جاوبوا بصراحه لو سمحتوا

[رؤيه]

انا جيت تانى بعد فتره غياب
محدش سال عنى فيها عموما مش موضوعنا يعنى
بمناسبه اقتراب عيد الحب حاسالكو شويه اسئله كده وارجو من الناس كعادتها طبعا تجاوب بصراحه اوك يلا نبدا
الى من توجه هذه الكلمات
بحبك جدا
كنت بحبك زمان بس دلوقتى خلاص
بحبك بس يا خساره مقدرتش حبى ليك
بحبك بس يا خساره مقدرتش حبك ليا
بحبك جدا لانك اعز صديق ليا فى الوجود
نفسي اكمل معاك بقيت حياتى
مين اكتر شخص نفسك تشوفه يوم عيد الحب وايه هى الهديه اللى نفسك تقدمها له
حد وحشك جدا جدا ونفسك تشوفه اوى
اسف جدا الحياه اخدتنى منك
ياريت نرجع زى زمان
الدنيا ملهاش طعم من غيرك
وجودك اثر كتير فى حياتى
مقدرش اعيش من غيرك
بكرهك
انت اذيتنى كتير
غلطت فى حقك غصب عنى
غلطت فى حقى من غير سبب
كلمه بحبك قليله جدا عليك
مش عارف ارد جميلك ازاى
نفسي تبقي راضى عنى
ربنا ما يحرمنيش منك ابدا
بحبك فى الله
يلا يا جماعه جاوبو عارفه الاسئله كتير يلا انا باجى كل يوم

[عتاب]

الموضوع حلو كتيييييير ومحتاج صراحة فظيعة هههههه
بس مالناش علاقة بعيد الحب لاننا متفقين انه مش عيد للمسلمين
انا هاجي تاني عشان اجاوب
بعد الشغل بقا ههههه
منورة المنتدى يا اميرة وانا سألت عنك كتير والا انتي زي القطط تاكل وتنكر ههههه

[yasmina]

ياااااااااااااااة كل دى اسئلة

طبعا زى ما عتاب قالت محتاج لصراحة فظيعة

عشان كدة انا منسحبة


او ممكن ارد على معظهم

[عتاب]

[quote=اميره الرومنسيه;335873]الى من توجه هذه الكلمات
بحبك جدا
تعرفي السؤال ده صعب جدا انك تختاري من حياتك شخصية واحدة تقوليلها بحبك جدا
بحبك جدا هاهديها لكل اصدقائي واسرتي و.......(في المستقبل بقا ههههه)


كنت بحبك زمان بس دلوقتى خلاص
بعض الشخصيات افتكرتهم صديقات بجد طلعوا ميعرفوش يعني ايه صداقة

بحبك بس يا خساره مقدرتش حبى ليك
اعز صديقة ليا برغم حبي ليها وبرغم كل اللي عملته عشانها اوقات بحسها مش مقدرة كل الحب ده

بحبك بس يا خساره مقدرتش حبك ليا
لو شيلت كلمة بحبك يبقى الجمله هقولها لشخص حبني بس انا مقدرتش ده كويس

بحبك جدا لانك اعز صديق ليا فى الوجود
اماني اعز صديقة ليا

نفسي اكمل معاك بقيت حياتى
ايه الاحراج ده
هقولها لحبيبي طبعا سواء لقيته او لسه هالاقيه


مين اكتر شخص نفسك تشوفه يوم عيد الحب وايه هى الهديه اللى نفسك تقدمها له
مش هقول عيد الحب للسبب اللي ذكرته انه مفيش عيد بالاسم ده
بس اكتر شخص احب اشوفه دلوقت هو الانسان اللي هايكون شريك حياتي


حد وحشك جدا جدا ونفسك تشوفه اوى
شخصية عزيزة عليا جدا يوم ميلادها النهاردة

اسف جدا الحياه اخدتنى منك
بقولها لماما وبابا واخواتي لان الحياة كتير بتاخدني منهم

ياريت نرجع زى زمان
مش هقول لحد كده لاني عارفة اللي فات مش بيرجع
انما هقول ياريت نرجع احسن من الاول للشخصية صاحبة عيد الميلاد


الدنيا ملهاش طعم من غيرك
كل اللي بحبهم دنيتي مالهاش طعم من غيرهم

وجودك اثر كتير فى حياتى
ناس كتير ربنا جعلهم سبب انهم يدفعوني للامام

مقدرش اعيش من غيرك
الحب والصداقة مقدرش اعيش من غيرهم

بكرهك
ماحدش وصلني لمرحلة الكره انما مضايقة من بعض الناس

انت اذيتنى كتير
شخصية عارفة نفسها كويس
غلطت فى حقك غصب عنى
اي انسان اخطأت في حقه حقيقي غصب عني مكنتش اقصد
ياريت يسامحني

غلطت فى حقى من غير سبب
فيه ناس غلطت في حقي هما ليهم اسباب بس هي مش ذنبي انا
ذنب ناس بيخلصوه فيا انا

كلمه بحبك قليله جدا عليك
حبيبي

مش عارف ارد جميلك ازاى
كل من له فضل عليا بعد ربنا اتمنى اقدر ارد ولو جزء من


نفسي تبقي راضى عنى
بابا وماما بعد ربنا

ربنا ما يحرمنيش منك ابدا
ربنا ميحرمنيش من كل احبابي واصحابي واسرتي

بحبك فى الله
انتي وكل اخواتي في المنتدى

[رؤيه]

[quote=عتاب;336196]الموضوع حلو كتيييييير ومحتاج صراحة فظيعة هههههه
بس مالناش علاقة بعيد الحب لاننا متفقين انه مش عيد للمسلمين
انا هاجي تاني عشان اجاوب
بعد الشغل بقا ههههه
[b][color=magenta]منورة المنتدى يا اميرة وانا سألت عنك كتير والا انتي زي القطط تاكل وicon9:

عتوبه انا عارفه محدش حيرد غيرك اساسا ههههههههههه
ميرسي يا قمر على الردود التحفه دى حسابك معايا بره

[رؤيه]

المشاركة الأصلية بواسطة عتاب

الموضوع حلو كتيييييير ومحتاج صراحة فظيعة هههههه
ياريت يكون حلو لانى ندمت اوى بعد ما نزلته
بس مالناش علاقة بعيد الحب لاننا متفقين انه مش عيد للمسلمين
اوك اعتبريه عيد العمال
انا هاجي تاني عشان اجاوب
وانا مستنياكى
بعد الشغل بقا ههههه
منورة المنتدى يا اميرة وانا سألت عنك كتير والا انتي زي القطط تاكل وتنكر ههههه

ده نورك يا حبيبتى والله حتى الكهربائى قالى ان انتى اللى شاريه لمض المنتدى كلو على حسابك
انا عارفه انك سالتى عنى انا مش بقصدك انتى عموما مش مهم

[رؤيه]

المشاركة الأصلية بواسطة yasmina

ياااااااااااااااة كل دى اسئلة
افترا باه حتقولى ايه ههههههههه

طبعا زى ما عتاب قالت محتاج لصراحة فظيعة
ايوه انا عارفه بس اللى عاوز يجاوب يجاوب واللى مش عاوز اوك انا فاهمه يعنى
عشان كدة انا منسحبة


او ممكن ارد على معظهم

ماشي يا جميل مستنياكى