قهوة المخربشين (5)

[omarr]

نيهال ...

تروحى وترجعى بالسلامه فى كل خطوه تمشيها ...

منتظرينك ...

د.آيات .. تسلمى على المبادره و تنزيل الخبر الجميل والسعيد فى " البيت بيتك " ..

عقبال كل الناس يارب ... كل واحد فيكم يلاقى نصفه الأخر ...

[مستكة]

السلام عليكم ورحمة الله وبركاته

صباح الفل عليكم يا مخربشاتيه

وحشتني القهوة وروادها ومواضيعها

ازيكم نفر نفر ونفرايه نفرايه

الف الف مبروك لبرديس

وعقبال ياااااااااااااارب كل اللي لسه

الموضوع اللى بعده
ما مدى تمسك الشباب بالدين الآن ؟
هل أصبح فعلا فيه صحوة دينية و الشباب بدأ يتقرب الى الله
و للا الحكاية كلها مظاهر فارغة
و انهم ابتعدوا عن الله بشكل أفظع من الأول بسبب الفضائيات و الانترنت و الأفلام

ايه رأيكم من واقع اختلاطكم بالناس ؟

اهلا نرجسيه

والله انتي اثرتي نقطه مهمه جدا

هل فعلا احنا في صحوة دينيه ولا ده استايل جديد

مثال بسيط بالنسبه للحجاب

صحيح فيه عري في الشوارع والجامعات لكن نسبة المحجبيبات كتيره

واكتر من الاوقات اللي فاتت كلها

لكن هو ايه الحجاب !!

بنتكور او برمودا علي بادي كارينا علي خمس سبع قطع قماش كل حته بلون ويادوب مغطيه الشعر بسسسسسسسسسس

هو ده الحجاب !!

للاسف علي الرغم انه فيه مظاهر لصحوة دينيه الا ان الصحوة دي مغلوطة المفاهيم

وده مش بالنسبه لشباب الالتزام الكول

لا وكمان بعض الاخوة اللي بيطلق عليهم ( سلفيين )

علي الرغم من الاختلاف والفرق الكبير بين النموذجين الا اني اري ان المضمون واحد

كلاهما اهتم بالمظهر ومهتمش بالجوهر الا من رحم ربي طبعا

للاسف ا لدين في الفتره الاخيره اخد الشكل الظاهري واهتم بيه اكتر بكتير من الجوهر

نسو انه في الاساس انه الدين معامله

معامله

وبعد كده بقه يجي الاهتمام بما امر الله بخصوص المظهر

كل واحد حر فيما يلبسه لكن مش حر فيما امر الله به

البنت تتحجب اه بس الحجاب يكون ساتر مش يكون مغري اكتر من لو كانت مش محجبه

فيه امثله كتيره اوي اوي غير كده بس انا اخدت الحجاب لانه اكتر ظاهره


كمان مشكله تانيه كبيره

احنا بناخد معلومتنا الدينيه منين !!

للاسف من وسائل اعلاميه فيها من كل صوب وحد

كل واحد براي وكل يوم فتوة شكل

اه اختلاف العلماء رحمة انما لما يكون بالشكل ده يكون بلبله خصوصا انه مفيش خلفيه او مرجعيه للشباب دول الا الفضائيات

محدش بيتعب نفسه ويقرا لائمة الاسلام وعلماؤه الثقه

كل واحد عايز فتوة علي هواه وتتماشي مع ظروفه

طبعا الا من رحم ربي


ومن واقع اختلاطي بالناس شايفه لخبطة جامده اوي

ربنا يثبتنا

[omarr]

مستكه ... نورتى "قهو المخربشين "

[مستكة]

منوره بيكم طبعا

ربنا يكرمك متشكره جدا علي الترحيب ا لجميل ده

[plestine fille]

مرحبا يا جماعة كيفكن يا مخربشين ومخربشات الاهوة انا اسفة من جد المدرسة شاغلتني كتير وما عم اأدر فوت حتى لأشرب فنجان شاي واليوم كمان طايفة عنا الدنيا بالشوارع طمنوني عن الحوال واخر الاخبار وبدي كاسة شاي يا سنقر سخنة

[جناب العمدة]

مبروووووووووووووووك يا برديس (شيماء)الف مبروك

مبروووووووووووووووك
مبروووووووووووووووك
مبروووووووووووووووك
مبروووووووووووووووك

معلش جيت متاخر اصلى مشغول شوية المراجع المالى
مش عارف افلفص منه .
راجعلكم بعد شوية

[جناب العمدة]

على عجالة ادلى برايي فى موضوع انتشار ظاهرة التدين او الصحوة الدينية

اتفق مع راى مستكة واختلف فى جزء بسيط وهو عدم التعميم على التيارات
الاسلامية .. فمنهم من يفهم ويطبق ومنهم من يطبق بغير فهم صحيح
على هواه يعنى . ونرى هذا فى كل التيارات تقريبا .

واساس الفهم المغلوط عند البعض هو سيل الفتاوى على القنوات واختلافها
مما يترك الفرد العادى فى حيرة فيختار ما يراه هو صحيح .
عموما ارى ان هناك صحوة دينية ومنتشرة جدا نراها فى المساجد والمنتديات
ونلمس ذلك ايضا من خلال معاملاتنا اليومية .. مقارنة بالسنوات السابقة .
وكاى ظاهرة تنتشر يصاحبها بعض السلبيات ولكن الايجابيات اكثر بكثير .

اللهم ارزق هذه الامة امر رشد .. يعز فيه اهل طاعتك ويزل فيه اهل معصيتك .

[plestine fille]

مرحبا يا جماعة كيفكن يا مخربشين ومخربشات الاهوة انا اسفة من جد المدرسة شاغلتني كتير وما عم اأدر فوت حتى لأشرب فنجان شاي واليوم كمان طايفة عنا الدنيا بالشوارع طمنوني عن الحوال واخر الاخبار وبدي كاسة شاي يا سنقر سخنة

[LITTLE CAT]

هااااااااااي كيفك روان
دقيلي اذا فتحتي اوووووووووووووكي...

[duha]

السلام عليكم جميعا
ازايك يا عمو صبحي
القهوة المظبوطة لو سمحت
بالنسبه لموضوع الصحوة اذا كانت حقيقيه ام مزيفه
خلونا بالاول نفتكر كلام سيدنا محمد عليه افضل الصلاه والسلام
انما اتيت لاكمل مكارم الاخلاق
يعني دينا دين الاخلاق
هتعرفو اذا كانت الصحوة حقيقيه او مزيفه لما تشوفو شكل الاخلاق عامل ازاي في الشارع والشغل وفي كل مكان
شايفين ايه
كل اللي شايفيه ان الاخلاق انعدمت تماما
الغش والرشوة والكذب والنفاق وغيرها بقت من سمات المجتمع
لما تلاقي تحسن في اخلاق الناس هنعرف ساعتها ان في صحوة اسلاميه

[duha]

اسفه الرد اتكرر مرتين

[ابتسامة الحياة]

السلام عليكم ورحمة الله وبركاته

رواد قهوة المخربيشين

كيف حالكم

بسلم عليكم بسرعة كده
عشان مش عرفة ادخل بسبب النت

اول النت ما يتعدل هدخل اعلق على مواضيعكم الشيقة المهمة دى

[omarr]

نرجسيه ....

الموضوع المطروح للنقاش بين اعضاء ورواد " قهوه المخربشين " هو

مارائيك فى الصحوه الأسلاميه الحاليه ؟...

طبعا ما ساقوله هو تعبير عن وجه نظرى الشخصيه ... لا ادعى الفهم و الأحاطه بكل شىء
ولكن استطيع الأدعاء اننى من خلال خبراتى الذاتيه و تجاربى الشخصيه و تربيتى و نشأتى
واطلاعى على الأحداث و المتابعه و القراءه قد ببلورت عندى بعض الأفكار الخاصه بذلك الموضوع ...

نتكلم اولا عن الحقائق ....

سقطت الخلافه الأسلاميه سقوطا رسميا عند اعلان كمال اتاتورك " الغاء الخلافه الأسلاميه "
فى العام 1926 .

تم غزو معاقل الأمه الأسلاميه و تم بتر الأرض المقدسه من جسد الأمه و تم غزو حاضره الخلافه

ركبنا الغرب بقوه السلاح والمال ... و جاء الينا فى عقر دار الأسلام يبشر بحضارته الغربيه ...

من نحن ؟
ببساطه نحن امه مهزومه .. سقطت الخلافه الأسلاميه .... وتشرذم المسلمون فى انتظار الذبح
او الأذعان لحضاره المنتصر الغازى و تبنى مفاهيمه عن الحياه فى كل النواحى .. اقتصاديه ..
ثقافيه .. سياسيه ... دينيه ..الخ ..

اى زمن هذا الذى نعيش فيه ؟
هو زمن ما بعد الهزيمه ... هو زمن دفع الثمن .. والثمن ندفعه الأن ذلا و اهانه و فقر ومرض
والألم داخل فى كل بيت شئنا ذلك ام رفضنا .. نحن ندفع الثمن ...

نحن ببساطه " فى حاله سقوط حر " ...

عندما استشعر المسلمون الخطر الواقع والناتج عن الهزيمه و عوده الأستعمار الغربى على اراضيهم
للأسف الشديد وجد المسلمون انفسهم مكشوفين.. عاجزين .. امام الضربات الشرسه
فى الحمله الأخيره للغرب كنا مكشوفين ولأول مره منذ وفاه نبى الأسلام ( ص ) لم يكن لنا معقل فكرى
نأوى اليه .. تشرذمنا .. وتقطعنا ..

الجيل الحالى ..هو جيل ما بعد الهزيمه او قل هو الجيل الذى سيدفع ثمن الهزيمه ..
هو جيل نشأ وتربى على السقوط المروع لجميع افكار فتره ما بعد الهزيمه ..الغاء الخلافه
الأسلاميه ولأول مره وفى اول سابقه بعد امتداد دام اكثر من 1000 عام .. القوميه العربيه
فشلت .. الأشتراكيه والعداله الأجتماعيه فشلت ... الوحده العربيه فشلت ..


قسم التجاء الى اخر معقل باقى لنا و هو دين الأسلام .. ولكن للأسف المميت على قدر
صدق النوايا و الرغبه الحقيقه فى عوده الأمه الأسلاميه والحضاره الأسلاميه ومجد المسلمين
الا ان الوقت كان متأخرا جدا ... وعندما رغب هذه القسم فى تطبيق ما يقرأه وجد عالما اخر
على الأرض .. واصبح التوفيق بين شرائع الأسلام و بين الواقع الحاضر امر فيه صعوبه شديد
يعرفها جيدا كل اصحاب ذلك القسم ..

هل هناك صحوه حقيقيه ؟ !!! ... هناك حمى فى الرؤس .. هناك كلام و مزيدا من الكلام
هناك سيوله فكريه .. الأمه محمومه .. مريضه ..

لكن على الأرض ... وعلى الواقع هناك مزيدا من التوغل الحضارى الغربى .. هناك حصاد للنصر
الغربى .. هناك انتعاش اقتصادى ومادى وفكرى غربى .. هناك تفوق فى جميع المجالات


نرجسيه .. احبائى "رواد قهوه المخربشين "

اختاروا انتم بأنفسكم اسم المرحله التاريخيه التى نعيشها الأن ...

هل هى مرحله ذفع الثمن .. ثمن الهزيمه ؟
ام
هى مرحله صحوه اسلاميه ستعيد للأمه امجادها المفقوده ؟..


الأمر متروك لكم ....

فى النهايه .. احب ان اقول لكم انى معكم ومنكم .. انا واحد منكم .. انا موحد بالله فى زمن
القابضين على الجمر .. فى زمن " الغثاء " .. فى زمن " تكالب الأمم علينا " ...ما يؤلمكم يؤلمنى
ومايسعدكم يسعدنى .. وكل خير للأمه هو خير لى .. وكل هزيمه هى هزيمه لى .. وكل طعنه
فى العراق او فى فلسطين اصبت بها فى قلبى و فى جيبى و فى عقلى ...

فى كل القطاعات او فى جميع الفرق الموجوده على الساجه هناك شباب صادقين وممتازين



اللهم ارحمنا يارحيم ..

يتبع

[نرجسية]

أهلاً بكل اللى فى القهوة

آراءكم كلها كويسة
و لى تعليق عليها ان شاء الله

[omarr]

نرجسيه ..
اعزائى واحبابى رواد " قهوه المخربشين "

كنت اود ان استكمل ما بدأته عن طرحى لوجه نظرى الشخصيه
لموضوع اليوم " الصحوه الأسلاميه الحاليه "

اذن فقد ركبنا الغرب بقوه السلاح والمال .. وغزا اراضينا .. وجنوده فى تلك اللحظه التى اكتب فيها
ربما قد انتهوا من اتمام وجبه الغذاء على ارض المسلمين فى حيفا ويافا وعلى جدار الأقصى
فى بغداد والموصل و كركوك وام قصر وفى كابول و غزنه و قندهار .. فى هرمز و باب المندب وجبل
طارق .. فى سبته ومليله وفى ايلات و الخليل ..

ليسوا اشباحا .. بل هم حقيقه ..البعض شاهدهم ...الخبر صحيح..
جاؤا و غزوا وركبونا وذبحوا وقتلوا و اسالوا الدماء الطاهره و اغتصبوا وسلبوا ... اكرر الخبر صحيح
اكررررررررررررر الخبر صحيح .. الخبر صحييييييييييييح ..


ماذا حدث .. وما هو رد الفعل الموازى لحجم المآساه ..والخبر صحيح

ساقول لكم .....كى تكتشفوا مدى السطحيه التى وصل اليها البعض ..والخبر صحيح

هرعت مجموعه تبحث فى النصوص الدينيه ... ووجدت ان الخلاص هو فى الأنكباب على النصوص
و اتباع سنه النى ( ص ) ... ثم ماذا بعد الأنكباب على النصوص .. مزيدا من الأنكباب ..
واحياء مواضيع خلافيه .. و الدعوه الى مظاهر سطحيه كاذبه ... يتمايزون بها عن غيرهم
فى زمن الذبح والهوان ..والخبر صحيح

ياألهى .. هل نعيش فى زمن الزى الأسلامى المناسب للذبح ؟

ام زمن الصحوه التى سوف تخلصنا من الذبح ؟!!!

الأجابه متروكه لكم .. وكل عضو له رأى ..و احترم مسبقا كل رأى .. والخبر صحيح

هل الأمر شديد التعقيد ...الخبر صحيح.. نحن امه تذبح ليل نهار .الخبر صحيح
.. فماذا نفعل لكى نرفع الذل ؟... والخبر صحيح

الخبر صحييييييييييييح ................ والله الخبر صحيح ... ومع ذلك مازال
البعض يرى, او قولى لا يرى , مدى حجم المآساه .. التفكير الساذج دفعهم للأعتقاد بأن الغرب
هم " حثاله " .. لا قيمه لهم .. افكارهم وحضارتهم ضاله ... وانهم يا عينى عايشين فى هم
وقلق مادى و ان حضارتهم بعد بكره او بعد بعده بالكتير سوف تسقط من تلقاء نفسها ...
هكذا نفكر .. وهكذا ننظر باستهانه وسطحيه للأمر الجلل ... و الخبر صحيح ..


هل نحتاج الى مزيدا من النصوص كى نفهم ان الخبر صحيح ؟
هل نحتاج مزيدا من الأنكباب كى ندرك ان الخبر صحيح ؟
هل نحتاج الى اطنان الكلام والنصائح المكرره ليل نهار كى نعرف ان الخبر صحيح ؟

وانا اتسأل معكم .. واسأل نفسى .. ما دام الخبر صحيح .. فكم يلزمنا من وقت فى الأنكباب
ومتى سوف نصنع سياره عربيه ؟.. متى سوف نصنع كمبيوتر عربى ؟ والى متى سوف
ترددون ان اشرف الناس هم اكثرهم انكبابا على النصوص ...وان اعظمهم هو من حوى فى
صدره المعلومات النظريه اللازمه للكلام ( الكلام فقط ) حول الخبر الصحيح

اكرر انى اتكلم عن وجه نظرى للصحوه الأسلاميه الحاليه ..
هناك شاب .. رجال ونساء من الملتزمين مارأت عينى مثلهم فى التضحيه والفداء
والصدق و الأيثار و حب الخير والتسامح .. انا اتكلم فى العموم .. ولا اخص احد
ارجو الأنتباه لذلك . وارجو ان تعلموا ..كما اسلفت انى لا ادعى المعرفه و لا الحكمه
ان بينت وجهه نظرى الشخصيه و الشخصيه فقط و لا الزم بها احد غير نفسى

وادعو للجميع و لنفسى بالخير و الخلاص ...