مبارك 2028 و مبارك علينا (برقية تهنئة )

[kaed]

مشهد صباحى ...... القصر الرئاسى . عام 2028
مبارك الإبن . إصحى يابابا الساعة بقت واحدة الضهر
مبارك الأب . في إية ياولة خضتنى الله يقلك منامك يابعيد
مبارك الإبن . إنت نسيت و لا إية يابابا
مبارك الأب . نسيت إية ياولة
مبارك الإبن . أنت مش كنت و عدتنى يا بابا إنك أول ماحتكمل ميت سنة حتتنازل عن الحكم وتسيبنى أحكم البلد
مبارك الأب . أيوة صحيح
مبارك الإبن . طب يا بابا ما إنت تميت ميت سنة خلاص ولا إنت ناوى إية
مبارك الأب . لا ياحبيبى أنا قصدى أول ما أتم ميت سنة فى الحكم حتنازلك عن الكرسى على طول و تحكم براحتك يا واد
مبارك الإبن . يانهار إسود و أنا حستنى كل دة
مبارك الأب . أيوة يا خويا ولا إنت عايز تورثنى بالحيا ولا إية

.................. ولا عزاء لشعب مصر

مبارك علينا ترشيحك لفترة جديدة ياريس مبارك واللة العظيم من ساعة مامسكت الرياسة و إحنا أحوالنا إتصلحت جدا و إحنا كلنا عارفين و متأكدين إنك أحسن واحد للمنصب دة ياريس مبارك و الحمد للة فى فترة الرياسة اللى فاتت كنا مستنيين منك كتير وإنت كنت واعدنا بحاجات كتير و بعون اللة إنت نفذتها كلها و خلتنا فى أحسن حال ربنا يديمها عليك نعمة و يخليك لينا .................. على فكرة الحاجة أم أحمد بتسلم عليك كتير و بتبوس إيدك و السلام أمانة لكل اللى عندك ............. من حودة السمكرى إلى أخية و حبيبة الريس مبارك حسن مبارك رئيس شعبة السمكرية بنقابة المهن الحرة و السلام عليكم
تعليق
إنتم كنتم فاكريين مبارك مين
قـــائـد

[نيهال]

ههههههههههههههههه
ربنا يستر علينا


خللى بالك على نفسك

[kaed]

ربنا يخليكى يا نيهال الظاهر إن البلد دي بتثبت لنا يوم عن يوم إن اللى عايشين فيها هم أسوأ ما فيها

[رويتر]

الله يخرب بيتك انا كنت قولت خلاص فيه لسه ناس فى البلد رجعتللى الحماسه و بعدين رمتى من عاشر دور
الظاهران الرجاله ماتو فى الحرب ولا ايه؟

[magoo_gadoo2000]

اخونا الحبيب....kaed /بعد التحية والسلام....
رجعتنى لايام زمان....ايام الجنيه الورق والنصف جنيه الفضه وايام الرغيف ابو شلن وايام المترو والاتوبيس والقطر ابو ربع جنيه وحاجات كتيرة مش فاكرها دلوقتى لكن وعموما هى فرصه انى اتكلم معاك لانى مش لاقى حد اتكلم معاه الكل مشغول والكل فى حاله كويسه وطبعا مش فاضيين يتكلموا مع حد. وهيييييييييه الحياة ماشيه ويابنى الله يعينك عليها.......... وكفايه كدة .....ويس!!!!!!!!!!!!!!!!!!!

[hend]

ربنا يخلى لنا الريس

[visi0n]

اااااااااااامين يارب العالمين