السلام عليكم ورحمة الله وبركاته
بداية
الموضوع باين من عنوانه
تعال اتبرع
لا لا انا خايف
الأول نعرف هنتبرع بإيه
مش فلوس ولا أكل ولا حاجة
هنتبرع بدم
هو انا عندى دم
ياعم انا عندى انيميا
لا انا خايف من شكة الابرة
انا خايف الادوات بتبقى ملوثة
انا خايف لاحسن هيغمى عليا
وأشياء كثيرة من تلك القبيل
وحرصا منا على هذا العمل الانسانى
حبيت اطرح عليكو الموضوع واوضح نقط معينة
اولا طبعا انتو متعرفوش ان مصر بتحتاج ل 3 مليون كيس دم سنويا
واللى موجدين وبيتبرعوا فعليا هم 750 الف من 70 مليون مصري
غريبة دى مصر مليانة خير يعنى
بس الحكاية ان الناس خايفة
وكمان الاشاعات اللى طلعت عن الإرب الفاسدانة دى كمان
هى ناقصة
طب تعرفوا ان فى آلاف الأطفال فى كل مدينة محتاجين دم بصفة دورية
يعنى كل اسبوعين او تلاتة
طيب مستنى ايه
ما تروح لأقرب مستشفي وتتبرع يلا
طيب دلوقتى نجاوب على التخوفات اللى قلتها فوق
اولا السن اللى ممكن يتبرع:
من 18 الى 60 سنة
الوزن:
فوق ال 50 كيلو
طيب انا عندى انيميا مينفعش اتبرع ؟
لا احنا الاول نقيس الهيموجلوبين لو اكتر من 13 فى الردالة واكتر من 12 للبنات يبقى ينفع
كمان هنشوف الضغط متظبط يبقى تمام وهتتبرع
واحد تانى هيقولى انا خايف من الادوات لا تكون ملوثة
طبعا انت حسب ثقتك فى المكان اللى هتتبرع بيه
وبعدين عشان مصداقية قدامك لازم يطلعوا كل حاجة من تعقيمها وتكون اول مرة تستخدم
طيب انا خايف بيقولوا الابرة بيبقى سنها تخين انا خايف من شكتها
طب لو فكرت انك ممكن تنقذ طفل مريض بيموت عشان مش لاقى كيس دم
او فكرت انك بتدخل السرور على قلب أسرة كاملة هتخاف برده من الشكة؟
واحد تانى هيقولى دول هيسحبوا دمى كله وامشي من غير دم
طبعا ده مش حقيقي لأن اللى بيتسحب منك بس 400 الى 450 سم مكعب يعنى اقل من 8 % من دمك
وبيتجدد خلال ايام
واحد هيقولى طب انا هدوخ هيغمى عليا؟
احيانا الدوخة والزغللة امر طبيعي خصوصا اول مرة تبرع
اما عن الاغماء فنسبته هى 4% فقط فى الاناث و 1% فى الذكور
وبعدين يا عم ماهو لو اغمي عليك هيكون حواليك دكاترة كتير هيظبطوك يعنى
هل يجوز للحامل التبرع بالدم؟
لا ينصح بالتبرع وخاصة فى الشهور الأولى
لماذا يجب عليَّ أن أكون متبرعًا بالدم؟
- كل ثلاث ثوان هناك شخص يحتاج إلى نقل الدم.
- واحد من كل عشرة مرضى يدخلون المستشفى في حاجة إلى نقل الدم.
- دمك يمكن أن ينقذ أربعة أشخاص عند فصل مكوناته وليس شخصًا واحدًا.
ما الأسباب التي لا يمكنك معها التبرع بالدم؟
- التبرع بالدم خلال الثلاثة أشهر الماضية.
- وجود أي تعب من المتاعب الصحية التالية:
- جميع أنواع الأنيميا عدا أنيميا نقص الحديد.
- أمراض القلب والحمى الروماتيزمية.
- الأمراض الصدرية المزمنة.
- ارتفاع الضغط المزمن.
- الالتهاب الكبدي الفيروسي.
- مرض البول السكري.
- حالات تضخم الكبد.
- حالات الفشل الكلوي.
- حالات التشنجات والصرع والإغماء المتكرر.
- زيادة أو نقص إفرازات الغدة الدرقية.
- الحمل.
- أمراض نزف الدم.
- الأمراض الوراثية.
- الأمراض النفسية.
- أي عمليات خلال فترة ثلاثة أشهر.
إذا كان المتبرع يعانى من الأعراض التالية:
- فقدان غير متوقع للوزن والشهية.
- عرق ليلي.
- سخونة ليلية.
طب ماهى الفترة بين كل تبرع والتانى؟
الفترة هى 3 شهور للرجال و 4 شهور للإناث
هل للتبرع بالدم فوائد؟
اكيد اولا فائدة انسانية
" ومن أحياها فكأنما أحيا الناس جميعا "
ثانيا: فوائد طبية:
1- التخلص من نسبة الحديد الزائدة مما يقلل من خطر الاصابة بامراض انسداد الشرايين
2- تنشيط كرات الدم الحمراء
3- تنشيط نخاع العظام
4- الاستفادة من التحاليل الى بتجرى على دمه ولو كان فيه اى مرض بيتم تبليغه عشان يعالجه
اما عن تلوث الاكياس فده كان لشركة واحدة بس
كانت الاكياس غير مطابقة للمواصفات
لكن مكانش فيها اى تلوث
مواضيع مشابهة
النمط الخطي
