قهوة المخربشين (5)

[عتاب]

المشاركة الأصلية بواسطة amr_miza1

عتاب ... انا ليا عندك عتاب ...

بصراحة يعنى محشى من غير لحمة .. مش منظر خالص
يعنى لو ربع كيلو .. وكل واحد ياخد فتفوتة يبقى كويس وهندعيلك كمان

و منتظر موضوع !!

هما اكلوا اللحمة ومش ادولك منها!!
انا جايبة المحشة باللحمة حشيت نص الحلة
وحطيت قطع اللحمة في النص وبعدها كملت حشو
والله المحشي كان باللحمة

[فراق84]

الموضوع كالتالي
لما حد يظلمك ..يعتدي على حق من حقوقك ..
وتصرخ في وشو وتحاول ترجع حقك
وما تقدرش
بالنهاية بعد ما تنقطع فيك كل السبل
تدعو الله ..ولا حجاب على دعاء المظلوم
بعد كدة تعمل ايه؟؟

[عتاب]

ادي الدليل ياعمرو

صورة للمحشي قبل ما اكمل حشو الحلة

[amr_miza1]

المشاركة الأصلية بواسطة عتاب

ادي الدليل ياعمرو

صورة للمحشي قبل ما اكمل حشو الحلة

مصدقك يا عتاب والله .. بس المشكلة دلوقتى انى عاوز اعرف مين اللى طمع فى اللحمة
طيب كان يسيب لى فتوته .. والباقى لابو العلا
يالا ربنا يسامحه ..
كدا هضطر استنى للعيد الكبير على ما اشوفها تانى


هستأذن دلوقتى ..
فراق لى عودة لموضوعك

[omarr]

المشاركة الأصلية بواسطة فراق84

الموضوع كالتالي
لما حد يظلمك ..يعتدي على حق من حقوقك ..
وتصرخ في وشو وتحاول ترجع حقك
وما تقدرش
بالنهاية بعد ما تنقطع فيك كل السبل
تدعو الله ..ولا حجاب على دعاء المظلوم
بعد كدة تعمل ايه؟؟

فراق ..

لو حدث شىء مماثل معى ..

انقطعت كل السبل امامى ..
وبعد دعوتى الى ربى ...

كل ما سأفعله هو انى امضى فى حياتى .. لن اجعل الألم يؤثر فى الباقي من حياتى


انظر الى الأمام ... محاولا ان اتمتع بحياتى قدر الأمكان ..

احاول نسيان الماضى ... ولن اجعل الظالم يقتلنى مرتين ..

ديه طريقتى فى التعامل مع الأمور المماثله عندما اتعرض لظلم ..

[فراق84]

يعني تسامحو؟؟؟
ولا يبقى فيك شوية حقد؟؟
يعني لو كان تحت ايدك في يوم من الايام..تقدر تسامحو؟؟؟

[omarr]

المشاركة الأصلية بواسطة فراق84

يعني تسامحو؟؟؟
ولا يبقى فيك شوية حقد؟؟
يعني لو كان تحت ايدك في يوم من الايام..تقدر تسامحو؟؟؟

فراق ..

مش عارف صدقينى .. بس الأكيد انى هابعد عنه بقدر الأمكان ..

لأنه وجوده هايكون مصدر ألم لى ..

انا لا احب مشاعر الحقد ... لأنها تحرقنى انا ولاتحرق غيرى ... انا الخسران ..
لذلك لا اترك نفسى الأنزلاق الى نلك الهاويه السوداء ..

[فراق84]

صح الحقد شعور بيحرق صاحبو اول قبل ما يحرق الظالم ..
بس احيانا هو الحل الوحيد لارجاع الحق..وهو الدافع

ما ضاع حق وراءه مطالب

[نيهال]

السلام عليكم ورحمه الله وبركاته


ازيكم يا جماعه الخير؟؟

[Ebn elbalad]

السلام عليكم

الكلام على إيه يا شباب .. ولا النهاردة يوم صامــت ؟؟

[عتاب]

حصل معايا الموقف ده ومن شخصية كنت بحبها جدا زي اختي بالظبط
وقتها حاولت كتير معاها بس ظلمها كان اكبر من محاولاتي
بعدت وكنت كل ما ابعد تقرب هى واقول يمكن بقت كويسة ارجع اقرب الاقيها تبعد وهكذا
لحد ماتعبت وقررت ماقربش ولا ابعد في نفس الوقت
بس جت عليا لحظة قلت حسبي الله ونعم الوكيل فيها لانها اكتر انسانة ظلمتني مع انها اكتر انسانة حبيتها
بعدها بقيت الاقي نفسي احاول اطمن عليها واخيرا من فترة قريبة لقيتها بتحاول تقرب او تتعامل على اننا قريبين
لقيتني مش قادرة اكون زي زمان
ومعرفش اذا كنت لسه بحبها والا خلاص معدتش تفرق معايا
بس كل اللي أعرفه اني أقلمت نفسي على بعدها
واخذت حذري منها
مش هاتمنالها شر بس اوقات بحس انها مش هاتفرق معايا كتير اذا حصلها شر !!
ويمكن لو حصلها ده لاقدر الله الاقيها فرقت معايا
يمكن !!

[امرأة العزيز]

المشاركة الأصلية بواسطة Ebn elbalad

السلام عليكم

الكلام على إيه يا شباب .. ولا النهاردة يوم صامــت ؟؟

الموضوع عن ظلم الاقارب .. يعني لو حد ظلمك انت بتحبه او قريب منك او جرحك

وحاول يرجع علاقتك بيه تاني حترجع..؟؟

السؤال موجه من فراق علي فكرة

اهلا يا ابن البلد

[امرأة العزيز]

المشاركة الأصلية بواسطة عتاب

حصل معايا الموقف ده ومن شخصية كنت بحبها جدا زي اختي بالظبط
وقتها حاولت كتير معاها بس ظلمها كان اكبر من محاولاتي
بعدت وكنت كل ما ابعد تقرب هى واقول يمكن بقت كويسة ارجع اقرب الاقيها تبعد وهكذا
لحد ماتعبت وقررت ماقربش ولا ابعد في نفس الوقت
بس جت عليا لحظة قلت حسبي الله ونعم الوكيل فيها لانها اكتر انسانة ظلمتني مع انها اكتر انسانة حبيتها
بعدها بقيت الاقي نفسي احاول اطمن عليها واخيرا من فترة قريبة لقيتها بتحاول تقرب او تتعامل على اننا قريبين
لقيتني مش قادرة اكون زي زمان
ومعرفش اذا كنت لسه بحبها والا خلاص معدتش تفرق معايا
بس كل اللي أعرفه اني أقلمت نفسي على بعدها
واخذت حذري منها
مش هاتمنالها شر بس اوقات بحس انها مش هاتفرق معايا كتير اذا حصلها شر !!
ويمكن لو حصلها ده لاقدر الله الاقيها فرقت معايا
يمكن !!

موقف صعب اوي لان جرح الناس المقربة لينا بيكون اشد..

عارفة يا عتاب احيانا لما بنسامح بيقولوا اصله معندوش كرامة

مش فهمين اننا بنحبهم بصدق والموضوع هنا مفيهوش كرامة

بس اكيد فيه حد لازم نقف عنده

بس ايه هو بقي انا فعلا مش عارفة

سلاام

[امرأة العزيز]

المشاركة الأصلية بواسطة نيهال

السلام عليكم ورحمه الله وبركاته


ازيكم يا جماعه الخير؟؟

عليكم االسلام ورحمة الله وبركاته

منورة يا اميرة

[امرأة العزيز]

فراق.. عمر

الحوار بينكم كاتن ممتع

حسيت من فراق بمدي الظلم والحزن

وحسيت من عمر بمدي العقلانية

يمكن انا بتعرض لمواقف كتير زي فراق كده

عشان كده دلوقتي انا حسمع بس