قعدة فلسطينية و عائلية لاهل فلسطين والمغتربين..

[حنين]

اجت على راسي نعمل بالمنتدى قعدة فلسطينية للمغتربين عن فلسطين وللفلسطيين بداخلها..

كيف وشو؟؟

ما حد يسألني..!! لاني مش عارفة اشي

والفكرة يمكن غريبة شوي ....

يا ريت الفكرة تنال اعجابكم.. وكل فلسطيني بالمنتدى يوقع بهالموضوع متل ما بيعجبه (g)

ويا ريت يبدأوا اهل فلسطين يعرفونا عن فلسطين اكتر بكلماتهم الخاصة.. goood/

عشان خاطر المغتربين اللي انا منهم وعشان ميسم وهبة :cr: :cr::cr:

يعيش الحزب الفلسطيني يعيش يعيش يعيش ::shot::

ههههههههههههههههههههههههههههههه

تحياتي

[اقوى من الايــــام]

مرحبااا ....

بشكرك كتير على الفكرة الجديدة .... (kiss)

ويعني انا مو عارف شو بدي احكيلك عن فلسطين لانوا الاوضاع متل ما انتوا بتعرفوا صعبه كتير واصعب من انها تنوصف في اكم سطر .....

:::222::: هلأ المهم ......

انوا اهل فلسطين والحمد لله ... وعلى الرغم من الحصار ومنع التجول ....

الا انهم عايشين حياتهم ..... وبيحاولوا انهم يجعلوا حياتهم طبيعيه متل اي واحد في العالم ...

::f:: ؟؟؟؟


شكرااا(g)

[اخو ابن فلسطين]

مرحبا الك يا حنين ولكل الموجودين...

انا اؤسد الفكره الي تفضلتي بطرحها,,,(kiss)
طبعا انا معك من اول كلمه...انا راح ابدأ بالموضوع معكم ..طبعا معكم اخوكم اخو ابن فلسطين بتكلم من فلسطين ساكن في فلسطين .....وانا كثيير مضايق من الوضع اللي بصير عنا بس شو بدنا نعمل بعين الله ,,,,المهم انو الواحد عايش في بلده ..مع اهله واصحابو ..وعنجد اللي بزور فلسطين اكيد ما راح يزهق منها,,,,


طبعا ياريت كل انسان حابب يتعرف على فلسطين اكثر واكثر ........

ممكن نتكلم معو على المنتدى..واذا بحب يحكي بموضوع خاص اهلا وسهلا فيه الموجودين معنا مو غريبين
goood/ goood/ goood/ goood/ goood/

بس كمان بما انو الكل فلسطيني او خارج فلسطين يا ريت نبدأ مع بعض حلقه تعارف ونضموا صوتنا لبعض ونحاول ننشر هذا المنتدى على مستوى اكبر,,,,


مع خالص حبي واحترامي وتمنياتني لكم بالتوفيق والنجاح....

اخوكم المحب اخو ابن فلسطين (من قلب فلسطين)

[MoHaMeD NaSSaR]

فكره حلوووه حنين

والي بحب يسألني عن فلسطين يتفضل



تحياتي لكم


محمد نصار

[ابن فلسطين]

يا سلام على افكارك يا حنين ..(g) (g) (g)

انتو اسالوا واحنا مستعدين انجاوب عن اي سؤال ..

[حنين]

ههههههههههههههههه

جبت الفلسطينيين كلهم بنفس الموضوع.. يعني تقريبا كلهم..

شوفوا عاد.. انا طميعة..

ما بعرف أشي عن فلسطين يعني (no)

واحكوا اللي تحكوه عنها

بس اللي نفسي افهمه.. كيف يكون شعور الواحد بوطنه!! :( (y) (y)

::cr::


تحياتي ومنورين اقوى من الايام.. واخو ابن فلسطين.. ومحمد نصار.. وابن فلسطين..(g)

[اقوى من الايــــام]

مرحبا...

والله شوفي ياحنين كل المدن بتنام غرقانه في الاحلام اللي احنا بنصحا ولا بنام......

يعني بس تيجي على فلسطين بتشعري في حنان الدبابات بس يهزن الدار .......بتسمعي انغام الرصاص ....

يعني والله بدون كذب انا قبل اسبوع ما كنت اعرف انام الا على صوت الدبابات...زي الموسيقى......

بعدين يعني انتي هلأ عايشه مغتربه بس اكيد كل اشي متوفر الك اما احنا فيا للحسره ...

كل يوم بتفقد اخ او صديق عزيز كثير كثير عليك.....

فكري بالكلام اللي حكيتلك ايا وردلي جواب ....



مع احترامي الى جميع الفلسطينين في الشتات

[اقوى من الايــــام]

(g) (g) (g)

[حنين]

انا عارفة انه موسيقتكم هي اصوات الدبابات واصوا القذائف اللي بيرموها عليكم!!

بس رغم هالاشيا مكلها خليكم عارفين انه انتوا محسودين على هالعيشة..

يا ما حلا تعيشوا على اصوات الدبابات على اللي عايشين فيه احنا!!


----------------------------------------------------------------------------
بعدين يعني انتي هلأ عايشه مغتربه بس اكيد كل اشي متوفر الك اما احنا فيا للحسره ...
----------------------------------------------------------------------------

انا ما بنكر هالشي!! بس..
انتوا متوفر لكم اشيا اهم من اللي متوفرة الي!!
اهم اشي متوفرة الكم انكم عايشين ببلدكم بين اهلها وعلى ترابها وبتشموا هواها اما احنا فيا حســـرة.. بنشم هوا وسخ الله يريحنا منه!!

ما بنكر انه فئة من المهاحرين ولا مهتمين.. لكن فيه فئة تانية عايشين اصعب منكمم بكتير..

الشعب الفلسطيني عايش خارج فلسطين بذل كمان.. وانا شخصيا شفت مخيم "عين الحلوة".. شوفت كيف الناس عايشة هناك بزيارة الي للبنان حبيت اشوف شعبي كيف عايش برا فلسطين لاقيت الذل اللي بيشوفوه رهيب.. الله يكون معهم
وشفت ببرنامج كيف الفلسطينين عايشين بمخيمات مصر على الحدود مع فلسطين!! شي فظيع..

الشعب الفلسطيني الله كتب عليه انه بتعذب طول عمره.. سبحانه..

-------

لكن رغم هيك احسدكم انتم واحسد اللي عايشين بهالمخيمات حتى ..
بتضلوا احسن مننا احنا!! بتضل الغربة بالوطن العربي اسهل وما فيها مشقة وتعب!




شكرا

تحياتي

[اخو ابن فلسطين]

سنهون شوكه من ظلمو ا.....

لقد اخترنا طريق الاستشهاد وحتما فإن طفلا من أطفالنا سيرفع علم فلسطين فوق سرايا القدس، ونراها قريبة رغم أنهم يرونها بعيدة".
"سنسير إلى القدس شهداء بالملايين".

[ابن لبنان]

أنا صحيح معي جواز لبناني
بس الأرض الي أنا منها أيام الانتتداب كانت للبنان
بس طبعا عشان يعطوها لليهود خلوها مع فلسطين:ah: :ah: :ah: (y) (y)
وانا الأراضي الي أنا منها جدي الو منها 300كم مربع
طبعا هدول الأراضي على حدود لبنان وأنا لما رحت على لبنان السنه الماضيه
اطلعت على جبل مارون الموجود جنوب لبنان وشفت أرضي وأرض أهلي و أجدادي
بدكم الصراحه دمعت عيني واتمنيت لو اني عايش فيها
كانت مليانه شجر تفاح و برتقال
يعني نزلت لعند الشريط الحدودي أسفل الجبل
طبعا أبوي كان خيف علي من الألغام بس ياجماعه
والله أمنيتي اني أموت شهيد على أرضي
يعني اتخيلو موقف واحد واقف قدام أرضو بس مش قادر يدوسها
حسبي الله ونعم الوكيل فيكم يا حكام العرب

آسف يا جماعه تقلت عليكم بقصتي بس شو بدي أسوي هاي حال الدنيا
(y) (y) (y) (y)
بدي أقول لكل مغترب انشاء الله سنعود الى أراضينا

وشكرا لحنين على الموضوع الرائع.........)|f(| )|f(| )|f(|وبدي أسألك انتي عايشه وين؟؟؟؟؟؟؟

[حنين]

"سنسير إلى القدس شهداء بالملايين".

يا رب وشكرا عالرد

---

BOMBERHACK

اهلين..

وانا على فكرة شفت لبنان كتير وزرت جنوبها كتير كمااااان.. واغلب اقاربي عايشين فيها لكن انا لأ مع اني من مواليد هالبلد!!

ويا رب تتحرر جميع القرى اللبنانية وتتحرر فلسطين بكاملها ان شاء الله..

و اعذرني انا ما بقول وين عايشة.. احسن ما يغتالوني اسم الله (KRKR)

شكرا عالرد

تحياتي

[ابن لبنان]

يا جماعه كل ما حنين تكتب رد
أو حد يحكي اسمها دقو على الخشب
ههههههههههه
وادعو لربنا انو يبعد عنها عيون الحاسدين والشرانيين
يااااااااااااااااااااااااا رب:r: :r: :r:

[حنين]

:mad:





(ac::




تحياتي

[ابن لبنان]

الظاهر عجبتك ادعيتي
ddd: ddd: ddd: ddd: