| |
10-12-2007, 02:29 PM
|
#421 (رابط ثابت)
|
|
عمر
تاريخ التسجيّل: Oct 2007
الإقامة: egypt - red sea
المشاركات: 6,082
|
عمرو . ضحى .بجور .دآيات .برديس
تسلموا لى كلكم يارب ..
|
|
|
|
10-12-2007, 04:58 PM
|
#422 (رابط ثابت)
|
|
مشرف
تاريخ التسجيّل: Oct 2007
الإقامة: مصــــر
المشاركات: 8,667
|
حسين اسلام ضحى برديس ايات بحور ..
الظاهر كدا محدش هنا فى القهوة
عم صبحى .. وحياة والدك كوباية قهوة دوبل ع الريحة .. وشغل الست كدا وظبطنى |
|
|
|
|
10-12-2007, 05:02 PM
|
#423 (رابط ثابت)
|
|
شيللاه يا سيدي جابر
تاريخ التسجيّل: Nov 2007
الإقامة: كل يوم في بلد
المشاركات: 1,366
|
 لا انا هنا يا عمرو بس كنت في القهوة اللي جنبينا 
مسا الخير جميعا
بت يا بحور هافضل مستنية هناك كتير؟  |
|
|
|
|
10-12-2007, 05:10 PM
|
#424 (رابط ثابت)
|
|
مشرف
تاريخ التسجيّل: Oct 2007
الإقامة: مصــــر
المشاركات: 8,667
|
يا نهااار مش معدى .. القهوة اللى جنبنا ؟؟ مش أصيلة
مساء النور يا ايات
|
|
|
|
|
10-12-2007, 05:12 PM
|
#425 (رابط ثابت)
|
|
شيللاه يا سيدي جابر
تاريخ التسجيّل: Nov 2007
الإقامة: كل يوم في بلد
المشاركات: 1,366
|
يا جماعة الأستاذ حسين كان اقترج 3 مواضيع نتكلم فيها:
- هل تموت الصداقه ؟ وما السبب ؟
- إيجابيات الطريقه التقليديه فى الزواج ... ومساوئها ....
- الشات على الماسنجر
تحبوا ننتقل للموضوع التاني ؟
بانتظار ارائكم,,,
برديس ضحى ابتسامة انتو فين؟
ك
|
|
|
|
|
10-12-2007, 05:16 PM
|
#426 (رابط ثابت)
|
|
شيللاه يا سيدي جابر
تاريخ التسجيّل: Nov 2007
الإقامة: كل يوم في بلد
المشاركات: 1,366
|
ههههه ازيك يا عمرو
اصل لقيت عندهم حاجات حلوة والواد حموووو هناك بينفذ الطلبات اول بأول مش زي سنقر |
|
|
|
|
10-12-2007, 07:31 PM
|
#427 (رابط ثابت)
|
|
عمر
تاريخ التسجيّل: Oct 2007
الإقامة: egypt - red sea
المشاركات: 6,082
|
اعزائى رواد " قهوه المخربشين "
انا معكم ......
عم صبحى هاتجيب حاجه نشربها .... ولا عايز اخربش وشك .
|
|
|
|
|
10-12-2007, 09:40 PM
|
#428 (رابط ثابت)
|
|
مشرف
تاريخ التسجيّل: Oct 2007
الإقامة: مصــــر
المشاركات: 8,667
|
مســـــــاء الخير يا حلوين
كوباية شاى يا سنقر بسرعة ..
مساء الخير يا حسين .. ازيك يا ايات
فين باقى الناس طيب .. ضحى وبرديس وابتسامة وبحور والغائب الحاضر اسلام !!
بصراحة موضوع هل تموت الصداقة بجد انا مريت بيه قبل كدا .. وبقينا يا دوب نسأل على بعض من بعيد لبعيد .. هو احساس صعب جدا بس ساعات بيكون مالوش بديل ..
بس بصراحة انا شايف ان موضوع مزايا وعيوب الزواج التقليدى مهم جدا .. وخصوصا انى ممكن اكون على وش جواز يعنى .. 
وبما ان الاستاذ حسين أكبرنا سننا .. ومتزوج .. فيا ريت هو اللى يبدأ ويقولنا الزواج التقليدى مميزاته ايه وعيوبة .. قل يا حسين .. كلنا آذان صاغية |
|
|
|
|
10-12-2007, 10:50 PM
|
#429 (رابط ثابت)
|
|
عمر
تاريخ التسجيّل: Oct 2007
الإقامة: egypt - red sea
المشاركات: 6,082
|
عمممممممور ازيك ..... فين الناس ... عم صبحى قاعد يتكتك من البرد وماحدش معبره ....
الموضوع : الزواج التقليدى ... مميزاته ... وعيوبه .....
بالنسبه لى انا فأنا نزوجت بطريقه تقليديه طحن .. لكن احب ان اتكلم اولا عن مرحله ماقبل دخول القفص الذهبى.
- فى أول الأمر كنت ضد فكره الزواج التقليدى وكنت اشعر بالرعب عندما اتخيل نفسى مسحوب
من رقبتى زى الخروف عشان اعاين الحثه . واترعب اكتر واكتر انى من المفروض بعد زياره او بالكتير
زيارتين مفروض اننى اقرر اهم قرار مصيرى فى حياه الأنسان . كنت رافض للطريقه شكلا وموضوعا
- قررت انى انا اللى الاقيها بنفسى , وللأسف ظروف شغلى فى الغردقه كانت
لا تسمح لى بأن اقابل بنات مصريات اوحتى اشوفهم . وكنت انتظر الأجازات عشان امشى والف فى الشوارع ابحث
عنها فى وسط ملايين الوجوه ... وبعد عده مغامرات تبين لى ان هذه الطريقه اصعب و اصعب .فتركت التفكير فى الموضوع او حاولت ان اتناساه .
عند اقترابى لسن 30 سنه بداء القلق الحقيقى
نضجت اكتر , شعرت لأول مره بإن تفكيرى تغير ... شعرت بحاجه شديده للإستقرار ...شعرت لأول مره انى اريد ان اعطى حبى
ومشاعرى لبنت .شعرت اننى لا اريد مزيدا من التجارب
و لا اريد ان اخذ فقط واتمتع فقط بحياتى كعازب .شعرت بشعور غامر فى الرغبه فى الأقتران بشريكه حياه مناسبه .كنت مستعدا لأن اعطى
كنت مستعد ذهنيا ونفسيا وعارف انا مقدم على ايه و متخيل ايه اللى هايحصل
كان ينقصنى فقط " هى "
- رضخت اخيرا لعروض الزواج من بنات لا اعرف عنهن غير ان اسماؤهن مختلفه ...
كان اهلى واصحابى يسالوننى عن مواصفات " بنت الحلال " . وكنت مثل كل شاب اردد نفس الكلمات
عايزها بنت كويسه , تكون طيبه , متعلمه , ومن اسره كويسه . إلى ان قابلت صديق لى تزوج قبلى
بسنتين , واعطانى نصيحه افادتنى كثيرا فى اختيار " بنت الحلال " . قال لى انت بتحب ايه فى البنات ؟
ايه اللى بيشدك للأنثى ؟ شوف ايه العامل المشترك فى الينات اللى انت بتنجذب اليهم
وهاتعرف .وقد كان ... فكرت وعرفت انا عايز ايه وبحب ايه فى حواء ..
- امى كلمتنى عن بنت لسه مخلصه كليه و من اسره كويسه .
وافقت بشرط ان تتم المقابله خارج
بيتها , وفعلا تقابلنا فى بيت خالتى . عندما شاهدتها لأول مره شعرت بفرحه شديده .
وقلت فى سرى اه يابنت الأيه ياعفريته .. انا مش هاسيبك .. والحمد لله هى وافقت عشان كانت سمعت بأسمى اكتر من مره و فى اكتر من مناسبه .
تانى يوم قرأنا الفاتحه مع ابوها .وحددنا فتره عشره شهور وتزوجنا الحمد لله فى الميعاد .
ولما تجوزت اكتشفت ان الموضع سهل خالص , ومافيهوش لا مسؤليه ولا كهربا ولارعب
زى ما بيقولوا , شعرت اننى رجعت طفل عندى 10 سنوات , مش مضغوط و لامكبوت و لا متعقد
رجعت لشغلى وذهنى صافى و حياتى اصبحت تتغير ومفاهيمى تغيرت , واصبحت اكثر واقعيه
واكثر تركيزا فى عملى واهدافى .
ولى عوده معكم عشان اكمل باقى قصتى الذاتيه عن موضوع الزواج التقليدى ..
.
|
|
|
|
|
10-12-2007, 11:06 PM
|
#430 (رابط ثابت)
|
|
شيللاه يا سيدي جابر
تاريخ التسجيّل: Nov 2007
الإقامة: كل يوم في بلد
المشاركات: 1,366
|
ماشاء الله ربنا يباركلك يا استاذ حسين الطيبون للطيبات..
انا في انتظار بقية قصتك الذاتية
................................................
بالنسبة ليا اعتقد ان زواجي لو تم هايكون تقليدي الموضوع ده مش شاغل دماغي
وخصوصا ان فيه موضوع جد عالساحة  اتفاجئت بيه وهو تقريبا نص تقليدي
ونص لا ,, بس انا مش بفكر في الزواج خالص حاليا فمش عارفة اعمل ايه وخصوصا ان اهلي
مش راضيين يتدخلوا هم موافقين مسبقا عليه بس مستنيين اوافق او لا  وانا مش
عارفة اعمل ايه ربنا ما يحير حد.
:( |
|
|
|
|
10-12-2007, 11:48 PM
|
#431 (رابط ثابت)
|
|
صعب الحنين
تاريخ التسجيّل: Nov 2007
الإقامة: Egypt
المشاركات: 2,192
|
مساءكم سكر و عسل و كل الحاجات الحلوة...
سحلب يا واد يا سنقر عشان البرد....
استاذ حسين ربنا يبارك فيكم و يديم النعم على اهل بيتك ان شاء الله و تستمر السعادة و الرضا باذن الله....
حبيبة قلبى .. دكتورتى الجميلة .. مش هقول غير ربنا يوفقك لاختيار ما هو اصلح لك ان شاء الله..
بس معنديش مانع احضر فرح
انا بقى بعتقد ان مبدأ الزواج التقليدى دة مستحيل اوافق عليه.. كإعتقاد انى لازم احب اللى هرتبط بيه...رغم اقتناعى بالفكرة دى الا انى احيانا بحس انها فكرة غبية (سورى يا بحور ) لأن ايه المانع انى اعجب بالحد اللى متقدملى تقليديا ..بس لازم اكون متأكدة انه بيحبنى او مينيمم معجب بحاجات فية مش مجرد متعلمة ((مع انى مضمنش الموضوع دة لو مقمتش اذاكر دلوقتى))..من بيت طيب .. اخلاقها كويسة ..الخ.. فهو مجرد نصيب و معرفش ايه اللى ممكن يحصل الله اعلم..
ازيك يا عمرو مفيش عشاء كابتشينو النهاردة!!!!!!
برديس,, ابتسامة و الاستاذة الكبيرة ضحى فينكوا وحشتونا...
الاستاذ اللى مشغول اوى اوى اسلام جابلى شوكولا و قالى عربون صداقة و كدة و مشفتوش خالص من ساعتها و الله بجد بتضفى جو حلو عالمكان....
يلا يا عم اتلحلح شوية شد حيلك انا طالبة السحلب من حوالى نص ساعة ..اصل انا بصراحة مش فى المود و مش قادرة اكتب بسرعة....
__________________
.
وحـــ  ــشتــــــــنى .
|
|
|
|
|
11-12-2007, 04:02 AM
|
#432 (رابط ثابت)
|
|
مشرف
تاريخ التسجيّل: Oct 2007
الإقامة: مصــــر
المشاركات: 8,667
|
فعلا يا حسين الطيبون للطيبات وقصتك دى اكبر دليل على كدا .. ربنا يباركلكم يا رب ويجعل أيامكم كلها مودة ورحمة
انا كتير والدتى تقولى عاوزين نشوفلك عروسة بقى وكدا بس انا بصراحة بردة مش مقتنع .. وخصوصا ان الوقت دا علشان تلاقى بنت الحلال لازم تكون انت عارفها كويس وعارف اخلاقها .. لان اللى هتعرف عليها خبط لزق مش هكون ملم بجوانب شخصيتها اوى ,
ولو خطبتها ومحصلش نصيب بردة بيكون ليه عامل سلبى وبتتحسب فى الاخر خطوة فاشلة .. دا اذا فشلت لاقدر الله ..
ومش عارف بصراحة شكلى كدا فعلا هتجوز الجواز التقليدى !! وخصوصا ان اى قصة حب .. هههه بما انى كنت حبييب زمان ههههههه كانت دايما بتفشل ..
وأكيد طبعا حتى لو خطوبة تقليدية هتبقى فترة بردة انى اعرفها كويس واسلم امرى لله وانوى خير واتقى الله فى نفسى وفى الانسانى اللى هتكون من نصيبى .. ادعولى بقى شوية والنبى
ولى عودة مرة أخرى ,, بس لما سنقر الكلب يجيب الينسوووون |
|
|
|
|
11-12-2007, 04:06 AM
|
#433 (رابط ثابت)
|
|
مشرف
تاريخ التسجيّل: Oct 2007
الإقامة: مصــــر
المشاركات: 8,667
|
إقتباس:
المشاركة الأصلية بواسطة bo7or
ازيك يا عمرو مفيش عشاء كابتشينو النهاردة!!!!!!
|
مش بقولك داخلة على طمع .. احنا بنشجع المشروبات القومية .. عندك شاى حلبة ينسون قرفة عصير ليمون شيشة .. تطلبى ايه حضرتك |
|
|
|
|
11-12-2007, 09:47 AM
|
#434 (رابط ثابت)
|
|
ابن البلد
تاريخ التسجيّل: Nov 2007
الإقامة: أرض الحرمين
المشاركات: 3,611
|
الله الله .. دا الحبايب كلهم متجمعين هنا
دكتورة آيات
عموور
حسين
بحور
صباح الفل
اطلبلى شاي يا عمرو وحياة والدك على بال ما امخمخ فى الرد اصلى هطول
نقول كلامنا ولما العمدة يتكلم يبقى الكل يقوم يقف
حسب ما تعودت فى الكفر حدانا .
الجواز بالنسبالى كان مشكلة فى بدايته ، وسبب جوازى
جلست مع زميل صديقى وقعدنا ندردش وكان سنى 24 سنة
سالنى : انت متجوز ؟ قلتله لا .. قاللى ليه ؟ . قلتله انا لسه ببتدى حياتى وبكون
نفسى وهتقدم لناس اقولهم ايه ! انا شاب ومش جاهز وجاى اتقدم لبنتكم !
قاللى بالعكس دا انت علشان ربنا يكرمك ويرزقك تفكر فى الزواج وتسعى فيه
انت مسمعتش حديث الرسول صلى الله عليه وسلم ( من اراد سعة فى الرزق فليسعى فى الزواج)
وشرحلى ازاى الصحابة لما كانوا بيمرو بضائقة يتجوزوا .
المهم الكلام اثر في واقتنعت بيه وكان لى زميلة فى العمل عجبنى اخلاقها وعلى علم بطيب اصلها
وكنت الاحظ اهتمامها الشديد بى .. المشكلة هى .. ياترى اهلى لو كلمتهم فى الموضوع هيقولوا
ايه ؟ خاصة واكثر من قريبة لى مرشحة من قبل اقاربى نفسهم (اباؤهم وامهاتهم)
تانى سبب انى مش جاهز ماديا . بس كان كلام صديقى هذا عن حديث الرسول صلى الله عليه وسلم ماثر فى جدا .
صراع نفس عدة ايام بعدها .. استجمعت قواى وفاتحت الوالدة فى البداية وبعدين تقنع الوالد
برغم انها لا تقرا ولا تكتب الا ان رايها مهم جدا لمنطقتنا الجميع يطلب مشورتها
قالتلى بخصوص الاختيار انت حر فيه وانا عارفه انك مش هتختار اى حد معندناش اعتراض
على البنت . دى حياتك وانت حر فيها .
بس ازاى نروح لبيوت الناس ونقولهم ابننا عايز يتجوز بنتكم ومش جاهز . دا يا بنى
كلام ما يدخلش المخ . انت ابتدى مشوارك واجهز وربنا يسهل .... يعنى رفض ؟
راجعلكم بعد شوية
عمرو طنش الشاى .. الظاهر الحساب تقل
__________________
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!
صلاح جاهين
|
|
|
|
11-12-2007, 10:03 AM
|
#435 (رابط ثابت)
|
|
شيللاه يا سيدي جابر
تاريخ التسجيّل: Nov 2007
الإقامة: كل يوم في بلد
المشاركات: 1,366
|
جناب العمدة يا مرحب يا مرحب زارتنا البركة في المخربشين ..
حساب ايه اللي تقل يا استاذنا احنا كلنا تحت امرك
مش بس شاي احنا هانعمل فطار وغدا وعشا ونعزم كفر ابن
مصر كله  بمناسة تشريفك لينا..
ربنا يباركلك في عيلتك يا استاذ محمود احنا عايزين
نستفيد من خبرتكم وقراراتكم اللي أخدتوها وازاي لقيتو
النصف الآخر في شوق لمعرفة البقية ,, لك مني كل التحية.. |
|
|
|
|
|
مواضيع مشابهة
النمط الخطي
