قهوة المخربشين (5)

[برديس]

صباح الخير على كل الموجودين
صباح الخير يا عمدتنا يا عم فداك الف عربيه
صباح الخير يا اسلام السنه دى هتكون افضل ان شاء الله
وتسلم على ردك امبارح جبت المفيد
ايااااااااااااااااااااااااااااااااااااااات يا دكتووووووووووووووووره اصحى بقا ولا
نقول لدكتور خالد انك كسوله كفايه نوم الساعه 9.30 يلا اقومى

يلا يا سنقر هات قهوه لينا كلنا عما نشوف مين الى هيكمل لسه مين
اه الاستاذ حسين قال هيرجع امبارح ومرجعش لعلا المانع خير

[rosi_smile]

يااااااااااااااااااااااا يا سولم السنه اللي فاتت دي كانت مليئه بالاحداث
بجد كانت سنه مايعلم بيها الا ربنا
الحمد لله

اقول الكويسه الاول
اول حاجه حلوه حصلت واجملهم والله ومن غير اي مجامله اني اشتركت في منتديابن مصر بجد والله خفف عليا حاجات كتيره جدا بعد المر اللي كنت بشوفه من اعادي لوحدي

و احلي واجمل واطيب شخصيه عرفتها في حياتي
واللي من غيرها معرفش كنت ممكن اعمل ايه اتعرفت عليها يوم 11 شهر 5 بالظبط الساعه 8وربع هههههههههه
اجمل شخصيه عرفتها واكتر حد فهم مي علي حقيقتها

العائله بتاعتنا حسيت انها بدأت تتماسك شويه وبقينا بنزور بعض ونروح ونيجي عند بعض ومشاكلنا بأة واحده ولو حصل حاجه عمي يبأه جمبنا وده حصل بعد وفاة جدي تاني يوم العيد الصغير

وحاجه كمان فرحتني جدا بس للاسف (يافرحه ماتمت )ههههههههههه
وهي مرض حد كده معين والوحيد اللي الدنيا كلها تتمني ان ربنا يخلصنا منه ويروح في100 مصيبه بجد واكيد كلنا عارفينه بس للاسف برده(يافرحه ماتمت)طلعت اشاعه

الحاجات الوحشه بأه

نتيجة الثانوي العام
دي بأه يترتب عليها كل حاجه وحشها فقدان لاعز الناس ومن ضمنهم الشخصيه رقم اتنين في الحاجات الكويسه
وصحباتي الانتيم اللي للاسف كنت مفكراهم انتيم بس لما وقعت ملقتش حد فيهم جمبي
وكتير من عيلتي اللي كانوا حاطين املهم فيا لاني انا مكنتش كده في السنوات اللي فاتت بس انا اللي لعبت جدا فيتانيه ثانوي
وطبعا املي انا وهدفياللي كنت بتمني اني اوصل ليه وبجد والله بئيت عايشه من غير اي اهداف عايشه كده وخلاص

جدي الله يرحمه حبيب قلبي بجد كنت بحبه اوي وهو كان بيحبني جدا
اسمي مكنش بيفارق لسانه طوال فترة مرضه بس الحمد لله انه رحمه من المرض

عرفت حقيقة حاجات كتيره جدا
معنتش بثق في اي حد بسهوله بقيت خايفه من اي حد

بس كفايا كده ههههههههههههه
احسن الواحد خلاص هينفجر
واد يا سنقر اتأخرت ليه يا واد

[rosi_smile]

صباح الخير يا اجمل برديس
اذيك يا قمر

[شاعــ الليل ــر]

صباح الخير يا برديس

عامله ايه في المدرسة ؟

الامتحانات علي الابواب
شيدي حيلك


هات القهوة بسرعة يا سنقر
يخرب بيتك
من أمبارح وانا زهقان منك
أيه إلي انت عملته فيا ده؟
لما اشوف ابوك هقوله

[برديس]

صباح الخير يا اجمل مى
على فكره صحبتى الانتيم اسمها مى
بس ليه التشاؤم ده
انتى لسه ما شفتيش حاجه
ياما لسه هتشوفى فى الجامعه اشكال والوان
وانواع كتير من الغدر
صحيح متديش الثقه لحد بس مش معنى كده
انى اشك فى كل الناس
وبعدين شدى حيلك شويه فى الثانوى تقدرى تحققى الى نفسك فيه
المستقبل بايد ربنا
وفى حكمه بتقول
حب ما تعمل حتى تعمل ما تحب

[برديس]

صباح الخير يا اسلام
اه والله خايفه جدا من الامتحنات
زى ما اكون انا الى همتحن
ربنا يعدى اليومين دول على خير
لحد ما النتيجه تطلع وبعدين يتعملنا تحقيق
ربنا يستر

[rosi_smile]

المشاركة الأصلية بواسطة برديس

صباح الخير يا اجمل مى
على فكره صحبتى الانتيم اسمها مى
بس ليه التشاؤم ده
انتى لسه ما شفتيش حاجه
ياما لسه هتشوفى فى الجامعه اشكال والوان
وانواع كتير من الغدر
صحيح متديش الثقه لحد بس مش معنى كده
انى اشك فى كل الناس
وبعدين شدى حيلك شويه فى الثانوى تقدرى تحققى الى نفسك فيه
المستقبل بايد ربنا
وفى حكمه بتقول
حب ما تعمل حتى تعمل ما تحب

انا ليا الشرف اكون اسمي علي اسم صحبتك الانتيم
وليا الشرف اكتر اني اكون زيها

بالنسبه لموضوع التشاؤم
والله يا برديس بالعكس انا متفائله جدا بكل خير
حاسه ان ده اختبار من ربنا
واكيد ربنا مش هيعمل اي حاجه وحشه فيا
وغير كده ممكن يكون علشان اعرف حقيقة الناس اللي والله والله كنت بفضلهم علي نفسي
وممكن وممكن.........
محدش عارف ايه حكمة ربنا
واكيد كمان علشان انا مدتش للثانوي العام حقه
بس هي بتبأه صدمه وانا لازم لما افتكر اعمل دقيقه حداد كده بس برجع عادي زي ماكنت ولا كأن في اي حاجه ههههههههه
يعني لماتلاقي كل حاجه ضعت من ايدك في لحظه واحده بتبأه صعبه اوي
بس الحمد لله
ربنا يعوضنا جميعا يارب


هستأزنكم حبه علشان هقوم افطر واعد ازاكر شويه
يلا سلام يا احلي شباب
سلام يا عمده سلام يا سولم سلام يا برديس

[شاعــ الليل ــر]

هو العمده راح فين ؟

شكله خاف من سنقر يعمل فيه زي ما عمل فيا

متقلقش يا محمود
هو أصلاً خايف مني فهيلم نفسه النهارده

[جناب العمدة]

صباح النور والسرور روزى
كل سنة وانتى طيبة

وحاجه كمان فرحتني جدا بس للاسف (يافرحه ماتمت )ههههههههههه
وهي مرض حد كده معين والوحيد اللي الدنيا كلها تتمني ان ربنا يخلصنا منه ويروح في100 مصيبه بجد واكيد كلنا عارفينه بس للاسف برده(يافرحه ماتمت)طلعت اشاعه

تقصديييييييييي ................. سنقر يعنى ... دا اللى اقدر اسميه

يادى النور .. برديس وصلت يبقى كله لازم يقوم يقف
صباح الفل .. كل سنة وانتى طيبة

هو سنقر عملها فيك يا اسلام طب وحياة ابوه عم صبحى
ما انا معديهالو ..

[شاعــ الليل ــر]

مي
حبيبة قلبي
أنت عرفة أن الواحد ميقدرش يستغني عنك أبداً

بس عشان المذاكرة ماشي
ربنا يوفقك يا بيبي

[برديس]

صباح الخير يا عمدتنا
الواد سنقر ده مش هيجبها البر
ديجوا نغير الموضوع
لحد ما يجوا باقى رواد القهوه
ايه رايكوا فى موضوع خفيف كده
كلنا طبعا بلاش كلنا دى كتير مننا بيحب احسان عبد القدوس
ليه مقوله شهيره جدا تعالوا نتناقش فيها هى
"الحب الاول ما هو الى وهم كبير نصنعه بايدينا"
يا ترى الحب الاول هو بس الى وهم ولا الحب عامة وهم
ايه رايكوا انتو

[جناب العمدة]

المشاركة الأصلية بواسطة شاعــ الليل ــر

هو العمده راح فين ؟

شكله خاف من سنقر يعمل فيه زي ما عمل فيا

متقلقش يا محمود
هو أصلاً خايف مني فهيلم نفسه النهارده

كده الواحد لازم ياخد احتياطو ويخلي سنقر يجرب المشاريب
كلها قبل ما يقدمها .. الحرص واجب برضو .

انتو مش واخدين بالكم ان روزى راحت تفطر من غير ما تعزم .

[جناب العمدة]

المشاركة الأصلية بواسطة برديس

صباح الخير يا عمدتنا
الواد سنقر ده مش هيجبها البر
ديجوا نغير الموضوع
لحد ما يجوا باقى رواد القهوه
ايه رايكوا فى موضوع خفيف كده
كلنا طبعا بلاش كلنا دى كتير مننا بيحب احسان عبد القدوس
ليه مقوله شهيره جدا تعالوا نتناقش فيها هى
"الحب الاول ما هو الى وهم كبير نصنعه بايدينا"
يا ترى الحب الاول هو بس الى وهم ولا الحب عامة وهم
ايه رايكوا انتو

موافق .. بس اعمل شوية شغل وارجع

[شاعــ الليل ــر]

فعلاً روزي راحت تفطر من غير ما تقول حتي أتفضلوا معايا

وانا إلي بحسبها احسن من كده

لما تيجي بس


برديس
موضوع الحب ده كبييييييييييير
وأسمحيلي اسمع آرأكم الأول وبعدها أتكلم
عشان أنا جوايا خليط من أجود أنواع الأفكار عنه

[برديس]

خلاص اوك يا اسلام
بس العمده راح يعمل شغل ويرجع تانى
خلاص هقول انا رائى الاول لانى كلها شويه وهقوم انا كمان

بس رائى ده من واقع تجارب اصحابى فى الجامعه والعمل
انا مع احسان عبد القدوس بس مش عن الحب الاول بس
لا الحب عامة وهم بنصنعه احنا

بصراحه نفسى اشوف قصه حب ناجحه

عارفه هتقولو عليا معقده
انتوا عارفين احنا لما اتناقشنا فى موضوع الخوف والجبن
اكتشفت انى جبانه مش خايفه بس بردوا ماغيرتش رائى
الحب وهم كبير بينقلب للضد