السلام عليكم ورحمه الله وبركاته
كل الناس وكل الشباب والبنات وأنا معاكم يا ريت نخلى بالنا من أفعالنا وألفاظنا
كلنا عارفين إن فى حسنة جارية، بس فى كثير مننا لا يعرف أن هناك سيئة جارية
طبعا كلنا عارفين إن فى حسنه جارية زى ما قال الرسول صلى الله عليه وسلم (إذا مات إبن أدم إنقطع عملة إلا من ثلاث ( صدقة جارية، أو علم ينتفع به، أو ولد صالح يدعو له ) رواه مسلم
1-( صدقة جارية (حسنة جارية
مثال(تٍعلم أحد القراءن - تشترى شريط دينى أو تسجل إسطوانة دينية وتضعها فى المسجد - تساهم بالمال لو بالقليل أو تدعو أحد القادرين مادياَ فى إنشاء مسجد أو تساهم فى إنشاء أى شئ ينفع ويعم بالخير على المسلمين زى مستشفى السرطان مثلاَ أو معهد دعاه وكل واحد هايستفيد هاتأخذ عليه ثواب حتى إنتهاء هذه الحياه -أو التبرع بالدم كل فتره - أو أنك تساعد أحد محتاج مادياَ -أو تكون مدرس ناجح فى إسلوبة التربوى لإنشاء مستقبل شباب أفضل اللى إنت هاتتحاسب عليه أمام ربنا - أو خطيب مسجد بأسلوبه المتميز فى إلقاء الخطبة -أو ممكن رسالة دعوية على الإنترنت ممكن من خلالها يستفيد أحد من قرأتهاو تأخذ عليها ثواب كبير يكون شفيع ليك يوم القيامة - أو إنشاء موقع على الإنترنت يفيد المسلمين بالعلم فى أى مجال تحبه تستطيع من خلالة أن تساعد وتعطى فيه أو تساهم بمعلومة فى موقع - أو تكون فاعل خير والدال على الخير كفاعله ) وطبعا هناك الكثير والكثير من أنواع الصدقات الجارية.
2-
أو علم ينتفع به
مثال ( مدرس أو مهندس أو طبيب أو عالم أو صنايعى يجيد مهنته أو محفظ قراءن أو خطيب مسجد أو صاحب قناه فضائية أو صاحب موقع على الإنترنت لنشر العلم ...... وغيره الكثير والكثير ) كل هؤلاء يقدرو يفيدو الناس والبشرية من علمهم حتى تخرج ذُرية صالحه نافعة تدعو لك بالخير وكلها ثواب وحسنات بترسل إليك بعد مماتك فى ميزان حسناتك ونذكر من علمائنا ( أبو بكر الصديق و عمر بن الخطاب وأبو هريره والبخارى وبن الهيثم وجابر بن حيان والبصرى والإمام الغزالى والإمام الشعراوى ) ونذكر من أصحاب تلاوه القراءن وترتيل القراءن الشيخ الحصرى وعبدالباسط عبد الصمد ومشارى راشد الذى له موقع إسلامى بأسمه على الأنترنت وهناك الكثير والكثيرمن العلماء فى جميع المجالات لهم أفضال علينا فى نقل الدين والعلم والمعرفة بفضل ربنا .
3-
أو ولد صالح يدعو له
مثال ( إبنك أو بنتك أو تلميذك أو مساعدك فى العمل أو أى شئ تحت قيادتك تستطيع أن تنفعة وتفيده بخبرتك الحسنة فى أى شئ فيه خير للناس ) عارف ليه، عشان لما تموت تلاقى حد يدعيلك ويقول اللهم إرحم (أبى أو أمى أو فلان لأنه علمنى وأفادنى وجعلنى إنسان جيد وتخيل بقى أن اللى بيدعى ده خلف أولاد وعلمهم من العلم اللى إنت علمتة لية أو صرف عليهم كويس أو علمهم من أخلاقه الحسنه وأولاده خلفوووووووو أولاد،وعلمهم من اللى أتعلمه وهكذا شوف بقى الثواب والذرية الصالحة قد إية وخد بقى عندك الدعوات اللى بتيجى ليك فى ميزان حسناتك بعد مماتك.
الجزء الثانى من الرسالة
فى كثير مننا لا يعرف أو يعلم أن هناك سيئة جارية ترسل إليه فى قبره ذنوب ومعاصى وسيئات كثييييير ه فى ميزان سيئاتة هو فى غنى عنها بعد مماتة لم يعمل حساب لها ولم يفكر فى أضرارها
مثال
( رجل عَلم أولاده السرقة من جيوب الناس مهما كانت الطريقة وأولاده كبروو وخَلِفو وهكذا -أو أحد الناس كان يُعلم الناس كيف يتعلم المعصية ويتعلمها الأخر بإختلاف الطريقة والنوع زى مثلا ممثلين اللقطات الساخنة فى الأفلام - أو عن طريق نشر موقع إباحى أو فيلم غير لائق عن طريق الإنترنت أوالتليفزيون كل واحد بينشر موقع بياخذ ذنبه وكمان اللى كان أول واحد نشر الموقع ده بياخذ ذنب كل واحد جديد بيدخل فى هذا الذنب شوف بقى الموقع أو الفيلم أو الرسالة اللى انتى نشرتها كم شخص عرفة ودخل علية وكنت أنت أول واحد أعطاه لصاحبة وصاحبة أعطاه لأصحابة لغاية عدد لا يحصى كلها ذنوب بتتبعت ليك وأنت ماتعرفش غير بعد ماتموت - أو صاحب قناه فضائية أو رئيس محطة تليفزيونية طول اليوم يشغل فيديو كليب أو فيلم غير لائق أو برامج غير مفيده تنفع الناس هايتحاسب عليها أمام ربنا بماذا أفاد الناس بهذا الإختراع المفيد - وأصحاب مصانع السجائر والشباب اللى بتعزم على بعضها بالسجائر يوم القيامة هايطلب من صاحبة مقابل للسيجاره اللى ضرتة ودمرت صحتة وأيضا تجار المخدرات بجميع أنواعها - وكمان اللى بيقول فتوى دينية لأصحابة هو مش واثق فيها وتتكرر على مسامع الناس كل واحد بيدخل فى الذنب بياخد ذنبها وصاحب أصل الفتوى بياخذ ذنب كل واحد جديد - وكمان أصحاب مصانع الملابس اللى بتصنع وتصمم وتفنن فى الملابس اللى بتكون مثيره للشباب بهدف إنها موضة ونذكر منها البنطلون الضيق والبلوزه والقميص الضيق وغيره من تفانين الملابس المثيره كل ده عشان الموضة وأعلى زياده للمبيعات ويا حرام الناس بتروووح تشترى وهو كان أصل التصميم ،ده غير ذنب المصمم اللى هو إخترع ليه جمال وحلاوه التصميم اللى هو وافق علية أن هو ينزل منه موديلات فى السوق ده غير بقى البنت اللى بتشترى وتلبس وعَماله تاخذ ذنوب من عيون الشباب عليها - وطبعابعض الممثلين والمطربين ومؤلفين الأغانى المتلاعبة بالألفاظ الشباب بتسمع وتقلد وتردد وراهم زيهم وهما كانو الأصل فى البداية -ومننساش كل واحد بيبتكر أو يألف شئ أو يخترع حاجه يكون حسابه من وراها إيه) فى نماذج كثيييير للسيئات الجارية لو فكرنا فيها هانعرفها .
تعالى بقى هنا فى الاخر وقولى تحب تكون ميييييييين
من أصحاب الحسنة الجارية والصدقة الجارية ولا من أصحاب السيئة الجارية؟!
أسألك سؤال صغير قد كده
تقدر تقولى إيه هو الفرق بين بعض الممثلين والمطربين وبين الشيخ الشعراوى أو أحد علمائنا الصالحين بعد ما ماتو وتم دفنهم فى قبرهم !
الحـــل
*
الممثل أو الممثلة الفلانية أو المطرب أو المطربة الفلانية بعدما مات بيتعرض لية أفلام وأغانى غير لائقة من مشاهد مختلفة من إثاره أو غيره طبعا،هو نايم فى التربة ومش عامل حساب لليوم الحلو ده وطبعا كل لما بيتعرض ليه فيلم أو أغنية شوف بقى أنت إيه اللى بيحصل ده غير إن اللى بيتفرج على الفيلم بيتعلم ويقلد المشهد اللى الأستاذ كان بيمثلة .
*
تعالى بقى وشوف الشيخ الشعراوى أو أى أحد من علمائنا الصالحين بعد ماهو مات بيتعرض ليه درس ع التليفزيون وأنت بتستفيد منه وبتتعلم منه فى دينك أو أنك بتقرأ أحد الكتب بقالها فوق الألف سنه لأحد السلف الصالح والكتب ديه بيطبع منها نسخه جديده كل فتره لحد ما بتوصلك
أو بتسمع شريط قراءن بصوت مثلا الشيخ الحصرى أو المنشاوى أوعبدالباسط عبد الصمد أو محمد رفعت وغيرهم الكثيرين أو بتحفظ القراءن من خلال سماعك لهؤلاء القُراء من خلال شريط الكاسيت، الناس ديه كلها ماتت شوف أنت بقى إيه اللى بيتبعت ليهم فى ميزان حسناتهم ده غير الحسنات والثواب اللى بياخذه الناس الأخرى اللى مشتركة فى هذا العمل زى ( صاحب المطبعة والعاملين بها الذين قامو بالمشاركة فى هذا العمل ، منتجين الشرائط الدينية ومن قام عليها من عمل ، صاحب القناه الفضائية والمشتركين معه فى هذا العمل
، (المشاركين فى العمل لهم من الثواب دون أن ينقص من الأخرين شئ ).
تحب تكون مين فيهم صاحب
الحسنه الجارية ولا صاحب السيئة الجارية ؟
وطبعا رحمه ربنا فوق كل شئ ممكن شئ صغير لا تلقى له بالاً تدخل به الجنة مثل الرجل الذى سقى الماء للكلب العطشان بعد أن خلع حذائة ونزل بئر الماء وملئ الحذاء بالماء وصعد ليضع الماء أمام الكلب ليروى ظمأه
أشهد أن لا إله إلا الله وأشهد أن محمد رسول الله
منقول
النمط الخطي
