غدر الزمن بقلم / ابراهيم سليم

[بكــار]

عد الجروح يا زمن
وابكى على حالنا
فيه ناس كتير يازمن
مش عارفه موالنا
فيه ناس كتير بتجرح
وناس كتير بتظلم
وناس تقول مالنا
عد الجروح يا زمن
وابكى على حالنا
كنا اتنين فى الهوا عاشقين
بينا وبين الجرح سنين
كانت قصة حب جميله
حب وشوق وغرام وحنين
لكن هى الدنيا كدا
ساعه لينا وعشره لعزالنا
كنا بنخلص ولابنخون
كل جراح حبنا بتهون
لكن اسيه الدنيا علينا
ظالمانا ما سيبانا فى حالنا
ابكى ياقلبى على الى غدر بى
فجأة وسابنى وراح وهجرنى
ولايوم فكر فيك ولاحبى
ورمانى فى دوامه كسرنا
راح والفرح اتبدل جرح
جالنا ودمر كل امالنا
اصحى ياقلبى
وراجع نفسك
انسى دا عمره
ما خاف على حبك
خدعك وانت جريت ورا وهمك
صدقت ان الفرحه جايلنا
عمرى يا دنيا ما هخضع راجع
عمرى ما اكون لهمومك سامع
انا مع قلبى هنرجع تانى
وهننسى كل الى جرالنا

بقلم /ابراهيم سيلم

[رؤيه]

يااااااااااااااااااااااااااااااااااااااااااااااااا ااااااااااااااااااااااه اخيرا
عودا حميدا يا ابراهيم ايه الغيبه دى كلها نورت المنتدى
وياريت لو سمحت ما تغيبش تانى ابقي طل علينا بردو ما تنساش بيتك واخواتك
بجد كلامك جميل جدا وموضوع الغدر ده اللى تاعبنا كلنا وقارفنا امتى باه ربنا حيرحمنا من الناس دى
كلماتك سلسه جدا وقريبه من القلب كعادتك ديما
مره تانيه نورت المنتدى وفى انتظار الجديد

[أحمدكمال]

على رأي اميرة الرومانسية

يااااااااااااااااااااااااااااااااااااااااااااااااا اااااااه اخيرا

ابراهيم سليم مهما غبت فهناك من الذكريات ماهو محفور باسم ملك الرومانسية او بكار
من الصعب ان ننساها

[نيهال]

جميله قوى يا ابراهيم
تسلم ايديك


احساسها اكتر من رائع


بليز خليك معانا بقى

[بكــار]

المشاركة الأصلية بواسطة اميره الرومنسيه

يااااااااااااااااااااااااااااااااااااااااااااااااا ااااااااااااااااااااااه اخيرا
عودا حميدا يا ابراهيم ايه الغيبه دى كلها نورت المنتدى
وياريت لو سمحت ما تغيبش تانى ابقي طل علينا بردو ما تنساش بيتك واخواتك
بجد كلامك جميل جدا وموضوع الغدر ده اللى تاعبنا كلنا وقارفنا امتى باه ربنا حيرحمنا من الناس دى
كلماتك سلسه جدا وقريبه من القلب كعادتك ديما
مره تانيه نورت المنتدى وفى انتظار الجديد

اميرة الرومانسيه
الاخت العزيزه والفاضله
اولا اشكرك جدا لمرورك الطيب
ثانيا : والله العظيم غيابى بيكون غصب عنى
لانى بقيت زى ما تقولى كد ا مشتت ويمكن انتى عارفه بعض الظروف الى مناعنى من التواجد والمشاركه
لكن احب اقلك
ان ابن مصر بالنسبه لابراهيم سليم او اى عضو من اعضاء ابن مصر
مش مجرد منتدى يمر عليه وقت ما هو عا يز او فى وقت دا مجرد بيت بيضم جواه ذكريات جميله واحلام بريئه حلمناها مع بعض
والى ينسى الذكريات ويبيع الاحلام
يبقى اكيد عمره ما حب ابن مصر
مره ت انيه شكرا لمرورك الر ائع

[بكــار]

المشاركة الأصلية بواسطة أحمدكمال

على رأي اميرة الرومانسية

يااااااااااااااااااااااااااااااااااااااااااااااااا اااااااه اخيرا

ابراهيم سليم مهما غبت فهناك من الذكريات ماهو محفور باسم ملك الرومانسية او بكار
من الصعب ان ننساها

احمد كمال المدير العام لعالم ابن مصر
والصديق العزيز جدا والاخ الفاضل
بجد انا عارف انى مقصر فى حقك انت اولا
وفى حق بقية الاخوه والاخوات ثانيا ب س قبل كل دا مقصر فى حق ابن مصر
لكن انت عارف انى عمرى ما قصرت الا للشديد القوى
ويارب ما يكون حد زعلان منى لانى بجد هكون مضايق قوى
وبتمنى من كل قلبى انى اكون د ايما متواجد
تقبل فائق احترامى وتقديرى

[بكــار]

المشاركة الأصلية بواسطة نيهال

جميله قوى يا ابراهيم

تسلم ايديك

احساسها اكتر من رائع

بليز خليك معانا بقى

ا لاخت الفاضله
اشكرك جدا لمرورك
وان شاء الله احاول اتواجد على اد ما اقدر
تقبلى تحياتى

[دقه قلب]

جميلة فعلا يا ملك
وانا بضم صوتى لكل اللى سبقونى بالرد
ما تختفى وتحرمنا من متابعة اعمالك الجميلة
الان بالفعل الموهبه الحقيقة والعمل الجيد
بقى شىء نادر اوى
تحياتى لك

[بكــار]

المشاركة الأصلية بواسطة دقه قلب

جميلة فعلا يا ملك
وانا بضم صوتى لكل اللى سبقونى بالرد
ما تختفى وتحرمنا من متابعة اعمالك الجميلة
الان بالفعل الموهبه الحقيقة والعمل الجيد
بقى شىء نادر اوى
تحياتى لك

اشكرك جدا لمرورك وان شاء الله فيه اجمل

[بكــار]

للرفع .........................................

[amr_miza1]

أخى ابراهيم ..

بدايةً .. تحية لقلمك وشخصك

ثانيا لاحظت الردود السابقة خاصة بغيابك وكلها نداءات للعودة .. فهل لنا أن نراك دائما هنا بين اخوتك ..

كلمات الزمن الجميل

تحياتى لك

[the sun]

جميله اوي بجد استمتعت وانا بقراها
تسلم ايدك