أنا مش أنا ... حد فاهمني هنا !!

[violin]

يمكن يكون موضوعي غريب

لكني فعلا محتاره
ومحتاجة لرأيكم

انا حاسه اني مش انا

احساس غريب

ليه الانسان يحس انه مش نفسه
او هو من داخله يكون عايز يكون شيء معين
ولكن بيظهر عكسه او مختلف عنه

معليش عارفه أن كلامي ملخبط
لكن هو اللي حاسه به الآن

محتاجه حد يفهمني ويرد علي

[دقه قلب]

احيانا اشعر بما تتحدثين عنه

يعنى ساعات بحس ان كل الظروف حواليا وكل الدنيا بتجذبنى فى عكس الاتجاه اللى انا عايزاه
وبمشى معاها الانى مضطرة
ولكن يبقى دائما احساس انه كانها قصه اخرى
كانى بعيش حياة حد تانى وانا ذاتى متفرج بيتابع ما يحدث فقط
بدون اى تدخل او محاوله تدخل للتغيير
وده احساس صعب الان ما يحدث يحدث لى وما يضيع من وقت هو من عمرى انا وليس من حياة اخرى
وما يحدث سواء خير او شر يؤثر علي انا وان الحياة مش قصة اقرئها و تنتهى الانها نهايتها هى نهايه حياتى
الموضوع كبير
ولى عودة اذا تيسر الوقت
تحياتى لك فيولين

[نيهال]

مش تقلقى يا فيولين
تقريبا كلنا كده
واحيانا كتيره لما بتضايقى من اى موقف وحتى لو كان بسيط بتحسى ان محدش فاهمك فى الدنيا
وكمان للاسف زى ما قالت دقه قلب
كاننا عايشين حياه اى حد غيرنا
لكن مش حياتنا احنا
باللى احنا مؤمنين بيه وكده
حتى بتلاحظى لو حصلت ازمه مره واحده او اى حدث سعيد او محزن فجاه بتحسى الانسان كانه بيصحى لحاله ويوفوق لكن بعد شويه على حسب قوه الحدث بينسى اى حاجه وبيكون فى التوهان من جديد
واهى الحياه بتمشى
بس الشطاره بقى بتكون انك تفوقى نفسك اول باول
ازااااااااااااااااااااى
بتعتمد على مدى استياعابك وحاجات انا بحاول اعرفها
لانى مش عارفه حاده فى اى حاجه دلوقتى خالص


فهمتينى؟