قهوة المخربشين (5)

[omarr]

راضى ...

موضوع : انتخابات الرئاسه الأمريكيه

بالنسبه لى انا ... احمد زى الحج احمد ...

اتطلعت على طريقه الأنتخابات فى الولايات المتحده الأمريكيه .. واستغربت جدا كنت فاكر

انهم حزبين فقط " جمهورى و ديمقراطى " ... وليس هناك احراب اخرى .. لكنى فوجئت

بالتنظيم وطريقه الأنتخابات عندهم ... احزاب عديده هناك .. تقوم بترشيح واحد من الحزبين

جمهورى او ديمقراطى ... وداخل الحزب الواحد ممكن تجد اعضاؤه منقسمين .. بمعنى

ان داخل الحزب تجد اعضاء جمهوريين و تجد ايضا ديمقراطيين ... كانت معلومه جديده تماما

لا اعرفها ..

[duha]

صباح الخير نيهال
صباح الخير عمر
صباخ الخير راضي
راضي
ولا يهمك وعسى ان تكرهو شيئا وهو خيرا لكم
ربنا يعوضك في المرة الجايه ان شاء الله
وانت اكيد عارف ان اللي قسمه ربنا لك ما هيكون لغيرك ابدا

[omarr]

ضحى ...

ايه المفجأه الجميله ديه ...


انا سعيد وفرحان بكل كلمه قولتيها ... حاسس انى افكارى فى آمان معكم ...

[نيهال]

ازيك يا ضحى...منورانا دايما

عمر: بجد احرجتنى بذوقك.............

راضى: انا عايزه نسكفايه وشكل الواد سنقر كان
بيشمه الكام يوم اللى فات
ههههههههههههه

المهم حساب السحلب على مين؟؟
بالنسبه لموضوع الانتخابات الامريكيه.............للاسف ما بتفرق معنا كتير كعرب من وجهه نظرى لان الاساس واحد وكله بييجى علينا
وكله بيحاول يصب فى خانه المصلحه الاسرائيليه الامريكيه ايا كانت الوسيله او الشخص اللى بيديرها.....................



بالنسبه لمناقشه موضوعات المتميز دائما عمر............فلى عوده مره اخرى بتمعن اكثر
بس حبيت اقولك بجد حضرتك متميز فى اختيار موضوعاتك

[جناب العمدة]

اشرقت انواركم .. ضحى ، عمر ، نيهال

بخصوص كتابات عمر .. لا استطيع ان اضيف الكثير على ما تفضلت به ضحى .. فقد المت بالكثير من جوانب الموضوع
نعم فمهارة الكاتب تكمن ان فى نصه تفسيرات وتأويلات مختلفة لدى القراء
وربما فعلا الكاتب لا يقصد كل ما جال بخاطر القراء ربما يعنى شيئا آخر .
فاذا حازت الكتابة على اكثر من تفسير وتأويل ورؤية .. هنا يكون الابداع .
عندما اقرأ الخاطرة اعيش حالتها كما تتراءى لى ويحلو لى بعيدا عما يقصد
او يعنى الكاتب .. لو علمت فحواها عند القارىء فبها ونعمة .. والا يكفينى
ان اراها من الوجهة التى ترضى غريزة القراءة عندى . وتمس شيئا
ما فى احساسى

[omarr]

نيهال ...

اشكرك على كل كلمه ...


فرحان بجد بتواجدى معكم ... تفاعل فكرى وروحى وادبى رائع ...

الأنسان اجتماعى بطبعه يحتاج الى الأخرين فى حياته ...

[شاعــ الليل ــر]

أولاً : حمد لله علي السلامة يا ضحي

ثانياً : أنت كده حتطينا في موقف لا نحسد عليه

عمر
أو أ. حسين
وأسمحلي أقولها المره ده لأنك بجد أستاذي في مدرسة الحياة
حتي وإن كانت هذه الحياة هنا فقط
فبأسلوبك المميز (ولي عودة معه) أستطعت أن تكون مدرستك الخاصة هنا بالمنتدي
ولي الشرف ان اكون أحد رواد هذه المدرسة
ولا أخفي سراً إن قلت أني اقتفي اثرك في كيفية التعامل مع أطروحات الآخرين وأسلوب الحوار والنقاش حتي والجدال إن وجد

وأسمحلي أستاذي أن أُفنّد عناصر سحر وتميز أسلوبك

1- لأول مرة استخدم لفظ السهل الممتنع وانا أعني كل ما تحمل الكلمة من معني .
2- دائما ما تغلف الفكرة بروح من المرح والدعابة تبهج أسارير المتلقي .
3- برغم حجم الثقافة وسعة الخبرة إلا أن أستخدامك للأفاظ يناسب أدنانا وعياً وفهماً.
4- برغم عدم أتفاقك مع كل رؤي الأخرين إلا انك دائماً تبدي أحتراماً للجميع .
5- دائماً ما تتجنب المشاكل وانا اشعر أنه لسمو روحك عن هذه الطرهات .

أخيراً وليس آخراً
تقبل مني كل التحية والتقدير
وليكن اليوم هو أستفتاء من قلوبنا لمدي توغلك فيها

أخوك الأصغر
راضي

[شاعــ الليل ــر]

ألف شكر ليكي يا ضحي انتِ ونهال علي مواساتي في حالي
والله يا جماعة أنا الحمد لله راضي بنصيبي
يعني أسم علي مسمي

المهم حساب السحلب على مين؟؟

عندي انا يا نهال والنسكافيه كمان

أنت ياواد يا سنقر فين الطلبات بتاعت ستك نيهال
وشوف أ. ضحي تشرب أيه

خف نفسك شوية خليك خفيف

[omarr]

حبيابى رواد " قهوه المخربشين "


قلبى لكم مفتوح ...

وعقلى يحاول مثلكم ان يفك رموز الأحاجى و الألغاز التى تراودنا ...


وعندى رغبه اكيده فى الأستمراريه معكم لكى استأنس بكم ولكى اتفاعل معكم

[جناب العمدة]

بالنسبة للانتخابات الامريكية وما يهمنا منها
بلاشك ستلقى بظلالها على منطقتنا المنكوبة ولها تاثير مباشر بحكم
انها الدولة المسيطرة على العالم والمحتلة لارضنا ومساهمة فى احتلال
البعض الآخر .
الحزب الجمهورى والديمقراطى (الرئيسيان) اعتقد ان كلاهما لايرجى منهما
خير لنا ولكن احدهم يريد القضاء علينا مرة واحدة ان استطاع وبشكل واضح
وفاضح وصريح باتباع اقسى السياسات دون النظر للمجتمع الدولى .
اما الآخر فيمزق فينا بقناع الحمل وبتورية وخبث شديدين لينفذ ما يريد
برضائنا ورضوخنا الاهبل .

ما يهمنا الدعايا الانتخابية لكليهما .
الجمهورى يدعو للبقاء فى العراق على سبيل المثال الى ........ الله اعلم
الديمقراطى يدعو لسحب فورى من العراق وتقليل القوات الامريكية بافغانستان
انقاذا للقوات الامريكية من ضربات المقاومة .

هذه بعض الرؤى من وجهة نظرى .

[امرأة العزيز]

ضحي .. انتي انسانة جميلة اوي

عمر .. نعتز بتواجدك بينا وحقيقي انت شخضية روعة نعتز بيها

جناب العمدة.. لك بداخلي مقام عالي واحترام قد لا تتصوره

اسلاام.. بنفتقدك وانت معانا تخيل

نيهال.. القهوة نورت اليوم بتواجدك ..متغبيش عنا .

عمرو مفتقده صورك

ابتسامة الحياة .. بتغيبي عنا كتير يا رب ترجعي مثل قبل

بحور ... جميلة دايما مشاعرك بتجبرنا علي احترامك

دك/ ايات .. وحشتينا

عم صبحي وسنفر صباح الخير عليكم

كوباية موكا ولا القهوة دي مش فيها موكا

[omarr]

راضى ...

كلامك عنى هو شرف كبير ... لا اعرف ان كنت استحقه ...

الذى يدفعنى الى المشاركه معكم والتفاعل هو حاجه عندى .. انى احتاج اليكم ...

ليس هناك شيئا اجمل من الشعور بالمساوه و الدفء وان تشعر انك واحد من المجموعه

مثلك مثل غيرك .... كلنا بشر ... طين ونور .. تقوى وفجور .. احلى شىء

هو ان هنا لا اشعر بالخوف والتردد الذى يجعل العقل مشلولا و يجعل المشاعر تتضارب

هنا فى قهوه المخربشين .. تكلم وانت آمن على عقلك ولن تخشى الأهانه ..

[omarr]

نسرين ...


صباح الخير والنور ....


اشكرك على كلامك ... ربنا يارب يخليك لنا على طول .. ولا تحرمينا من ابداعتك الشخصيه

[duha]

اهلا نسرين انتي الاجمل
وياريت بقى تشاركي في احتفاليتنا بعمر ونعرف رايك مفصل عن كتاباته لان رايك له وزنه
راضي تشكر على المشروب انا دايما اخذ قهوة مظبوطة

[شاعــ الليل ــر]

نسرين ... حمد لله علي السلامة
الحبايب أتجمعوا

شوفت يا عمر أول ما الناس عرفوا أن الحفلة النهارده علي شرفك جم أزاي


ضحي ... لا شكر علي واجب

واد يا سنقر
أشتغل بقه وأتلحلح كده
قهوة أ. ضحي من البن المخصوص
هتعرف تعمل الموكا بتاعت عمتك نسرين ولا هتكسفنا

نسرين ... ما تشوفي حاجة تانية أحسن