قهوة المخربشين (5)

[احمد13]

طيب ماشي طالما كده شغال شكرا يااش اوشة

واحد كابتشينو بالبندق يابني

هاه بتتكلم في ايه بقي

[OSHOSH2050]

ابو رغوه ده
احنا مش بنجيبو علشان بيعمل اشنبه
بتحب الاشنبه
ههههههههههههههههههه
هاتلو يا ابنى الى هو عاوزو والحساب يجمع

[احمد13]

ههههههههههه ابو رغوة واشنبة الله يحظك يااوش اوش

[ابتسامة الحياة]

المشاركة الأصلية بواسطة احمد13

السلام عليكم

اولا قبل ما اقعد المشاريب علي مين

اهلا بيك يا احمد
منور القهوة
تعالى بس واطلب اللى انت عاوزه
والمشاريب علينا

المشاركة الأصلية بواسطة OSHOSH2050

عليا يا باشا
احنا نطول نعزم الباشا بحالو
اامر انت بس وسنقر هيجيب الى انت عاوزى
بس خف فى الطلبات اه

خلاص يا اوش اوش
اطلبى انتى كمان اللى انتى عاوزاه
الحساب عندى النهاردة

شوف يا سنقر الطلبات وهاتها بسرعة

[ابتسامة الحياة]

المشاركة الأصلية بواسطة جناب العمدة

ايه الكرم اللى نازل يرف على المخربشين النهاردة ده
يا سلااام .. هاتى خمسة شاى يا سنقر وخليهم هنا جنبى .

قبل ما نقفل الكلام عن الخيال
الكل اتفق على ان فى خيال ايجابى وسلبى
انتو معايا ان الكل بيقع احيانا تحت تاثير الخيال السلبى
وهو عارف انه مش هيتحقق بس ميقدرش يمنع تفكيره فيه ؟
يمكن من باب التمنى فقط

خمسة شاى مرة واحدة يا جناب العمدة
وهتقدر تشربهم

انا لا سمح الله مش بحسد ولا حاجة
حتى لو حسدت ما انت طالب خمسة

بالنسبة لباقى موضوع الخيال
فعلا اوقات بنحلم احلام مستحيلة
وبنبقى عارفين اننا مش هنحققها
بس وماله
مرة كده ومرة كده

يعنى دايما بحلم انى ابقى عارفة ايه اللى بيدور فى دماغ اللى قدامى
عارفين فيلم احمد الفيشاوى الحاسة السابعة

الظاهر كده هما واخدين الفكرة منى

يلا ماعلينا
كفاية كده خيالات

[amr_miza1]

السلام عليكم ..

بقالى كتير اوى مجيتش القهوة ... كل الناس وحشتنى والله .. حتى عم صبحى والواد سنقر ..

وكللللللل الناس

هات زنجبيل يا عم صبحى علشان انت صعب عليا

تحية لكل رواد القهوة الكرام المحترمين

حسين وجناب العمدة واسلام ووائل جلال وضحى وسيزر وايات ونيهال وبرديس ورقية واحمد13 وابتسامة ..

[نيهال]

يا هلا يا هلا بيك يا عمرو..........

منور القهوه دايما ان شاء الله


انا كمان لسه جايه من شويه صغنتتين.............

هه........ايه الاخبار النهارده فى البلد؟

عم صبحى......عايزه نسكافيه بلاك على طول

[littel bird]

كيفكون وشو اخر الاخبار انا كتير اشتقتلكون وبدي عصير لو سمحت يا سنقر

[جناب العمدة]

السلام عليكم ورحمة الله وبركاته
المخربشين .. اخباركم ايه
انا شايف عمرو اللى قاعد فى الركن هناك دا وللا ايه ؟
ازيك يا ابتسامة .. عدت المرادى .. عايزة تحسدينى على خمسة شاى
امال انا طلبت خمسة ليييييه ؟ خمسة وخميسة
حسين .. فى انتظارك تعمل جو فى القهوة
ضحى - شيماء - فين اسلام - قيصر - هيثم - رغد
اوش اوش - الظائر الصغير - روان - نيهال - احمد 13

وجميع المخربشين .. مساءكم فل

[نيهال]

الحمد لله....اهى الامور زى الفل على راى عبد المعطى عندنا فى المكتب
لا الحكومه قربت تخنقنا ولا حاجه خالص



النهارده وانا بالعربيه لفت نظرى الميدان فى دمنهور

فيه منطقه عندنا اسمها ميدان الساعه.......كان فيها ساعه كبيره وشكلها لذيذ والله
المهم
فى خلال الاسبوعين اللى فاتوا
فى هذا الميدان قاموا بزراعه النخيل واشجار الكريماس وزوهور بشكل جميل جدا
بجد عجبنى قوى المنظر النهارده...............والشغل على قدم وساق.......

حتسالونى عن السبب اقولكم.......
اصل عموا حسنى ناوى ييجى لينا الشهر ده
حتى فى رشيد الشغل كمان على قدم وشاق فى واجهات المبانى.اينعم مخالفين كل اللوائح وبيضربوا اى لون مع اى نوع .بس المهم اهم بينظفوا البلد
وشارع الكورنيش بطوله شغالين فيه الله ينور............اينعم البلط محطوط وخلاص ومش مظبوط
بس المهم انهم بيجددوا وبينظفوا ..........

ييجى بقى مش ييجى مش مهم عندى بصراحه
المهم انهم بياخدوا بالهم من الشوراع

مع انهم بيصرفوا بالهبل
بجد تشوفوا المنظر .........حاجه جامده.وقال ايه مش معانا فلوس
بس معانا فلوس نجيب نخل بطول 4 وخمسه متر وبالسعر الخرافى ده علشان دقيقه حيمر فيها سيادته


خبينى يا عم صبحى...........اهلى عايزنى




محدش ياخد فى باله اى حاجه من اللى فاتت
هههههههههههههههه


واد يا سنقر.......عايزه زبادو خوخ بليز

[عتاب]

مساء الخير على كل المخربشين والمخربشات
بتفكروني لما الريس جه عندنا
وهو ماشي كان فيه عربية ماشية وراه
كل ما يعدي على منطقة العربية تلم الزرع اللي فيها ههههههههه
كان ناقص كمان يرجعوا الزباله اللي شالوها مكانها هههههه

[littel bird]

كيف الجميع شو يعني لاني صغيرة سنقر ماعم برضا يجبلي عصير هادا بعد ما سامحتو بس انا شايفة انو الكبير كبير بعقلو مو بعمروا مو هيك ولا انا خطا نة

[نيهال]

اهلا عتاب منوره القهوه ان شاء الله

اللى بيضايقنى فى الموضوع بجد...........ان فى مكان الزرع اللى اتزرع ده
كان فيه مسله فى منتهى الجمال.لسه ما كملت سنتين على بعض
اتكلفت كتير جدا جدا فوق ال 2 مليون.......


ده غير ان الساعه اللى كانت رمز للميدان باكمله اتشالت


عجبنى التجديد والتطوير برغم كل شئ



بس اكيد عتاب السياره اللى حتكون معاه مش حتشيل الزرع ولا حاجه..ده سياده الريس مش مدير المنطقه التعليميه

بتكون حراسه ......



سيبك انتى بقى من الكلام ده.........
واد يا سنقر تعالى شوف عتاب تاخد ايه

[نيهال]

ليتل بيرد....ما تزعلى
هوه الواد سنقر سمعه تقيل حبيتين



على صوتك بس وهوه بيسمعك

[عتاب]

المشاركة الأصلية بواسطة نيهال

اهلا عتاب منوره القهوه ان شاء الله

اللى بيضايقنى فى الموضوع بجد...........ان فى مكان الزرع اللى اتزرع ده
كان فيه مسله فى منتهى الجمال.لسه ما كملت سنتين على بعض
اتكلفت كتير جدا جدا فوق ال 2 مليون.......


ده غير ان الساعه اللى كانت رمز للميدان باكمله اتشالت


عجبنى التجديد والتطوير برغم كل شئ



بس اكيد عتاب السياره اللى حتكون معاه مش حتشيل الزرع ولا حاجه..ده سياده الريس مش مدير المنطقه التعليميه

بتكون حراسه ......



سيبك انتى بقى من الكلام ده.........
واد يا سنقر تعالى شوف عتاب تاخد ايه

اكيد طبعا عربية تانية غير الحراسة
عربية الحراسة ممكن تشيل البشر

على العموم هاتيلي ايس كريم مؤقتا
لحد ما اطلب شاي كمان شوية