ايوة انا معقده يا جماعه.....ايه المشكله بقى

[امنية]

السلام عليكم ورحمه الله وبركاته

هل تغيرت مفهوم البنت فى العصر العجيب اللى احنا فيه ده؟؟؟؟

بقت البنت بنت بتسريحه شعرها او لفه الاشارب ..والاكسسوارات ..وطريقه اللبس.........

انا واحده من الناس مش بحب الاكسسوارات..يعنى ولا خواتم ولا ميك اب( نصيحه الميك اب بيبوظ الوش وبيبان ده لما تكبرى فى السن) ولا غوايش..بحس انى متكتفه ومخنوقه وانا لابسهم

اخرى حلق

النتيجه:

بقيت مش زى البنات من وجهه نظر الناس اصحابى ..ايه يا امنيه ..انتى مش بنت ولا ايه ..امتى بقى تبقى بنت زينا. ..انتى معقده اوى...الخ الخ من الكلام ده

وانا ردى زى ما هو .." هو علشان ابقى بنت لازم احط ميك اب والبس اكسسوارات


ياترى ايه السبب فى الكلام ده ؟؟
هل هى ثقافه مجتمع؟
ولا ايه؟؟

وياترى ايه مقايس البنت من وجهه نظركم؟

[THEGOODWOLF]

من المذيع المشهور

و عليكم السلام و رحمة الله و بركاته

يا أمنية

الحاجات دي مش مقياس يثبت إن البنت بنت

الحاجات دي مبتدعة و دخيلة ليت من المجتمع العربي ولا ليست من المجتمع الاسلامي
و الغريب ان البنات بينساقوا راء هذه الاشياء لامؤاخذة ( كالأنعام )
و بيقلدوا تقليد أعمى بدعوى الموضة
موضة إيه ؟
أي شئ أنزل هذه الموضة علينا ؟

أنا من وجهة نظري كما يؤمن الكثيرين أن الفتاة كالحصن و الحجاب لها كأسواره

و هذا الحصن بدون هذه الأسوار يهدم و يغتال و يسوى بالأرض

إبحثي خلف التنازلات و التهوين و ستعرفين لماذا وصل مجتمعنا الى هذا المستوى من الانحطاط

[امنية]

المشاركة الأصلية بواسطة THEGOODWOLF

و هذا الحصن بدون هذه الأسوار يهدم و يغتال و يسوى بالأرض

اعجبتنى جملتك جدا
جزاك الله خيرا

اللهم امتنا وانت راض عنا

[maysam]

موضوعك كتير حيوي يا امنية

لا طبعا مش معقدة

في امور بتخضع في حياتنا لذوق العام وحاجات لذوق الشخص نفسه
يعني في ناس بتحب تلبس اكسسوارات وتستعمل ميك وناس ما بتحب
المسالة اذواق بس مش معناه ان اللي مش ماشي بالتراك العام يبقى شاذ او معقد ، بالعكس اللي بيفكر بهذه الطريقة بيكون هو المعقد ، لانه بيعمل اللي بيعمله لانه مجرد لازم يتعمل من وجهة نظر الناس ، مش لأنه هو عنده الدافع انه يعمله!!!! والانسان اللي متعود ينتقي اللي يناسبه ويختار حسب شخصيته هو اللي بعتقد انا شخصيا انه بيفهم ..ببساطة انسان مشغل عقله ومكلف خاطره انه يشغله يعني ، هو الواحد يعني لازم يكون ماشي بقطيع من غير ما يفهم يعمل زيهم!!

اقول لك على شيء مثلا ، انا لما كنت صغيرة بابا كان رافض مثلا اني احط حلق ، بعدين انا حطيته لما كبرت وكان كتير يعلق اوقات لما يشوفني لابسة اي اكسسوار ويقول لي مش فاهم انتوا بتحبوا الحاجات دي ليه.. دي كلها رموز عبودية.. وكان الجملة ترن عندي كل ما احب البس مثلا ارجع افكر فيها اقول اه يمكن ، وعشان هيك انا كتير قليل بستعمل الاكسسوارات او بتكون مقتصرة جدا من غير ما يكون over

لحد الآن مش بحب البس اكسسوارات كتير او دهب ، دا انا حتى نسيت شكل الدهب اللي عندي ,لأنه انا نوعي بحب البساطة وبكره البهرجة الزيادة سواء باللبس او الاكسسوار ، باحس انه ليه اغير طبعي ليه؟؟ وعشان ايه؟ وعشان مين؟.....ببساطة دي حريتي الشخصية ما يهمنيش راي غيري بالموضوع

نفس العملية بالنسبة للميك اب ، انا الحالة اللي بحط فيها ميك اب بيكون ظاهر هي لما بكون متضايقة بس!!! بالاحوال العادية لو حطيت بيكون خفيف جدا جدا جدا يا دوب باين

شوفي يا امنية الواحد مش لازم يسمع كلام الناس كتير لأنه حيتعب
يقولوا معقدة ..يقولوا متخلفة.. مش مهم يقولوا اللي يقولوه ، الحاجات دي ما تفرقش معاي اطلاقا

بعدين الانوثة مش بالاكسسوار والميك اب
في مقايس تانية طبعا
ناس كتير تحط الميك اب وتلبس اكسسوار واخر موضة بس تحسي ما عندهاش انوثة
مش عبرة يعني!

[yasmina]

موضوعك حلو اوى يا امنية


انا من وجهة نظرى ان الحاجات دى بتقى اذواق

ولعلمك انا من الناس اللى بتحب الاكسسورات جداااااااااااااااا

يعنى مش مسئلة معقدة ولا حاجة

يعنى معنى كدة ان البنت الى مش بتلبس الاكسسورات ولا بتحط ميك اب

تبقى معقدة

لالالالالالاء طبعا
دة مش صحيح

ودى فى الاول والاخر (حرية شخصية)

[The Caesar]

أمنيه المعقده ..انتي من قلتي انك معقده وليس انا
فيه حاجه أسمها الحريه الشخصيه ..يعني كل واحد حر في شكله ولبسه حسب معتقداته وأفكاره
انتي بنت مسلمه ومقتنعه ..انك بتتصرفي صح ..بما يناسب دينك ومعتقداتك ..يبقي محدش له يتكلم معاكي نص كلمه ..حريه شخصيه
بنت أخري مسلمه تتقول ان ده عادي ومش مشكله ..والدين يسر مش عسر ..
وربنا غفور رحيم ..الخ من المبررات ..دي برده حريتها الشخصيه ..
بس يبقي مش من حقها تتبجح وتتيجي تفرض أفكارها علي غيرها
أنت مش معقده ولا حاجه ..انت أنسانه طيبه ومحترمهبتحافظ علي دينها في زمن فعلا الماسك علي دينه كالماسك علي جمره ...
و في رأيء المتواضع ان جمال الانثي مش في الاحمر و الالوان و المحزق و المزوق .. الي اخر تفانين الاجانب
جمال الانثي في عقلها وتواضعها و رو حها الجميله ..و ابتسامتها الصافيه الرقيقه وو جهها البشوش..
و طبعا ً في شكلها الحسن النظيف الظريف ..و حسن هندامها ....
انا كنت أعمل في مجال به أحتكاك بالوسط الفني..فأشاهد بعض الفنانات اللي الناس بتقول عليه جامدين اوي
و ايه الحلوه دي ..و صفافير وايه مش ممكن ..و كده
واقسملك بالله كنت أشاهدهن من غير " الميكب " و الاكسسورات ..حاجه كريييه ..تشمز منها النفس..كنت أحسن ان طبيعه الجلد نفسها بقت مقززه ...والاسنان صفراء من السجاير و الشيشيه ..والعيون دبلانه من حاجات أخري
حاجه وحشه أوي ..تدخل الست هانم حجره المكياج ..تخرج حاجه تانيه خالص
ما علينا موضوعك حلو وارجو ان تكون مشاركتي مفيده .و السلام عليكم

[دقه قلب]

يا امنيه مش عارفة اقولك انتى مكبرة الموضوع ولا هو فعلا كبير
بس انتى مش معقدة ولا حاجة الان اللى زيك كتير بس واضح ان انتى وسط ناس تفكيرهم مختلف عنك خالص
يعنى انا تقريبا بعمل كل اللى قلتيه
مش بحب الماكياج ولا الاكسسوارات ولا حتى الاكسسورات للموبايل ههههههههههه
بس عمرى ما حسيت انى معقدة
الان الحمدلله كل اصحابى تقريبا زييى
ف المشكله مش فيكى انتى ابدا بس فى اللى حواليكى
خليكى قويه وعندك ثقه ان انتى صح

[امنية]

ايه ده انتوا فهمتوا انى حالتى النفسيه بايظه بسبب الموضوع ده
لألأ انا فخورة انى مقعده ( من وجهه نظرهم يعنى)

انا غرضى من الموضوع انى افهم ليه مقياس البنت اتغير فى العصر ده
ومين اللى غيره وليه البنات اهتماماتهم بقت فى الحاجات دى؟

[محمدحسين]

امنيه
ذكرتى انها ثقافه مجتمع وهذه الكلمه تعنى الكثير لان معظمنا يفعل اشياء لايريدها أرضائا للناس أوحتى لايتعرض للأنتقاد
ولكن المفروض طالما الانسان مقتنع بشئ وليس فيه خطأ ولامخالفه للدين فليفعله حتى لايعيش فى ثوب غيره وحتى لايلغى تفكيره ويلغى شخصيته ولكن ان تكون هذه الاشيا ء معقوله ولاتخالف الدين والعادات
ماتقوليه يعنى البساطه وعدم التكلف وهذا فى رايك يميزك ويبين انك لست سطحيه وتهتمى بالجوهر اكثر من الظاهر
وأنا أقول دائما الناس ينتقدون سواء ارضيتيهم ام لا
أنا شايف ماتقوليه وتفعليه يزينك
اما تغير البنات فهو بسبب الانفتاح الكبير فى المعلومات ونقل الصور من العالم ومن مكان لاخر فالفضائيات تنقل كل انواع الموضه والصيحات ولكن هل السير وراء الموضه هو سر نجاح الغرب أم نحن نستورد أفكارهم التى لاتناسبنا ونرفض فكرهم فى العمل ؟؟؟
ليست كل البنات كما تقولين والدنيا فيها اختلافات كاصابعك يديك
ويجب ان تكون أمنيه ولاتكون صوره لأحد اخر حتى يكون لك شخصيتك التى تواجهينا بها الدنيا والا ستعودى الى الاخرين فى كل شئ فى حياتك وتصرفاتك

[نيهال]

بصى يا بنتى
مش لازم تكونى اوفر زى بقيه البنات علشان يقوللوا عليكى بنت
بس كمان مش تكونى مهمله
يعنى الاعتدال حلو وكل ما كان الانسان بسيط كل ما كان مميز فى كل حاجه
الخلاصه يا جميل
البساطه مش عيب ..بس المهم تكون فيها شياكه وكده
اضربللك مثال
اعرف واحده بتحل الكاجوال جدا.....والمشكله ان الكاجوال مش ملائم لكل الاوقات
لكن لو انتى لبستيه بذوق وبشياكه فحيكون ملائم لاى مكان الا المناسبات طبعا
وكده يعنى
فهمتينى

[snow white]

مين قال انك معقده؟
لا طبعا مش معقد ولا حاجه
وانا متفقه مع معظم الاراء اللى اتقالت من اصحابنا

خاصه اللى بتقول ان دى حريه شخصيه وانى معظم البنات زيك
وانا واصحابى زيك الا فى المناسبات ممكن نستعمل الاكسسوارات والحاجات دى

وكمان دينا يمنع الحاجات دى وحرام اننا نتزين خارج البيت والله اعلم

موضوع جميل يا امنيه
بس ياريت تخليكى على طبيعتك وميهمكيش من كلامهم خالص
دمتى فى رعايه الله ياحبيبتى