مدينة النساء

[الورد الجوري]

تحت شعار: النساء لا يخطئن أبدا وعلى الرجال السمع والطاعة

بكين-رويترز
قال مسؤول صيني الخميس 26-4-2007 ان سلطات السياحة تسعى الى جذب الاستثمارات لبناء مشروع جديد يكون مصدر جذب سياحي هو أول "مدينة للنساء" في العالم يعاقب فيها الرجال اذا ما خالفوا الامر.
وقال مسؤول سياحة ان قرية لونجشويهو التي تبلغ مساحتها 3ر2 كيلومتر مربع في منطقة شوانج تشياو ببلدية تشونج تشينج والتي تعرف أيضا باسم "مدينة النساء" تستند الى فكرة محلية تقليدية تكون فيها الغلبة للنساء ويطيع فيها الرجل المرأة.
وأضاف المسؤول في مكالمة هاتفية "تهيمن النساء عادة ويكون على الرجال السمع والطاعة في مناطق من اقليم سيتشوان وتشونج تشينج ونحن الان نستغل هذه الفكرة في جذب السائحين وزيادة السياحة."
وتابع المسؤول الذي لم يذكر سوى اسم عائلته وهو لي أن مكتب السياحة يعتزم استثمار ما بين 200 مليون يوان (26 مليون دولار) و300 مليون يوان في البنية الاساسية والطرق والمباني.
ومضى يقول "نحن نرحب بالمستثمرين من الخارج ومن الداخل للاستثمار في مشروعنا."
وقالت وسائل اعلام صينية ان شعار المدينة الجديدة سيكون "النساء لا يخطئن أبدا وعلى الرجال السمع والطاعة."
كما قالت تقارير اعلامية انه عندما تدخل مجموعات سياحية البلدة سيكون للسائحات الكلمة العليا عند التسوق أو اختيار مكان الاقامة واذا ما خالفهن الرجال يعاقبون "بالركوع على طريق غير ممهدة" أو بغسيل الصحون في أي مطعم.
ومن المتوقع أن يستغرق المشروع الذي بدء في نهاية 2005 بين ثلاث وخمس سنوات.
******************
منقـــــ من العربية نت ــــــول

[دقه قلب]

ايه ده
لاء مش عجبانى الحكايه دى

بس الموضوع بجد بجد غريييييييييييييب
منورة يا ورد بموضوعاتك العجيبة

[duha]

اهلا الورد الجوري
مدينه للنساء والرجال يسمعو الكلام وبس؟
والله فكرة
بس في الصين وكمان في القريه اللي مش عارفه ازاي عرفتي تكتبي اسمها مش بعيد شويه
موضوعك جميل وغريب
شكرا ليكي

[بنت فلسطين]

أنا حروح ألحق أقدم الـ Cv بتاعي عشان عايزة أكون بالإدارة العامة للمدينة دي

على العموم ... الفكرة ممكن تكون حلوة كفكرة سياحية وغريبة .. نوع من التغيير يعني
انما حقيقة أنا ما بحبش نخلف الطبيعة .. يعني مرتاحة جدا بكلام ربنا (الرجال قوامون على النساء) بس بمعناها الحقيقي .. اللي هو قوام (تكليف) مش (تشريف) ..

على كل حال شكرا كتير ورد الموضوع حلو كتير ... تسلم ايديكي

[snow white]

ايوه كده ياورد خلينا نتحكم فيهم شويه ونخلص تارنا منهم
ونطلع عنيهم ونأمر وننهى وهم عليهم السمع والطاعه



بس بينى وبينك كده لما تخيلت الموضوع لقيتها مش حلوه ابدا
يمكن لانى مبحبش الأوامر انما احب دايما يكون فى حوار نوصل فى نهايته لافضل القرارات

عشان كده الموضوع ده كفايه يكون فكره سياحيه بس انما بجد وحقيقى


تسلم ايدك ياوردتى ياقمر

وربنا يوفقك فى امتحاناتك ياعمرى وتعدى على خير عشان نشوف معانا باستمرار

[safffffy2007]

هى فكرة كويسة
بس ماينفعش تتطبق طبعا
لان لو طرف واحد بس هو اللى اتحكم مش حينفع
لكن لازم تكون كل حاجة بالاتفاق والمشورة


نيس توبيك

[عتاب]

الناس اتهبلت والا ايه هههههههه
بجد قمة الاستفزاز هو مخالفة الطبيعة
الراجل راجل والست ست ولكل واحد منهم دوره في الحياة
الفكرة دي على اد ماهي غريبة على اد ماهي عبيطة
حتى لو كانت عشان السياحة وبس
مين الراجل الاهبل اللي هايروح يتفسح في مكان بيعامله بالاسلوب ده
ده يبقى راجل غبي لو راح المدينة دي
ومين الست اللي هاتقدر تعيش في مدينة للنساء بدون رجال
الناس دي عملت كل حاجة ومش لاقيين جديد يعملوه الا الفكرة العبيطة دي!!!
ربنا يشفيهم بجــــــــــد
حاجة تنرفز !!!

شكرا يا ورد على الموضوع
تسلم ايديكي

[eshoo4ever]

المشاركة الأصلية بواسطة بنت فلسطين

أنا حروح ألحق أقدم الـ Cv بتاعي عشان عايزة أكون بالإدارة العامة للمدينة دي

على العموم ... الفكرة ممكن تكون حلوة كفكرة سياحية وغريبة .. نوع من التغيير يعني
انما حقيقة أنا ما بحبش نخلف الطبيعة .. يعني مرتاحة جدا بكلام ربنا (الرجال قوامون على النساء) بس بمعناها الحقيقي .. اللي هو قوام (تكليف) مش (تشريف) ..

على كل حال شكرا كتير ورد الموضوع حلو كتير ... تسلم ايديكي

والله عجبنى ردك جدا

عقليتك متزنة بجد يا رؤى

ربنا يخليكى لفلسطين ولكل العرب

[أحمدكمال]

ياسلام هي الدنيا زنقت قوي وكوكب الارض اتزحم علشان نروح المدينة دي :@

[بكــار]

ههههههههههههههه والله ولسه يا ما هنشوف

كان فيه عندى دكتور لذيذ قوى

كل ما السبورة تتملى ينادى على واحد يمسحها

فمره بدون قصد منه نده على واحده وقالها امسحى السبوره

فهى رفضت وقالت ما ينفعش امسح السبوره ادام الناس دى كلها

فالدكتور استخدم ذكاءه اللامتناهى وقالها امال قاعدين تطالبوا بالمساواه
وعايزين تبقوا زى الرجاله
قربى يا بت امسحى السبوره وفعلا مسحت السبوره ههههههههههههههه
عالم غريب والله

[Lonely Doc]

موضوع غريب فعلا ياورد وطريف فى الوقت نفسه
وهى ليست بالفكرة الجديدة فنساء الامازون لهم الكلمة العليا منذ زمن بعيد
جزء من سحر وانوثة المرأة ضعفها
عندما تكون المرأة مسيطرة تفقد كثيرا من هذا السحر والانوثة
واذا نظرنا الى واقع الامر سنجد ان كل بيت يوجد فيه "تشونج تشينج " فترة ما قد تكون لحظات وقد تمتد قليلا لكن ان تستمر على الدوام فهذا لن تطيقه المرأة نفسها
انا أقترح على نساء تشونج تشينج ان يأمرن الرجال ان يحملوا ويلدوا بالمرة
صحيح دنيا وفيها العجايب

تحياتى

[بنت فلسطين]

المشاركة الأصلية بواسطة eshoo4ever

والله عجبنى ردك جدا

عقليتك متزنة بجد يا رؤى

ربنا يخليكى لفلسطين ولكل العرب

ايشو .. والله انت بتخجلني بكلامك ..

من ذوقك دة والله .. وصدقني .. كل واحد بيشوف الناس بعين طبعه

[الورد الجوري]

المشاركة الأصلية بواسطة دقه قلب

ايه ده
لاء مش عجبانى الحكايه دى

بس الموضوع بجد بجد غريييييييييييييب
منورة يا ورد بموضوعاتك العجيبة

نوجه حبيبتي
منوره يا عمري
انا فعلا استغربت لما شفت الموضوع ده
و قلت اجيبه تشوفوه
ميرسي يا عمري على تواجدك اللذيذ

[الورد الجوري]

المشاركة الأصلية بواسطة duha

اهلا الورد الجوري
مدينه للنساء والرجال يسمعو الكلام وبس؟
والله فكرة
بس في الصين وكمان في القريه اللي مش عارفه ازاي عرفتي تكتبي اسمها مش بعيد شويه
موضوعك جميل وغريب
شكرا ليكي

هي بعيده فعلا
و بيني و بينك احسن انها بعيده
اصل الفكره مش عاجباني
ميرسي لوجودك يا حياتي

[الورد الجوري]

المشاركة الأصلية بواسطة بنت فلسطين

أنا حروح ألحق أقدم الـ Cv بتاعي عشان عايزة أكون بالإدارة العامة للمدينة دي

على العموم ... الفكرة ممكن تكون حلوة كفكرة سياحية وغريبة .. نوع من التغيير يعني
انما حقيقة أنا ما بحبش نخلف الطبيعة .. يعني مرتاحة جدا بكلام ربنا (الرجال قوامون على النساء) بس بمعناها الحقيقي .. اللي هو قوام (تكليف) مش (تشريف) ..

على كل حال شكرا كتير ورد الموضوع حلو كتير ... تسلم ايديكي

رؤى ازيك ؟
يعني يا بنتي هننتظر ايه منهم في غياب الدين
طبيعي يألفولهم مناهج يمشو عليها و بعد شويه تفشل
ويدورو على غيرها مش مناهج وضعيه !!!
ميرسي يا حبيبتي على المرور اللي اسعدني