مبروك لكل الاهلاويه

[نيهال]

حبيت بس اقول
الف الف مبروك للنادى الاهلى وكل مشجعيه


فوزه بالمركز الثالث فى بطوله العالم للانديه








وعقبال الزمالك ان شاء الله(لانى زملكاويه طبعا)

[maysam]

مبروك البرونز لمصر والأهلاوية

[MoHaMeD NaSSaR]

الف مبروك للنادي الاهلي هو فعلا يستاهل

[فله]

مبروك للأهلي
ومبروك ليا انا كمان اول مره اوصل البيت بدري بالشكل دا الشوارع كلها فاضيه والمواصلات كمان حاجه اخر حلاوه والله
بعد كدا حزبط مواعيدي على مباريات الاهلي

بس بجد انا فرحانه بالهلي خالص ومشكوره نيهال على الروح الرياضيه الطيبه وعقبال الزمالك

[نيهال]

مهى هيه دى الميزه وعندنا فى الشغل النهارده الكل قاعد من الصبح قدام الار تى ومفيش شغل طبعا
والحياه هاديه جدا وتمشى فى الشارع .فاضيه
والناس كلها لول مره من فتره طويله قوى مجمعين على راى واحد

يللا
عقبالنا ان شاء الله

[Honey1900]

الف مبروك للاهلي


اهلي او او



يا اهلي يا عمهم يا حابس دمهم

[The Caesar]

الف مبروك لمصر ..كلها ..الاهلي شرفنا ..وشرف الكره المصريه والعربيه و الافريقيه
الي المزيد من التوفيق ..و الانجازات الف مبروك ... .

[Half-Magic]

الله يبارك فيك يا نيهال .. و بجد ميرسى كتير على تهنئتك الجميلة دى بالرغم انك زمالكاوية بس برده فى الأخر كلنا مصريين و هى دى الروح الرياضية

الحمدلله على كل شئ .. المركز الثالث على العالم يعتبر إنجاز خاصة ان الفريق اللى كسبنا كسب برشلونة برده !! و مفيش حد احسن من حد يا برشلونة ...

و كمان التكريم اللى بجد هو فوز ابو تريكة بلقب أحسن لاعب و كمان لقب هداف البطولة .. بجد فرحة جامدة جدا جدا جدا ...

الف شكر لك مره تانية يا نيهال و الف مبروك للأهلاوية و لكل مصر و لكل العرب

[نيهال]

ميسم......الله يبارك فيكى
نصار..هوه فعلا يستحقها وكان ممكن يعمل نتيجه افضل من كده كتير ....مرسيه
فله....راح ابعتللك جدول فريق الاهلى علشان تظبطى واعيدك ومواصلاتك وكده يعنى .وربنا يسلمك وتوصللى بسرعه ان شاء الله
ومرسيه ليكى كتير
باشمهندس هانى.......هههههههههه
طيب ارد اقول ايه على التشجيع ده بس
مش عارفه
The Caesar..الله يبارك فيك
هاف ماجيك...احنا كلنا مصريين اكيد وعجبتنى اكتر الروح الجميله
انك تلاقى الكل مجمع على روح واحده حتى ولو كان اكبر المنافسين....ولكن لانه بيستحق فله منا كل الاحترام

ومره مش فاكره كام
الف الف مليون مبروك لمصر وللكره العربيه كلها

[دقه قلب]

اسفه يا جماعه شوفت الموضوع متاخر

الف مبروك للاهلى والاهلاويه
ولمصر كلها