ماذا لو تقدم لخطبتك لكي شيخ أو داعية مشهور في عصمته أكثر من زوجة هل تقبلين ؟

[!بنوتة يابانية!]

سؤال خطر ببالي


كثيير من الفتيات يرفضن الارتباط برجل قد سبق له الزواج

أو رجل في عصمته زوجة أخري أو أكثر من زوجة

ولكن هل سيكون كذلك الحال لو تقدم لخطبتك داعي مشهور أو شيخ مشهور

تمتلئ الشاشات بعرض برامجه مثل الشيخ سالم أو الشيخ محمود المصري أو الشيخ محمد حسان أو الشيخ أو الداعية عمرو خالد ............... وهكذا


هل الشهرة تجعلك توافقين

أم تدينه يجعلك توافقين ؟؟


ما الذي يجعل تقبلين الارتباط به في هذا الوقت ؟؟

وهل هناك من يميزه عن غييره من الرجال الذين سبق لهم الزواج ؟؟

ما الاسبابات التي تجعلك وقتها توافقيين ؟؟

هل في هذا الوقت تقبلين الارتباط به أم ترفضين ؟؟؟

وانت لو تقدم لخطبة أختك داعية أو شيخ مشهور وفي عصمته أكثر من زوجة هل توافق علي زواجه بأختك ؟؟

ما الذي يميزه عن أي رجل أخر؟؟

هستناكم بئ ريبلي

دعوة للمشاركة

[maysam]

اهلا بنوتة يابانية

الشهرة مش مقياس اختيار للزواج

يعني الواحدة حتتزوج شهرته ولا هو كبني آدم؟؟؟

صحيح في ناس ممكن تتزوج لاسباب منها الحسب والنسب والمال وغيره

بس بالنهاية المهم يكون في توافق في كل الامور سواء التفكير او ابيئة او المكانة الاجتماعية او التعليم الخ

هي دي الحاجات اللي ممكن يكون لها اثر ، انما الشهرة بحد ذاتها مش سبب مقنع ، كونه مشهور مش معناه انه مناسب

لكن لو كان مناسب اولا ومشهور ثانيا فما في مشكلة بالموضوع

الشق الثاني موضوع يكون بعصمته زوجة تانية وتالتة ورابعة
فمش وارد عشان دا شيء محتاج تقبل نفسي قبل اي شيء
لو توافر التقبل النفسي ،، يبقى ساعتها في امل
بس هو صعب يكون في امل

[نيهال]

المهم يكون متدين وفيه سبب انى اكون زوجه تانيه
بس عن نفسى ما بوافق
لانى ما بحب الشريك باى شئ مابالكم بحباتى كلها

[رهف]

ياااااه ده انا اتمنى
ده انا امنية حياتى ارتبط بأنسان متدين وطالما فى تدين اكيد هيبقى فى حب بين الزوجات وبعدين مالرسول كان متزوج من اكتر من واحدة
وبعدين الشهرة مش كل حاجة ولو بندور على الشهرة ملهاش لزمة ندور عليها فى الشيوخ
فى ناس كتير جدا مشهورة لمجرد انها ناس تافهة
وشكرا على موضوعك الجميل

[eshoo4ever]

طبعا ً انا شاب واعتقد انى المفروض مدخلش او احط اى راى بس انا بقول انى مبحبش موضوع تعدد الزوجات حتى لو اعدل مبنهم مبحترمش الى يتزوج اكثر من وحده حتى لو كان مين اما بالنسبة للرسول صلى الله عليه وسلم معتقدش انى فى حد فى الدنيا هيعدل زية بس زواجة له ظروف وليس كالان يتزوجون لمجرد ان اعجب بها وطب ومراتك الاولانية يقول " ياعم انا راجب مقتدر يابا والى مش عاجبها الباب يفوت جمل " حاجه فظيعه شكرا ً لكم

[مسلمة73]

لو لشيخ أو داعيه أو رجل صالح حتى لو ماحدش سمع عنه الا انا أوافق على طول لأن المتدين هيراعي في ربنا ويخاف علي ويعيني على أمور ديني وكم من ناس عرضوا بناتهم على الصالحين ودي من زمان أوي وصلوا على الحبيب المصطفى عليه الصلاة والسلام

[sa7am]

لا لو اني امأه لما قبلت لانه متزوج من ناحيه ومن ناحيه اخرى لانه شيخ يحكم بكل شيء على الدين

[نهووووولة]

ماتفرقش معايا انه يكون شيخ او داعية المبدأ عندى واحد
لا اوافق انى اكون زوجة تانية او تالتة او رابعة
انا عايزة اكون الاولى والاخيرة ف حياته
شكرا ع الموضوع