قعدة فلسطينية و عائلية لاهل فلسطين والمغتربين..

[حنين]

ممتـــــــــاز الله يوفقك

شو هالمعلومات الجدبيدة.. حلووة كتير ورح احطها م بعقلي لا بقلبي عشان ما انساها..

ورح احتاج كل هالمعلومات للدراسة عشان عم اجهز لموضوع بالمدرسة خاص عن فلسطين!

وان شاء الله ال2 يافا بيصيروا النا عن قريب..

وهات كل اللي بتعرفه عن فلسطين ههههههه

طمعت انا هههههههه

تحياتي

[MoHaMeD NaSSaR]

انا ممكن اساعدك حنين اي معلومات بتحتاجيها



انا جاهز:r: :r:

[حياة]

شكرا اخي محمد..

ومعلوماتك مهمة جدا النا مشكور كتير.. ورح نهريك اسئلة من اليوم اذا اتكرمت

بدي اعرف اكتر عن غزة ان ما في تقلة

[ابن لبنان]

يمكن انته لأنك أقرب بتعرف أكتر
بدي أعرف اخبار شمال فلسطين المحتله
والقرى السبعه(y) الي أنا منهم
وأنا من قرية صالحه

[أبو العبد]

اهلا بيكم يا شباب و صبايا.

موضوع حلو كثير، و فكرة رائعة يا حنو، و اذا بدكم اي شي اسألوا، مس بس في المنتدى، كمان على الايميل و اذا بتحبوا على الموبايل. ترا انا في الخدمة(بضارب على محمد نصار ):ba:


بس بالفعل يا جماعه، قد ما الواحد يحكي عن فلسطين عمره ما بيخلص.



و بالنسبة ليافة الناصرة و يافة تل أبيب، فالاصل هيه يافا بين تل الربيع (قرب تل أبيب حاليا) و بين حيفا. و هيه اللي بيقولولها عروس البحر الابيض المتوسط.


و متاخذونيش لاني قليل لما ادخل النت، بس انا راح اطلطل عليكم بين فترة و فترة.

[maysam]

شكرا حنين

والله أنا أول مرة أعرف أخ محمد انه في 2 يافا؟؟ بس أنا بظن انه أنا من يافا اللي عالبحر الأبيض ..

أنا شخصيا حابة أعرف عن أشياء كتير منها اللباس التقليدي لأأنه كل بلد الها زي خاص فيها وشو الأكلة اللي بتشتهر فيها كل بلد أكتر.. يعني هيك معلومات عامة يا ريت تنورونا يا محمد..

معلش رح نغلبكم شوي

[حنين]

شكرا يا محمد احنا الظاهر تعبناك معنا معلش استحملنا ..

شكرا ابو العيد على المعلومة اللي ضفتها ومنور

ولسا فاضلين ابن فلسطين واقوى من الايام واخو ابن فلسطين ههههههه انا ما نسيتكم

وابن فلسطين بالذات حيدفع غرامة وهو عارف ليش.. قبل توقيع معاهدة السلام حيقدم خدمات مجانية للمغتربين (g)

والظاهر عن جد رح نغلبهم يا ميسم والله يعينهم هم بس

تحياتي

[اقوى من الايــــام]

السلام عليكم ورحمه الله وبركاته...

نحيكم من فلسطين بلد الرباط والصمود والتحدي.....

يا اخواني ويا اخواتي ...... ياريت كل واحد مغترب يعرفنا على نفس يعني يحكيلنا من اي بلد اصله ....واحنا ان شاء الله راح نحكيلكم اكثر عن بلادنا..فلسطين....طبعا شكرا الك اخي محمد نصار على المشاركه الطيبه وبتمنى انك تتواصل معنا وتنقللنا اخبار عرب الداخل باستمرار...

والله يا اخ محمد صرلي تقريبا 3 سنوات ما دخلت شمال الضفه ..الناصره وحيفا ..وعكا ...والجولان ..الخ.....

بتمنى انها تفتح الطرق ونعدر نزوركم على يافا .....بس ادعولنا بلاش يحكو عن اليهود ارهابيه جايين يعملو عمليات استشهاديه ::shot::

..................................كلنا بنقول ارضنا ..ارضنا دمنا قدسنا..وان مات ملايين مننا القدس حترجع لنا .................................................. .

[اخو ابن فلسطين]

اي سؤال انا جاهز ..

[ابن لبنان]

عفوا بس أنا سألت و ما حد رد علي
:( :( :( :( :(

[MoHaMeD NaSSaR]

كيف حالكم يا جماعه





ذكرني اخي الكريم اقوى من الايــــام بمدينه فلسطينيه عزيزه علي كثير انقسمت الى قسمين


عكا العربيه وعكا المدينه اليهوديه


تاريخ عكا العربيه حافل جدا بالانجازات ويعتبر سور عكا عظيم جدا ولم يتمكن نابليون من دخول المدينه اكيد الكل بيعرف


بس المهم انو الاثارات بعدها زي ما هي والمسجد كمان مسجد احمد باشا الجزار


والسوق القديم كمان



على فكره اكثر حاجه لفتت انتباهي المدافع التي على الاسور يعني ليها مده طويله وبعدها كأنها جديده

على كل حال ان شاء الله تزوروا هذه المواقع جميعا ان شاء الله



تحياتي لكم


محمد نصار

[حنين]

شكرا اقوى من الايام.. والله يوفقك

الله يبارك فيك يا رب وعرفتنا عن فلسطين اكتر واحسن

تحياتي

---------------------

اهلين يا محمد ..

والف شكر مرة اخرى على هالمعلومات اللي وضعتها النا وعرفتنا فيها عن فلسطين اكتر واكتر

الله يبارك فيك يا محمد

-----------

ويا بومبر هاك هم يمكن مش بيعرفوا اشي عن قريتك ولو كانوا يعرفوا ما كانوا حيبخلوا عليك طبعا

والف شكر مرة تانية محمد واقوى من الايام

تحياتي

[ابن لبنان]

طيب انا رح أقربلكم يمكن تعرفولي(y)
القريه الي أنا منها موجوده شمال قطاع صفد
فالي يعرف أي شي عن صفد أرجو انو ما يبخل علي بالمعلومات
(y) (y) (y) (y) (y) (y) (y) (y) (y) (y) (y) (y) (y) (y) (y) (y)

[ابن فلسطين]

اسف يا جماعة على قلة مشاركتي بشكل عام .. بس ظروف والله ..

بصراحة اخ boomber انا اول مرة اسمع فيها

اما بالنسبة للشمال .. اعتقد اني في الشمال .. بس انت بدك الشمال الي معهم و لا الشمال لي معنا ؟؟

و اسالوا انتو عن اي حاجة .. و انا مستعد اجيبها .. حتى لو ما كنت بعرفها راح اسال عنها و اجيبها .

تحياتي الكم ..

و شكرا حنين على الفكرة الناجحة

[ابن لبنان]

الشمال الي معهم
(y) (y) (y) (y) (y) (y) (y) (y) (y) (y) (y)