شوف أد إيه

[عتاب]

شوف اد ايه فاتت سنين من عمرنا

كان يوم جميل يوم ماسكنتوا في حينا

فاكرة هزارنا ولعبنا مع بعضنا

مش ممكن انسى لما اتصارحنا بحبنا

ولما كبرنا كبر معانا حلمنا

ولما عرفت فيه عريس جاي عندنا

جريت عليك بسرعه ولقيتك هنا

واقف تفكر في المقدر واللي مش مكتوبلنا

وطلبت منى استنى لما تيجي تطلب ودنا

وقلت انك هاتغيب شهور او بالكتير هاتغيب سنة


ومرت سنين وحفظت وعدي عشان في يوم ترجعلنا

كنت عارفة ان الحياة لازم هاتيجي في صفنا

وان السنين مهما قست مسيرها في يوم تضحكلنا

ويوم ماعرفت انك وصلت قلت هانبقى لبعضنا

جريت وجت عيني في عينيك لقيتك بتسأل مين انا

ازاي نسيت كل اللي فات والذكريات اللي هنا

ماكونتش اعرف ان الزمان يقدر يغير حبنا

بنيت ما بيننا جدار كبير بايديك هدمت عشنا

[بنت اسكندرية]

ايه الجمال ده يا عتاب

ربنا يزيدك يا بنتى

بجد الموضوع خلانى متفائلة مش عارفه ليه

وبعدين للاسف نهايته فجعتنى

ويسعدنى انى اول واحدة تقولك رايها

ميرسي اوى اوى اوى على الكلمات الجميلة

واسلوب السهل الممتنع اللى بحبه مموووت

[عتاب]

نورتي الموضوع يا بنوتة ياقمر
وانا كمان يسعدني انك اول واحدة رديتي عليا فيه
وبصراحة النهاية حيرتني كتير
وبما اني كتبت نهايات كتير سعيدة قبل كده
لقيت اني لازم اغير وماينفعش دايما النهاية تكون سعيدة لان الحياة فيها الكويس وفيها الوحش
منورة الموضوع والمنتدى كله ويارب دايما معانا

[مستكة]

كده شكلنا هنتفق

احب انا النهايات النكديه دي

ايوه كده تفاؤل ايه وبتاع ايه

خليكي وائعيه

[بنت اسكندرية]

لا يا مسكتة كده انا ازعل

انا بحب النهايات السعيدة اوى

النهايات النكدية دى بحس فيها ان القصة لم تكتمل

نفسيا ببقي عايزة اى حاجة تحصل انشالله البطل والبطلة يصحوا تانى ( ما حدش يسألأنى ازاى )

بس هيا فعلا عتاب كلماتها جميلة واحلى ما فيها بساطتها

[عتاب]

المشاركة الأصلية بواسطة مستكة

كده شكلنا هنتفق

احب انا النهايات النكديه دي

ايوه كده تفاؤل ايه وبتاع ايه

خليكي وائعيه

اه يختي مش هانسى لما قريتيها اول مرة وكانت نهايتها سعيدة
قعدتي تكلميني عن النهايات النكد وواقعيتها
وانا اقولك بلاش نخلي الخيال كمان نكد خليكي متفائلة
حاولت اقنعك نسيب الناس في حالهم مانفعش
قلت ماحرمكيش من حاجة وغيرتلك النهاية
ماهو احلى حاجة في الكتابة ان النهاية بتكون بمزاجنا

[معروف]

أأأأأأأأأأأأأأأأأأأأأأأأأأأأأأأأأأأه

أنا ماكنتش مستريح

أنا بخاف من السحبة اللى كلها أمل دى

لأ وعامل فيها خبير ... ومخلى بالى

ماعرفش إزاى إنخدعت وحسيت النهاية حلوة

فجعتينى


ممكن دى تبق لأختنا مستكة

وتغيرى النهاية لى وأختنا بنت اسكندرية

أنا صحيح مش متفألل ولاحتفألل زى أختنا بنت اسكندرية

لكن يعنى لما يبقى كل حاجة زى الواحد ما شايف حواليه

ماتخليها تبقى فى الجون فى اللى كده وكده ...



طبعا أنا جديد عليكم ودى تعتبر أجمل المفاجأت

أنا أزعم إنى قارئ جيد للشعر ( ياستى باتفك بكلمتين )

الحقيقة التصور جميل والتسلسل فى الصعود إبداع

وده اللى خلانى أحس بالرزعة بعد ماكنت مزقطط

لما إتفجعت

طب برافو تعمل إيه ؟؟؟؟؟؟؟

ولا حتى 10 على 10

إنت ممتاااااااااااااازة

مع الشكر

[عتاب]

المشاركة الأصلية بواسطة بنت اسكندرية

لا يا مسكتة كده انا ازعل

انا بحب النهايات السعيدة اوى

النهايات النكدية دى بحس فيها ان القصة لم تكتمل

نفسيا ببقي عايزة اى حاجة تحصل انشالله البطل والبطلة يصحوا تانى ( ما حدش يسألأنى ازاى )

بس هيا فعلا عتاب كلماتها جميلة واحلى ما فيها بساطتها

ميرسي يا حبيبتي على مجاملتك الرقيقة
والله كان نفسي اجوزهم بس مستكة بقا اعترضت
وقدام اعتراضها مقدرتش ارفض
اضطريت اغير النهاية واخليها نكد
وعملت كمان نهاية تانية على جنب عشان اللي عاوز نهاية سعيدة

[محمدحسين]

ازاي نسيت كل اللي فات والذكريات اللي هنا

ماكونتش اعرف ان الزمان يقدر يغير حبنا

بنيت ما بيننا جدار كبير بايديك هدمت عشنا

حلوه ياعتاب
ننام ليالى والدمع على خدنا
من الحزن على ضياع حبنا
خطوات وأقدار مكتوبه لنا
على أيد من خانا وغشنا
وفى لحظه باع حلمنا

شكرا ياعتوبه

[عتاب]

المشاركة الأصلية بواسطة معروف

أأأأأأأأأأأأأأأأأأأأأأأأأأأأأأأأأأأه

أنا ماكنتش مستريح

أنا بخاف من السحبة اللى كلها أمل دى

لأ وعامل فيها خبير ... ومخلى بالى

ماعرفش إزاى إنخدعت وحسيت النهاية حلوة

فجعتينى

ممكن دى تبق لأختنا مستكة

وتغيرى النهاية لى وأختنا بنت اسكندرية

أنا صحيح مش متفألل ولاحتفألل زى أختنا بنت اسكندرية

لكن يعنى لما يبقى كل حاجة زى الواحد ما شايف حواليه

ماتخليها تبقى فى الجون فى اللى كده وكده ...

طبعا أنا جديد عليكم ودى تعتبر أجمل المفاجأت

أنا أزعم إنى قارئ جيد للشعر ( ياستى باتفك بكلمتين )

الحقيقة التصور جميل والتسلسل فى الصعود إبداع

وده اللى خلانى أحس بالرزعة بعد ماكنت مزقطط

لما إتفجعت

طب برافو تعمل إيه ؟؟؟؟؟؟؟

ولا حتى 10 على 10

إنت ممتاااااااااااااازة

مع الشكر

سامحوني ماكنش قصدي
يالا بقا كله يهون عشان خاطر مستكة
وبعدين انا عندي نهاية تانية سعيدة كنت كاتباها قبل دي
لو تحبوا اجيبهالكم . ده لو ينفع اصلا بعد الاحباط ده

تفتكروا ينفع ؟؟ يعني اذا نزلت النهاية التانية هل ممكن تصدقوها بعد النهاية الاولى
دايما النقطة دي بتشغل تفكيري جدااااا
ياترى لو اختارنا نهاية جديدة هانحسها ونصدقها زي النهاية الاولى؟؟
سؤال يطرح نفسه































اه نسيت اقولك نورت الموضوع وابقى اطفي النور وانت خارج

[مستكة]

اي خدمة يا جماعه

لكن اذا جينا للجد باه

ليه دايما بنحب نعيش افلام الابيض واسود اللي فيها لازمن حتمن البطل يتجوز البطلة في نهاية الفيلم

مع ان ابوها قتل ابوه وعمها قتل خاله

ومرات باباها جوزته لبنتها

بس هنعمل ايه المخرج عايز كده

كلام عتاب جميل جدا

والحمد لله يعني اني من اول الناس اللي بتقرا موضوعاتها قبل النشر

بس لاحظت انها كل نهايتها سعيده

ياجماعه احنا مش عايشين في الجنه

ولا دي نظره تشاؤميه

دي ماهي الا واقعيه وكمان مش واقع بحت

فهمتوني

[عتاب]

المشاركة الأصلية بواسطة محمدحسين

حلوه ياعتاب
ننام ليالى والدمع على خدنا
من الحزن على ضياع حبنا
خطوات وأقدار مكتوبه لنا
على أيد من خانا وغشنا
وفى لحظه باع حلمنا

شكرا ياعتوبه

شكرا يا محمد على الاضافة الجميلة
دائما مرورك ومشاركتك بيسعدوني
يارب دايما ماتحرمش المنتدى من تواجدك ومشاركاتك الرائعة دي
نورت الموضوع

[معروف]

ياترى لو اختارنا نهاية جديدة هانحسها ونصدقها زي النهاية الاولى؟؟

ممكن..... لوتسمحى ..... يعنى..... حضرتك..... تنزليها

وبعدين....... نتكلم

[عتاب]

المشاركة الأصلية بواسطة معروف

ممكن..... لوتسمحى ..... يعنى..... حضرتك..... تنزليها

وبعدين....... نتكلم

بناء على طلب الجماهير انا حطيت النهاية الجديدة في موضوع منفصل


http://www.ebnmasr.net/forum/t36471.html#post337861
ياريت تقولي رأيك بصراحة
وياريت بنت اسكندرية كمان تدخل وتقولي رأيها
وخليكم فاكرين ان النهاية الجديدة هي النهاية الاصلية للشعر وانا غيرتها بس عشان مستكة

[عتاب]

المشاركة الأصلية بواسطة مستكة

اي خدمة يا جماعه

لكن اذا جينا للجد باه

ليه دايما بنحب نعيش افلام الابيض واسود اللي فيها لازمن حتمن البطل يتجوز البطلة في نهاية الفيلم

مع ان ابوها قتل ابوه وعمها قتل خاله

ومرات باباها جوزته لبنتها

بس هنعمل ايه المخرج عايز كده

كلام عتاب جميل جدا

والحمد لله يعني اني من اول الناس اللي بتقرا موضوعاتها قبل النشر

بس لاحظت انها كل نهايتها سعيده

ياجماعه احنا مش عايشين في الجنه

ولا دي نظره تشاؤميه

دي ماهي الا واقعيه وكمان مش واقع بحت

فهمتوني

مستكةةةةةةةةةةةةةةةةةةةةة
اركني على جنب بقا
عاملة دوشة ليه
سيبي الناس تتخيل اللي هي عاوزاه
هايبقى كله نكد يعني حقيقة وخيال
يابنتي الحياة يلزمها شوية تغيير
اذا عشنا الحقيقة نكد خلي الخيال جميل
واذا عشنا الحقيقة جميلة نبقي نخلي الخيال نكد
خلي الناس تقدر تعيش