ايه هيه طريقة كلامك مع الناس ؟

[doby1]

انا هدفى هو معرفة طرق الكلام عموما
وازاى تعرف تتكلم مع الناس
هل بتتكلم مع اهلك زى ما بتتكلم مع اصحابك ؟

[THEGOODWOLF]

من المذيع المشهور

أنا بحاول أكون دبلوماسي ألى أقصى حد ممكن

[doby1]

انا ساعات مابحبش اقول الحقيقة
وده اعترافى بقلة الشجاعة عندى والكذب ساعات

[دقه قلب]

فى اغلب صريحه بس باسلوب مقبول

[nona_el7nona]

انا بقول الحاجه من غير ما اجملها
وده بيزعل ناس كتير
مش عارفه ليه

[doby1]

بغض النظر عن اننا فى زمن تقريبا كله نفاق
لازم تكون حساس فى كلامك وتحافظ على شعور غيرك

[نيهال]

طريقه كلامى......عاده نفس الاسلوب مع اصحابى بيكون مع اهلى لكن مع اهلى بكون بحريه اكتر
لان الاصدقاء احيانا كتيره مش بيفهموك زى الاهل
ومش مضطر تبرر ليهم حاجه
لانهم بيقبلوك كما انت
لكن وسط الزملاء والاصدقاء......للاسف انا مش لقيت كده



وعموما
اعتقد انى بتكلم عادى.......ولو اتنرفزت بيكون موقفى انى انسحب او اسكت ايا كان انا كنت مع مين
زمايللى او اهللى

بس كده

[The Caesar]

طبعا ً بيختلف أسلوب الكلام من مكان لمكان ومن شخص لشخص
يعني من التجربه
ما ينفعش تكلم سائق ميكروباص ..او تاكسي ..بأسلوب لين ظريف..لا خليك ناشف و رخم ..ده احسن اسلوب معاهم ..وغتت ورخم وبجح ..ده مطلوب
في الشغل لا تهزر مع العملاء او الزملاء ..بشكل مبالغ فيه ..لان هذا يسبب نوع من انواع المجاملات ..طب عشان خاطري و معلش اصلي مستعجل ..و يا سيدي اتوصي بشغلي كانك صاحب عربيه فول في الشارع ..خلي لكل واحد حدوده ...او زميل معلش اصلي تعبان انهارده اعمل اشغل ده مكاني ..اصل مراتي بتولد " غالبا ً بتولد كل اسبوع !
طبعا ً البنات ...اهم حاجه تحسسها انك مهتم ..وان افكارها لا زيها زي ولا زيها مثيل وانها ما حصلتش..
هما بيحبوا الحاجات دي اوي ..كلمها عن اهتماماتها طبعا ً الغالبا ً لا تهمك اصلا ً ..بص من الاحسن ما تتكلمش ؟..هما ها يتكلموا ويردوا علي نفسهم ...و انت اتفرج
الاصدقاء ..الواحد بيبقي علي راحته اللي نفسه فيه بيقوله ودي بتبقي اقرب شخيصيه للواحد لان مفيش لا موانع ولا حواجز طالما اصدقاء فعلا ..فكل واحد بتكلم علي راحته اللي في نفسك قوله
الاهل ..حريه مع بعض الحذر ..يعني خليك علي حريتك بس ما ترغيش كتير لان غالبا ً كل حاجه هاتتاخد عليك
يعني ..ما تجيش تقول انا بكره اجازه الحمد لله .زلان غالبا ً هتلاقي مناسبه او شيء من المجهول يقضي علي اجازتك
الزوجه للمتزوجين ..ألتزم الصمت .المتزوجون يبدون ارائهم فقط ..و سلام

[violin]

في مقوله اعتقد انها للرسول عليه الصلاة والسلام
أُمرتُ ان اخاطب الناس على قدر عقولهم

وهذا ما افعله
اخاطب الطفله بإبتسامة
واخاطب امي بلمسة حانية
واخاطب صديقتي بصدق ومحبه
واخاطب زميلاتي بإحترام ومودة
واخاطب الغرباء برسمية وجديه

ولكن في كل الاحوال احاول اكون صريحه بدون تجريح

امنياتي بإبتسامة

[الورد الجوري]

عادة طريقة كلامي مع الناس بتبقى بناء على فهمي لهم
وانا بصراحه الاسلوب بيفرق معايا كتير في الحوار
يعني لكل مقام مقال
فيه ناس بتضطر الواحد يكون شديد و عنيف .. بتكون صلبه زي الصخر لازم اتصلب امامهم
و فيه ناس رقيقه برقه الورد و الكلمة تخدش شعورهم و الحرص عليهم يدفعني لانتقاء الكلام
و فيه ناس بتقبل كل شيء مني بس المهم اتكلم معاهم و بيحسسوني انه كلامي في حد ذاته هو الافضل من الاسلوب في الكلام .. و ده شيء يجبرني بردو لانتقاء اسلوب ملائم لهم
و فيه بقى ناس بتدفعني اني اكون حريصه منهم لاني بحس بنية غدر من ناحيتهم او تربص لكلامي و مواقفي و دول بقى بتكون اجاباتي على كلامهم اجابات مقتضبه و جافه يعني الجواب على قد السؤال و بس
و فيه بقى اللي بيكتفو ببسمه من الواحد و دول طبعا الاطفال و دول افضل الحوارات بجد
ميرسي على الموضوع الجميل