موضوع محرج , و كلنا معرض ليه , أرجو المساعدة

[proactive]

بسم الله الرحمن الرحيم

بصراحة أنا لم أجد عنوانا جيدا للموضوع
و لا أظنني وفقت في اختيار هذا العنوان
بصراحة مش عارف

المهم
ندخل في الموضوع على طول

آل ايه يا سيدي أنا أراسل شخص ما من دوله أوروبية على النت من حوالي سنة
و النهاردة لقيته بعت لي رسالة عادية خالص كل واحد بيحكي للتاني عن يومه و حياته و كده يعني
لكن لقيته كاتب في الآخر الكلام ده بالنص :
"i want to ask you a question? you are a muslim, yes? i am thinking about becoming a muslim too. i find it the right religion. ok, so taht is all for now. hope to read from you soon! take acre of yourself"

بصراحة مش عارف أعمل ايه ؟ أقول له طيب خش يا معلم , و لا أقول له ايه بالضبط ؟
و لما أكلمه عن الإسلام أقول له ايه يعني ؟ الاركان الخمسه و لا ايه بالضبط ؟
و الله حاجة تكسف , الواحد مش عارف يتكلم عن دينه و يعرف الناس التانيين بيه

لو سمحتم أي حد يقدر يجاوب عليه يكتب بالعربي عادي و أنا باعرف أترجم , بس المهم يبقى كلام منطقي ينفع مع واحد مش عارف حاجة عن الإسلام -أو يمكن عارف- و طبعا هيلاقي عنت شديد من عائلته و هو طالب لسه و .....
مش عارف أعمل ايه ؟
ياريت تردوا علي بسرعة لأني متعود أرد على كل ايميل له في ظرف يومين أو تلاته .
و الله حاجة تكسف

[الفراشه]

ما اقول الا الله يكتب له الهداية على ايديك

و في كثير مواقع تقدر تفيدك و بالانجليزي كمان

الاسلام في امريكا
http://www.islam-usa.com/

موقع عن الاسلام و الدين الاسلامي و القرآن و الحديث و المسلمين في امريكا


______________---
ummah.org.uk

موقع امه الاسلام
يحتوي على معلومات عن الإسلام و الأعجاز العلمي في القرآن و السنة
__________________________


مواقع دعوية


هذا الموقع في مكتبة مواقع كلها بالانجليزي

بس الحلو انك تبتدي معاه بتعريف الدين الاسلامي
و حلم رسول الله و صفاته بكرمه و تواضعه و علاقته مع زوجاته و انه الاسلام كرم المراة
و حاول انك تعمل مقارنه بين الدين الاسلامي و الاديان الاخرى بشكل عام يعني تقوله الكون قبل الاسلام كان كدا و الان كدا بس ابعد عن دينه علشان ما يحس انك ضاغط عليه


و حكيله عن الاركان الخمسه
فمثلا انه الله امرنا بالصلاة و انها م بس عباده لها فوائد صحية وفوائد السجود و الوضوء
و ايه الصيام و متى يبتدي و متى ينتهي و فوائده الصحية و انه الرسول عليه صلاة و سلم امر انه لما نفطر نفطر على تمرة و ايه السبب

و الزكاة علشان الغني ما يتعالى على الفقير و الفقير يحس بالسعاده و انه مش منبوذ في المجتمع ولا مكسور الخاطر

ولو عايز معلومات عن دا كله اجيبلك اياه

[proactive]

جزاك الله خيرا أخت فراشة على المواقع
و فيها حاجات حلوه قوي
إن شاء الله أقرأ منها شوية و أبعت له
و ربنا يسهل إ، شاء الله و أتكلم في حاجات عامة خالص
و بلاش أتعمق في أي حاجة
جزاك الله خيرا مرة أخرى
و السلام عليكم

[مستكة]

ربنا يفتح عليك يارب ويجعلك يبب في هداية غيرك

بس بالله عليك اخي الكريم دي مسؤليه

يعني اكيد عليك عبء كبير .. كمان فرصه وجاتلك انك تغير من نفسك اذا عندك تقصير

وتحلي بالخلق الاسلامي عشان هو مش يتلخبط

يعني مثلا .. في كلامك معاه تجنب الكذب او النميمه او اي شيء مخالف لسلوك المسلم الحق

طبعا انا مش اعرف حضرتك واحسبك علي خير .. انما ده علي سبيل المثال يعني

لان للاسف ناس كتيره بتكون عايزه تدخل الاسلام ولما يشوفوا سلوكياتنا بيغيروا رئيهم

كمان شوف حد يكون قوي في المسائل دي وضيفه معاكو في المحادثه بحيث يكون صديق تالت ليكو وفي نفس الوقت يجيب علي تساؤلاته


ربنا يوفقك ويفتح عليك

[proactive]

جزاك الله خيرا أختي الكريمة
أنا فعلا بعثت له أول رسالة كلمته عن تجمع المسمين في الصلوات و الجمعات و الحج و عدم التفرقة بينهم و مساعدة الغني الفقير و القوي للضعيف و عن القرآن و أنه لم يحرف منذ 15 قرن
و مستني ربنا يسهل و يبعت تاني

و إن شاء الله لو أحد من الأعضاء يكون ذا علم يمكن أسأله في أي شيء قد يشكل علي فياريت يساعد
و جزاك الله خيرا