مافيش حاجة ـ إيمان بكري

[Honey1900]

مافيش حاجة


الشاعرة المصرية إيمان بكري



مانيش عايز خلاص حاجة

ولا محتاج أنا لحاجة

ولو عايز صحيح حاجة مخليتوليش ولا حاجة

عموماً بصوا فيه حاجة ...هقولها بس محتاج لعقول تفهم.. ولو حاجة

مهيش مفهومة او حاجة ....نفسرها بكام حاجة

نوضحها بكام حاجة وأهى حاجة مع حاجة هتظهر وتبان لنا حاجة

وانا ما بخفش من حاجة مانيش مسنودة ولا حاجة

لكن ما بخفش من حاجة

لكن فرضاً لو هقول حاجة هيحصل إيه ؟ ولا حاجة

هيعملوا إية ؟ ولا حاجة

ولو بعد الشر .. بعد الشر لو واحد من القاعدين من السامعين من الضالين فِهِم حاجة


هَيعملوا إيه ؟ اكيد برضُه ولا حاجة

فنتوكل على الستار لوجه الله نقول حاجة

فيه ناس بتعيش علشان حاجة و ناس بتموت علشان حاجة

و ناس بتموت على الحاجة

و ناس تديلك الحاجه وهى ليها محتاجه

و ناس تديلك الحاجه و تاخد قصادها ميت حاجه

و ناس تكبر تكون حاجه و ناس تصغر علشان حاجه

و ناس منظر ومش حاجة و تلقاه كبير حرس ونفير عليه منظر

وهو جبان وشيخ منصر ولا يبـنش عليه حاجة

كلامى يا خلق فيه حاجة .. لحد دلوقتى فيه حاجه

كلام عادى و بسيط جداً .. ولا فِهشِ ولا حاجة

ما انا ما أقدرش أقول حاجه صحيح نفسى أقول حاجه

وميت حاجه لكن مش قادرة اقول حاجة لأنى لو هقول حاجه

هييجى ناس بتوع حاجه وياخدونى ورا الحاجة

وهو لو سمع حاجه هيعملوهالى ميت حاجه

عموما ... بصو لو حد من القاعدين عايزنى أبلغه بحاجة يقول مايخفش من حاجة

نعم .. فيه إيه؟ ...لالأ مافيش سرقه ولا تهليب ولا تهريب ولا حاجة

وبتقول إيه...مصمصوا إيه.... وخصخصوا إيه....ده كله كلام مفيش حاجه

قضية إيه ..ياشيخ روح خلاص مافيش حاجه

حرامى إيه ... و لكح إيه ... و هرب إيه؟ شــفـافـيـه مافيش حاجة

وبتقول إيه .. لالآلأ عـــيب لافيه تدليس ولاترقيص ولا تدبيس ولا حاجه

سمع مع هوووس انا حاسس انه فيه حاجة

دقيقة سكات لَتبقى حداد انا حاسس انه فيه حاجه

زمنكوا ياخلق فيه حاجه ولازموا كام و ميت حاجه

ده لو يعنى إذا كان فيه حاجة

انا عن نفسى مش حاسس ولا بحاجة ولا متضايق و لا حاجة

سعادتك برضه مش زَيـىِ مافيش حاجة

أهـه بيقول مافيش حاجة جنابك برضه مش زَيـىِ وعلشان زَيـىِ مافيش حاجة

أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانّا مافيه حاجة

و رحمة ابويا ويّا أبوك على إللّى جابوك ما فيه حاجه

وعهد الله . وعهد الله. وعهد الله ما خللولنا ولا حاجه

بقولك إيه خـــلاص خلّص وفركش يلا اخوا

[hend]

بجد جامدة جدا
الف شكر هانى
روعه

[الورد الجوري]

جميله بجد
ميرسي يا هاني

[duha]

اهلا هاني
شوف يا هاني
انا مفهمتش منها حاجة
يمكن عشان في حاجة
انا بتكلم في العراق بحاجة
وانتو في مصر بتتكلمو في حاجة
ولما اكلمو تبقى غير حاجة
ولما تكلموني بردو غير حاجة
عشان كدة اتلخبطت حاجة فوق حاجه
ومبقيتش فاهمة حاجة
لكن لما قريتها حاجة حاجة
لقيت فيها حاجة
فيها معنى وفيها غايه وفيها مليون حاجة
فيها للوطن حاجة
وفيها للانسان حاجة
وفيها للاخلاق حاجة
عشان كدة وصلت الحاجة
ان القصيدة دي مش اي حاجة
دي حاجة وحاجة


حلوة اوي ياهاني
فعلا هي حاجة

[أحمدكمال]

احلى حاجة الكام حاجة اللي قلتهم ضحى...

ميفتكوش تشوفوها فديو..
حاجة تحفة موجودة على youtube
وشفتها على النيل الثقافية قبل كده

[Honey1900]

مفيش حاجة ؟؟؟؟؟؟؟؟؟؟؟؟

[حبيبة الرحمن]

شكرا على الموضوع
ايمان بكري مش محتاجة تصويت عشان نقيم اشعارها
والموضوع مكرر
مفيش حاجه

[نيهال]

حلوه يا باشمهندس
نقل موفق

[سبارتكوس]

رائعه ...ومش ومحتاجه لا تعليق ولا اى حاجه

محتاجه نفهمها كويس يمكن نبقا حاجه

شكرا هانى .............تمنياتى بالتوفيق والنجاح

[محمدحسين]

أعتقد جمالها أنها تتكلم بالرموز فى كل شئ
بشكل فلسفى جميل
شكرا ياهانى عل النقل

[Honey1900]

المشاركة الأصلية بواسطة حبيبة الرحمن

شكرا على الموضوع
ايمان بكري مش محتاجة تصويت عشان نقيم اشعارها
والموضوع مكرر
مفيش حاجه

اي خدمة يا حبيبة و انا كمان جبت اللنك بتاعه علي يو تيوب ف رد من الردود

عجبني و جبته و معلشي اصلي مش متابع حبر علي ورقة قوي
نورتيني

المشاركة الأصلية بواسطة نيهال

حلوه يا باشمهندس
نقل موفق

ميرسي يا نيهال علي مرورك
نورتيني

المشاركة الأصلية بواسطة سبارتكوس

رائعه ...ومش ومحتاجه لا تعليق ولا اى حاجه

محتاجه نفهمها كويس يمكن نبقا حاجه

شكرا هانى .............تمنياتى بالتوفيق والنجاح

تسلم يا سبارتا
نورت الموضوع يفندم

المشاركة الأصلية بواسطة محمدحسين

أعتقد جمالها أنها تتكلم بالرموز فى كل شئ
بشكل فلسفى جميل
شكرا ياهانى عل النقل

محمد باشا

تسلم يا باشا علي مرورك

نورتني يا باشا

[Honey1900]

up
up
up
up
up

[رؤيه]

اهلا هانى
يااااااااااااااااه من زمان ونفسي حد يجيب لايمان بكرى اشعارها بجد الست دى جباره انا دورت قبل كده ما لاقيتش بس موضوع يو تيوب ده مدورتش فيه بصراحه
تسلم ايدك يا باشمهندس على النقل وياريت لو فى ليها حاجات تانيه ادينى الموقع اكون شاكره جدا

[امرأة العزيز]

جامدة يا هاني

كلها حجات مش حاجة وحدة

سلمت يداك

امرأة العزيز

[Honey1900]

المشاركة الأصلية بواسطة اميره الرومنسيه

اهلا هانى

المشاركة الأصلية بواسطة اميره الرومنسيه

يااااااااااااااااه من زمان ونفسي حد يجيب لايمان بكرى اشعارها بجد الست دى جباره انا دورت قبل كده ما لاقيتش بس موضوع يو تيوب ده مدورتش فيه بصراحه
تسلم ايدك يا باشمهندس على النقل وياريت لو فى ليها حاجات تانيه ادينى الموقع اكون شاكره جدا

يااااااااااه اميرة الرومنسية بنفسها هنا يا مرحبا يا مرحبا
فعلا ايمان بكري دي جامدة علي رأيك
فعلا عجبتني القصيدة لما قريتها و عجبتني اكتر لما سمعتها و شوفتها منها

بجد روعة
عموما يفندم دا لنك لكل فيديوهاتها علي يوتيوب


http://www.youtube.com/results?search_query=%D8%A7%D9%8A%D9%85%D8%A7%D9%8 6+%D8%A8%D9%83%D8%B1%D9%8A

و لو احتجتي اي حاجة تاينة عنها او اي حاجة عموما
Just Ask

حلوة جست اسك دي


نورتي يفندم