إقتباس:
المشاركة الأصلية بواسطة omarr
د.آيات : الف مبروك على انهاء الأمتحانات
اهلا بكل الناس اللى منوره قهوه المخربشين , اهلا بعمرو و اسلام و برديس ووائل و ضحى
عندى موضوع احب اتكلم عنه و احب كمان اعرف اجابتكم وردودكم
الموضوع هو :
ايه الحاجات الحلوه فى مصر والعالم العربى
عم صبحى مساء شريف افندم
|
شكرا يا استاذ حسين.
اما بالنسبة للسؤال اللي طرحته بالنسبة لمصر يمكن عشان انا بعيدة عن الوطن بشوفها دايما بعين جميلة ناسها ومدنها وأحيائها وشوارعها ,, عاداتنا كمصريين تقاليدنا اجتماعياتنا ,, النيل,, والبحر,, الشباب اللي قاعدين في القهاوي الي بيلعب شطرنج والي بيلعب طاولة واللي بيتكلم في السياسة واللي بيكتب شعر,,, قهاوي مش موجودة فأي مكان تاني , تحوي المثقف والصنايعي الكبير والشاب ,, وكل اللي فيها نضاف حاملين هم البلد مش زي اللي بيقعدو في كافيه خمس نجوم خليط عجيب بتضمهم القهاوي. وأجمل ما فيكي يا مصر الاسكندرية.
بالنسبة للعالم العربي فأنا بشوفه افضل من العالم الغربي بكتير عشت فكندا وعشت فترة في النرويج بس صدقني رغم اني لسه فغربة الا ان وجودي فوطن عربي الآن ريحني كتير ,, اقله ثقافتنا واحدة تقاليدنا متشابهة تقريبا ,,, ترمي السلام على جارك يتبسملك ويرد التحية , النخوة العربية لا زلت موجودة , كرم الضيافة , اللي شايل هم جاره يشيله معاه مش زي الغرب اجتماعياتهم بتبدأ بمقولة ( يا ربي نفسي) . اقله تصحى الفجر وتسمع صوت الله وأكبر من المآذن وممكن تسمع صوت اجراس الكنائس.
واجمل حاجة في العالم العربي الشعوب اللي بتوقف مع بعضيها يد واحدة لو اي شعب اتعرض اتعرض لخطر زي وقفتهم يد واحدة مع الفلسطينيين والعراقيين وفي لبنان في حرب 2006.
تقبل مروري وتحياتي
ايه ده انا ما حدش جابلي حاجة اشربها
اسلام انت حرضت الواد سنقر علينا ولا ايه ده مبقاش يسمع الكلام خااالص
