الطبع ولا التطبع؟!والنبى قووووووووول رايك

[enda]

اخواتى فى المنتدى العزيز..
انا النهارده جايه وجيبالكم موضوع معرفش هو حد كتب عنه قبل كده ولاايه بس على العموم
الموضوع محتاج لرايكم ومشاركتكم
يعني كل واحد كده زى الامور مش تقرا وتفلسع لارد وقول رايك يا حلو اوك
لان بجد ممكن يكون رايك نافع جدا وممكن يفيد غيرك كتييييير تمام
الموضوع عباره عن عده اسئله مطروحه وياريت نناقشها وكل واحد يقول رايه
الموضوع عن التغيير والتغير
السؤال الاول؛هل الانسان ممكن يتغير ولا لا؟
السؤال التانى؛انت ممكن تساعد حد على انه يتغير ولا هتمل ومش هيكون عندك طوله بال؟
السؤال الثالث؛الانسان لو تغير ممكن يثبت على التغيير ده ولا انت شايف انه هيرجع تانى زى ماكان يعني عملا بالمثل الى بيقول(الطبع بيغلب التطبع)؟؟
السؤال الرابع؛الانسان الى هيتغير ده نفسه ممكن يكون لاى مدى عنده رغبه للتغير وقدرة على التغير؟
ياريت يا اخواتى الرد والرئ لانه بجد موضوع محتاج كلام ونقاش منكم
وسلامى للجميع....
اختكم ايندا

[Half-Magic]

تم نقل الموضوع الى قسم دهاليز المجتمع بواستطى Half-Magic مشرف قسم البيت بيتك.

[Half-Magic]

موضوع كويس جدا يا enda و اتمنى من جميع الأعضاء المشاركة و إبداء رأيهم ...

السؤال الاول؛هل الانسان ممكن يتغير ولا لا؟

طبعا ممكن يتغير ... و ده شئ طبيعى ان أى إنسان ممكن يتغير .. يتغير للأحسن أو الأسوء..

السؤال التانى؛انت ممكن تساعد حد على انه يتغير ولا هتمل ومش هيكون عندك طوله بال؟

طبعا ممكن أساعد أى انسان على انه يتغير و لكن فى حالة انى اكون مؤمن من البداية بهذا التغيير و ان تغيير هذا الأنسان سيكون له نتيجة ايجابية و ساعتها مش حمل أو ازهق لأنى حكون مؤمن بهدف معين لازم أوصل له..

السؤال الثالث؛الانسان لو تغير ممكن يثبت على التغيير ده ولا انت شايف انه هيرجع تانى زى ماكان يعني عملا بالمثل الى بيقول(الطبع بيغلب التطبع)؟؟

ده بيكون على حسب ... يعنى على حسب نتيجة التغيير ده .. يعنى الأنسان بعد ما اتغير اتضح انه اتغير للأسوء يبقى فى الحالة دى ممكن يرجع تانى زى ما كان و هنا الطبع يغلب التطبع.

السؤال الرابع؛الانسان الى هيتغير ده نفسه ممكن يكون لاى مدى عنده رغبه للتغير وقدرة على التغير؟

مع انى مش فاهم السؤال قوى بس حجاوب على اللى فاهمته ... الأنسان لو مؤمن بالتغيير ده و مؤمن انه حيقق شئ كويس لو اتغير يبقى حيقدر يتغير لأنه حيبقى عنده الدافع للقيام بذلك على عكس اللى مفيش عنده دافع للتغيير فنجده سيفشل فى التغيير ده و يبقى كما هو ..



الف شكر لك أختى enda على موضوعك الرائع ده ....

[enda]

ميرسي يا محمد على الراي وعلى المشاركه جزاك الله كل خير وتمام كده

[نيهال]

المشاركة الأصلية بواسطة enda

السؤال الاول؛هل الانسان ممكن يتغير ولا لا؟

اكيد طبعا الانسان قابل للتغيير
لكن ما بيكون بالعنف او بالاكراه
يعنى مثلا مش اقعد اقوله حاغيرك ولازم تتغير
لانه اكيد ما راح يتغير ولا يسمع الكلام اصلا حتى لو فيه ممصلحته
لكن بالسياسه والاسلوب اللين بتقدر تخللى اللى قدامك يعمل اللى انت عايزه حتى لو مش كان موافق عليه وحيقتنع بيه وبالتالى حيتغير ومش بالكلام فقط لكن بالافعال والتصرفات

المشاركة الأصلية بواسطة enda

السؤال التانى؛انت ممكن تساعد حد على انه يتغير ولا هتمل ومش هيكون عندك طوله بال؟

اساعده لكن مش اقوله انى حاغيره المهم يكون القرار نابع منه
ولو كان كده ما الواحد بيمل ابدا لانك بتعمل حاجه انت حاببها ومقتنع بيها

المشاركة الأصلية بواسطة enda

السؤال الثالث؛الانسان لو تغير ممكن يثبت على التغيير ده ولا انت شايف انه هيرجع تانى زى ماكان يعني عملا بالمثل الى بيقول(الطبع بيغلب التطبع)؟؟

بصى ي انديا
الاساس لو سليم ما بيتغير الانسان عنه ابدا
لكن لو الاساس مش ثابت وغلط اصلا يبقى بيتغير
وموضوع ثبات الانسان وعدم تغييره ده من رابع المستحيلات ليه بقى؟
علشان الظروف بتتغير ونظره الانسان نفسه بتتغير
يعنى اللى شايفه النهارده صح
ممكن تقول عليه كلام تانى بكره
احيااااااااااااااااانا

المشاركة الأصلية بواسطة enda

السؤال الرابع؛الانسان الى هيتغير ده نفسه ممكن يكون لاى مدى عنده رغبه للتغير وقدرة على التغير؟

اعتقد لابعد مدى وحسب اقتناعه
وعلشان ايه عايز يتغير
يعنى السبب وراء ها التغيير
على اد السبب بتكون الاراده والرغبه فى التغيير



ومستنيه بقيه اراى اصدقائى
ويا رب اقدر اكون افدت ووصلت وجهه نظرى

[enda]

شكرا يا نيهال على رائيك وشكرا على الافاده

[فله]

اعتقد ان الموضوع راجع لشخصية البني ادم ومدى حاجته للتغير ..
ربنا يكرمك ويعنا للتغير للاحسن

[enda]

ميرسي يا فله على الاضافه

[الفراشه]

السؤال الاول؛هل الانسان ممكن يتغير ولا لا؟

أكيد ممكن يتغير

السؤال التانى؛انت ممكن تساعد حد على انه يتغير ولا هتمل ومش هيكون عندك طوله بال؟

حسب شخصية الي قدامي هل بيتقبل كلامي ولا لا

السؤال الثالث؛الانسان لو تغير ممكن يثبت على التغيير ده ولا انت شايف انه هيرجع تانى زى ماكان يعني عملا بالمثل الى بيقول(الطبع بيغلب التطبع)؟؟
الاحتمال وارد في الاثنيبن ممكن يثبت
و يمكن يرجع ثاني لو ما لقى حد على طول يكلمه

السؤال الرابع؛الانسان الى هيتغير ده نفسه ممكن يكون لاى مدى عنده رغبه للتغير وقدرة على التغير؟


يعتمد على حسب فكرة و شخصيته



و شكرا على الموضوع

[enda]

شكرا فراشه على رائيك واضافتك

[duha]

الموضوع محتاج لرايكم ومشاركتكم
حاضر هنقول راينا في الموضوع

السؤال الاول؛هل الانسان ممكن يتغير ولا لا؟
اكيد الانسان ممكن يتغير لما يحس انه بحاجة للتغير او لما يدق ناقوس الخطر ينبهه انك خلاص لازم تتغير
السؤال التانى؛انت ممكن تساعد حد على انه يتغير ولا هتمل ومش هيكون عندك طوله بال؟
اتمنى اني اساعد انسان انه يتغير نحو الاحسن طبعا وهطول بالي عليه لاخر حد وخصوصا لما يكون عنده رغبة انه يتغير
السؤال الثالث؛الانسان لو تغير ممكن يثبت على التغيير ده ولا انت شايف انه هيرجع تانى زى ماكان يعني عملا بالمثل الى بيقول(الطبع بيغلب التطبع)؟؟
الحقيقة ان في الكثير من الناس طبعها يغلب لكن اكيد محاولة التغير هتترك اثر فيه يعني الشغل معاه مش هيروح ببلاش
السؤال الرابع؛الانسان الى هيتغير ده نفسه ممكن يكون لاى مدى عنده رغبه للتغير وقدرة على التغير؟
ممكن الانسان يقضي حياته وهو فاكر نفسه يعمل الصح ولكن فجاءة تحصل حاجة تخلي ينظر للوراء ويراجع نفسه في الحالة دي يكون استعدادة للتغير كبير لكن انك تجي وتحاول انك تغير انسان معتد بنفسه وشايف انه صح اكيد هيكون الشغل معاه صعب لانه اصلا ماعنده رغبة للتغير
شكرا

[enda]

شكرا دوحه على رائيك الجامد ده وميرسي لكل الناس الى شاركت برايها

[duha]

المشاركة الأصلية بواسطة enda

شكرا دوحه على رائيك الجامد ده وميرسي لكل الناس الى شاركت برايها

انا اشكرك على الموضوع الجميل
واسمي ضحى
شكرا