قهوة المخربشين (5)

[نيهال]

هلا ي ابتسامه.تصورى ...لسه صاحيين...؟؟

منوره يا بنتى........

[ابتسامة الحياة]

ا/حسين :القصة جميلة فعلا

للأسف لن ينتهي طالب الطب بيفضل طول عمره تلميذ حتى بعد التخرج
الحمد لله خالد مجال عمله زيي يعني هايتقبل الوضع والله اعلم .

بصراحة اللي صدمني ان والدتي النهاردة قدمت استقالتها وهي دكتورة اطفال
واستاذة في الجامعة اتصدمت فقراراها اللي اخدته بحجة انها عايزة تخلي بالها
من اخواتي الصغيرين ومن البيت .. مش عارفة انا بقى لو بعد الشقى ده كله
هايجي يوم واعمل زيها ..
هي كانت مثلي الاعلى بالنسبة للدراسة دلوقت مش عارفة اللي حصل
كل اما افكر في انها استقالت وقفلت العيادة افكاري بتتشتت مش عارفة
اتقبل الموضوع ده تعب وشقى ومجد وشهرة فلحظات ينتهي
مش عارفة فين الصح...
على فكرة انا مخصماها عشان عملت كده :(

زى ما قلتلك يا ايات اوقات الواحد اوقات بيبقى شايف حاجة اهم من حاجة فلازم يحقق ا المهم اولا لأن ده هو اللى هيبقى

وعسى ان تكرهوا شيئا وهو خير لكم

[ابتسامة الحياة]

ازيك يا نيهال
ازيك ياايات
ازيك يا ا/حسين

[Dr-Ayat]

أ\ حسين افهم ان ممكن بعد ما الواحد يكبر ويبقى في سن النضوج احلامه تتجه لمنحى آخر؟
ويحس انه ما اثبتش نفسه في اللي كان بيطمح اليه وبيسعى اليه دايما ؟ لو تفسير ي صح ديه حاجة تخوف

نيهال
صعب جدا الواحد يتخلى عن كل احلامه كده فجأة ياخد قرار بالاعتزال .. اللي متعود عالشغل مش هايعرف يقعد في البيت وانا متعودة عليها زي النحلة البيت والشغل واحنا والدراسة والسفر لو فيه مؤتمر او اي ادوية اكتشفت تلاقيها بتبحث عنها او اي دراسة طبية جديدة بتابعها مش متقبلة ان امي تبقى همها تحضر الفطار والغدا والعشا وتقعد كده تستنى رجوعنا البيت يمكن مع الوقت نتعود,, طبعا اناحابوس جبينها واصالحها بس بكرا يمكن تراجع نفسها وترجع عن القرار اللي اخدته من غير ما تقول لحد .

[amr_miza1]

مساء الخير .... حد فى القهوة فى الساقعة دى ؟؟ والا هقعد لوحدى

ينسون يا سنقر عقبال ما حد ييجى

أ / حسين .. القصة عجبتنى جدا .. ربما انا فهمتها على ان مفيش سعادة مطلقة .. او ربما سعادة بحذر او دون الغفلة عن أشياء أخرى .. بمعنى ألا تكون السعادة على حساب أشياء وقم أخرى

آيات .. يا ريت تصفى ذهنك وماتفكريش فى حاجات ملعبكة لان استيعابك مش هيتم غير بهدوءك

نيهال .. انا من زمان بقولك يا نيهال على فكرة اى خدعة

ازيك يا ابتسامة .. الينسون على حسابك

[نيهال]

مساء النور يا عمرو........انا كنت ماشيه بجد

بس لفت نظرى ان فيه صوت طالع من القهوه
قلت ااجى


ههههههههه

اسمى غريب؟؟؟

ده كان ميزه وانا فى الكليه
مفيش غيرى

[Dr-Ayat]

ابتسامة سالخيرات

عمرو منور

نيهال اسمك حلو بس ايه معناه؟

[amr_miza1]

المشاركة الأصلية بواسطة نيهال

مساء النور يا عمرو........انا كنت ماشيه بجد

بس لفت نظرى ان فيه صوت طالع من القهوه
قلت ااجى


ههههههههه

اسمى غريب؟؟؟

ده كان ميزه وانا فى الكليه
مفيش غيرى

هههههههههههههههههههههههههههه
صوت لفت نظرك ازاى
اللى بيلفت النظر حاجة تتشاف مش تتسمع يا نيهال ههههههههههههه
عموما علشان كدا لازم اعزمك على حاجة ساقعة
آيس تى يا سنقر .. بسرعة ياااااااااد

طيب عاوزين موضوع نقزقز فيه واحنا متلجين كدا

ازيك يا ايات الجو عندكم تحت الصفر عارف .. هيبقى فى مصر صفر يوم الاحد انا سمعت الخبر دا

[Dr-Ayat]

ربنا يبشرك بالخير لو فمصر هاتبقى صفر يبقى هنا هايبقى تلااااجة
يعني ممكن ادخل باسم مستعار تاني ( ايات المتجمدة )

الا صحيح يا عمرو الايموشن ده عبارة عن ايه؟
وده


ههههه معلش صباحو سبهللة

[amr_miza1]

المشاركة الأصلية بواسطة Dr-Ayat

ربنا يبشرك بالخير لو فمصر هاتبقى صفر يبقى هنا هايبقى تلااااجة
يعني ممكن ادخل باسم مستعار تاني ( ايات المتجمدة )

الا صحيح يا عمرو الايموشن ده عبارة عن ايه؟
وده

ههههه معلش صباحو سبهللة

هو الايموشن الاولانى دا اعتقد انه بيعاقبه تقريبا .. بس مش واخد بالى اوى ههههههههههههه

الايموشن التانى دا واحد شغال فى الاسعاف

مش عارف انا عمال اكل سوانى .. حد عاوز شوية !!

[ابتسامة الحياة]

ازيك يا ابتسامة .. الينسون على حسابك

بس كده الينسون بسرعة يا سنقر وانا هستنى برة لغاية ما يشربه عشان فيه عمار بينى وبين اليانسون
والحساب عندى يا سنقر

[uniQue]

المشاركة الأصلية بواسطة نيهال

متيم..............
ايوه اسمى نيهال
مش نهال خالص
وفيه فرق كبير بينهم
هوه اينعم بتضايق ما حد بينادينى باسم نهال..لكن اكيد لان محدش يعرف ان فيه اسمين
ههههههه

مش نهال خالص وفيه فرق كبير بينهم ؟؟
خليني احكيلك عـ القصة من اولها انا متابع مسلسل اسمه " المصراوية " المفروض انه بيعرض علي النيل للدراما والمسلسل فعلا مبهر المهم في يوم قعدت قبل المسلسل بشويه وكان قبله بتعرض مسلسل تاني اسمه مبروك جالك قلق لو تسمعي عنه وفي وسط الاسامي لاحظت اسم ممثلة " نهال عنبر " والاسم بيتكتب من غير ي ونفس اليوم بليل لاحظت اسمك ب ي فكرت في الاسم نفسه ومعناه وصلت ان نهال جمع نهل ايه نهل دا ؟ لأ منهل , ياريت بقي نعرف منك الفرق بين نهال ونيهال ؟؟ و ليه بتضايقي لما حد بيناديلك بنهال يا نهال وعاوز اعرف منك حاجة فوق البيعة نهله مشتق من نفس الاسم ,, قتلي ان محدش يعرف ان فيه اسمين ودلوقتي المنتدي كله عرف والبركة فينا salam

[uniQue]

dr-ayat
ربنا يوفقك في مذاكرتك
ومتقلقيش ولا شئ خلي بس الحاجة
تدعيلك دعوتين ومنها ان شاء الله للسما

[uniQue]

عمر
رواية الخميائي رواية خيالية بتاخد العقل احداثها مشوقة يمكن بيأخذ عليها انها بعيده تماما عن الواقع لكن الكاتب البرازيلي باولوا فنان في مجال الروايات خاصة الشرقية ودا من حبه في الشرق عندي ليه رواية تانية لكن عن فتاة برازيليه لو بتحب تقراها " احدي عشر دقيقة " والرواية دي حصل عليها جدل كبير واتمنعت من نشرها بمصر لكن هي عندي وزي ما قتلك واكيد رواية الخميائي عجباك وهي بيها دروس انسانيه عميقة لا تنسي وسلملي ع الكنز اللي مدفون بالاهرامات Lol

[wael.galal]

السلام عليكم رواد القهوة الكرام طبعا مفييش موجود المهم أنا بسلم عشان مش بكون موجود لما بتكونوا قاعدين


وبالنسبة للأخ المتيم الكنز طلع مفيش الكنز طلع في الرحلة نفسها