اردت ان تشاركونى فرحتى

[بكــار]

السلام عليكم ورحمة الله وبركاته
اخوانى واخواتى اعضاء وعضوات منتدىابن مصر الكرام
اعلم انى مقصر فى حق كل عضو منكم لكن والله ظروفى تمنعنى من الانتظام
فها هى الامتحانات قد دقت الابواب والكل يعلم ازمة الامتحانات
عمتا كل عام وانتم بخير بمناسبة حلول عيد الاضحى الكريم
خبر اردت ان تشاركونى فرحى به
فقد تم بحمد الله نشر اول عمل لى
اسمه انا المصرى
فى مجلة تسمى مجلة القناه
وسوف يتم باذن الله نشر عمل لى كل اسبوع فى نفس المجلة التى سوف اكون باذن الله مراسلا
صحفيا فيها
ما تتخيلوش
انا فرحان اد ايه لمجرد النشر
وعقبالكم كلكم ان شاء الله

المشاركة الأصلية بواسطة ملك الرومانسيه

انا المصرى اشوف

الويل ولا اتهزش
يكون الهم جوايا
واقول مواويل
ما تتعدش
اخوض فى بحور
من الاحزان واعدى
سليم ولا اتبلش
سمار الارض جوايا
ولون الورد
على خدى
بشوف البسمه
تهدينى لاجمل
ذكرى بتعدى
انا المصرى تاريخ
وحياه حضاره
ومجد من بعدى
انا المصرى اسد مغوار
عشان احميكى
يا بلادى ادوس فى النار
اتوه فى جبال
عشان نصرك
واعدى بحار
عشان انا مصرى
ودا طبعى اسد مغوار
خضارك فيكى بيقول
لى يا واد اسمع
دى ارض النيل
ومحروسه نجوم تلمع
عليها بعز وكرامه
قلوب تجمع
قلوب ملهاش غير
الاحسان فى يوم ينفع
لمين غيرك ؟؟
لمين غيرك يا مصر الخير
هشيل همى
بروحى افديكى يا بلادى
واروى ترابك بدمى
ياارضى ومجد اجدادى
يا مصر يا امى
انا المصرى انا المصرى انا المصرى

ودا لينك العمل فى ابن مصر
انا المصرى
تقبلوا فائق احترامى ومودتى وتقديرى واخيرا
انا اسف عن تقصيرى فى حقكم

[أحمدكمال]

احنا فخورين بيك يا ابراهيم

ربنا يوفقك

ومتنسناش لما تكبر بقى

[yasmina]

طبعا الف مبروك يا هيمة


واحنا فعلا زى ما قال احمد كمال

احنا فخورين بيك

[نيهال]

بسم الله ما شاء الله
الف مبروك ابراهيم
وبالتوفيق ان شاء الله
وبجد بجد
احنا فخورين بيك كتير

[Honey1900]

الف الف مبروك يا ابراهيم

ربنا يكرمك و تبقي كل اللي انت عايزة سواء صحفي

او اي حاجة تحبها

[عتاب]

الف مبروك يا هيما
ويارب دايما نسمع عنك سمع خير
بس ماتغيبش عننا تاني والا هانقول اتكبر وماعدش بيقعد مع المبتدئين
لسه امبارح كنت بقول فين هيما اتاري بركات الشيخة عتاب شغاله
الف مبروك مرة تانية ومليون مرة يا شاعر ابن مصر

[دقه قلب]

الف مبروك يا ملك
من نجاح لنجاح باذن الله

احنا فعلا فخورين انك واحد من اسرتنا الجميله اسرة ابن مصر

ربنا يوفقك
كل سنه وانت طيب

[الورد الجوري]

باسم الله ماشاء الله عليك
الف مبروك يا ابراهيم
بجد فرحتنا
و طبعا عايزين الحلاه انت دلوقتي مش قليل
يعني معاك فاتفضل ادفع .. و اوعه تقول حاجه ساقعه لان الجو مش مستحمل
ربنا يحققلك كل اللي بتتمناه
و كل سنه و انت و عائلتك بصحه و سعاده

[snow white]

بجد؟؟
بسم الله ما شاء الله

ربنا يوفقك كمان وكمان يارب

وياريت تحاول متغبش عن المنتدى ... ولا خلاص اللى على على؟؟ ههههههههههههه

ربنا يوفقك يارب والف الف مبروك لنشر اول اعمالك
وان شاء الله من نجاح لنجاح اكبر يارب

[كتائب الاقصى]

ألف مبروك ياهيمه وإلى الأمام دائما متمنيا من الله لك التوفيق
دومت بحفظ الرحمن

[ابن مصر]

الف مبروك يا ابراهيم ... و من توفيق لاخر ان شاء الله

[maysam]

الف مبروك يا هيما
برافو عليك فعلا
من اجمل الأخبار اللي سمعتها اليوم
انت اثبت موهبتك باصرارك والنتيجة ان شاء الله تكون دايما من نجاح لنجاح
امنياتي لك دائما بالتميز

[بكــار]

المشاركة الأصلية بواسطة أحمدكمال

احنا فخورين بيك يا ابراهيم

ربنا يوفقك

ومتنسناش لما تكبر بقى

احمد باشا كمال
الزعيم المتوج على عرش بن مصر
القائد المحنك وقت المحن
الرائد المفكر
والمدبر العاقل
والمرشد الرشيد
اخى الفاضل وصديقى العزيز
مهما علوت ومهما ارتفعت فلو علوت عليكم لسقطت
ياعمنا بس لما نكبر وقتها هشوف هعمل ايه هههههههههههههههه
وانا بجد فخور بيكم لانى فى يوم من الايام لقيت فيكم الى يشجعنى والى يقف جنبى

كل سنه وانت طيب ياحمد

[بكــار]

المشاركة الأصلية بواسطة yasmina

طبعا الف مبروك يا هيمة


واحنا فعلا زى ما قال احمد كمال

احنا فخورين بيك

الله يبارك فيكى يا ثومه
انا سامع انك تعبانه
يارب ترجعلنى بالف سلامه
وكل سنه وانتى طيبه

[بكــار]

المشاركة الأصلية بواسطة نيهال

بسم الله ما شاء الله

الف مبروك ابراهيم
وبالتوفيق ان شاء الله
وبجد بجد

احنا فخورين بيك كتير

اختى العزيزه التى اجد منها التشجيع الدائم
ربنا يبارك لك ويعزك يار ب
وكل سنه وانتى طيبه