قهوة المخربشين (5)

[Dr-Ayat]

انا اول مرة اخش القهوة

حد يعزمني على نسكافيه يا جماعة .

نسيت محفظتي في البيت

وما عندش مانع اتعزم عالفطار كمان

صباح الخير لكل رواد القهوة

[omarr]

صباح الخير دكتوره آيات .. عم صبحى معلم القهوه .. وسنقر الصبى بتاعه تحت الأمر يا دكتور

اطلبى اى شىء يا فندم

[amr_miza1]

مساء الخير عليكم

فنجان القهوة السادة يا سنقر .. انا مش عاوز اكلم عم صبحى علشان لو كلمته ممكن ازهق عليه

حسين وايات وشاعر الليل المسكين ربنا يفك حبسه .. وضحى طبعا لان الحساب دايما عليها

قريت موضوع الانبعاج يا حسين وانبعجت كثيرا .. ومع الاسف رديت ع الموضوع بشكل اكثر انبعاجا والمشكلة انى لغاية دلوقتى بتكلم بنفس الطلريقة المنبعجة اللى تقريبا اخدت عليها

يا سنقر فين القهوة الله يخب بيت ....... لا مؤاخذة يا عم صبحى صبح صبح يا عم الحاج

[دقه قلب]

ادينى جيت تانى اهه

وعايزة نسكافيه
على حساب ضحى طبعا

ها بتتكلموا فى ايه بقى؟؟؟؟؟؟

[wael.galal]

السلام عليكم علي كل الموجودين اللي منورين القهوة

في مكان أقعد فيه ولا أمشي

مستني الرد
..................

[amr_miza1]

اهلا دقة قلب .. واهلا بيك يا وائل وبعدين مفيش مكان ازاى يعنى دا انت نورت القهوة ..

مش عارف ضحى تقريبا هربت من كتر ما بتدفع لنا الحساب .. عموما كنا عاوزين نتكلم فى موضوع كدا

ايه رأيكم فى قناة الجزيرة .. بس والنبى من غير تعصب علشان الواحد بييجى هنا القهوة علشان يفك شوية
انا شايف انها ساعات كتير بتكون غير محايدة .. وائما ما تظر الى الجانب الأسود من الحكومات سواء المصرية او غيرها ..
ولا انكر دورها الاعلامى والمتفرد على مستوى الاعلام العربى كله ..

ها يا جماعة رأيكم ايه فى الموضوع دا

القهوة يابنى .....

[omarr]

دقه قلب .. وائل .. عممممممور .اهلا وسهلا بيكم كويس انكم هنا

بالنسبه لقناه الجزيره لما بدأت فى 96 انا كنت مدمن قناه الجزيره و فضلت على كده مدمن ليها
اتفرج تلات مرات على نفس الأخبار , لغايه من سنه تقريبا فصلت منها تماما و لا اشاهدها من ساعتها و لاحتى دقيقه واحده . بس الجزيره الوثائقيه حلوه ومشوقه .

[amr_miza1]

صباح الخير يا أ / حسين

الجزيرة الوثائقية طبعا جميلة لانها بتعرض حقائق أو وثائق تاريخية أو سياسية .. فأكيد مش هتلاقى اى انحياز فى المواد العلمية دى ..

والا ايه رأيك يا سحس ..

القهوة طلعت سكرها زيادة .. خليها سادة يا سنقر عاوز اظبط نفوخى شوية ..

[omarr]

عمرو عارف انا مش بحب قناه الجزيره ليه ؟؟؟؟؟؟؟؟؟؟

عشان سبب بسيط جدا وهو انى اكتشفت بعد فتره طويله من ادمانى لقناه الجزيره انها
سلاخانه العرب والمسلمين .... اللى عايز يتفرج على السلاخانه يقعد ويتفرج ...

طبعا انا بتكلم عن نفسى و بتكلم عن مشاعرى الشخصيه و لا الزم بها غير نفسى
انا لا اعرف اذا كانت القناه حياديه او لها منهج وهدف محدد . لااعرف و بصراحه لا يهمنى ان اعرف
لأننى ببساطه لن اعرف و ليس لدى الوقت لكى اعرف . كل ما اعرفه انها ذات تأثير سلبى جدا

[برديس]

السلام عليكم
ازيكوا كل الموجدين فى القهوه
سمعت ان المشاريب ببلاش ممكن اطلب حاجه وانضم ليكوا
ولا بلاش احسن

[amr_miza1]

طيب يا حسين معاك حق والله .. بس براحتك عليا انا حاسس انك بتشخط فيا .. والله انا برييييء

انا فعلا زيك والله وكنت كتبت موضوع بيقول نفس كلامك دا تقريبا فى القسم السياسى .. وبعدين انا بشوفها بس علشان اعرف الاخبار انما مش بقتنع ببرامجها وبتستفذنى جدا ..

عم صبحى .كوباية عصير ليمون .. وعلى حسابى للاستاذ حسين

[amr_miza1]

المشاركة الأصلية بواسطة برديس

السلام عليكم
ازيكوا كل الموجدين فى القهوه
سمعت ان المشاريب ببلاش ممكن اطلب حاجه وانضم ليكوا
ولا بلاش احسن

لالا اتفضلى طبعا وقلبك جامد الحساب على ضحى ..

وطبعا نورتى القهوة

[برديس]

مرسى يا جماعه طيب كباية شاى بس بلاش ابو فتله خليها الشاى العادى
قناة الجزيره اه انتو هتقول عليها
انا كنت من عشقها لدرجة انى كنت اول ما ادخل البيت افتحها على طول
لحد من كام شهر كده عرفت انها بضخم الاشياء وتكبرها زياده عن الازم وكمان بتالف
كان حصلت حادثه قريبه مننا وكانت بسيطه عباره عن انبوبه بوتجاز انفجرت فى
محل من محلات الطعميه عادى يا عنى حادثه عاديه
بس كانت ايام انتخابات مجلس الشورى الى فاتت
لقيت فى قناة الجزيره هجوم ارهابى على مدينة بلبيس
مع ان ده محصلش من وقتها وانا معتش بتبعها خالص
بس بتابع الجزيره الوثائقيه

[amr_miza1]

متفقة يعنى معانا أنا واستاذ حسين فى رأينا

امال لما اتكلمت عن الموضوع دا فى القسم السياسى الناس كانت بتهاجمنى انا هههههههههههه

سبحان الله

[برديس]

ماشى يا عمرو ماهو انا لو كنت قرات الموضوع ده
قبل الموقف الى حصل كنت هكون من المهجمين
ما هى دى طبيعه البشر مش بتصدق الا لما تشوف بعينها
بس الشاى لسه مجاش ليه