بسم الله الرحمن الرحيم هذة حكاية قلبى فى الحب كانت اول تجربة لى فى الحب عندما قابلت اول انسانة كان يوم من اسعد ايام حياتى قلبى قالى ان الانسانة دى الى انتا بتدور عليها فى حياتك كان اول كلامى معاها كان جميل جدا وحاسيت ان فى تقبل وقولت لنفسى ان الدنيا دحكتلى كانت شغالة فى مكتبة وعرفت لما هيا قالتلى فى اليوم دة انا لما روحت البيت وكنت فى منتهى السعادة ولما قعدت مع نفسى كنت بفتكر كل الكلام الى كان بيتقال بينا وكنت بفتكر كان شكلى عامل اية ساعت ماقابلتها المهم انى اول حاجة فكرت فيها اول ماصحيت من النوم انى اشوفها وفعلا رحت شفتها بس من غير ما هيا تشوفنى طبعا علشان هيا فى مكان شغلها ومش ينفع انى اتكلم معاها فى اى حاجة فا انا قولت انى علشان اتكلم معاها لازم استناها لما تخرج من الشغل وفعلا استنيتها لحد ما مليت من الانتظار المهم هيا خرجت ولما بعدت شوية كدة قربت منها قولتلها انى عاوز اتكلم معاها فى موضوع مهم قالتلى اية هوا الموضوع دة ردت عليا قالتلى انها اجازتها يوم الجمعة قولتلها اوكى يعنى مش ممكن انى اقابلك يوم الجمعة سكتت كدة لمدت دقيقتين كدة وقالت انها موفقة وفعلا اخدت منها الميعاد والمكان ورحت قابلتها والصراحة كنت قلقان جدا منها كنت عاوز اقولها انى اعجبت بيها وبحبها كنت خايف لما اقولها كدة وفى نفس الوقت مش عارف هايكون رد فعلها ايةللكلام المهم انى لما قابلتها قالتلى اية هوا بقى الموضوع الى انتا عاوز تكلمنى فية قولتلها انى معجب بيها وحبتها المهم سكتت لما انا قولتلها كدة فا انا قولتلها فكرى فى الكلام دة وردى عليا دى كانت اول مقابلة مابينا المهم مرت الايام واحنا بنقابل بعضنا لحد مافهمنا بعضنا اكتر وحبينا بعض كل يوم اكتر من الى اولة لحد ما فى يوم من الايام كان يوم جمعة بردة وقالبتها وكنا فى غاية السعادة وجيب فولتلها يلا نمشى علشان انتى اتأخرتى قالتلى مش عاوزة اسيبك قولتلها لاء لازم تمشى علشان البيت عندك مش يكون فية مشاكل المهم قالتلى كمان شوية قولتلها ماشى بس مش عاوزك تتأخرى المهم الى حصل ان صاحب الشغل اتصل بيها فى البيت مع ان كان اليوم دة اجازة ليها اتصل بيها وقالها انة عاوزها فاراحت قبل الميعاد الى بينا قالها انتى فاضية قالتلة عادى يعنى قالتلة انها رايحة مشوار قالها خلصى مشوارك وخدى فلوس علشان تشترى حاجات للمكتبة وهيا نسيت تقولى فا واحنا ماشيين افتكرت الموضوع دة قالتلى وقولتلها الوقت اتأخر ولازم تروحى ومش مهم الحاجة دلوقتى قالتلى لازم اشتريها قولتلها اوكى رحنا اشترينا الحاجة وركبتها علشان تروح وروحت انا بس كانت بتقولى لو مش شفتنى بكرة تعرف ان حصل حاجة قولت ربنا يستر بقى على بكرة والى فية المهم الى حصل ان صاحب الشغل اتصل بيها فى البيت اكتر من مرة لحد ما الى فى البيت عندها قلقوا هما كمان عليها جدا فاوالدها راح لصاحب الشغل عندها واستنوها ولما هيا دخلت من الباب كانت فى حالة زهول تام المهم اول حاجة سالها عليها والدها انتى كنتى فيين قالتلة كنت عند واحدة صاحبتى قالها انتى بتكذبى عليا فاكررر السؤال تانى فاهيا ردت وقالت انا كنت مع واحد اسمة كذا.... وبيشتغل كذا .... وبحبة جدا وهوا كمان بيحبنى وكان رد فعل والدها كان شديد جدا عليها راح ضربها الم انما اية بطريقة غبية جدا وقالها ادامى على البيت ولما روحت بقى عينكوا ما تشوف الا النور المهم انها اتعرضت لاهانة شديدة جدا وهيا فكرت انها تسيب البيت وتبعد عنهم لان والدها وامها كانوا مش متفاهمين معاها والكل كان بيحاربها والدها ووالدتها ففكرت انها تسيب ليهم البيت وتمشى لان هما مش قادرين يفهموها فاهيا مشيت وجاتلى البيت وهيا فى حالة مش قادر اوصفهالكم واللهى فى حالة انهيار ودموعها نازلة بتجرى ورا بعضها فا انا حاولت انى اخليها تهدى شوية فا انا فى اليوم دة كان كل الى انا بفكر فية هوا انى الاقى طريقة ترجع بيتها ومن وقت للتانى اقولها اتصلى بيهم علشان خاطرى طمنيهم عليكى علشان هما دلوقتى قلقانين المهم خلتها تتصل بيهم لحد ما طمنتهم عليها وقالتلهم انها عند واحدة صاحبتها المهم انا اقنعتها اخيرا انها تروحوالحمد لله ان الامور رجت زى الاول وروحت بخير فى اليوم دة كان اليوم دة من اصعب ايام مريت بيها فى حياتى كلها وبعد كدة انا اتصلت بيها علشان اطمن عليها قالتلى ان فى تطورات حصلت انها اهلها حبسوها فى البيت ومنعوا عنها الخروج نهائى قولتها طيب انا اشوفك ازاى قالتلى سيبها لظروفها وبعد كدة انا قولتها انى هاجى فى اول يوم جمعة فى اول الشهر الجديد علشان انى اقابل اهلها واتقدم ليها فامرت الايام وجة اليوم الى انا وعدتها فية انى اجى البيت عندهم ورحت لوحدى واللهى وكنت فى منتهى الشجاعة وقابلت والدتها وسألتها فيين والد الانسة فا قالت انة راح عند جماعة قرايبة المهم انى اتكلمت معاها وحاكيتلها على ظروفى كلها وانى جاى لهدف انى اقابل والدها واتكلم معاه بس الى حصل بقى قولت ليها انا ممكن اقابلة مرة تانية قالتلى ربنا يسهل قالتلى انتا مش معاك رقم التليفون ابقى اتصل بينا يوم الجمعة علشان تتكلم معاة وتحدد معاة ميعاد علشان اقابلة فية قولت مافيش مشكلة الحمد لله واتصلت فى الميعاد المحدد وحصل الى حصل ان لما اتصلت اختها ردت على التليفون وقالتلى مين معايا قولتلها انا كنت عندكم ومش لحقت اكمل كلامى ردت عليا وقالت هوا انتا مش تعرف الى حصل قولتلها لاء واللهى مش اعرف حاجة قالتلى ان اختها اتقرا فتحتها لواحد قريبهم انا كل الى انا قولتة بعد الكلام الجميل الى انا سمعتة دة 3 كلمات مش اكتر قولتلها الف مبروك..وربنا يتمم لها بخير....ومع السلامة وبعد كدة انقطع اتصالى بيها فا انا ارجوا منكم انكم تقولولى اية الى انا ممكن اعملة امضاء عمرو اورجانزا
حكاية قلبى مع الحب
عمرو اورجانزا 
النمط الخطي
