حصريا بالمنصوره .... يابنات يابنات

[مستكة]

مفاجئه ساره لبنات المنصوره

يسرنا ان نعلن عن قيام مهرجان " بنت لاول مره "

فقرات المهرجان ..

- شقاوة بنات ...

البنت ضحكه حلوه .. طيف وخفه وحلم غالي

حبيبة ماما .. دلوعة بابا

نوارة البيت ..

وليه لا لو الشقاوة متضرش ؟!

شقاوة بنات فقره شقيه جدا

- البنوتة الحلوة كبرت ..

البنوته الحلوه كبرت .. وحاجات كتير اوي في دنيتها اتغيرت ..

قلبها اتغير .. صوت دقاته بتتابع نبضاته ..

حياتها اتغيرت .. ملامحها اتغيرت

حلمها ماعادش الحلم النونو بتاع زمان ..

البنوته الحلوة كبرت .. ودي حاجه تستحق نتجمع كلنا عشانها

- قدام مرايتي ..

المرايه اقرب الاصدقاء لكل بنت ..

اول من تنظر اليه في الصباح ..

واخر ماتنظر اليه قبل النوم ..

تنقل اليك صورتك بوضوح ..

وتصارحك دوما بالحقيقه ..

هاتي مرايتك وتعالي

- كلام نواعم ...

البيت هو مملكة البنت الاولي ..

وهو المكان الذي يحتويها ويحتوي مشاعرها بكل صدق ..

البيت والمطبخ فن .. والبنت اجمل فنانه ..

وللفنون اصول ندعوكي لتذوقها معنا ..

- أسئلة البنات الحرجة...

قلوب البنات باحلام كالبلور ..

وتموج في صدرها مشاعر تغلي وتفور ..

وتمر بالبنات كتير من المواقف وتدور ..

وتطوف بالذهن تساؤلات خاصه جدا ..

تحتاج لاجابات خاصه جدا ..

لذا فنحن هناك .. لا تترددي هناك قلوب بانتظارك

يدير المهرجان نخبه من المحاضرين المتميزين في مجالات التنميه البشريه و الصحة النفسيه

والطبيه والتجميل بالاضافه لمحاضره دينيه في فقه المراه

وذلك بالتعاون مع جمعية الروان بالاسكندريه

وجمعية شباب المستقبل الخيريه بالمنصوره

وذلك في يوم الخميس الموافق 1/2/2007 بقاعة دريم بطلخا

من الساعه 12ظهرا نبدأ الفاعليات

سعر التيكت 2 جنيه

للاستفسار :

مقر الجمعيه : طلخا 3 ش البستان متفرع من طريق شربين

ت: 2544740

[Honey1900]

يا بختكواااااااااااااااااااا


دا مش قر دا حسد

[Half-Magic]

مهرجان خاص بالبنات مره واحده ... ماشى ماشى يا مستكة .. على العموم هو فكرته جديدة و كويسة ... و بجد الواحد يتمنى نجاح المهرجان و انه يحقق الأهداف المرجوه منه و انه يظهر بالشكل اللائق طبعا ... و الف شكر لك يا مستكة على هذا الخبر ... و عقبالنا يارب

[moon light]

انا من المنصورة بس عيشه في الإمارات للآسف
لو كنت هناك كنت لازم اروح احضر لانه حاجه كويسه يكون في مهرجان للبنات بس

[مستكة]

يافرحتي يافرحتي

كل اللي ردوا مسافرين ازغرط يا ولاد

انا عايزاه بنات المنصوره

ايه فين ورد وعتاب مينفعش كده


بس برضه لازم اشكر الناس اللي عبرت الموضوع

يا بختكواااااااااااااااااااا


دا مش قر دا حسد

اهلا يا بشمهندس

وياتري باه قر لاننا كلنا من المنصوره وهنتجمع ونشوف بعض وانت مسافر بره

ولا حسد عشان احنا بنانيت عساسيل ومهتمين بينا وانتو لا

ادعيلنا انت بس ربنا يوفقنا عشان ندعيلك ربنا يوفقك

مهرجان خاص بالبنات مره واحده ... ماشى ماشى يا مستكة .. على العموم هو فكرته جديدة و كويسة ... و بجد الواحد يتمنى نجاح المهرجان و انه يحقق الأهداف المرجوه منه و انه يظهر بالشكل اللائق طبعا ... و الف شكر لك يا مستكة على هذا الخبر ... و عقبالنا يارب

اهلا ماجيك ..

ايه هنبتدي قر ولا ايه .. طب استني اما الموضوع يتم علي خير

بجد والله ياجماعه محتاجه دعواتكم جدا .. ربنا يرزقنا الاخلاص في النيه والجد في العمل

ادعولنا بالتوفيق باذن الله

وان شاء الله يكون فيه شيء زيه للشباب بس انتو عارفين طبعا ان ليدز فريست

انا من المنصورة بس عيشه في الإمارات للآسف
لو كنت هناك كنت لازم اروح احضر لانه حاجه كويسه يكون في مهرجان للبنات بس

والله اكيد كنتي هتنورينا يا مون لايت

لكن معلش في الاجازه باذن الله نعمل شيء مماثل وتحضريه







يلا باه انا مستنيه ورد .. ايه مش عايزه تقابلينا ولا ايه

عتاب بالقوة الجبريه هتيجي مفيش حاجه اسمها اعذار

يلا مستنياكوا يابنات .. اومال منصوره ايه وجبهه وحرب .. متكسفوناش اودام الاعداء

[عتاب]

المشاركة الأصلية بواسطة moon light

انا من المنصورة بس عيشه في الإمارات للآسف
لو كنت هناك كنت لازم اروح احضر لانه حاجه كويسه يكون في مهرجان للبنات بس

اهلا يا حبيبتى منورة المنتدى
ان شاء الله ترجعي بالسلامة ونشوفك
انا قلت اول حاجة اعملها لازم ارحب ببنت بلادي


مستكةةةةةةةةةة
ايه الدوشة اللي انتي عاملاها دي
عتاب ايه وبتاع ايه دلوقت
مانا عارفة الموضوع من شهر
قلتلك فكريني قبلها عشان اشوف جدول مواعيدي
هو انا مخي دفتر هافتكر اليوم والساعه والمكان بعدها بشهر
جايين جايين شايلين في ايدينا سلاح
اهو ياستي نشيد المهرجان
عايزة تبوظ البنوتات اللي حاولت بكل الطرق اربي فيهم الوحشية والشراسة لمواجهة الاعداء
تقولي رقة ومراية وكلام فاضي من ده

[مستكة]

مش عارفه ليه حاسه بعد كل الكلام ده انك مش هتيجي برضه

ما انا عارفاكي ..

علي العموم الايام بينما

[The Caesar]

بالتوفيق

[مستكة]

[The Caesar]

مكرر

[نورالقمر]

ان شاء الله جايه يامستوكه
عتوبتى هيييه هنروح
اللى هيرجع فى كلامه
وانتوا احرار بقى
هو 1 فبراير ده امتى

[yasmina]

اية دة اشمعنا انتو يعنى يا بنات المنصورة

مفيش حد ناوى يعمل حاجة


للبنات القاهرين

[عتاب]

المشاركة الأصلية بواسطة نورالقمر

ان شاء الله جايه يامستوكه
عتوبتى هيييه هنروح
اللى هيرجع فى كلامه
وانتوا احرار بقى

هو 1 فبراير ده امتى

نور كمان جاية
خلاص كده هانيجي باذن الله
بس برده ابقوا فكروني بالمعاد