قهوة المخربشين (5)

[جاسمن]

المشاركة الأصلية بواسطة جناب العمدة

سمعت يا سنقر .. بتقولك كوبايتين لوحدها .. واحدة ....... والتانية ليه
طفاسة بقى .
شكرا ياسمين ولو انها جت بالعافية .

لا ازاى انا كنت جايبه الكبيتين واحده ليك وواحده ليا ازاى تقول كده يا جناب العمده

بس ممكن يا جماعه تفهمونى انتو بتعملوا ايه علشان انا بصراحه مش فاهمه

[جناب العمدة]

الموضوع وما فيه اخت ياسمين .. اننا بنيجى القهوة كل فترة
بعد جولاتنا داخل اقسام المنتدى .. زى ما سماها اخى حسين
لالتقاط الانفاس
بجلسة لا تخلو من روح الفكاهه والترفيه عن النفس..
ويقوم عضو من الاعضاء بطرح موضوع للمناقشة

كان آخر موضوع للمناقشة طرحته نهال وهو عن تحول المشاعر
بين الاخوة بالنسب .
وقبله كان موضوع عن الحسد .
واخيرا دخلنا فجاة وبدون ترتيب منا انا وحسين (omarr) فى موضوع السياحة

ننتظر ان تدلى بدلوك أو اقتراح موضوع للمناقشة .
دا يعنى باختصار .

[برديس]

السلام عليكم ورحمه الله وبركاته
كيف احوال المخربشين والمخربشات
ضحى منوره قهوتك فينك من زمان
ايات 000عمرو000اسلام000جناب العمده
مش عارفه اقولكوا ايه انا لسه شايفه مسابقه حبر ورقه ومحتاره ادى صوتى لمين
بجد ابدعات رائعه
انا متبعاكوا على طول
جاسمين منوره القهوه يا قمر
رغد000روان البقاء لله

سنقر ايه موضوع انهارده
خلاص عرفت ان جناب العمده قال هلف لفه كده وبعدين ارجع
سلام موقت

[جاسمن]

فى موضوع انا كنت عايزه اتكلم فيه هنا معاكوا لو سمحت

وشكرا يا جناب العمده على التوضيح يلا يا سنغر هات لجناب العمده حاجه سقعه

ازيك يا شوشو ده نورك انتى يا حببتى ونور كل المخربشين والمخربشات

[Dr-Ayat]

سالخير

[duha]

اهلا برديس القهوة منورة بيكمجاسمين منورة القهوةاطرحي موضوعك بدل ما احنا قاعدين ساكتين كدةالقهوة يا سنقر

[جاسمن]

ازيك يا ضحى
بصوا الموضوع الى انا عايزه اتكلم فيه هو موضوع نادى الخير
الموضوع ده فى قاعه ابن مصر العامه
فى عضوه اسمها اسراء عملته من فتره كده وبعدين اتوفت وقبل متتوفى وصت على نادى الخير
رحمها الله
المضوع ده محدش من الاعضاء بيدخله خالص او الى بيدخل مره مبيدخلش تانى وانا مش عارفه ليه وحنا لغايت دلوقتى الى مشتركين بس حوالى عشره وكمان مش كل الى مسجلين بيدخلوا واحنا لغايت دلوقتى معملناش حاجه يعنى النادى كله عباره عن فكره وخلاص لسه ماقترحناش مواضيع فيه ولا عرفنا شكل النادى هيكون ازاى
بالنسبه للى ماسك اداره النادى وهو رئيس النادى ايشو وهو عينى نائب الرئيس
ودلوقتى فى مشكله فى النادى ان احنا مش عارفين نعمل ايه اصل احنا مش هنشتغل لوحدنا انا فكرت انى اعمل موضوع منفصل علشان اوضح نادى الخير اكتر للاعضاء بس انا عايزه منكوا افكار ومقترحات نعملها وياريت لو تحبوا تدخلوا الموضوع

[eme]

اهلا ياجماعه عملين ايه
صحيح كلام جاسمين احنا بجد محتاجين اوي انكم تبقو معانا
والله هتبقي حاجه ممتعه اوي وكمان هتخدو عليها ثواب كبير
ها يلا كلكم تعالو معانا شركو وقولو اقتراحتكم وارائكم ويلا نبدأ مع بعض

[amr_miza1]

مساء الخير .. انا هشرب الشاى وامشى ..

بصراحة مش عاوز اتكلم فى حاااااااجة هرح اقعد فى الركن اللى هناك دلوحدىىىىى


شاى يا سى سنقر والا اقولك كوباية قهوة دوبل سادة
بسرعة بدل ما اشوطك

[ابتسامة الحياة]

السلام عليكم ورحمة الله وبركاته
جميع رواد القهوة

ضحى حمدلله على السلامة يا قمر
ونورتى قهوتك

ايمى
ياسمين
برديس
رغد
ايات
نيهال
عمرو
جناب العمدة
ا/حسين
متيم
اسلام: فينك مش باين

كيف حالكم جميعا

[جناب العمدة]

السلام عليكم ورحمة الله وبركاته
المخربشييييين جميعا .. عاملين ايه
حبيت ادخل واسلم وارجع لشغلى
من غير شاى ياد ياسنقر .. عم صبحى عامل ايه ياد .

[Dr-Ayat]

صباح االخير أ\محمود

عاملين ايه يا مخربشين

أ\ محمود محاولات رائعة في المسابقة بحييك
وده دليل ان داخل كل انسان مبدع بانتظار المزيد
والنهاردة باب المشاركات هيتقفل اظن فا اللي عايز
يكتب كمان ينزلها قبل الليل ,,

وبكرا التصويت المفروووض والله اعلم بانتظار عمرو وهيثم

واد يا سنقر هات كباية نسكافيه وكباية شاي لجناب العمدة.

[جناب العمدة]

المشاركة الأصلية بواسطة Dr-Ayat

صباح االخير أ\محمود

عاملين ايه يا مخربشين

أ\ محمود محاولات رائعة في المسابقة بحييك
وده دليل ان داخل كل انسان مبدع بانتظار المزيد
والنهاردة باب المشاركات هيتقفل اظن فا اللي عايز
يكتب كمان ينزلها قبل الليل ,,

وبكرا التصويت المفروووض والله اعلم بانتظار عمرو وهيثم

واد يا سنقر هات كباية نسكافيه وكباية شاي لجناب العمدة.

ازيك يا دكتورة .. كمان نسكافيه وشاى ..يا سلااام والله بنت اصول
الاجمل هى كتاباتك فى المسابقة ... وده بدون مجاملة على الاطلاق
طبيبة... واديبة... ما شاء الله
الو .. الوووو .. يا يا مهاود جهزلى شوية فطير على حبة طيور
بس مش بتوع انفولونزا الطيور علشان هيروحو زيارة للدكتورة

[Dr-Ayat]

ربنا يخليك يا جناب العمدة

بعض ما عندكم واللهي
الله عالفطير ميرسييي جدااا


انا هاعزمك عالتبولة واللحمة المشوبة وكبة بصينية
بس طبعا مش شغل ايديا اصل انا خيييبة ربنا يخليكي يا حاجة ديدو

[جناب العمدة]

المشاركة الأصلية بواسطة Dr-Ayat

ربنا يخليك يا جناب العمدة

بعض ما عندكم واللهي
الله عالفطير ميرسييي جدااا


انا هاعزمك عالتبولة واللحمة المشوبة وكبة بصينية
بس طبعا مش شغل ايديا اصل انا خيييبة ربنا يخليكي يا حاجة ديدو

جريتى ريقى اصلى على لحم بطنى من الصبح
متنسيش الحلاوة الشامية اللى لما بشوفها عينى بتطلع عليها