قهوة المخربشين (5)

[Dr-Ayat]

رقية وأ\حسين منورين...

بانتظار طرح موضوع ..

وانا عندي سؤال يا جماعة

ليه الناس مش بتثق في الدكتور لو كانت ست؟؟؟

النهاردة سمعت الكلام ده من ناس

الكلام ده صحيح؟؟ وانا داخلة على تخصص جراحة
اما حد يعرف بيقولي ده شغل رجالة

ا

[ابتسامة الحياة]

السلام عليكم ورحمة الله وبركاته

يلا يا جماعة زى ما وعدتكم بالاكل
اهو جيبته بس مش مسقعة بس
طالما سيحتولى

الاكل اهو
لازم تعملوا حساب اللى لسه مجاش

المسقعة الاسكندرانى اهى يا سيزار

وادى باقى الاكلاللى عاوز يجيب حد معاه يجيبه خير ربنا كتير




يلا معلش حاجة كده ع الماشى

[ابتسامة الحياة]

ا/حسين
ايات
بحور
وجميع رواد القهوة
عاملين ايه

وده الموضوع اللى طرحه جناب العمدة للنقاش
ايه رايك نفتح موضوع للمناقشة .. وليكن
رؤيتنا لاحوال مصر خلال العام الحالى .. ماذا نتوقع لها ان
ان تكون .. توقعات مبنية على معطيات وشواهد .
ايه رايك ؟

[Dr-Ayat]

مسقعة واسكندراني كمان

هاتوووووها وما حدش يقول لسيزار

انا خدت الطبق وهاستخبى اكل بعييد

ابتسامة منورة..

[ابتسامة الحياة]

ده نورك يا ايات بس سيبيله من المسقعة ده نفسه فيها

[ابتسامة الحياة]

وبعدين فعلا احيانا كثيرة لايثق الناس فى الطبيبة ربما لخطأ ما حدث من احداهن
ولكن يوجد الجيد ويوجد السئ مثل الرجال تماما

واذا اجتهدت الطبيبة تكون مثل الطبيب
بس ده هيكون عاوز منك صبر شوية
وبحث عن كل ما هو جديد
ومفيد فى تخصصك

وربنا يوفقك
وتكونى احسن طبيبة جراحة

[omarr]

جناب العمده ...

احوال مصر فى العام الحالى لا ادعى المعرفه .. ولكن اشعر عموما بأن الحال فى النازل ..
وخصوصا لما انزل القاهره .. اشعر ان الحال فعلا مش زى الأول .. والناس شكلها مش زى الأول

لكن هنا فى البحر الأحمر الحال يختلف وكأننا نعيش فى بلد اخر
كثيرا من الناس تحسن حالهم و قفزوا قفزات ماديه كبيره .. كله بيفكر فى بكره هايعمل ايه
و هايروح فين .. يعنى الحياه هنا لينه و ممتعه عن القاهره ..
فى الماضى , من حوالى 10 سنوات , كانت القاهره هى كل شىء .. هى مصر ..
والبحر الأحمر كان كما مهملا .. يعيش اهله فى ظروف اقل ما يقال عنها انها ظروف مآساويه ..
تغير الحال وانقلبت الأوضاع ...

[omarr]

د.آيات ...

انا عمرى ما روحت عند دكتوره و لاحصل مره ان دكتوره كشفت عليا ...

انا زرت الدكتور مرات لا تتعدى اليد الواحده فى حياتى كلها ...

و شعورى الشخصى لو زرت دكتوره هايكون طبعا الأضطراب و الخجل بسبب طباعى و ثقافتى

[amr_miza1]

مســــــــــــــــــــــــــــاء الخير على كل الناس الحلوين

المسقعة مالهاش حل يا اسماء تسلم ايدك .. بس شكلى هقوم اروح للدكتور علشان معدتى تعبانة مش عارف ليه

أ حسين : ليك واحشة على فكرة . اخبارك ايه يارب تكون بخير

ايات : اعتقد ان مهنة الدكترة المهم فيها هو المهارة سواء دكتور او دكتورة

جناب العمدة الشاعر والزجال الكبير جداااا .. عاوزين نسمع حاجة حلوة كدا

وسلامى لاسلام و برديس ورقية وروزى ولقاء وكل الناس

وسلام خاص للغائبة ضحى .. لعل غيابك يكون خير ان شاء الله وترجعى لينا بالسلامة

[لقاء]

بسم الله الرحمن الرحيم

السلام عليكم

كيف حال الجميع .

القمرات أيات _ ابتسامة _ برديس _ رقية _ روزي _ رغد _ روان .

الشباب الجدعان عمرو _ اسلام _ أ\ حسين _ أ\ محمود _ متيم _ هيثم _ القيصر .

منور يا عمرو القهوة والله .

[omarr]

لقاء .. اهلا اهلا بيكى ..
عممممممور اين انت ... ؟! انا كنت خارج نطاق الخدمه من تلات ايام تقريبا ..

اسلام فيييييييييين ..

جناب العمده . إبتسامه الحياه . بحور . د.آيات .برديس . روزى ساميل . نهيال . هيثم .سيزر
متيم . وائل جلال . احمد 13.بنت فلسطين .. وكل غايب .. وحشتونى

[omarr]

عندى موضع وكنت عايز اعرف بتفكروا ازاى ...

الموضوع ببساطه احب اطلق عليه اسم " فتاوى القهاوى " ...

فى المناقشات الدينيه الخاصه بدين الأسلام وشرع الله .. نجد البعض يقول للأخر ..

على فكره فى حديث عن الرسول ص بيقول كذا ..
والتانى يقول على فكره الآيه صريحه بتقول كذا ...

واللى انا اعرفه و اللى درسته وقريته وسمعته انه لايفتى فى الأسلام غير الراسخين فى العلم
من العلماء المتخصصين ..

فى القرآن آيات نتعبد بها لكنها منسوخه .. نسختها آيات اخرى جأت بعدها فى التنزيل
وكذا الحال فى الأحاديث النبويه الشريقه ..فيها ناسخ ومنسوخ .. فيها صحيح و فيها
ضعيف و فيها انواع كثيره .. وفى اكثر من مذهب فقهى .. هناك اجماع للأمه
هناك امور اختلف عليها العلماء , هناك امور سكت عنها العلماء و أمرونا بالسكوت عنها


دلوقتى عند اقل كلام فى اى كلام نجد التانى يجرى يجيب حديث و كأن الحديث هو حجه
يعنى زمان ايام العلم والعلماء و الحضاره كنا نجد العلماء يسعهم الأختلاف فيما بينهم
ونجد صاحب مذهب تتلمذ على يد صاحب مذهب اخر ..

فما رائيكم ادام الله عزكم اخوانى المخربشين والمخربشات ..
لو الموضوع " رخم " شوفوا انتم واقترحوا ..انا معكم قلبا و قالبا ...

انتظر التفاعلات .. و ماحدش عنده حجه .. اتغديتم "مسقعه " و القهوه المشاريب فيها
مابتخلص .. اشرب القهوه او الشاى خش برجلك اليمين و قول اللى فى نفسك
مايهمكش .. فقط اعرف وجهات النظر الأخرى ... فى الأخر احنا اخوات و هانفضل
اخوات ..

[rosi_smile]

السلام عليكم ورحمة الله
مخربشين ومخربشات
تحياتي ليكم كلكم
واد يا سنقر عاوزه كباية شاي مظبوطه


بالنسبه لموضوعك يا حسين
في فرق بين الفتوي والمناقشه
يعني مثلا زي موضوع احنا بنتناقش فيه
فانا جبت ايه قرائنيه او حديث
دي مش فتوي كده
انا بقول رأي وعاوزه الباقي يصححلي
انما الفتوي اني انا اجي مثلا يعني اقول النقاب (الفرض كذا او كذا مش فرض علينا)
انا مقدرش اقول ده لاني انا مش فقيه او عالمه اسلاميه علشان اقول ده

وبمناسبة الفتوي
انا ليا موضوع بس بعد موضوع حسين اما يخلص

[Dr-Ayat]

ابتسامة ما نتحرمش منك ومن المسقعة

انا ما سيبتش حاجة لسيزار

شكرا ابتسامة لاجابتك وزي ما قولتي يمكن مع الاجتهاد رهبة المريض تقل ويثق في كون الدكتور الي هايعالجه انثى..

أ\عمر ربنا ما يوريك شر ويبعد الدكاترة عن حضرتك ب يعني افهم من كلامك ان الموضوع بس كسوف وحياء ومش السبب في ان الطبيب انثى؟؟

[omarr]

د.آيات .. ليست لى ادنى خبره فى زياره شخصيه لدكتوره ..

طبعا حياء و كسوف منى ...


لما ابنى اتولد ..دخل الحضانه .. و ذهبت اكثر من مره و كانت المسؤله دكتوره
شكلها بس فيه الشفا .. المعامله فوق الوصف ... كنت حاسس بأمان كبير
فى وجود الدكتوره ديه ....