على الرغم من أنى أهلاوى حتى النخاع بس كان لازم اقول ان الزمالك النهاردة كان مختلف تماما عن أى مبارة سابقة قد لعبها فى الدورى هذا الموسم ... بجد أخير الواحد بدأ يشعر ان الزمالك بيعود من جديد.. بجد تحسن مستوى الزمالك تماما إذ أن لاعبي الفريق بذلوا مجهودا كبيراً للظهور بشكل مميز خلال المبارة ... و كان بأمكانهم تسجيل أهداف أخرى لولا تصدى حارس مرمى الأهلى عصام الحضرى ( ماشاء الله ) لكل الكرات .. بجد ياريت يستمر الزمالك فى هذه الصحوة و تكون بداية عودة النادى الزمالك لحالته الطبيعية اللى كلنا اتعودنا عليها .. نادى الزمالك .. لعب و فن و هندسة.. و علشان كده انا اعتبر النتيجة النهاردة مش تزعل حد بالعكس انا شايف انها بطعم الفوز للزمالك بسبب عودة الروح للفريق حيث خسر الزمالك المبارة بهدفين مقابل هدف في لقاء شهد إهدار ركلة جزاء من عمرو زكي في الدقيقة 13 ..
مبروك للأهلى الفوز بالمبارة و الأقتراب جدا جدا من درع الدورى المصرى و الف مبروك للزمالك عودة الروح للفريق و إن شاء يكون الموسم القادم موسم يكون فيه منافسة بجد بين قطبى الكرة المصرية حتى نشعر بسعادة و نستمتع بالكورة و اللعب بجد ..
__________________
آخر تعديل بواسطة Half-Magic ، 31-12-2006 الساعة 03:09 AM.
اولا الف مبروك للنادى الاهلى فوزه على النادى الزمالك
وتقدمه بثبات نحو الاحتفاظ بالدرع
ثانيا
عايز اقول رايء بصراحه
لاعبى النادى الزمالك
كانوا بلعبوا عشان كل واحد يحقق
ذاته باثتثناء البعض طبعا
زى جمال حمزه
الى باعتبره احسن واحد ف الزمالك الموسم الحالى
وكمان عبد الواحد السيد
والقبانى
فيما عدا ذلك ياما فيه ناس مش ظهرت خالص فى المباراه
ياما كان فيه ناس بتلعب عشان تحقق ذاتها
وخاصة عمرو ذكى بعض ما ضيع ضربة الجزاء
ومحمدابو العلا
وابراهيم سعيد
الى قبل الهدف الاول بثوانى شاور لجمهاير النادى الزمالك مع انه مفترض يركز فى اللعب الى ما بعد المباراه
بعدها احزر فلافيو الهدف الاول مع ان الى كان مراقبه ابراهيم سعيد
عمتا انا باعتبر المباراه من اجمل مبارايات الدورى على الاطلاق
لانها شهدت فرص ضائعه
وشهدت اهداف
وشهدت متعه
واثاره
الخ
ومن وجهة نظرى البحته
انا باعتبر النتيجه عادله ومرضيه للجميع
والف مبروك للنادى الاهلى
الاهلي حديد .. هما كده ييجوا قدام الاهلي ..و يشدوا حالهم ... بس فعلا اداء الزمالك كان كويس اوي ..الزمالك عنده لاعيبه حلوه اوي ..بس ينقصه اللعب الجماعي ففعلا كان ظاهر روح الانانيه لبعض اللاعبين مثل اللاعب عمرو زكي..مش عايز اقولكم بنقول عليه ايه .. بس الروح اللي لاعبوا بيها قدام الاهلي روح قويه نرجوا انها تستمر..عشان يبقي فيه منافسه احنا زهقنا بقي ..مكسب مكسب ..حاجه مملله يالا كل سنه وانتول طيبين ..والعام القادم نعيد علي الزمالك برضه ..سلام
بما انى زملكاوى
المفروض انى اكون زعلان جدا للهزيمة
بس والله بجد انا فرحان جدا
علشان حاجة واحدة بس شكل لفريق ياا جماعة بداء يرجع لوضعة فعلا
انا اعتبرت ان العيدية وصلتنى منى لعيبة الزمالك بشكلهم الجديد دة
والجون الى اسامة حسن جابة دة انا اعتبرته فعلا جون الصحوة وجون الشكل الجديد
جون كما لو كان هو جون الفوز
واعتبر دلوقتى ان لزمالك كسب فى مباراة الاهلى دى
وبعدين احمد كمال بيتكلم على الدفاع
الزمالك فى لعيبه كويسه جدا ينقصها فقط انها تنسى الانا وتفتكر انهم فريق واحد
بس ولازم يكسبوا
عمرو ذكى ياخد فى المباراة دى 4/10 مش علشان ضيع ضربة الجزاء لا علشان ضيع فرص كتير كانت ممكن تكون اجوان لولا تمسكه بمنطق انا ثم انا ثم انا ومن بعدى الاخرين فى اكتر من فرصة كانت تتلعب لغيرة وتكون سهلة جدا ان عصام الحضرى يدور عليها فى الشبكة
وعبد الواحد السيد اعتقد انه فعلا حارس العرين القوى رغم انه مرماة جه فيه جونين بس ميتحاسبش عليهم بقاله قد يه مش بيلعب وبقاله قد ايه مصاب
لو عبد المنصف الى واقف فى حراسة المرمى كان الزمالك فى المباراة دى متشكرين وكان هيبقى اسكور عالى للاهلى
انا كزملكاوى مش عاوز اكتر من الى حصل فى المباراة دى واعتقد كمان اللعيبة عاوز تحب بعضها كمان شويه علشان يفضلو كدة واحسن
وكل سنه وانتم طيبين
وقريبا نرى الزمالك بشكل جديد
وانتظرو زمالك جديد فى الدور التانى ان شاء الله
النمط الخطي
