في الحقيقه حاجه تخنق
علي الرغم من كل المصايب اللي عملها الا ان كل الناس متعاطفه معاه
وانا منهم لا انكر ..
اتذكر كان عندي مقطع فيديو مصور ازاي بيتخلص من اعداؤه او معارضيه
اتحكالي كتير من ناس عاشوا هناك الديكتاتوريه الصداميه بحذافيرها
ازاي كان يوم ميلاده ده عيد رسمي بالعراق
شفت كل شيء عليه صورته
من اول الاستيكه الي ساعة الحائط .. كل نفس هناك كان مرسوم عليه صورة صدام
اتحكالي عن عدي وقصي وازاي صفوة المجتمع كانوا بيمنعوا بناتهم من الظهور في الاماكن العامه خوفا منهم
وعلي الرغم من كووووووول ده .. مسمعناش في عصره المصايب اللي بتحصل بين الشيعه والسنه
العراق في عز حصارها كانت قويه كان فيها كل شيء علي الرغم من الحصار
ساعات كتير بفكر مين الحاكم العربي اللي معملش اللي عمله صدام مع شعبه ... كوووولهم كده بس بنسب متفاوته لكنها كلها في اطار كبت الشعوب
شفت انه الفرق الوحيد ان صدام قدر يتحدي امريكا ... غير مسح لها جوخ
في النهايه صدام كان لازم يتحاكم علي جرايمه .. والعقوبه اللي يستاهلها اكيد الاعدام
لكن يتحاكم من الشعب اللي اتظلم .. يتعاقب بشكل يليق بالعراق كدوله وشعب لانه مهما كان في يوم من الايام كان رمز لها
مش سفاح يعدم سفاح ..
بصراحه مدايقه جدا ويمكن تفكيري مشوش مش قادره احدد هل انا اتعاطف معاه اولا
فيه عراقيين زعلوا عليه بجد .. حزنوا لدرجة القهر شفنا ده في عراقين مقيمين هنا
ماهم شعب برضه ليه مافرحوا ونزلوا الشارع زي اللي شفناهم بالاخبار !!
يمكن يكون لي عوده ... واحتمال اكبر معدش
النمط الخطي
