قهوة المخربشين (5)

[نيهال]

مرسيه يا عمر.........حنتكلم عن ايه النهارده؟؟

[عتاب]

المشاركة الأصلية بواسطة جناب العمدة

اهلين عتاب

اهلا جناب العمدة
منور القهوة

المشاركة الأصلية بواسطة omarr

حبايبى رواد قهوه المخربشين

عتاب

ضحى ..

برديس

عمرو

إبتسامه

فراق

رقيه ..شكرا على الرساله الحلوه من د.آيات

جناب العمده


د.آيات ..

نيهال


مساء الخير والجمال ...

مساء الخير يا عمر
هاتعزمونا على ايه

[omarr]

عتاب ...

اؤمرى يا فندم ..كل الطليات جاهزه ..القهوه مليانه اكل وشرب وكمان فى عينيات
بصريه للى يحب يتفرج وياكل بعنيه ..


نيهال ..

مين جاب هديه عيد الأم ... مين بيحتفل ومين شايف ان ده شىء مستورد وخارج عن
تعاليم الأسلام ..

طبعا هنا احنا لا نناقش الموضوع .. ابدا ..كل ما فى الأمر احب اعرف ..

شخصيا احنا فى بيتنا وايام المدرسه كان فيه حرص منا على شراء وتقديم الهدايا ..

كنا فاكرين ان الموضوع ده بسبب جهود على امين ومصطفى امين مؤسسى جريده الأخبار

[نيهال]

الموضوع مش بيكون تقليدى وكده
بس بتكون فرصه طيبه اننا نتجمع ونتبادل الهديا
وبالفعل انا شوفت خالتو محتاجه لايه وجبتهولها
وفاضل والدتى وعمتى.......لسه مش جبت حاجه

همه مش عايزين حاجه بس انا بحب افاجئهم كل فتره بحاجه جديده


بجد ماما بتكون سعيده قوى لما بنتجمع معاها كلنا ........ولان ده صعب حاليا بسبب سفرنا ومشاغل الحياه فبتكون فرصه جميله اننا نقولها والله بنحبك قوى يا اغلى نعمه من عند ربنا
ده مش معناه اننا بنهملها بقيه السنه لكن .....علشان لو حد ناسى بيفتكر

[عتاب]

وانا صغيرة في ابتدائي كنت بشتري هدية عيد الام لوحدي
بعد ماكبرت شوية بقيت اشترك مع اخواتي ونجيب هدية كبيرة
لما كبرت اكتر عرفت ان عيد الام بدعة
بكون مش عايزة اجيب في الايام دي
بس لو ماجبتش هدية ماما ممكن تتضايق وتحس اننا نسيناها في اليوم ده وخصوصا انها اتعودت اننا نجيبلها هدية في اليوم ده
عشان كده باضطر اجيب هدية بس مش في نفس اليوم

[عتاب]

المشاركة الأصلية بواسطة omarr

عتاب ...

اؤمرى يا فندم ..كل الطليات جاهزه ..القهوه مليانه اكل وشرب وكمان فى عينيات
بصريه للى يحب يتفرج وياكل بعنيه ..

تسلم ياعمر
طيب انا عايزة البوفيه كله يتفتح دلوقت ونتفرج
وعايزة ايس كريم

[omarr]

نيهال ..

عتاب ..

اشكركم على الردود السريعه سرعه الصاروخ ..

يارب يحمى حبايبكم ويخليهم لكم فرحانين على طول ..

[نيهال]

امين يا رب العالمين

تعرف يا عمر........واحنا صغيرين مش كنا بنشترى هدايا وكلام زى كده....

انما دلوقتى لاننا محتاجين نتمع ونشوف بعض ....الامور اختلفت كتير
حتى ماما مش مياله للاحتفالات........بس انا بحب دوشه العائله واجيبهم واحد واحد


والله صعبانين عليا لانى انا اللى حعمل التورته
هههههههههههههه

[omarr]

نيهال ..

يارب يارب تكون ايام حلوه عليكم .. ما اجمل الهدايا .. والتهادى بين الناس ..

مشاعر حلوه وجميله ..

عم صبحى .. واحد زبادوووووووووووووو بالخوخ لنيهال وبسرعه

[omarr]

عم صبحى ..

آيس كريم لعتاب وبسرعه ... انت تؤمرى يا عتاب .. ربنا يارب يخليها لك

عسل والله ... بالرغم من كل شىء لازم برضه تهدى امك شىء وبتخافى

على مشاعرها ... جميل بجد اللى بيحصل ده

[amr_miza1]

ايه يا جماعة بس .. هو يا اما ملاقيش حد فى القهوة .. يا اما الاقيكم منورين كدا وانا معرفش ...

يالا شايف ايس كريم وحاجات حلوة ... مين هيعزمنى

عمر ..
عتـــــــاب
نيهال

عاوز اجيب هدية ومش عارف اجيب ايه .. بفكر اجيب سجادة للأودة بتاعتى

[omarr]

المشاركة الأصلية بواسطة amr_miza1

ايه يا جماعة بس .. هو يا اما ملاقيش حد فى القهوة .. يا اما الاقيكم منورين كدا وانا معرفش ...

يالا شايف ايس كريم وحاجات حلوة ... مين هيعزمنى

عمر ..
عتـــــــاب
نيهال

عاوز اجيب هدية ومش عارف اجيب ايه .. بفكر اجيب سجادة للأودة بتاعتى

شوف ازاى ...

ياسلام على الحنيه

يا سلام على الأنسانيه ..

[عتاب]

المشاركة الأصلية بواسطة omarr

عم صبحى ..

آيس كريم لعتاب وبسرعه ... انت تؤمرى يا عتاب .. ربنا يارب يخليها لك

عسل والله ... بالرغم من كل شىء لازم برضه تهدى امك شىء وبتخافى

على مشاعرها ... جميل بجد اللى بيحصل ده

ربنا يخليك ياعمر
ويفرحك باولادك
تعرف انا كنت باجيب هدية لبابا كمان في عيد الام وانا صغيرة
كنت بقول اشمعنى هو
عقبال ما اولادك يجيبولك

[amr_miza1]

هههههههههههههههههههههههههه
ماشى يا عمر ..
بتعمل كدا علشان تهرب من عزومة الايس كريم

[omarr]

المشاركة الأصلية بواسطة عتاب

ربنا يخليك ياعمر
ويفرحك باولادك
تعرف انا كنت باجيب هدية لبابا كمان في عيد الام وانا صغيرة
كنت بقول اشمعنى هو
عقبال ما اولادك يجيبولك

عتاب ..

يارب امين .. يسمع منك ربنا يارب .. تسلمى لى يارب ياعتاب على ذوقك

الآيس كريم يا كابتن ... بسرعه ..