قهوة المخربشين (5)

[amr_miza1]

السلام عليكم

ازيك يا لقاء القهوة منورة بيكى والله ..

حسين .. انا موجود اهه تحت النظر . انت بس تقول جزر هتلاقينى قدامك على طول ان شاء الله
موضوع اعتقد انه من أهم الموضوعات اللى طُرحت فى المنتدى ولا أبالغ فى هذا
ومن خلال كلامك اقتبست جميلة اعتقد انى ردى هيكون من خلال الجملة دى

يعنى زمان ايام العلم والعلماء و الحضاره كنا نجد العلماء يسعهم الأختلاف فيما بينهم
ونجد صاحب مذهب تتلمذ على يد صاحب مذهب اخر ..

المشكلة الكبرى هنا هى التشدق والتفلسف فى الدين .. بالطبع الاجتهاد مطلوب فى الدين ولكن تحت قاعدة اسلامية راسخة والتمثلة فى حديث رسول الله صلى الله عليه وسلم " الحلال بين والحرام بين وبينهم امور متشابهات .. " أو كما قال رسول الله ( ص)
المشكلة هنا انك تجد كثيرا ممكن يلبسون العمامة ويطلقون اللحية يتحدثون فى الدين ولكن بإطلاق الفتاوى والتى تنتهى بكلمه ( هذا حلال ) او ( هذا حرام ) وبدون سند صحيح عن رسول الله (ص) ربما تجد من يبيح ( إرضاع الكبير ) فمن المباح والحلال أن يرضع الرجل من زميلته فى العمل ..
الفتوى لا تدعو الى شيء سوى الجهل والتخلف والفضيحة الأزليه ..

الابتعاد عن النص القرآنى اعتقد ان له عامل كبير فى تلك الفتاوى المتخلفة .. فالاختلاف بين العلماء كما سبق وتفضلت كان لا يعنى اختلافا فى العقيدة ولكنه كان يعنى اختلافا فى التطبيق وهذا الاختلاف بدوره لا يخالف أصل العقيدة القرآنية ولا يخالف صحيح السند النبوى ..

فصارت الفتوى ( لبانه ) فى فم كل من أنعم عليه ربه باللحية والعمامة .. إلا من رحم ربى


شكرا أ حسين للموضوع الهام .. أتمنى أن تتقبلوا رأيي بصدر رحب

[Dr-Ayat]

المشاركة الأصلية بواسطة omarr

عندى موضع وكنت عايز اعرف بتفكروا ازاى ...

الموضوع ببساطه احب اطلق عليه اسم " فتاوى القهاوى " ...

فى المناقشات الدينيه الخاصه بدين الأسلام وشرع الله .. نجد البعض يقول للأخر ..

على فكره فى حديث عن الرسول ص بيقول كذا ..
والتانى يقول على فكره الآيه صريحه بتقول كذا ...

واللى انا اعرفه و اللى درسته وقريته وسمعته انه لايفتى فى الأسلام غير الراسخين فى العلم
من العلماء المتخصصين ..

فى القرآن آيات نتعبد بها لكنها منسوخه .. نسختها آيات اخرى جأت بعدها فى التنزيل
وكذا الحال فى الأحاديث النبويه الشريقه ..فيها ناسخ ومنسوخ .. فيها صحيح و فيها
ضعيف و فيها انواع كثيره .. وفى اكثر من مذهب فقهى .. هناك اجماع للأمه
هناك امور اختلف عليها العلماء , هناك امور سكت عنها العلماء و أمرونا بالسكوت عنها


دلوقتى عند اقل كلام فى اى كلام نجد التانى يجرى يجيب حديث و كأن الحديث هو حجه
يعنى زمان ايام العلم والعلماء و الحضاره كنا نجد العلماء يسعهم الأختلاف فيما بينهم
ونجد صاحب مذهب تتلمذ على يد صاحب مذهب اخر ..

فما رائيكم ادام الله عزكم اخوانى المخربشين والمخربشات ..
لو الموضوع " رخم " شوفوا انتم واقترحوا ..انا معكم قلبا و قالبا ...

انتظر التفاعلات .. و ماحدش عنده حجه .. اتغديتم "مسقعه " و القهوه المشاريب فيها
مابتخلص .. اشرب القهوه او الشاى خش برجلك اليمين و قول اللى فى نفسك
مايهمكش .. فقط اعرف وجهات النظر الأخرى ... فى الأخر احنا اخوات و هانفضل
اخوات ..

السلام عليكم منورين موضوع رائع ومهم جدا يا أ\ حسين.
انا لي رأي آخر ... فيه فتاوى ثابتة وديه اللي بثق فيها وهي الفتاوى اللي اخذت بناء على تفسير القرآن ..واعتقد ان حافظ القرآن وتفسيره له الحق في اثبات اي موضوع يتكلم به وحجته آيات القرآن الكريم .. ديه مش حكر على المشايخ بس ,, فيه احاديث صحيحة واحاديث ضعيفة واحاديث بتقولك عن فلان وفلان وفلان وعلان يجي 18 عشرين فلان وعلان في الآخر يقولك انه سمع رسول الله صلى الله عليه وسلم انه قال كذا وكذا طب يا ترى العشرين دول ما حدش منهم زود ولا نقص كلمة ؟؟ بس بردو الاحاديث ديه اللي هي صيغة لبعض الفتاوى يمكن العمل بها فهي بمعظمها تدعو لتطبيق شريعة الله مش زي دلوقت فتاوى تفصيل كل واحد على زوقه بيفصل فتاوي على حسب الطلب .. احد امشايخ اللي ساكنين في دولة قطر افتى بوجوب مقاتلة امريكا وبعديها بكام شهر اجاز للمسلم بالالتحاق بالجيش الامريكي اذ كان يحمل الجنسية الامريكية ,, فتاوى زي كاسيتات شعبان عبد الرحيم متنوعة وبترضي كل الأذواق ..

[ابتسامة الحياة]

السلام عليكم ورحمة الله وبركاته

جميع المخربيشين
ا/حسين ,جناب العمدة, عمرو, اسلام:فينك بقالك فترة,سيزار
جميع المخربشات
ايات, لقاء ,روزى ,شيماء.بحور, ضحى ,سها,نيهال.رغد
وكل المخربيشين والمخربشات

[The Caesar]

صباح الخير ابتسامه الحياه..فين الغدا..كلام وبس

صباح الخير علي كل المخربشين



- نسكافيه يا سنقر..بسرعه علشان خارج

مشهاقدر اقعد معاكم للاسف...اراكم لاحقا باذن الله

[ابتسامة الحياة]

رؤية لأحوال مصر فى العام الجديد

أعتقد ان هختصر جدا
لأنى شايفة مفيش جديد
الاحوال مش هتتعدل
هيفضل الصراع شغال
وهنفضل زى ما احنا
وهنقعد نتكلم عن التوريث ومش التوريث
المهم اننا قاعدين مستنين الفرج القريب
وطبعا كلنا عارفين الفرج القريب
اللى لو حصل هيبقى هو ده التغيير
الاقتصاد هيفضل كده لأن مفيش حد عاوز يغير
الرياضة بردو هتفضل زى ما هى
اعتقد مش هناخد بطولة افريقيا
إلا بقى لو كان مقدر لينا اننا ناخدها لكن مجهود ولعب زكلام من ده

[ابتسامة الحياة]

المشاركة الأصلية بواسطة The Caesar

صباح الخير ابتسامه الحياه..فين الغدا..كلام وبس

صباح الخير علي كل المخربشين



- نسكافيه يا سنقر..بسرعه علشان خارج

مشهاقدر اقعد معاكم للاسف...اراكم لاحقا باذن الله

الغدا جه ارجع ورا شوية هتلاقيهم خلصوا المسقعة الاسكندرانى اللى انت عاوزها
كل من الباقى بقى

[ابتسامة الحياة]

الفتاوى

رأيي فى الموضوع ده
ان فى حاجات فعلا مش لازم يكون شيخ هو اللى يفتى لنا فيها

يعنى ممكن الشخص العادى طالما انه فعلا حافظ الاية التى تتفق والموقف اذا يقدر يفتى ومش بأى كلام
انما فى حدود ما يعرف وما يدرك
ومن الطبيعى الاستشهاد بالاحاديث لكن هنا يجب ان يكون حديث صحيح ونتأكد من صحته وألا يكون موضوع
ولكن هناك من يأخذ هذا الموضوع بعين اخرى
هى مجرد ابداء رأيه الشخصى
وايمانه به
ومحاولة فرضه بأسلوب الدين
كى يمكن تقبله
ويبدأ يقول حلال وحرام
واعتقد الحلال والحرام دى اخطر كلمة بيقع فيها الانسان
لأن ليس لنا حق التحريم ولكن لنا حق الاجازة
اما بالنسبة للأختلاف فى الماضى
زمان هما كانوا بيختلفوا ليس للاختلاف وانما يختلفوا ليصلوا الى الصواب
وتجد الشخص منهم قد يمضى عمره كله فى البحث عن شئ ما
ويأخذ رأى اخيه بشيئ من الصحة ويظل يبحث عنه لأنه لا يريد اثبات وفرض رأيه
انما يريد الوصول لحقيقة معينة
قد ينتفع منها من يأتى بعده
فكانت هذه قاعدة الخلاف لديهم
أعتقد اننا بنختلف للسبب ده دلوقتى

[littel bird]

صباح الخير للجميع يلا انا قلبي طيب رح سامح سنقر ورح اعطي بخشيش مرتب شو رايكون بيستاهل ولا لا

[ابتسامة الحياة]

المشاركة الأصلية بواسطة littel bird

صباح الخير للجميع يلا انا قلبي طيب رح سامح سنقر ورح اعطي بخشيش مرتب شو رايكون بيستاهل ولا لا

صباح الخير
little bird
يلا المسامح كريم

[omarr]

صباح الخير على " قهوه المخربشين " ...

روزى ساميل ..
عمممممور
د.آيات
إبتسامه الحياه

اشكركم على المشاركه معى .....

جناب العمده
اسلام
برديس
بحور
سيزر
بنت فلسطين
الطائر الصغير
هيثم
وائل
احمد 13
لقاء
متيم
unique

صباح الخير على كل المخربشين والمخربشات ...

[جناب العمدة]

السلام عليكم ورحمة الله وبركاته
المخربشين الكرام ... صباح الفل
اليومين دول مش هقدر اتواجد كتير ... شغل ميزانية
وزنقة عالآخر .. بس هدخل على فترات اسلم واتابع بسرعة
وارجع اتابع شغلى ..
فى مواضيع مطروحة رائعة تستهوينى كثيرا وتثير شهيتى
للحديث فيها .. لكن للاسف الوقت .
دمتم بالف خير .. بلاش شاى النهاردة هوفر على اللى هيدفع

اسلاااااام ... اظهر وبان عليك الامان .. وحشتنا يا راااااااجل .

[plestine fille]

صباح الخير على الجميع انا اجيت شو اتغديتوا مبارح وما عزمتونا وشو موضوع اليوم

[ابتسامة الحياة]

صباح الخير على " قهوه المخربشين " ...

روزى ساميل ..
عمممممور
د.آيات
إبتسامه الحياه

اشكركم على المشاركه معى .....

جناب العمده
اسلام
برديس
بحور
سيزر
بنت فلسطين
الطائر الصغير
هيثم
وائل
احمد 13
لقاء
متيم
unique

صباح الخير على كل المخربشين والمخربشات

صباح الخيرا/حسين

السلام عليكم ورحمة الله وبركاته
المخربشين الكرام ... صباح الفل
اليومين دول مش هقدر اتواجد كتير ... شغل ميزانية
وزنقة عالآخر .. بس هدخل على فترات اسلم واتابع بسرعة
وارجع اتابع شغلى ..
فى مواضيع مطروحة رائعة تستهوينى كثيرا وتثير شهيتى
للحديث فيها .. لكن للاسف الوقت .
دمتم بالف خير .. بلاش شاى النهاردة هوفر على اللى هيدفع

اسلاااااام ... اظهر وبان عليك الامان .. وحشتنا يا راااااااجل .
اليوم 11:33 AM

حناب العمدة ربنا يوفقك

[برديس]

صباح الخير على كل المخربشين والمخربشات
الحاضرين والحاضرات
والغائبين والغائبات

ايه ده كله يا سنقر كل دى مواضيع اتفتحت فى وقت واحد
اوك نناقش واخد واخد

الاول هجاوب على استفسار الدكتوره ايات
الحكايه مش حكايه ست ولا راجل المشكله ان الست
بيكون عندها مشغليات اكتر من الراجل زى البيت والاولاد
ففى حاجه بتيجى على حاجه تانيه
وخصوصا ان مهنت الطبي كل دقيقه بيكتشف حاجه جديده
فلازم متابعه ودراسه مستمره ودى حاجه معظم الدكاتره الستات غير قادرين عليها
ومع ذلك فى داكتره ستات اشطر الف مره من الداكتره الرجاله
انا هقولك حاجه حصلت معايا
من كام شهر كده بعد الشر عنكوا كلكوا جالى
دور حمى التيفود طبعا لانهم فى البيت عندنا مش بثقوا فى الدكتوره الست
جالى الدكتور البيت راجل لانى مكنتش قادره اقف من على السرير
المهم جه وكشف عليا والاخر كتب على علاج للبرد
اجارك الله بالى حصلى
فى الليله دى رحت المستشفى على طول
لان كمان كان عندى حسسيه من نوع من انواع العلاج الى كتبه
المهم كنت خلاص بموت فعلا فى المستشفى كانت
دكتوره ست الى موجوده
هى الى كشفت عليا وشخصت صح وادتنى العلاج الصح هما يومين
ورجعت البيت تانى والحمد لله ادينى معاكوا اهو
دى نتيجه غلطه دكتور راجل مش ست
ممكن احكى كمان غلطه دكتوره ست ولا بلاش كفايه كده
قصدى فى النهايه ان الحكايه مش حكايه ست وراجل المهم
انك تذكرى وتتطلعى باستمرار على الجديد بالشكل ده هتكونى اشطر من
اى دكتور راجل

[برديس]

نيجى للموضوع التانى
الى طرحه جناب العمده
احوال مصر 2008
بصراحه مش عارفه
بس الى واضح ان الاحوال من الاسوء الى الاسوء
الله اعلم

موضوع الى طرحه الاستاذ حسين
فتاوى القهاوى
للاسف كتر الشيوخ وكتر الفتاوى خلت الناس هما كمان يشتغلوا فى الموضوع ده
بس فى ايات قرائنيه واضحه مش محتاجه فتوى من حد
وفى حاجه كمان انت اذا كنت محتاج فتوى ممكن تاخد اكتر من فتوى فى موضوع واحد
عندك مثلا موضوع البنوك ووضع المدخرات فيها
فى واحد قال ان الفوائد حرام
واحد تانى قال انها مش حرام
وحجات كتير زى كده
انت قلت كلمه جميله جدا وهى دى اساس الموضوع
يعنى زمان ايام العلم والعلماء و الحضاره كنا نجد العلماء يسعهم الأختلاف فيما بينهم
ونجد صاحب مذهب تتلمذ على يد صاحب مذهب اخر ..

صح هو ده السبب قولى دلوقتى مين بيتعلم على ايد مين
كل يوم نلاقى شيخ جديد طالع وبيفتى
خلت اناس تفتكر انهم كمان ممكن يفتوى
كل واحد حفظلوا حدثين وكام سوره ياريت حافظين القران كله
يطلع يتى ويعتمد على الناس الغلابه الى مش عارفه حاجه
وده بينقل لده وده بينقل لده وهكذا وهلم جاره على راى واحد
ربنا يعافينا جميعا

هى يا سنقر هات بقا واحد شاى العروسه مع انى بحب ليبتون اكتر
بس يلا خليها علينا