قهوة المخربشين (5)

[amr_miza1]

مساء الخير ...
ايه النور اللى فى القهوة دا

حسين وجناب العمدة وضحى وايات .. فين ابتسامة صحيح مستخبية يمكن من الساقعة

جناب العمدة .. اعتقد ان انا اللى قادر اعمله دلوقتى هو انى اتضامن انسانيا زى ما قالت ايات ندعيلهم .. حسبى الله ونعم الوكيل .. فى اليهود .. وفى حكومات العرب

ضحى .. ربنا يعدى الازمة على خير ان شاء الله وعلى فكرة انتى معزمتينيش بقالك كتير جدا ..
عاوز 6 ينسون واتنين حلبة وزنجبيل ..

[جناب العمدة]

اشرقت الانوار بآيات وعمرو .. يا مساء الخيرات

عاوز 6 ينسون واتنين حلبة وزنجبيل

بسسسسس .. يبقى عامل حسابى فيهم .

الاعتصامات والاحتجاجات مش شىء هين بالعكس
احنا ملاحظين انها بتزيد وبتكبر .. وشوية شوية هيزيد
ضغطها على رقبة الساسة بتوعنا وهيسلموا بارادتنا احنا
بلغت الاعتصامات والاحتجاجات دى رقم مش سهل 386 مابين
اعتصام واحتجاج واضراب وتظاهر .. هذا يعنى واحد من هؤلاء
تقريبا يوميا .

شوف يا عمرو محدش يستصغر موقف مساند ايا كان طالما لا املك
غيره .
حديث رسولنا الكريم صلى الله عليه وسلم فى الصدقة "اتقوا النار ولو بشق تمرة "
فى فهمى البسيط ان الحكم ينسحب ايضا على قولة حق .. فلنتق الله
ولو بكلمة او دعاء ... فمن لم يستطع فبقلبه وذلك اضعف الايمان .

[محمد اسامة]

انا اسمى محمد اسامة احب فتاة تعمل معى فى شركة الفراعنة بطنطا اسمها نيرمين ولكن هى لا تعرف اى شىء اريد ان اصرح لها بحبى ولكن اخاف ان باقى العاملين بالشركة يأخذون عنى فكرة سيئة وخصوصا انى اعرف بنات كثيرة جدا ومن ناحية اخرى اسعد عندما ارى عينها الجميلتان اتعلم منها اثناء كلامها سألت الناس ودكتور اسامة منير قال لى انى اصرح لها بما اشعر ولكنى لا اقدر لان فى حالة رفضها ستكون فضيحة لى بالشركة وبعد ما كانت المعاملة بأحترام ستكون من غير احترام اريد ان اقولها لها وباعلى صوتى انى احبها ولكن فى صمت وبدون معرفة الجميع وفى حالة رضاها سنعلن حبنا للجميع فهل هى فعلا تحبنى اريد الرد ماذا افعل

[omarr]

اعزائى رواد " قهوه المخربشين "

عممممور ..جناب العمده .. ضحى .دآيات . رغد .. نيهال .. شذا الأمواج ..فراق

والغائبين عنا إبتسامه الحياه .. برديس .. بحور ... لقاء .. باسم ... هيثم حمدى .. وائل .عتاب

مستكه ... نرجسيه ... سها ... شاعر الليل .. وباقى الأحبه ...


تحيه من القلب لأبناء وطنى الكبير والصغير ...

[omarr]

المشاركة الأصلية بواسطة محمد اسامة

انا اسمى محمد اسامة احب فتاة تعمل معى فى شركة الفراعنة بطنطا اسمها نيرمين ولكن هى لا تعرف اى شىء اريد ان اصرح لها بحبى ولكن اخاف ان باقى العاملين بالشركة يأخذون عنى فكرة سيئة وخصوصا انى اعرف بنات كثيرة جدا ومن ناحية اخرى اسعد عندما ارى عينها الجميلتان اتعلم منها اثناء كلامها سألت الناس ودكتور اسامة منير قال لى انى اصرح لها بما اشعر ولكنى لا اقدر لان فى حالة رفضها ستكون فضيحة لى بالشركة وبعد ما كانت المعاملة بأحترام ستكون من غير احترام اريد ان اقولها لها وباعلى صوتى انى احبها ولكن فى صمت وبدون معرفة الجميع وفى حالة رضاها سنعلن حبنا للجميع فهل هى فعلا تحبنى اريد الرد ماذا افعل

اخى العزيز محمد اسامه ....

لا ادرى ما اذا اقول لك ... كل ما اعرفه ان للحب انواع عديده و انبل انواعه هو " كتمانه " ...

انا لا اعرف كم عمرك و لا كم عمر الفتاه التى تحبها ... ولا اعرف ماذا تريد من وراء هذه العلاقه
لا اعرف مايكفى لكى انصحك بما يرضيك ...

[Dr-Ayat]

السلام عليكم يا مخربشين عاملين ايه
سـالخيرات ا\حسين
جناب العمدة يا رب تكون احسن دلوقت
عمرو يا ديموقراطي ههههه فاهم قصدي طبعا
بحور فينك؟؟؟؟؟؟؟
ضحى عاملة ايه ؟؟؟
على فكرة ابتسامة مسافرة اسبوع كده ان شاء الله ترجع بالسلامة...

__________________________________________________ _

الحمد لله احنا محاصرين في البيت ما بين تظاهرة شعبية واحراق اطارات العربيات
ورصاص القوى الأمنية الي بينهمر زي الشتا على المعتصمين مش عارفين نخرج من البيت ولا عارفين نروح فين ننزل تحت نلاقي الطريق مسدود ونيران فكل حتة نطلع بيتنا نلاقي الرصاص العشوائي في الآخر لقينا ان الحمام أأمن مكان دلوقت الوضع هادي نسبيا بس
فيه 2 قتلى بسبب تعسف القوى الأمنية وأهاليهم مش ساكتين نزلوا يقفلوا الشوارع تاني وربنا يستررررررر وكله معاه سلاح اهالي القتلى والقوى الأمنية ادعولنا..
ربنا يعدي الليلة على خير

[omarr]

د.آيات ....

ربنا يبعد عنك وعن بيتك كل شر يارب ...

[شذا الأمواج]

المشاركة الأصلية بواسطة محمد اسامة

انا اسمى محمد اسامة احب فتاة تعمل معى فى شركة الفراعنة بطنطا اسمها نيرمين ولكن هى لا تعرف اى شىء اريد ان اصرح لها بحبى ولكن اخاف ان باقى العاملين بالشركة يأخذون عنى فكرة سيئة وخصوصا انى اعرف بنات كثيرة جدا ومن ناحية اخرى اسعد عندما ارى عينها الجميلتان اتعلم منها اثناء كلامها سألت الناس ودكتور اسامة منير قال لى انى اصرح لها بما اشعر ولكنى لا اقدر لان فى حالة رفضها ستكون فضيحة لى بالشركة وبعد ما كانت المعاملة بأحترام ستكون من غير احترام اريد ان اقولها لها وباعلى صوتى انى احبها ولكن فى صمت وبدون معرفة الجميع وفى حالة رضاها سنعلن حبنا للجميع فهل هى فعلا تحبنى اريد الرد ماذا افعل

مش فاهمة ايه المشكلة

اتقدم لها واخطبها وبعدين تعملوا الفرح ههههههههه

[فراق84]

السلام عليكم
ازيكم
حبيت اسلم وامشي..
ممكن حاجة اشربها ...
اختكم فراق..فلسطين

[omarr]

فراق ...

وعليك السلام ورحمه الله ....

" قهوه المخربشين " مفتوحه 24 ساعه ...

عم صبحى .. واحد شاى لفراق و بسرعه وبدون تردد لو سمحت ...

[فراق84]

[QUOTE=omarr;554793]فراق ...

وعليك السلام ورحمه الله ....

" قهوه المخربشين " مفتوحه 24 ساعه ...

عم صبحى .. واحد شاى لفراق و بسرعه وبدون تردد لو سمحت ...[/quote]

شكرا اخ عمر ..عايزاه شاي صعيدي يروق الدماغ ..لاني ما اعرفش بيتعمل ازاي..ممكن
ودلوقتي ايه اخر الاخبار في القهوة؟؟

[omarr]

فراق ....

اخبار جديده ماكو ... عم صبحى لسه صاحى .. وسنقر نايم بقاله تلات ايام ...

بمناسبه الشاى الصعيدى .. انا اشرحلك ازاى بيتعمل ....

المقادير

- باكو شاى العروسه 50 جرام ... ( مافيش عروسه يبقى " شاى الجوهره " شغال ومش بطال )
- شويه سكر ( كبشتين )
- ميه
- ابريق شاى
- نار

بصى الطريقه سهله مووووووت لأنك هاتحطى كل حاجه على كل حاجه ... بمعنى

هاتحطى البراد وهو مليان ميه على النار ... لما تسخن الميه وتغلى خالص .. هاتهدى النار
خااااالص على الأخر وتخليها " شمعه " .. تحطى شويه شاى العروسه و شويه سكر
اول ما الشاى يغلى ويفور ترفعيه من على النار وتتركيه يروق ويصفى مع نفسه .. دقيقه
وتقلبى الشاى مع السكر .يصب الشاى فى كوبيات فاضيه و يقدم ساخنا للضيوف ...

يارب تكون الطريقه واضحا ..انا شرحتها بالمصرى بتاعنا واكيد انتى عارفه كويس ..

[شذا الأمواج]

حد جرب الايرل جراى الانجليزى؟

[شذا الأمواج]

المشاركة الأصلية بواسطة فراق84

[QUOTE=omarr;554793]فراق ...

وعليك السلام ورحمه الله ....

" قهوه المخربشين " مفتوحه 24 ساعه ...

عم صبحى .. واحد شاى لفراق و بسرعه وبدون تردد لو سمحت ...

شكرا اخ عمر ..عايزاه شاي صعيدي يروق الدماغ ..لاني ما اعرفش بيتعمل ازاي..ممكن
ودلوقتي ايه اخر الاخبار في القهوة؟؟[/quote]

اختى فراق بالنسبة للناسكفيه بيروق الدماغ اكتر وخاصة لو كان من غير سكر اكيد انتى عارفة الطريقة

[جناب العمدة]

السلام عليكم ورحمة الله وبركاته
صباح الخير يا مخربشين

حسين باشا
عموور
آيات .. طمنينا عليكى فى الاحداث المؤسفة الاخيرة دى
ان شاء الله تهدأ الامور وتمر بسلام
ابتسامة .. اجازة سعيد وترجعى بالسلامة
ضحى ... فينك
شيماء
نرجسية
فراق
شذا
صباح الانوار .