قهوة المخربشين (5)

[amr_miza1]

البامية يا نيهال ..

بتعملى بصلة مفرومة مع 2 فص ثوم .. وبعدين تضيفى الطماطم ..
وبعدين الطماطم تبقى نصف تسبيكة ..
وبعدين تضيفى البامية وتكملى التسبيكة
وبعدين فلفل اخضر مع البامية بس مش كتير ..

وممكن تزودى شوربة ...

وممكن اضافة لحم ضانى وتتحط فى الفرن .. وبالهنا والشفا ..

اى بامية يا نيهال . .. علشان يبقى مياه ساقعة وبامية

[amr_miza1]

اسلام .. تخيلى يا ايات .. معبرنيش انا كمان

ابتسامة .. واضح ان ميولك بطاطساوية .. مش بامياوية

نسرين

موضوع الانترنت دا جه بالتدرج .. انا اتعاملت مع النت ايام ما كان بكارت وحاجات غريبة كدا ..
وdail up وحاجت تشل يعنى .. وكان الموضوع مقتصر على الياهو تقريبا ...
مع الوقت بقى وكمية المواقع والمنتديات بقى الاهتمام اكبر شوية ..
تخليت عن الياهو لانى كرهته فعلا .. وبتعامل من خلال الهوت ميل ..
اكتر المواقع اللى بتعامل معاها .. هى مواقع الادب او الشعر .. وكرة القدم
مكنتش بهتم بالمنتديات نهائيا .. لغاية ما دخلت ابن مصر واتعرفت عليكم
ولو مكنتش لقيت الشخصيات دى هنا مكنتش هستمر فعلا فى المنتدى .. لكن بجد المنتدى جميل جدا بيكم وبكل الاعضاء المتواجدين فيه ..
دى حكايتى مع الزمان .. قصدى مع الانترنت يعنى

[نيهال]

والله انتم زى العسل كلكم..........
عملت الباميه والحمد لله
سالت ماما ومع ذلك نسيت اللى هيه قالتهولى...........
وعملتها بالطريقه اللى انا عارفاها بس عملت عصير طماطم مركز.....
ريحتها تدى باميه
وطعمها لما دوقته يدى باميه
بس منظرها
هههههههههههههههههههههه
يا الله مش باميه خالص
اللى حصل انى نسيت الفلفل........بس بردوا مش ده اللى يعمل فيها كده
يلا
اديهم اكلوها ومحدش قادر ينطق اصلا




راضى.......... ونسرين ابتسامه الحياه وضحى وايات............
وعمرو...............بجد مرسيه على الواجب الجامد ده

مرسيه ليكم جميعا على مساعدتكم فى موضوع الباميه
طلب صغنتوت.......انسوا اللى حصل النهارده


هههههههههه

[امرأة العزيز]

عمرو

قسما بالله العظيم لو شكل البامية طلع في الاخر كده ممدش ايدي فيها

دي بامية بعد الحرق ولا ايه نظامها؟؟

وبعدين فيه عضم طالع ده ايه البامية الي بالعضم دي..

شكلك ملكش في المطبخ خالص زي ناس الله اعلم هما مين

--------------------

نيهال

احنا عايزين ندوق وبعدها نقرر ننسي ولا نفقد الذاكرة احسن

---------------------

ابتسامت قلبي

فعلا انا ملاحظة موضوع القط والفار دي بس الفار مين فين هههههههه

اانا هنا اهو تعالي بقي

-----------------

دكتور ايات >>>> وحشتينا ومنورة

-----------

مفتقدة برديس جدا يا رب تكون بخير

[hassain]

مساء الخير والهنا علي كل المخربشين

عبت عنكم شوية الشغل

عم صبحي ...........الشاي الجميل وكرسي


مساء جميل علي الموجدين

[hassain]

البامية طلعة شكلها غريب ورحيتها كمان

حاول تجرب البامية البرام (طاجن البامية وقطع الحم )
اكل مصري تمام تمام

[نيهال]

نسرين...عيب يا بنتى
انتم حتنسوا مش برضاكم اصلا
ههههههههههه

سيبك من موضوع الباميه لانها بقت ويكه

هوه احنا قلنا حنتكلم عن موضوع النت وازاى اول تعارفنا بيه
صح؟؟

[hassain]

كيف تعرفت علي النت

قبل التوسع الي احنا فية حاليا

كانت الافلام الاجنبية بتجيب عن استخدام النت واحنا كنا نتفرج ومبهورين

وبعدين دخل مصر بطريقة مبهرة عن طريق الحكومة
ثم الي المدنين
مش عارف اول شركة كانت اه

[ابتسامة الحياة]

السلام عليكم ورحمة الله وبركاته

أنا اهو جيت اثبتى حضور بعدى يلا
ازيكم يا مخربيشين

[hassain]

واجمل حاجة في النت اننا بنتكلم في منتدي ابن مصر
الموقع الاول علي نطاع المواضيع وكل المشاركين الموجودين فية

يتري اول سرعة كانت للنت كانت اه

والتحميل كان عبارة عن ملفات وسطية ام ...........!

[نيهال]

اهلا يا ابتسامنه واهلا يا كوتش


ازيكم يا جماعه الخير؟؟


بدايتى مع النت طبعا لما جبت جهاز كمبيوتر وده كان وانا فى اعدادى هندسه ومش كنت بلاقى وقت اقعد عليه طبعا لانى متغربه كتير


ولما بدات مشروعى اضطررت انى اعمل البحث باكمله عليه لان الباشمهندس اللى كان شريكى فى المشروع كسلان جدا



المهم قعدت فترات طويله جدا جدا عليه فى اخر شهر علشان اكمل كل البيانات اللى ناقصانى ووكل ما اروح للدكتور باللى عملته يدينى A+ ويقولى عيدى من تانى المعلومات غلط
هههههههه


المهم لغايه ما فى يوم قعدت عليه الفجر لغايه الساعه 8 الصبح وطلع كل اللى حثت عنه مظبوط واخدت امتياز يومها وزميلى الكيلان اخد مقبول...صدق او لا تصدق بس لاول مره فى تاريخ الكليه حد ياخد فى مشروعه مقبول



دى كانت بدايه عملى على النت


اما بدايه معرفتى بالمنتديات فكانت ولا زالت ابن مصر منتداى الاول

بدايه معرفتى بيه .كنت فى سكشن طرق فى و وكلمتنى نجلاء عنه ومن يومها لم يمر يوم والا وانا فيه ......الا فى ايام قليله كنت مش اقدر ادخل بسبب ظروف خاصه بى

[amr_miza1]

المشاركة الأصلية بواسطة امرأة العزيز

عمرو

قسما بالله العظيم لو شكل البامية طلع في الاخر كده ممدش ايدي فيها
دي بامية بعد الحرق ولا ايه نظامها؟؟
وبعدين فيه عضم طالع ده ايه البامية الي بالعضم دي..
شكلك ملكش في المطبخ خالص زي ناس الله اعلم هما مين

ماهو دا التجديد فى عالم البامية
بامية بالعضم الضانى
بامية نيجرسكو

[amr_miza1]

نيهـــــــــــــال

الف مبروووك الـ 7000 مشاركة .. وعقبال المليون ان شاء الله وانتى بخير

[امرأة العزيز]

الف مبروك يا نيهال المشاركة 7000

عقبالنا يا رب بس مش في البامية بتاعت عمرو كرهنا فيها في الخير ان شاء الله

[bo7or]

مبروك يا نيهال ..

هرجع تانى