قهوة المخربشين (5)

[omarr]

تسلم لى يا عممممممممممور ياقمر ...

رحت اتغديت , ورجعت لاقيت شيكولاته بالهبل ومن كل صنف

مبروووووووووووووووووووك تانى للدكتوره .آيات .

سامع يا سنقر , انت عم صبحى و لاتحبوا نغيركم ونجيب صبى القهوه الجديد اللى قالت عليه
ضحى .

عمممممممور انا مش عارف اذا كان فيه رغبه لإكمال موضوع " الثقافه الشبابيه و الموسيقى "

ولا هانطرح موضوع جديد للنقاش . انا منتظر .عشان مش عايز اشتت افكار الأعضاء , وكمان عشان
احتمال يكون حد منهم عنده كلام حضره وعايز ينزله لينا عشان نقرأه ... شوف انت وقول يا عمممممممور.

[amr_miza1]

لالا عاادى جدا ... انا منتظر موضوع منكم .. بس على فكرة يا حسين .. محدش فهمنى فى الموضوع اللى كنت طرحته .. مع الاسف
انا قصدى مكنش احنا بنحب نسمع ايه او ونوعية الاغانى ..
الموضوع كان عن الذوق العام .. ليه اتأخر بالشكل دا .. وايه العناصر اللى اثرت فى الشباب وخلتهم يتأخروا ذوقيا بالشكل دا ..

بس عموما وجودنا مع بعض فى الجو الجميل دا أهم عندى من أى موضوع

وانا منتظر موضوعاتكم الجميلة ..

واحد ينسون يا عم صبحى سكر برة

[Dr-Ayat]

سقعة
برد
درجة الحرارة 6
انا عايزة سحلب

هاتولنا موضوع نرغي فيه

[bo7or]

المشاركة الأصلية بواسطة amr_miza1

لالا عاادى جدا ... انا منتظر موضوع منكم .. بس على فكرة يا حسين .. محدش فهمنى فى الموضوع اللى كنت طرحته .. مع الاسف
انا قصدى مكنش احنا بنحب نسمع ايه او ونوعية الاغانى ..
الموضوع كان عن الذوق العام .. ليه اتأخر بالشكل دا .. وايه العناصر اللى اثرت فى الشباب وخلتهم يتأخروا ذوقيا بالشكل دا ..

بس عموما وجودنا مع بعض فى الجو الجميل دا أهم عندى من أى موضوع

وانا منتظر موضوعاتكم الجميلة ..

واحد ينسون يا عم صبحى سكر برة

هو انا بسئلكم نتكلم فى ايه عشان تردولى السؤال بسؤال!!!!!!
سحلب مع الدكتورة يا واد يا سنقر...

والله يا استاذ عمرو انا فهمتك و اتكلمت على انخفاض ذوق الكثير من الشباب اللى فى سنى و يمكن دة بسبب اننا اتربينا على التلفزيون و القنوات الفضائية.......
يعنى انا مثلا عمرى ما اتاخدت عشان احضر مقهى فكرى (فكري مين هاهاها )...
و مبقاش علمنا من الكتب زى الاول ,, بقى اى حد يطلع يقول اى حاجة فى التليفزيون يبقى حلو...
يعنى دلوقتى ممكن تسمع ابنك او اخوك الصغير بيغنى(هنرجع للاغانى؟؟) حاجة لوجيه عزيز مثلا ؟؟؟؟
استحالة... مش هتسمع غير اغانى الحيوانات و الطيور و الفاكهة من حمار و ديك و اعناب...
ودة مجرد تشبيه اللى هو الاغانى بس كل حاجة هتبقى على نفس النهج من الاضمحلال

[omarr]

عممممور تسلم على كلامك الحلو .

بحور .د.آيات منورين ...

بالنسبه لموضوع التذوق الفنى انا اعتقد ان صندوق الدنيا اتفتح بسبب تكنولوجيا الأتصالات
والنت والكمبيوتر و الأقمار الصناعيه .. اصبح هناك تيارات كثيره جدا و الوان فنيه كتيره .
من 10 15 سنه كانت الدنيا غير الدنيا اللى احنا نعرفها دلوقت . زمان كان فيه " ياحبيبى تعالى بالعجل "
دلوقتى فعلا مش هاتقدر تغمض عينيك , تيارات كثيره ومتغيره وسريعه . وكل واحد له ميول
وحر فى اختيار ما يناسب ذوقه . زمان كان المطرب يتربع على عرش الغناء لسنوات طويله تصل احيانا الى جيل كامل . ام كلثوم , عبد الحليم فى مصر , سعدون جابر فى العراق , فيروز ووديع الصافى فى لبنان , الفيس بريسلى فى الولايات المتحده , خوليو جلاسيوس فى فرنسا .
ومينا فى إيطاليا . النهارده مافيش الكلام ده صندوق الدنيا انفتح والبث الإذاعى و الأنترنت و الأقمار
الصناعيه بتنقل كل يوم اطنان من الأفكار و الفنون والميول ..الخ ..

طبعا ياعمور ده رائى الشخصى والشخصى جد

[bo7or]

ساكن خلف زجاج المقهى
وزخات الأمل تهطل
من عناقيد السماء
ما بال الصمت يضج
بشوارع المدينة؟
ما بالهم يبحثون عن
الطريق؟!!
.....................
...................
فقهوتي طفا عليها
سكون المكان
وعدت لطيفي
سوى ذاك الزجاج
حيث
تحبس أنفاس المكان

(قصيدة مقهى.......حليمة مظفر)

فينكوا يا شباب وحشتونى...

[omarr]

بحووووووووووور صباح الخير ..........

[duha]

السلام عليكم
احلى زبائن عمر وبحورو اياتو عمرو و اسلام
منورين القهوة دايما

[omarr]

تسلمى ضحى ..

انا معكم , انتظر حتى اعرف رغبه باقى الأعضاء فى اكمال المناقشه عن الموضوع المطروح ..
او طرح موضوع اخر ...

[Dr-Ayat]

صباح الخير جميعا
بحور ضحى عمرو برديس الاستاذ حسين منورين ..

مش هاتفتحوا موضوع جديد؟

طيب انا عايزة رأيكو فموضوع كده

انا قريت كتاب اسمه " خواطر في زمن المحنة "
وقفت عند خاطرة فيها الجملة ديه:


لماذا لا نعلم أولادنا تقبيل جباهنا بدلاً من الانحناء لتقبيل أيادينا ؟؟

ايه رأيكم في تقبيل الأيادي حتى لو كانت للأم والأب ...

[bo7or]

و الله موضوع كان نفسى اتناقش فيه من زمان ......

تقبيل اليد ليس له اى صلة بالكبرياء حتى نمتنع عنه....
انا انزعج تماما من اللى يعتبروه مهانة!!!!!!!!!!

انا مثلا مبترددش لحظة فى انى اقبل يد من اخطأت فى حقه حتى صديقاتى اقبل ايديهن اعتزارا و حبا........
ما المانع .
وساعات ممكن اقبل جباههن ... ايضا كما قرأت ..

وبانحنى للى مقدرش اقبل يده....
و بالعكس ارى فى ذلك قمة الرقى و يزيد احترامى للى اعتقادهم كدة برضه.....

و سلامى ليكوا كلكم.....
و المشاريب عندى عشان الموضوع الجميل دة!!!!

[omarr]

د.آيات

ايه رأيكم في تقبيل الأيادي حتى لو كانت للأم والأب ...

انا عمرى ما قبلت ايد حد من اسرتنا اقصد امى او ابى او اى حد من اقاربى .
ولم يكن فى تقاليد عائلتى الكبيره فكره التقبيل اصلا .وهذا راجع لشخصيه امى التى كانت
تنفر من فكره التلامس اصلا .

لكن عندما تزوجت وانجبت واصبح لى اسره فنحن لا نكف ابد عن التقبيل والأحضان .واعتقد ان الأمر
راجع لزوجتى و اشعر انه شىء جميل جدا و رائع ان نقبل ونحضن الأطفال . وبنتى الصغيره متملقه
كبيره تأخذ ماتريد بالأحضان والقبل . لكن ابنى الصغير " طوبه " ينفر بطبعه من التلامس مثل امى .


اما فكره تقبيل اليد فهى غير موجوده بتاتا ولا اعتقد انها سوف تكون جزء من ثقافه اسرتى الصغيره
فى الوقت الحاضر او اللاحق .


وما استطيع قوله اننى احب واحترم كلا الطريقتين . فانا من بيت لا يعرف التقبيل ,ونكاد نشعر بالأختناق والحرج عند اقتراب احد منا ليقبلنا . و اشعر بسعاده كبيره عندما اجد بنتى تميل الى
التقبيل و الأحضان فهو شىء رائع ينشر البهجه و يعبر عن الحب و الألفه داخل الأسره

[Dr-Ayat]

اختي العزيزة بحور,,

معلش انا بخالفك الرأي تماما

أولا قمة عزة النفس اني مانحنيش غير في صلاتي للخالق

وتقبيل الأيادي بعتبرها نوع من المهانة للأسف الطفل بيتعود عليها

من صغره كفرض واجب,, انا اينعم احيانا بكون قاعدة جنب امي او والدي

بمسك ايدهم وببوسها بس مش عشان اظهر فروض الطاعة والولاء

ديه حركة مني لا ارادية من حبي ليهم ,,,


ما تزعليش مني يا بحور بس حكاية تقبيل يد اصدقاءك والانحناء امامهم
ده بجد صدمني... الا يكفي الاعتذار؟ الصديق اللي مش هيرضى باعتذاري ما يبقاش صديق
ومش هانحي واقبل ايده عشان يرضى !!!!
بعدين لا يجوز شرعا يا بحور انا هانقلك المسألة الشرعية كما هي :

مسألة: هل يجوز تقبيل يد الاُمّ والأب وغيرهم من اُولوا العلم والفضل؟ وما هو حكم تقبيل اليد على العموم؟

الجواب: تقبيل اليد للأب والاُمّ جائز، وتقبيل اليد حينما يُراد بها وجه رسول الله (ص) جائز، وتقبيل اليد لو كان يعتبر تقبيل عطوفة لا تقبيل تعظيم وذلك من قبيل تقبيل يد الطفل الرضيع ـ مثلاً ـ جائز، وتقبيل اليد لأجل التعظيم في غير الأبوين وفي غير ما اُريد بها وجه رسول الله (ص) غير جائز.

تحياتي لك.

[Dr-Ayat]

المشاركة الأصلية بواسطة omarr

د.آيات

ايه رأيكم في تقبيل الأيادي حتى لو كانت للأم والأب ...

انا عمرى ما قبلت ايد حد من اسرتنا اقصد امى او ابى او اى حد من اقاربى .
ولم يكن فى تقاليد عائلتى الكبيره فكره التقبيل اصلا .وهذا راجع لشخصيه امى التى كانت
تنفر من فكره التلامس اصلا .

لكن عندما تزوجت وانجبت واصبح لى اسره فنحن لا نكف ابد عن التقبيل والأحضان .واعتقد ان الأمر
راجع لزوجتى و اشعر انه شىء جميل جدا و رائع ان نقبل ونحضن الأطفال . وبنتى الصغيره متملقه
كبيره تأخذ ماتريد بالأحضان والقبل . لكن ابنى الصغير " طوبه " ينفر بطبعه من التلامس مثل امى .


اما فكره تقبيل اليد فهى غير موجوده بتاتا ولا اعتقد انها سوف تكون جزء من ثقافه اسرتى الصغيره
فى الوقت الحاضر او اللاحق .


وما استطيع قوله اننى احب واحترم كلا الطريقتين . فانا من بيت لا يعرف التقبيل ,ونكاد نشعر بالأختناق والحرج عند اقتراب احد منا ليقبلنا . و اشعر بسعاده كبيره عندما اجد بنتى تميل الى
التقبيل و الأحضان فهو شىء رائع ينشر البهجه و يعبر عن الحب و الألفه داخل الأسره

استاذ حسين تحية لك..

ربنا يخليلك ولادك وتعم التربية .

الحمد لله انا والدي ووالدتي بيرفضوا الفكرة ديه تماما وعمرهم ما فرضوها علينا,, ولا بيرضوا حتى اننا ننحني لتقبيل يد أي حد كان ,, حتى جدي وجدتي,,كما يجبر البعض ابنائهم .

[bo7or]

أولا قمة عزة النفس اني مانحنيش غير في صلاتي للخالق ......

يا استاذتى انا بقصد انحناء رفع القبعة و ليس الركوع الذى هو للعزيز الجبار فقط...

وتقبيل الأيادي بعتبرها نوع من المهانة للأسف الطفل بيتعود عليها

من صغره كفرض واجب,, انا اينعم احيانا بكون قاعدة جنب امي او والدي

بمسك ايدهم وببوسها بس مش عشان اظهر فروض الطاعة والولاء

ديه حركة مني لا ارادية من حبي ليهم ,,,

على فكرة انا محدش فرض علية كدة او حتى علمنى دة ... و لأنى نادرا اصلا لما بقعد مع ابي و امى انا عمري ما قبلت ايديهم ....و لو قلبت يد صديقاتى بتبقى برضه فعل لا ارادى مش لتقديم فروض الطاعة ابدا......

ما تزعليش مني يا بحور بس حكاية تقبيل يد اصدقاءك والانحناء امامهم
ده بجد صدمني... الا يكفي الاعتذار؟ الصديق اللي مش هيرضى باعتذاري ما يبقاش صديق
ومش هانحي واقبل ايده عشان يرضى !!!!

مش بالصورة دى طبعا...انا اللى باتقدم بالقبلات كإعتذارا منى يعنى هم بيسامحونى حتى من غير ما اقول انا آسفة بس انا لازم اظهر لهم حبي.. ما انا احيانا اقبل خديها جبهتها كما ذكرتى هو مش مبدأ خالص.. دى حاجة نابعة منى انا....

بعدين لا يجوز شرعا يا بحور انا هانقلك المسألة الشرعية كما هي :

مسألة: هل يجوز تقبيل يد الاُمّ والأب وغيرهم من اُولوا العلم والفضل؟ وما هو حكم تقبيل اليد على العموم؟

الجواب: تقبيل اليد للأب والاُمّ جائز، وتقبيل اليد حينما يُراد بها وجه رسول الله (ص) جائز، وتقبيل اليد لو كان يعتبر تقبيل عطوفة لا تقبيل تعظيم وذلك من قبيل تقبيل يد الطفل الرضيع ـ مثلاً ـ جائز، وتقبيل اليد لأجل التعظيم في غير الأبوين وفي غير ما اُريد بها وجه رسول الله (ص) غير جائز.

تحياتي لك.

انا مقلتش ابدا انى ممكن اقبل يد احد تعظيما له بل حب و عطف..
و ماذا عن تقبيل الرجل يد زوجته و العكس.. ما هو الا مودة و رحمة و مشاعر طيبة بين الازواج و بالعكس دة نوع من الرقى......
و اكيد انا لو اتحطيت فى موقف انه يا اما تقبلى يدى و الا كذا اكيد مش هفعل...

و اختلفى براحتك يا دكتورة دة احنا زمايل قطاع واحد..
انا اللى تحياتى ليكى..
و سحبت المشروب