا قفل باب الجامعه
مهو احنا جبنا الباب على الارض مش قفل حتى(فى كليه الهندسه جامعه الاسكندريه)
لكن باسلوب راقى تقدمنا باعتذار لعميد الكليه يومها وتم اصلاح الباب على حساب الطلبه
مفيش مشاكل يعنى
وعموما احنا بشر ومن حقنا اننا نغلط بس المهم اننا نعرف الغلط وعندنا مخ بنفكر بيه
يعنى الكلام اللى مش بعقله مش بدخله فى دماغى...وده الفايده من كل حوار بيتقال.يا اما بقتنع يا اما لا...



وبالنسبه لموضوع يسرا هانم والست دينا الراقصه....لو اتفرجت على الحلقه
تفهم من كلمته رقاصه وبترقص ايه......مش معنى انه يستضيف اراء معينه انه يكون موافقها الراى
هناك دائا الراى والرى الاخر
ولو كل واحد عمل البرنامج لارائه الشخصيه حيقدر وقتها يقنع الناس كلها بوجهه نظره .مستحيل
لازم يخليك تفكر وتقول اه او لا

[فله]

الحقيقه انا ماشفتش البرنامج لكن شفتصوره كانوا حاطينها في الجرنان عن الحركات الي قاموا بيها الشباب دول
وكانوا بيقلدوا فيها الناس الي بتبأى من كتائب الاقصى مثلا مغطيين وشهم وفي ايديهم حاجه زي البندقيه ..
الصوره متخوفش ولا حاجه ومنعرفش ممكن كانت في سياق اسكتش مثلا او انها بترمز للجهاد الي بيقوم بيه الفلسطينين ..
على العموم مش عارفه ليه كل حاجه بيمسحوها في الاخوان المسلمين مع ان الاخوان المسلمين وخصوصا دلوقتي بأوا ينتهجوا سياسة الحوار
وغريبه والله الحكومه هيا الي بتسجن الاخوان وبعدين تقول عليهم انهم ارهابيين
وعموما على طلب نيهال انا بشوف بنات معايا في الكليه في قمة الذوق والادب ومنتمين للاخوان ومؤمنين ممكن ساعات بيبأى فيهم الي بيبأى متعصب شويه للاخوان لكن تعبه بيبأى في حاجات سطحيه ومش كلهم زي بعض ..وعموما لما نعامل شخص لو كان منتمي للعفريت الازرق نعامله على حدا لان مش كل صوابعك زي بعضها وعن تجربه

اما بخصوص الاستاذ عمرو أديب فمعلش مقدرش اعقب عليه لاني مشفتش البرنامج زي ماقلت


متشكره اخي علىالموضوع

[دقه قلب]

انا كمان مشوفتش البرنامج
ف مش هعلق على عمرو اديب وان كان حلقاته فى اغلبها يعنى هو بيحاول يخلى فيها حوارات ساخنه وبالتالى مفيش مانع انه يستفز الضيف شويه عشان يتكلم(لا اوافقه الراى بس بحس انه كده)

ثانيا عن طلا ب التيار الاسلامى اولا همه طلبه زينا وان كانوا ف كثير من الاحيان عندهم حماس اكبر مننا للتعبير عن الراى
انا مش شوفت صور ولا حلقه تليفزيون بس هقول انى متوقعه شكلهم وانهم كانوا فى موقف بيقولوا فيه للحكومه احنا نقدر ندافع عن نفسنا ضد البلطجيه اللى سمح لهم بدخول الجامعه
واعتقد محدش يقدر يقول للطلبه دول متدافعوش عن نفسكم مادام البلطجه مش بس بقت فى الشوارع الخلفيه والرئيسيه لاء كمان بقت الحرم الجامعى (الحرم السابق)
كاتب الموضوع شكرا على الموضوع الجيد بالفعل يستحق النقاش وكنت اتمنى لو تابعت الحلقه

[THEGOODWOLF]

من المذيع المشهور

هم الاخوان مش بشر ولا ايه ؟

بل بالعكس دول بشر و بشر قوي كمان

يعني ايه

كانهم من طينه غير الطينه اللى احنا منها .ونادرا ما كنت الاقى اللين فى الاسلوب ...لكن الاعتدال كويس واللين مطلوب


ماهم زي كل البشر فيهم الكويس و فيهم الوحش و فيهم القوي و فيهم الضعيف و فيهم المتشدد و فيهم المتوسط
و فيهم على كل شكل و لون
يعني بشر زي أي بشر
ولا إنتم عاوزنهم كلهم يبقوا استمبة واحدة كلهم شبه بعض
في الحالة دي مش هايبقوا بشر
و انما نسخ من شئ واحد

دول بشر يا عالم و بيطالبوا بالحكم بشرع ربنا الي يصلح لكل شئ في الدنيا و الاخرة و فيه الثواب و فيه العقاب و فيه كل شئ

لكن أقول ايه ؟ ( اذا كلن رب البيت بالدف ضاربا فشيمة أهل البيت الرقص )

و الحدق يفهم

[نيهال]

اخى جود وولف....اذا بتريد نتناقش على اسلوب التيار الاسلامى اللى ماشى الان فى البلد معنديش اى مانع عادى جدا
زى اى تيار سياسى فيه الكويس وفيه الوحش
لكن المفروض بدل تزعم الرياده الدينيه يكون على اد المسؤليه ويكون اعضائه على هذا المستوى
بالظبط زى الحزب الحاكم فيه ناس كتير كويسه لكن الصوره اللى عندنا هيه صوره حرميته الكبار اللى بيدعوا ما ليس فيهم
وانا على يقين تام مما اقوله لان ده اللى صادفنى فى الكليه وربنا يكرمهم اللى وصلوا لينا الفكره
وعلى فكره انا مش مع ده ولا ده
لكن كل الحكايه انا مش بحب اكون تابع لحدا ايا كان هوه مين
ربنا وهبنا نعمه العقل علشان تقدر تفكر وتقول ديننا يسمح بده والا ده ........تعصب او استهزاء ملوش اى داعى
والحمد لله اعرف اصدقاء كتير ملتزمين دينيا وعلى قدر واسع من العلم وملمين بالاعمال الخيريه....ومش حابين ينتموا لاى حزب ...بسبب اللى حاصل والبهدله اللى ممكن يلاقوها
اللى عايز يعمل خير بيعمله وبيساعد عليه

[THEGOODWOLF]

من المذيع المشهور

غريب يا نيهال

أعدتي الكلام الي قلته تاني