قهوة المخربشين (5)

[bo7or]

لالالالالالالالالالالالالالا
مش مصدقة
الحبايب متجمعين ؟
كابتن مدحت و اسماء ونسرين وعمرو
مينفعش مكنش موجودة .. و تلاقى البت الدكتور زمانها جاية
يلا بقى
هرجع للمذاكرة والشلل
بحبكـــــــــــــــــــــــــــــوا اوى

[شاعــ الليل ــر]

بحووووور
حمد لله علي السلامة

محدش يا جماعة جاوب علي سؤال عمرو
وبعدين ممكن يا عموووور أسألك سؤال
ليه السؤال ده ؟

[amr_miza1]

صباح الخير على المخربشين الحلوين ..

عمر .. تسلم لردك .. رأيك دائما وسطى وغير ومتشدد وعقلانى

راضى .. وانا راضى وايش دخلك بينا يا قاضى .. حبيبى يا سُلُم

ابتسامة ... انا هنا تحت النظر .. انتى بس قولى جزر هتلاقينى على طول

نسرين .. يا قهلا يا قهلا هههههههههههههههه فينك مش نشيطة اليومين دول ..

ايات .. مش بنشوفها .. جابت طاقية الاخفا وبتجربها معانا

جنااااااب العمدة .. وسلااام كبير اوي .. يا راجل بقولك واحشنى

ضحى .. البطيخ وقع اسنانى ..

روكا .. ربنا معاكى فى المزاكرة ..

[amr_miza1]

المشاركة الأصلية بواسطة شاعــ الليل ــر

محدش يا جماعة جاوب علي سؤال عمرو
وبعدين ممكن يا عموووور أسألك سؤال
ليه السؤال ده ؟

سؤال وجيه .. وجيه مين ..

اولا اعجبنى تعريفك للغرور لكونه مباشرا ومحددا .. والاوجه الضعيفة لا تقوى على الثقة بذواتهم

موضوع هيثم حمدى عن الكبرياء والغرور دفعنى للوصول للفرق بين الغرور والثقة بالنفس ومتى تصل الثقة بالنفس لدرجة الغرور ...

الى جانب ..

تم اتهامى مسبقا من قبل شخص ما .. بالغرور .. واعوذ بالله ان أكون كذلك .. والحكم لمن اتعامل معهم وليس الحكم لى فى وصف نفسى ..
كل ما استطيع قوله اننى ارى ثقة فى نفسى وهذا ليس عيبا .. او هكذا أرى ..

موضوع هيثم مع الاتهام المسبق لى هو الذى دفعنى للسؤال

ينسوون يا زنقر

[جناب العمدة]

السلام عليكم ورحمة الله وبركاته
حبايبى رواد القهوة الغاليين قوى

عمر
عمرو
ابتسامة
راضى
ضحى
نسرين
بحور
شيماء
متيم
رغد

عم صبحى .... سنقر

والغايبين الحاضرين
صباح الانوار .. صباحكم سكر

[شاعــ الليل ــر]

صباح النور والسعادة علي عمدتنا

أقسم بربي انا في انتظارك
عشان سمعت اشاعة كده الواد سنقر داير في القهوة يقولها
قآل أيه أنك كنت غايب بقالك كام يوم
وانك بتهرب منه عشان الحساب القديم
وقال ايه كمان أنك بتقلدني عشان لما حسابي تقل زوغت
صحيح الكلام ده
علي العموم وده في سرك انا سبتله جزئ من حسابنا سوا
أهو يصبر نفسه
تشرب أيه بقه
متألقش الواد سعدون أخوه الصغير عبيط هو إلّي واقف وانا عامل معاه جو كويس

هنعرف نخنصر في حسابه

[جناب العمدة]

جنااااااب العمدة .. وسلااام كبير اوي .. يا راجل بقولك واحشنى

والله انت اللى وحشنى علشان كدة حرمت عيالى من قيراطين ارض
وكتبتهم باسمك .. بس مستنى اسجلهم فى القرن العقارى .
ولو حبيت تشوفهم بنفسك همه فى الناحية الشمال على اليمين شوية
جنب ارض عوضين ابن ابو جبيص فى الصحراء الغربية ..
فى الحتة دى اللى كان فيها الحرب العالمية .. العلمين
بس خلى بالك وانت معدى من اللغم .وترجعلنا بالسلامة

[جناب العمدة]

المشاركة الأصلية بواسطة شاعــ الليل ــر

صباح النور والسعادة علي عمدتنا

أقسم بربي انا في انتظارك
عشان سمعت اشاعة كده الواد سنقر داير في القهوة يقولها
قآل أيه أنك كنت غايب بقالك كام يوم
وانك بتهرب منه عشان الحساب القديم
وقال ايه كمان أنك بتقلدني عشان لما حسابي تقل زوغت
صحيح الكلام ده
علي العموم وده في سرك انا سبتله جزئ من حسابنا سوا
أهو يصبر نفسه
تشرب أيه بقه
متألقش الواد سعدون أخوه الصغير عبيط هو إلّي واقف وانا عامل معاه جو كويس

هنعرف نخنصر في حسابه

ههههههههههههههههههههه
يا صباح الصباح .. راضى باشا كلام فى سرك .. هات ودنك
الواد دا فضحنى وكل ما واحد يطلب حاجة يقولله هتدفع وللا
زى ناس تانيين .. ويبحلقلى قدام الناس .. قلت مبدهاش
اخلع واشوف مين هيدفعلو القديم .
انا بقول ابد مع الواد سعدون لحد ما يتقل الحساب وبعدين اخلع
وللا ايه رايك ؟

[شاعــ الليل ــر]

هههههههههههههههههههههههههههههه
أنا ناوي أعمل كده برده
هو أنا رجعت غير لما عرفت إن سنقر شغال بالليل بس
ده فضحني أول ما شفني
ومرضاش ينزل حاجة غير لما ياخد جذء من الحساب
ولما نشوف سعدون هيعمل أيه معانا

كلام في سيرك برده
سعدون ده شكله عبيط

[شاعــ الليل ــر]

معلش يا عمدتنا أستأذن
كفاية بس أني شوفتك
كان نفسي والله أقعد معاك اكتر من كده
بس نازل دلوقتي عندي أنترفيو أدعيلي

وياريت كل الموجودين الصبح يدعولي

سلامي ليك جداً
وأوعدك اني أتواجد كتير في الأيام القادمة ان شاء الله

[جناب العمدة]

المشاركة الأصلية بواسطة شاعــ الليل ــر

هههههههههههههههههههههههههههههه
أنا ناوي أعمل كده برده
هو أنا رجعت غير لما عرفت إن سنقر شغال بالليل بس
ده فضحني أول ما شفني
ومرضاش ينزل حاجة غير لما ياخد جذء من الحساب
ولما نشوف سعدون هيعمل أيه معانا

كلام في سيرك برده
سعدون ده شكله عبيط

انا حاسس ان الواد سنقر ده مزقوق من المعلم صبحى .. هقولك الدليل
الواد سنقر اول ما يلاقينى داخل القهوة ييجى جرى وقدام الناس يقولى
هى النوتة دى مش هتخف بأه ... يقوم عم صبحى باعلى صوته يقول
يا رايح كتر من الفضايح .. بس مش عارف هو يقصدنى انا وللا ايه انا مش
عارف بالظبط . بقول يمكن مش انا ... اصلى لما سالته
انا بتكلمنى يا معلم ..
قاللى لا بكلم امى ...
الظاهر انه اتجنن وبيكلم المرحومة والدتو ......... ربنا يشفيه .

[duha]

السلام عليكم
كيف حال المخربشين
اهلا عمرو
انا بحب الشخص المعتد بنفسه وحتى لو قالو عليه مغرور او نرجسي
طبعا عندي تصور معين
وتصوري هو ان الشخص اللي يحب نفسه ويعتز بيها اكيد هيرتفع بيها عن صغائر الامور
والشخص اللي يحب نفسه هيكون في حاله استقرار نفسي اكثر من غيره
لان حبه لنفسه يجعله ينظر للحياه بطريقه مختلفه طريقه اكثر واقعيه واكثر وضوح وبالتالي اكثر جمالا مما يراها غيره
والشخص اللي يحب نفسه هيكون شخص واثق من قدرته على اتخاذ القرارات
وايضا يتحمل مسؤوليه قراراته وبالتالي هو شخص ممكن تعتمد عليه وتثق فيه
باختصار اعتقد ان الشخص اللي يحب نفسه ومعتز بيها اكيد هيكون انسان ناجح ومحبوب
لما تكون الجرعه زياده شويه
يعني الانسان يبقى مغرور ومش شايف ابعد من انفه معناه انه شخص عنده مشكله نفسيه
هناك خلل وعدم اتزان في مكونات شخصيته
الانا تمثل جزء مهم من تكوين شخصيه الفرد ولما يضعف احد مكونات الشخصيه قد يؤدي الى قوة مكون اخر
في حاله الغرور الانا سترتفع عن معدلها الطبيعي وتتحول الى غرور
في هذه الحاله على ذاك الشخص ان يكتشف المكون الضعيف في شخصيته وينميه ويطوره كي يستعيد توازنه
من الاخر المغرور شخص مريض يجب مساعدته للوصول الى حاله الاتزان
وعلى راي عمر
هذا رايي ولا الزم به احد

[duha]

راضي
ربنا يوفقك في مقابلتك

[جناب العمدة]

ربنا يوفقك يا رب يا راضى وترجعلنا بخبر كويس يطمنا عليك ان شاء الله

ضحى ، عمر ... صباح الفل ..

رايكم افدنى واثرى تفكيرى

[omarr]

راضى ..


اتمنى لك كل التوفيق ... يارب ياراضى تفرح و تفرحنا بفرحتك .. انتظر منك رد

نتيجه المقابله ..