اخــــــــــــــــتراعات في اكــــــــــلات

[شكولاته]

ازيكوا الحمد لله طيب كويسيين يعني اوكي
شوفوا انا هقولكم علي وصفات اكل سريعه من اختراعي ومن غير اي قيود يعني

الجوده بالموجود الصعايده بيقولوها كدهوانا منهم طبعا

والمطلوب هو ان اي بنت واي ست لازم تتصرف وتعمل اكل كويس بالامكانيات المتاحه في البيت وعلي وجه السرعه والحكايه ان زوجي رجع من الشغل جعان والشطوره اللي هو انا طبعا معملتش أكل ومطلعتش اي حاجه من الفريز يعني علشان ياكل مش اقل من 3 ساعات

في في الثلاجه ودي المقادير

جبن رومي
بسطرمه
بيض
زيتون
رقاق
بطاطس
بصل
طماطم
فلفل اخضر

يالا اجهزو للاختراع

هو المفروض طبعا ان الرقاق يبلل بالشوربه اللحم او الفراخ طبعا دول مجمدين لو موجودين خير
لكن انا عملته بالميه اه بجد
احنا قطعنا البصلتيين في قليل من الزبد واضفنا عليها البسطرمه مقطعه و2 طماطم مقطعين صغير و5 دقائق تقليب ثم البيض حسب الرغبه هما كانوا 3 وده الحشو

نحضر صنيه الفرن وندهنها قليل من السمن ثم نبلل الرقاق وبينه نضع جبن رومي مقطعه وفي المنتصف نضع الخليط السابق وعلي الوجع نضع جبن رومي وزيتون وزبده للاحمرار ونضعها في الفرن
ونقدم معاها بطاطس شيبس واي نوع من المخللات
هي ملهاش اسم غير اختراع يشبع الجعان


ملحوظةلست مسئوله عن النتائج وللاحتياط يرجي الاتصال بالاسعاف




الموضوع ده هقول في اختراعيتي وكل الللي يخترع حاجه يجي يقولها

[dorghamattia]

أكلة لذيذه وسريعه

حاولى اكلة اسرع وشكرا

[عتاب]

تصدقي يا شيكو حاسة انها اكله لذيذة جداااااا
جوعتيني والله
ان شاء الله اجربها وابقى اقولكم النتايج لو كان ليا عمر بعدها
تسلم ايديكي ياقمر ومستنيين باقي الاختراعات
بس انتى غايبة ليه اليومين دول
يارب يكون خييييييييييييييييييييير

[شكولاته]

لو عاوزين اكله اسرع من كده يبقي بيض مسلوق
احضار اناء به قليل من الماء والملح ونضع في البيض ونضعه النار ودمتم

عتاب بجد عجبتك عارفه طعمها قريب من البيتزا والجميل انها في البيت وضيفي اللي انتي تحبيه
لكن انا عاوزه اعرف انتي كمان اخترعتي ايه ولا ملكيش علاقه بالمطبخ؟

[كويين]

سهله و هذا المهم و عندى معلومه صغيره الملح فى الماء مع البيض المسلوق بدون فائده و البيض ما يأخد من الملوحه و لا صفر بالمئه

[maysam]

اهلا يا شيكو

موضوع وفكرة روعة

طل واحد بيدخل يقول شو اخترع

انا اخترعت مرة اكلة ، هم حبوها بس انا لا ما حبيتها

بس ما يضرش حابقى اجي واضيفها عندك

ويا ريت كل واحد تجرأ واخترع اكلة يقول عليها يمكن كلنا نستفيد

انا حاثبت الموضوع فترة عشان الكل يتشجع ويشارك

[شكولاته]

المشاركة الأصلية بواسطة كويين

سهله و هذا المهم و عندى معلومه صغيره الملح فى الماء مع البيض المسلوق بدون فائده و البيض ما يأخد من الملوحه و لا صفر بالمئه

السلام عليكم ورحمة الله وبركاته
مرحب بيكي كويين
طبعا معروف ان الملح البيش مش بيستفيد منه
لكن للملح في ماء السلق فائدتين
1- يجعل تقشيره سهل جدا بعد السلق
2- يقلل من نسبة الرائحه الغير مرغوب فيها للبيض
يعني مهم الملح
نورتي

[شكولاته]

المشاركة الأصلية بواسطة maysam

اهلا يا شيكو

موضوع وفكرة روعة

طل واحد بيدخل يقول شو اخترع

انا اخترعت مرة اكلة ، هم حبوها بس انا لا ما حبيتها

بس ما يضرش حابقى اجي واضيفها عندك

ويا ريت كل واحد تجرأ واخترع اكلة يقول عليها يمكن كلنا نستفيد

انا حاثبت الموضوع فترة عشان الكل يتشجع ويشارك

انتي اللي روعه وجميله ياميسم
كويس انها عجبتك
ومنتظره اعرف اللي اخترعته اكيد هنحبه
وشكرا للتثبيت ياريت الكل يشارك بجد اوقات الواحد لما بيخترع حاجه بالمتاح قدامه بتبقي جميله

[شكولاته]

السلام عليكم ورحمة الله وبركاته

هقولكم علي طريقة دجاج الشرقي بس علي طريقتي

المقادير
الموجود من فراخ وليكن فرخه واحده
ملحوظة : لو مفيش ممكن تستلف واحده من الجيران وراعي انك تعملها برفق وانت بتقطعها وتاكلها
بصلتين كبار
4 فصوص ثوم
2 طماطم
2 حبهان
فلفل اسمر
ملح
فلفل اخضر وياريت يكون حار نار
ملعقتين دقيق
ملعقه سمن

الطريقة
توضع السمن وتقطع البصل شرائح مع الثوم ويقلب للدبلان ثم تضاف الدجاجه بعد تقطعها قطع صغيره وتقلب للتحمير مع البصل والثوم واضافات التوابل ثم قبل النضج بقليل تضاف الطماطم المقطعه صغيرة مع الفلفل الاخضر وتقلب للنضج وقبل التحضير مباشره
تقلب الدقيق في قليل من الماء ويضاف للخليط وبالهنا والشفا بجد طعمها يجنن
وياسلام لو معاها بطاطس محمره وسلطه او مخللات بتجنن وسريعه جدا كمان وتشبع الجعان

ما زال الاحتياط واجب
ويرجي قبل الاكل الاتصال بالاسعاف

[شكولاته]

بمناسبه الدجاج ومعاملته
والانفلونزا اللي عنده
هقولكم طريقة جميله لغسله

العادي يتغسل بالماء والخل وبعد كده نضيف قليل من الملح والدقيق ونعمله بي كله ونتركه دقيقة ثم يغسل بالماء مره اخري
والنضج للغليان