قهوة المخربشين (5)

[rosi_smile]

المشاركة الأصلية بواسطة جناب العمدة

دا اقل واجب يا ريس
الله يكرمك ويبارك فيك متيم باشا
كل عام وانت بالف خير

يعني الميزانيه جت عليا انا وخرمت ايه يا خويا الناس دي
ههههههههههههههه
امال لو قولتلك هاتلي رز بلبن زي اللي دبست اسلام امبارح فيه كنت هتعمل فيا اييييييييييه؟

[جناب العمدة]

المشاركة الأصلية بواسطة rosi_smile

يعني الميزانيه جت عليا انا وخرمت ايه يا خويا الناس دي
ههههههههههههههه
امال لو قولتلك هاتلي رز بلبن زي اللي دبست اسلام امبارح فيه كنت هتعمل فيا اييييييييييه؟

الرز ابو لبن لستك روزى ياد يا سنقر وييجى فى خلال ربع دقيقة
والا اسيبك وامشى

[rosi_smile]

المشاركة الأصلية بواسطة جناب العمدة

الرز ابو لبن لستك روزى ياد يا سنقر وييجى فى خلال ربع دقيقة
والا اسيبك وامشى

جه جه يا عمده قال تسيبنا وتمشي قال احنا كنا دبحنا سنقر
اعد هنا مش هتعرف تهرب ابدا هههههههههه

[ابتسامة الحياة]

بالنسبة لسنة 2007 دى كانت سنة ما يعلم بيها الا ربنا



اعتقد انى ماشفتش فيها حاجة كويسة (الحمد لله طبعا على كل شيئ)
غير اشتراكى فى المنتدى هنا ده لأن بجدالواحد بيعبر عن رأيه وكمان اخوات يمكن اللجوء اليهم واخذ النصيحة منهم
وتوضيح ما نجده غامض لدي من اخوة مثلكم

الاحداث عندى فرح ادى لحزن وحزن ادى لفرح وهكذا
وكمان حاجة حلوة بس ملحقتش تقعد

لي واحدة قريبتى كان نفسها بصراحة تتجوز وكلنا كنا بندعي لها بكده وان ربنا يحقق حلمها

وحصل الحمد لله
لكن للأسف ملحقتش يا عينى تفرح لسبب بسيط عمها الوحيد توفى تانى يوم الفرح الظهر
ولكم ان تتخيلوا

وبعدين كانت فى شوية مشاكل كده وحساسيات بيننا
ولكن بهذه الوفاة عاد كل شئ لوضعه واقتربنا اكثر من بعض وعاد الترابط الاسرى يجمعنا

غير بقى ان العائلة انقرضت السنة دى
حوالى كده 4 حالات وفاة من قرايب ماما وبابا
ربنا يرحمهم جميعا

الحب الاول

اعتقد انى رأيى بالضبط زى برديس
انا لا أؤمن بالحب او بمعنى اصح انى جبانة وخوافة لكن مؤمنة ان خوفى وجبنى ده صح مش غلط
وكمان من تجارب صديقاتى الى كانوا بيدبسونى احكم لهم على احبابهم
وطبعا مكنوش بيقدروا يعملوا بنصيحتى لكن كانوا بيرجعوا يندموا

لأنى بصراحة شايفة ان اغلب الولاد يبتسلوا لأنها بتبقى فترة وتعدى

وكل سنة وانتم طيبين

جناب العمدة : مش مهم العربية المهم انك بخير
اسلام : الحمد لله ان رنا وفقك وان شاء الله تكون سنة سعيدة
برديس: ان شاء الله السنة دى تكون احسن
روزى: ركزى السنة دى فى المذاكرة وبعدين ابدأى احلمى احلام جديدة فى اللى وصلتى اليه الان

[شاعــ الليل ــر]

أيه ده يا روزي بتاكلي رز بلبن من برة
لاموأخذة يا عمدة
بناتنا المفروض متعملش كده

أطلبي رز و أنا أجبلك مهلبية

وبعدين ايه يا مي الكلام الكبير ده
أيه إلي عرفك علي الحب
أنتي بتتفرجي علي التالافازيون من ورانا

[rosi_smile]

الحب الاول

اعتقد انى رأيى بالضبط زى برديس
انا لا أؤمن بالحب او بمعنى اصح انى جبانة وخوافة لكن مؤمنة ان خوفى وجبنى ده صح مش غلط
وكمان من تجارب صديقاتى الى كانوا بيدبسونى احكم لهم على احبابهم
وطبعا مكنوش بيقدروا يعملوا بنصيحتى لكن كانوا بيرجعوا يندموا

لأنى بصراحة شايفة ان اغلب الولاد يبتسلوا لأنها بتبقى فترة وتعدى

وكل سنة وانتم طيبين

[/size][/i][/center][/quote]

اسماء
اولا نورتي القهوه
وليكي وحشه والله
وكل سنه وانتي بألف صحه وسلامه

اما بالنسبه لرئيك انااحترم رائيك جدا
بس احنا بنتكلم في الحب مش في التسليه
لاني هرجع واقول ان موضوع التسليه دهيرجع للولد والبنت
البنت او الولد يقدروا من خلال تفكيرهم يحكموا علياللي قدامهم انهم يتسلوا او ييحبوا
والولد او البنت لما بيبأه داخل قصة حب
بيبأه هدفه انه يلاقي نصفه التاني او يلاقي الليراسم او رسمه في صورة فتاة الاحلاماو فتي الاحلام
مش بيبأ داخل يتسلي
انما من خلال الحوار وطريقة الكلام لو حس طرف من الاتنين ان الطرف التاني بيتسلي هيقلبها تسليه ويبأه الموضوع تسليه في تسليه
انما احنا بنتكلم علي الحب
الحب اللي بجد
وفي امثله كتيره لقصص حب ناجحه
من ضمنهم المثال اللي قاله اسلام
والحب لو كان حاجه وحشه مكنش بأه غريزه في الانسان
تحيتي لكي

[rosi_smile]

المشاركة الأصلية بواسطة شاعــ الليل ــر

أيه ده يا روزي بتاكلي رز بلبن من برة
لاموأخذة يا عمدة
بناتنا المفروض متعملش كده

أطلبي رز و أنا أجبلك مهلبية

وبعدين ايه يا مي الكلام الكبير ده
أيه إلي عرفك علي الحب
أنتي بتتفرجي علي التالافازيون من ورانا

احم احم يعني الموضوع ده ممنوع لاقل من 18 سنه ولا ايه ههههههههههه
وبعدين لو سمحت انا كبيره مليش دعوه
اه انا كلامي قديم اوي من ايام ابيض واسود ولا ايه؟ ههههههههههه
بلنسبه للرز واللبن هات يا سولم رز ولبن ومهلبيه كمان بأه ههههههههه
اصلي بموت فيهم

[The Caesar]

السلام عليكم
ازيكم يا مخربشين
روز.جناب العنده..ابتسامه الحياه
وكل الموجودين
- سنقر...القهوه الخصوصي..


***
الاول ..كل عام وانتم بخير....
يا رب عام جديد سعيد علي الجميع
**

ثانيا
خبر حلو
قريبا في بن مصر هايبقي فيه مسابقه ..في حبر وورقه
يالا ورونا الهمه
***

اما بعد .
سنه 2007
بالنسبه ليه
زي اي سنه
بحلوها ومرها..بنجاحها وفشلها..الخ
زي كل ايام ربنا..يوم حلو و يوم .حلو برضه
بس طبعا
اهم حاجه واحسن حاجه حصلت ليه ..طبعا اني ارتبطت بانسانه مدهشه
بجد كل شيء فيها حلو..ومناسب ليه تماماً
متفاهمين بدرجه كبيره
هيه مجنونه احياناً..بس عادي ..هوه فيه بنت عاقله ميه في الميه
ولا فيه راجل عاقل اصلا..علشان يفكر في الجواز
بس نقول ايه كلها مجانين في مجانين..
دي اهم حاجه حصلت ليه السنه دي...
وعلي المستوي العلمي..بقيت مدرس ..وبدرس لناس اكبر مني سنا وفي سني
وفيهم ايه بنات زي القمر..بس ايه تلميذاني..مش اكتر ...
بيعملوا شوبه صور رعب..مش ممكن..اتعدوا مني الرعب...
تفوقوا علي كمان..دم ايه بقي وحركات الخ
محدش يتخيل البنات الحلوين دول..خيالهم صعب قوي كده


بتتكلموا عن ايه تاني
الحب الاول
يا سلام
اعتقد انه بيبقي ذكري حلوه وخلاص
ذكري وعدت
يا سلام لو ا لواحد حب واحده زمان
وبعد كده شافها بعد كام سنه
زي هاني شاكر كده..في اغنيه مش فاكر اسمها
بس كان رسام فيها
ويلاقي حابيبته دي..ماسكه عيلين كده ايه ما شاء الله
وشكلها بقي عامل زي ..ولا بلاش..علشان البنات ما تزعلش
اكيد هايقول الحمد لله الذي نجاني من المهالك
ويحمد ربنا..
لو اطلعتم الغيب لاخترتم الواقع

الحب الاول ذكري جميله مش اكتر

يالا فين المحربشين

[rosi_smile]

اهلا قيصر نورت القهوه
هههههههههه
مالك شكلك مفرفش ومزجطط كده
ربنا يجعلها سنه جميله عليك انت والانسانه اللي ارتبطت بيها واحنا كمان
كل سنه وانت طيب


واد يا سنقر الشاي بتاع عمكقيصروالحساب علي جناب العمده ههههههه

[Dr-Ayat]

المشاركة الأصلية بواسطة جناب العمدة

الله الله الله ... مين اللى نايمة هنا عالكرسى دى ؟؟؟؟ .. آيات
آيات .. آيااااات .. اصحى ... صباح الخير
واد يا سنقر .. فنجان قهوة يفوق ستك آيات

صباح الخير يا جناب العمدة
سبتوني نايمة كده عالكرسي حرام عليكو :(

انا ما نمتش من مبارح اصلا قعدت اذاكر للساعة 4 الصبح ودخلت المنتدى ورديت على مواضيه بالكووووووم ههههه وكان اسمي الوحيد اللي موجود في قائمة المتواجدين في المنتدى في الآخر جه هيثم حمدي وطردني من المنتدى قالي يالا عايزين نقفل فقمت استخبيت في القهوة

انا لسه راجعة من الجامعة حالاااااا

وكان عندي تشريح كان نفسي اجيبلكم حتة من الجثة اللي شرحناها في مناسبة راس السنة

روزي
جناب العمدة
استاذ حسين
اسلام ( انا مكروشة من البيت؟ )
عمرو
برديس
ابتسامة
متيم
ضحى
نيهال
بحووور( يا رب تطمنيني عملتي ايه فامتحان الأناليتيكال النهاردة)
سيزار
هيثم
سها

سنقر وعم صبحي
كل سنة وانتو طيبين

يا رب تكون سنة خير وسنة سلام علينا وعليكم باذن الله

[ابتسامة الحياة]

وانت طيبة يا روزى
عارفة بس ماهو الحب الاول بيجى من الحب اساسا يعنى الاتنين مرتبطين ببعض
وبعدين عارفة ان فى قصص حب والله وبتنجح بس شايفاها نادرة

وانا ممكن احكى ليكم على قصة انسانة انا عارفاها وقريبة منى جدا

الحكاية بدأت بينهم من حوالى 4سنين
فى درس من الدروس

وبدأت تتطور
الى ان عرف الاهل لديها وطبعا تم تغيير كل دروسها الى مجاميع تانية وتهديد بقى ومشاكل كتير

وبراءة الاطفال
طلب من اهله يتقدموا ليها

اكيد كلكم عارفين رد الاهل هيكون ازاى

غير انهم زودوا انهاطالما عرفتك يبقى مش كويسة انتوا لسه عيال .................

ولم يتغير شئ فى الامر توطدت العلاقة اكثر بينهم

ولحسن حظهم دخلوا كلية هندسة مع بعض

ولكن كل ظرف كان بيمر عليهم كان اصعب من اللى قبله هى نجحت اول سنة
هو عمل حادثة ولسه فى سنة اولى

عادى قالوا سنة مش هتفرق
نجحت هى سنة2 وهو نجح سنة 1
هى نجحت 3 وهو لسه فى 2
هى خلصت وهو لسه فى تالته
اخدت كورسات عشان تلاقى ما يشغلها
ذهب للتقدم اليها على مضض من والديه ورفضه اهلها

لم ييأسوا وقام هو بفتح مشروع صغير الى جانب دراسته ونجح فيه

وبعد انتظار البنت له وشعور الاهل بابنتهم

ذهب للتقدم مرة اخرى
و تم والحمد لله الخطوبة والزفاف فى شهر واحد
وهو الان يكمل السنة الاخيرة له بالكلية

ولكن الحب الاول يحتاج الى جرأة تحدى الواقع
ليست لدى هذه الجرأة هذا ما اردت توضيحه

[rosi_smile]

المشاركة الأصلية بواسطة Dr-Ayat

صباح الخير يا جناب العمدة
سبتوني نايمة كده عالكرسي حرام عليكو :(

انا ما نمتش من مبارح اصلا قعدت اذاكر للساعة 4 الصبح ودخلت المنتدى ورديت على مواضيه بالكووووووم ههههه وكان اسمي الوحيد اللي موجود في قائمة المتواجدين في المنتدى في الآخر جه هيثم حمدي وطردني من المنتدى قالي يالا عايزين نقفل فقمت استخبيت في القهوة

انا لسه راجعة من الجامعة حالاااااا

وكان عندي تشريح كان نفسي اجيبلكم حتة من الجثة اللي شرحناها في مناسبة راس السنة

روزي
جناب العمدة
استاذ حسين
اسلام ( انا مكروشة من البيت؟ )
عمرو
برديس
ابتسامة
متيم
ضحى
نيهال
بحووور( يا رب تطمنيني عملتي ايه فامتحان الأناليتيكال النهاردة)
سيزار
هيثم
سها

سنقر وعم صبحي
كل سنة وانتو طيبين

يا رب تكون سنة خير وسنة سلام علينا وعليكم باذن الله

ماحنا قولنا بلاش نصحيكي زمانك مش قادره مانتي منمتيش امبارح ياعيني
ربنا يجعله بفايده يا يويو يا رب
ونسمع عن النتيجه اخبار زي الفل زيك كده
كل سنه وانتي طيبه يا يويو

[The Caesar]

المشاركة الأصلية بواسطة rosi_smile

اهلا قيصر نورت القهوه
هههههههههه
مالك شكلك مفرفش ومزجطط كده
ربنا يجعلها سنه جميله عليك انت والانسانه اللي ارتبطت بيها واحنا كمان
كل سنه وانت طيب


واد يا سنقر الشاي بتاع عمكقيصروالحساب علي جناب العمده ههههههه

هاههه
الحمد لله
انهارده نايم كويس
وسهران لحد الصبح بقي...لازم اكون رايق..
يا رب امين..سنه جميله كده كلها نجاح..وتطور...وافراح لكل الناس يارب
روز ربنا يوفقك و تجيبي احسن مجموع

ماشي..
الحساب علي العمده بس علي الله.ما يكونش مفلس
انتي عارفه الشهر لما بيكون 31 سوم بيبقي رخم والناس مفلسه
وايه كان فيه عيد كمان
يعني العمده اكيد مفلس

بس ولا يهمنا برضه هانشرب علي حسابه

[شاعــ الليل ــر]

صباح الخير يا آيات

معلش
هو الواد سنقر عمل فيكي أيه أمبارح
اصله شربنب حجر خلا دماغي تلف وانا ألف وراها لحد ما وقعت مرة واحدة بس أنا لحقت نفسي وروحت
انا قلت أنتي ملحقتيش

[ابتسامة الحياة]

سيزار
ايات
كيف حالكم نورتو القهوة

هسيبكم شوية رايحة اعمل الغدا

هعمل بزيادة
معزومين التهاردة عندى

سلامى للجميع