موضع مثار الان
حيث تسعي الحكومه المصريه الي انشاء مفاعلات نوويه للاستخدامات السلميه ..
ما رأيكم يا ابناء مصر في هذا الطلب في هذا الوقت بالتحديد
وفي نفس الوقت رفضت مصر ان تكون ايران دوله نوويه ..لانها تهدد المنطقه !
وفي نفس الوقت اسرائيل لديها ترسانه نوويه تكفي لمحو العرب جميعا ً !
واينعم بنطالب ان الشرق الاوسط يكون خالي من الاسلحه النوويه ..بس ودن من طين وودن من زفت الطين
ولا امم متحده ولا اي حد يهتم ..كأن اسرائيل دي دوله فوق الحسابات ولااحد يناقشها ولا أحد يقدر علي التجرؤ والاساءه اليها..والا كان عدو للصهيونيه وارهابي و سفاح و ووحش ومعندوش دم ..
ما علينا خلينا في موضوعنا
ايه رايكم في طلب مصر ده انها تكون دوله نوويه ..هل هذا يخدم المصلحه الوطنيه ..في شيء
لي أحد الاصدقاء قال لي رايء مضحك
" اذا كنا فشلنا في مشروع زي مشروع القمامه ..وما عرفناش ننضف شوارعنا ..يبقي هنعمل مشروع نووي ..
الوداع يا مصريين ."
احب اعرف رايكم ايه !!
انا بعتقد انه لو كانت فكرة ان مصر تدخل المجال النووى فكرة نابعه اساسا من الاهتمام بالمصالح العليا للوطن
بمعنى ان هيكون فى دعم حقيقى واقعى كافى ويكون فى شىء من حريه البحث للعلماء (بمعنى اخر رغبه حقيقيه ) يبقى ممكن ننجح
ولكن
واه من لكن
لو كان الموضوع يعنى مجرد فرقعه اعلاميه ومن باب شمعنى ايران وهى احسن مننا فى ايه
ولو كان الموضوع دعم امريكى برقابه امريكيه وعلماء امريكان وفنيين امريكيين وممنوع اى زبال مصرى يقترب من المنطقه
يبقى خلينا دوله نايمه اقصد زى ما احنا احسن
__________________
لا اله الا الله
عدد ما كان وعدد ما يكون
وعدد الحركات والسكون
النمط الخطي
