قهوة المخربشين (5)

[برديس]

ازيك يا نيهال بالياء اهوه
ازيك انت يا جناب العمده
يا ستر يا رب البرد عامل عمايل سوده
لا بس الجو انهارده الحمد لله دافى عن امبارح واول
يلا بقا شوفو موضوع نكلم فيه

[نيهال]

بالرغم من ان الشمس كانت جميله قوى النهارده
لكن بليل بيكون برد قوى

بس فعلا مش بردانه قوى........اصلى متقله حبتين كتار...... لدرجه الخنقه


ايه رايكم نتكلم على ....

رد الجميل.........ويا ترى انت منتظر الخير اللى بتعمله؟؟

مثلا يعنى.....بتنتظر المقابل؟؟

فهمتونى؟؟

[جناب العمدة]

انا مكنتش عايز اقترح موضوع لان الموضوع اللى شاغلنى شوية سياسى
والسياسة دمها تقيل سم . على العموم انا هطرح موضوع ولو مش عجبكم
يبقى نغيره وحد يقترح غيره .

الموضوع هو ياترى الرئيس القادم لمصر .. تفتكروا هيكون جمال او من داخل
الحزب الوطنى .. طب يا ترى عسكرى وللا مدنى .. كل واحد يخمن .

[جناب العمدة]

المشاركة الأصلية بواسطة نيهال

بالرغم من ان الشمس كانت جميله قوى النهارده
لكن بليل بيكون برد قوى

بس فعلا مش بردانه قوى........اصلى متقله حبتين كتار...... لدرجه الخنقه


ايه رايكم نتكلم على ....

رد الجميل.........ويا ترى انت منتظر الخير اللى بتعمله؟؟

مثلا يعنى.....بتنتظر المقابل؟؟

فهمتونى؟؟

خلاص يبقى اسحب موضوعى ونتكلم عن رد الجميل هو فعلا موضوع
شيق للنقاش .

[ابتسامة الحياة]

السلام عليكم ورحمة الله وبركاته
رواد قهوة المخربيشين كيف حالكم

[نيهال]

طيب اجل موضوعى شويه يا جناب العمده لانه اجتماعى حبتين
وانا حابه موضوع السياسه اكتر
بلييييييييييييييييييييييييز

[ابتسامة الحياة]

جناب العمدة
نيهال
برديس

عاملين ايه فى البرد انا خلاص مش حاسة بصوابعى خالص
متجمدة لأنى مش بحب الشتا ولا بحب لبسها

[ابتسامة الحياة]

صحيح يا جماعة

ايات بتسلم عليكم كتييييييييييييرجدا

وبتقولكم وحشتونى جدا
وهى زى ما انتوا عارفين مش عارفة تدخل الايام
هى بتبعت سلام خاص جدا لرواد القهوة
مخربيشين ومخربشات

[جناب العمدة]

دى ابتسامة كمان جت .. شوية كمان والحبايب يتجمعوا

طيب اجل موضوعى شويه يا جناب العمده لانه اجتماعى حبتين
وانا حابه موضوع السياسه اكتر
بلييييييييييييييييييييييييز

كلك زوق يا نيهال .. خلاص نتكلم فى اللى ما تتسمى السياسة
تخمين من هو الرئيس القادم لمصر .. الامر مبهم .. غير واضح نظرا
لعدم تعيين نائب للرئيس حتى الآن .
الشواهد تدل على تهيئة الامور لتولى نجل الرئيس جمال مبارك
سرعة وصوله الى المكانة التى عليها فى الحزب الوطنى .. ناهيك عن
تعديل الدستور الاخير بحيث لا تتلائم شروط الترشيح الا للابن .. تدخله
فى بعض الامور والتى هى بالاساس من اختصاصات رئيس الحكومة .
لكنى استبعد فكرة تولى جمال ولى اسبابى التى تدعونى لهذا الاعتقاد
اولا دولة بحجم مصر ترفض مبدأ التوريث بغض النظر عما اذا كان الابن يصلح او لا يصلح
ثانيا فترة حكم الوالد وطولها وما صاحبها من التخلف والتاخر فى كل ميادين الحياة

للموضوع بقية ... شوية وارجع بعد اذنكم ....

[omarr]

حبايبى رواد " قهوه المخربشين ""

السلام عليكم .....

متابع معاكم موضوع " الرئيس القادم لمصر "

[نيهال]

اهلا بيكى يا ابتسامه....وسلامى لايات وان شاء الله ترجع بالسلامه

بالنسبه لموضوع التوريث.........فكل الظواهر بتقول جيمى
بس انا كمان شايفه وجهه نظر تانيه
ان الشعب فاض بيه ومش مستحمل
يعنى اليوم بيعدى على الناس بالعافيه
اينعم احنا كشعب مسالم جدا وبيحب بسرعه...........فممكن بكلمتين نرضى ونوافق لكن المشكله اننا شبعنا كلام بقالنا من الثوره بيقولوا ديمقراطيه وجمهوريه
وانا شايفه الحال بيتدهور يوم بعد يوم
بس تعرفوا.لإيه ناس بتقول على شخصيه مش على الشاشه الان ولكنها على الساحه
وكمان فيه المشير طنطاوى
فيه ناس كتير قوى بترشحه

عم صبحى..........عايزه ايس كريم مانجه فى عز التلج ده.......بحبه كده حتعمل ايه
ههههههه

[جناب العمدة]

الله يسلمك ويسلم آيات يا ابتسامة .. والله لها وحشة .. ربنا يوفقها

تكملة الموضوع :
السبب الاخر الذى يمنع تولى جيمى .. انه من خارج المؤسسة العسكرية
والتى لا تسمح به تلك المؤسسة ان ياتى مدنى لسدة الحكم
جمال مبارك فى تصارع وتصادم مع الحرس القديم للحزب الوطنى
يبقى الاهم وهو انه مكروه شعبيا ولا يلقى اى تاييد فى الشارع المصرى

اذا فمن يكون ؟ التكهن كما اسلفت صعب ولكنى ارى انه ربما يكون احد هذه الاسماء
ابو غزالة ، عمر سليمان ، عمرو موسى

[ابتسامة الحياة]

بالنسبة لموضوع الرئيس القادم

الناس بتقول جمال
بس انا من وجهة نظرى بردو لأ
لأن الناس رافضة تماما مسالة التوريث دى
وكمان مع اننا اه شعب سلبى شويتين لكن اكيد هيجى يوم وهيتكلم
وحكاية جمال هيبقى فيها كلام كتير قوى

[جناب العمدة]

اهلا اهلا حسين .. انا مستنيك من بدرى يا راجل
ياد يا سنقر احلا شاى لعمك حسين علشان بمخمخ
فى الموضوع الجديد .. ياللا بسرعة .
واحدة كليوباترا يا سحس مع الشاى .


اسم المشير طنطاى يا نهال فعلا من الاسماء اللى مطروحة
بس انا شايف انه بعيد عن الموضوع .. دا سنه خلاص .. رجل بره ورجل جوه
ياللا حسن الختام .وكمان هيلاقى معارضة من الداخل بالكوم .

[ابتسامة الحياة]

المشاركة الأصلية بواسطة جناب العمدة

اهلا اهلا حسين .. انا مستنيك من بدرى يا راجل
ياد يا سنقر احلا شاى لعمك حسين علشان بمخمخ
فى الموضوع الجديد .. ياللا بسرعة .
واحدة كليوباترا يا سحس مع الشاى .


اسم المشير طنطاى يا نهال فعلا من الاسماء اللى مطروحة
بس انا شايف انه بعيد عن الموضوع .. دا سنه خلاص .. رجل بره ورجل جوه
ياللا حسن الختام .وكمان هيلاقى معارضة من الداخل بالكوم .

معاك يا جناب العمدة ان المشير طنطاوى
هيبقى خارج الحسابات شوية يعنى احتماله ضعيف
شايفة ان اكتر واحد مناسب هو
عمرو موسى

لو كل حاجة مشيت سليمة يبقى اعتقد هو اللى هيبقى الرئيس
اما بقى فى وجود السلبيات التانية يبقى الله اعلم لغاية دلوقتى