قهوة المخربشين (5)

[hassain]

السلام عليكم عامل اه يا عم صبحي الطلب المعتاد يا عم صبحي

مساء الخير يا ضحي
انا الحمد لله بخير وسلام
ويارب تكوني انت ديما بخير ولا بخصوص الموضوع علي فكرة امريكة ديما بوشين وش اسمة (السلام ) وهو مجرد قناع مشوة لا يقنع احد ولا طفل رضيع
ووش اسمة الاستثمار وهو دة المشكلة والاستثمار ديما بيكون اساس اي دولة عشان تعرف تعيش صح ودة سبب اول لكل التراجعات من اتجاه الدول العربية تجاة مشكلة دخول الغرب علي الشرق العربي


امريكة اسسها حرمية وقتلة وسفحيين والبحث المستمر عن الذهب وقتل الابرياء من اجلة
واول من استخدم القنبلة النووية هي امريكة ودلوقتي لو عرفت معلومات خاطاء
من موضف فاشل في المخابرات الامريكية ممكن تتحرك بالكامل لان الخيانة في دمهم

ويارب الحال ينصلح لكن نعمل اه ومين هيتحرك ده كلام اكبر من قدرتنا احنا اخرنا نحرق علم نعمل مظهرة لاكن يبقي الحال كما هو علية
الحسلب يا عم صبحي
السلام عليكم للحديث بقية

[magoo_gadoo2000]

[اخــــــــــــــــــــــــــــــى...قاعد على القهوة لوحدك ليه.... وعمك صبحى حايجيب لك السحلب والناس اللى قاعدين جنبك مالهمش طلبات وبعدين الكلام على امريكا وحش لان فيه ناس بتسمع وبعدين تتكلم ونروح فى كلابوش وطبعا انت عارف ان الحيطان لها ودان وبلدنا طبعا معاهم والحكومه قاعده على الساقطه والرده وربنا يستر علينا مع ان امريكا وحشه وبنت ستين كلب لكن تقول ايه! حسبنا الله ونعم الوكيل........


اخوك ماجوجادواسكندريه

اخــــــــــــــــــــــــــــــــــــــى
العزيز........ياريت تجيب موضوعات جميله وطبعا سنشارك فيها بكل مافيها ......

[duha]

السلام عليكم
ازايك عمو صبحي
القهوة المظبوطه احسن دماغي تعبتني
تعبتني ليه انا اقولك
حصل لي موقف مع احدهم قبل كم يوم ونتيجة لهذا الموقف
خطر في ذهني سؤال وظل محيرني والمني من يومها
والسؤال هو
هو الواحد لما يكون عاتب على بلده و واخد على خاطره منها, هل يعتبر ذلك نقصا في سلوكه

اعذروني على هذا السؤال عارفه انه صعب لكن محيرني واظن انه بيدور في اذهان الكثير منكم
فكلنا نحب اوطاننا وكلنا لنا معاناته في وطنه
هل من حقي ان اعتب على وطني ؟؟؟؟؟؟

[مستكة]

السلام عليكم ورحمة الله


ياااه مزرتش القهوة من زمان

ينفع كده يعني

يلا ياعم صبحي هاتلي مشروب علي زوقك واتوصي

اما نشوف ضحي بتفكر في ايه

هل من حقي ان اعتب على وطني ؟؟؟؟؟؟

ان مكنتيش انتي اللي تعتبي علي بلدك مين يعتب عليها

زي ما للوطن حقوق علينا اكيد له واجبات

وهو عتابك ده ليه

مش لانك بتحبيه وتتمني يكون بلدك افضل بلد

[أحمدكمال]

كما يقال دائما ..
ان العتاب لا يكون الا بين المحبين..
ولكن ماهو الوطن الذي سنعاتبه؟
هل سنعاتب اشجار...او انهار؟..
ام سنعاتب جدران ومباني وصحراء و رمال؟
ماهو الوطن!
الوطن هم نحن...
ونحن بشر..
والبشر يخطأ..
ومن يخطأ يعاتب..
ومن يعاتب"بنية" الاصلاح هم خير الناس..

لكن المشكلة اننا نعاتب الوطن ..
ونحن نتصور انه كيان غير مرئي وغير ملموس..
نعتب عليه ونحمله نقائصنا كما نفعل مع الزمن تماما..
ومن يفعل ذلك فهو يجد لنفسه"شماعة"..يتبرأ بها من اخطائه...

[مستكة]

ايه ياجدعان مينفعش كده

لسه ملمناش حق التجديدات ولا عايزنا نقفل القهوة ونخسر اللي ورانا واللي قدامنا

يلا منك ليه لها له تعالوا اعدو والمشاريب اجباري


ياااااااعم صبحييييييييييييييي اربط الزباين في التربيزات


انهارده عايزه اتناقش معاكم في حاجه بس الاول حد يقولي ..


الشباب عايز ايه ؟

سؤال بيتكرر في كل مجلس وفي كل وقت وفي اي موضو ع

طيب تعالوا كده سوا نتكلم .. هو مش احنا شباب برضه ولا انا بيتهيالي

انا عن نفسي من فتره كده حد قالي اني شباب وانا ما بصدق باه

هو احنا عايزين ايه ؟؟

عايزين نشتغل ولا لا ؟

عايزين الميري ولا الخاص ؟

عايزين نسافر ولا نفضل ؟

عايزين الجاهز ولا التفصيل ؟

عايزين زمان ولا دلوقتي ؟

عايزين اصول وتقاليد ولا نخلينا كول ونواجه العولمه ؟

عايزين احنا اللي نساير الموجه ولا الموجه هي اللي تسايرنا ؟

عايزين نغّير ولا نتغير ؟؟

هو احنا عايزين ايه ؟؟؟؟
































































انا عن نفسي عايزه واحد شاي

[mamdou7]

يا عم صبحي تعالي فك الحبل ده شوية علشان اعرف اتكلم مش همشي متخافش وبعدين مش بحب الحلبة هات لي شاي
بصراحة الموضوع ده ضحكني جدا يا مستكة ليه بقي هنتكلم مثلا عن الشغل انا واحد من الناس انا عارف انا عايز ايه بس مش هي دي المشكلة انت عوز زي مانت عاوز واسعي انك تحققه كمان بس ابقي قابلني لو وصلت للي انت عاوزه
يعني الشاب من دول دلوقتي بيتخرج من هنا ويدور علي شغل في شركة خاصة طب مفيش وهو اصلا طموحه يشتغل في شركة خاصة واول ما يلاقي شغل في الحكومة يطلع جري يقدم مش عارف ليه مع انه مش بيحب شغل الحكومة بس غلبان هيعمل ايه طيب ماهو مفيش خاص ولا حكومة كمان وابقي قابلني بقي لو الشاب ده اشتغل هنا ولا هنا ولا اشتغل في مجال تخصصه هو اخر هيوقف مع عم صبحي في القهوة هنا ده لو عم صبحي وافق يعني
من الاخر الشباب دلوقتي ماشيين بمبدأ "زي ما تيجي تيجي" والله جه شغل هنا ماشي جه شغل هنا ماشي مجاش شغل خالص ماشي برضه والقهوة موجودة وعم صبحي موجود وكله ماشي

[duha]

السلام عليكم
اهلا عمو صبحي يارب تكون بخير انت وكل الناس الطيبين
ولا تنسى واحد قهوة مظبوطه
يعني مستكه تريد تعرف ماذا يريد الشباب
ماهو طموحهم وما هي احلامهم
لما كنا اطفال كنا نردد نشيد في المدرسه مقدمته تقول
نحن الشباب لنا الغد......... ومجده المخلد
ولا ادري حينها هل كنا ننتظر الشباب ياتي ام ننتظر الغد المخلد
وها قد اتى الشباب سريعا ولم نر الغد
كل ما رايناه لوم من الاجيال السابقه رغم اننا نتحمل عبئ اخطاؤهم الجسيمه
عن نفسي وفي بلدي
نحن جيل ولد في الحرب العراقيه الايرانيه
نحن جيل ولد في ظل نظام قمعي لم يشهد له تاريخ العرب مثيل
نحن جيل عاش فترة الطفوله وبدايه الشباب في ظل حصار ظالم وحرمان من ابسط متطلبات الطفوله والشباب
نحن جيل الشباب الذي فتحت زهرة شبابه على احتلال بغيض وفتنه ابغض
بماذا يحلم الشاب العراقي يا ترى
ما عدا حلم العراقيين بصورة عامه هي خلاص ارض العراق من الدنس الامريكي ومن الفتنه البغيضه التي اصبح شباب العراق حطب لها
فلقد انحسرت مديات احلامه لتقتصر على طلب الامان
على ان يعود الى منزله بعد يوم عمل او دراسه سالما
واكثر ما يتمناه ان يحصل على فيزا من دوله عربيه شقيقه
للاسف الشديد
قتل حلم الشباب واغتيلت فرحته
في العراق

[النسر الاسود]

بالنسبة لموضوع الفساد من الحاكو او المحكوم


كلا من الحاكم والمحكوم ولدوا اطفال ابرياء لا يعرفون مصيرهم او لاين يصل بهم المطاف


ولكن الفساد من القانون التى تحكم المجتمع باكمله......وذلك القانون الذى لا يتمشى مع الدين والشرع القانون وهو ف يومنا هذا كالانسان الضعيف الذى يحكم لصالح الاقوى


فقبل اختيار الحاكم واصلاح المحكوم لابد وان يتمشى القانون الذى نسير عليه مع دين الله ومبادئة


فالقانون هو اساس بناء الاصلاح ف العالم اجمع الى.


وشكرا (nice cafe duha).

[نبض الأقحوانة]

ياااااااااااااه وأيام يا قهوة

[duha]

السلام عليكم
اهلا عمو صبحي القهوة المظبوطه كالعاده
اهلا بالنسر الاسود نورت القهوة
موضوع الفساد موضوع كبير ومتشعب ولا تستطيع ان تغطيه بصورة كامله لان كما تفضلت حضرتك الفساد ناتج من سوء تصرف الحاكم والمحكوم وان الاثنين انتجوا جيل فاسدا يصعب اصلاحه
اكيد طبعا ان تطبيق القانون هو الحل لكن السؤال هو هل نعيش في دوله القانون هل حقا ان القانون فوق الجميع
القانون الذي يطبق عليك وعلي وعلى الوزير والمسؤول هو نفس القانون
لنحلم اننا في دوله القانون
القانون يطبق على الكبير قبل الصغير
انت تسير في الشارع ةترمي عقب السكاير على الارض ياتي الشرطي ويحاسبك وتكون ساعتها ممنون له لانه يطبق القانون
تعمل مخالفه مروريه وياتي الشرطي ويسجل لك مخالفه وتتوسل اليه انت كنت مستعجل واظطريت تركن صف ثاني لكن الشرطي مصر يدفعك غرامه اكيد بعد شويه تكون ممنون لان الشرطي قام بواجبه على اكمل وجه وطبق القانون
المسؤول الكبير اختلس اموال صفقه كبيرة وهرب الاموال الى خارج البلاد والادله كلها تشير اليه
والصحافه تنشر كلام عن الموضوع والموضوع يوسع وكبر
تشكل لجنه قضائيه ويلقى القبض على المرتشي الكبير والسارق الكبير وتعاد الاموال الى الشعب ويطبق القانون
الظاهر اني حلمت كتير
عفوا
اللجنه هتستدرك وتقول ان الموظف الكبير ايه نزيه وامين على اموال الشعب مادام هيكون لهم نصيب في الغنيمة والمجرم الحقيقي هو المواطن اللي صدق ان الموظف النزيه دا هو رجل سارق ومرتشي
نرجع من جديد ونقول الحل هو دوله القانون لكن اي قانون
اعتقد انه القانون اللي سيكتبه الشعب بيديه ويصوت عليه برغبته دون اكراه
في الحلم طبعا

[mamdou7]

السلام عليكم
واحد قهوة سادة يا عم صبحي
اعذروني يا جماعة انا جاي متأخر شوية
انا بصراحة كنت معدي من جنب القهوة وبعدين سمعت احد الاعضاء بيقول كلام انا كنت لسه بقوله النهاردة بالظبط لكن مش بنفس الاسلوب الجميل المرتب اللي العضو ده قالوا بيه

بصراحة ارفع لك قبعتي مستر احمد كمال

المشاركة الأصلية بواسطة أحمدكمال

كما يقال دائما ..
ان العتاب لا يكون الا بين المحبين..
ولكن ماهو الوطن الذي سنعاتبه؟
هل سنعاتب اشجار...او انهار؟..
ام سنعاتب جدران ومباني وصحراء و رمال؟
ماهو الوطن!
الوطن هم نحن...
ونحن بشر..
والبشر يخطأ..
ومن يخطأ يعاتب..
ومن يعاتب"بنية" الاصلاح هم خير الناس..

لكن المشكلة اننا نعاتب الوطن ..
ونحن نتصور انه كيان غير مرئي وغير ملموس..
نعتب عليه ونحمله نقائصنا كما نفعل مع الزمن تماما..
ومن يفعل ذلك فهو يجد لنفسه"شماعة"..يتبرأ بها من اخطائه...

[السهران]

المشاركة الأصلية بواسطة duha

السلام عليكم
ازايك عمو صبحي
القهوة المظبوطه احسن دماغي تعبتني
تعبتني ليه انا اقولك
حصل لي موقف مع احدهم قبل كم يوم ونتيجة لهذا الموقف
خطر في ذهني سؤال وظل محيرني والمني من يومها
والسؤال هو
هو الواحد لما يكون عاتب على بلده و واخد على خاطره منها, هل يعتبر ذلك نقصا في سلوكه

اعذروني على هذا السؤال عارفه انه صعب لكن محيرني واظن انه بيدور في اذهان الكثير منكم
فكلنا نحب اوطاننا وكلنا لنا معاناته في وطنه
هل من حقي ان اعتب على وطني ؟؟؟؟؟؟

الاخت ضحى00 سؤالك ليس غريبا كلنا عاتبين على اوطاننا جميعاً لكن السبب ليس بوطننا ليس السبب الارض اللى حضنتنا وكبرنا عليها واكلنا من ارضها وخيراتها 0 الموضوع ومافيه عتاب الانسان دائما على الحكومات وعلى المسئولين ليه بتعملوا كده ليه بتبيعوا ضمايركم ليه بتبيعوا اوطانكم 00 ليه متصورين المنصب يعنى لازم يكون عندك وعندك ومش انت بس واولادك كمان لازم يكونوا مميزين عن الشعب بأكمله00 سؤالك يااخت ضحى فى محله لكن السبب الطمع والجشع وحب الدنيا اكثر من اللازم 00 لو كل انسان حط فى باله الدنيا مجرد مرور لحياة اخرى لايعلمها الا الله 0 عيش لدنياك كأنك تعيش ابدا واعمل لاخرتك كأن تموت غداً( كام فى الميه بيعمل بالكلام ده) علشان كده 00 افضل سؤالك انك عاتبه على اللى البلد بأيدهم هما اللى بتحكموا وبيسيروا المركب على اهوائهم 00 والله المستعان والله يرحمنا دنيا واخره00 واشكرك اختى على سؤالك المليىء بالمعانى ولاتنتهى ابدا اجابة لهو

[نيهال]

صباح الخير يا شباب
ايه ده ؟
هيه القهوه فاضيه ليه الصبح
جميل علشان اونكل صبحى يعمل لى النسكافيه بروقان
يا عم صبحى عايزه نسكافيه بلاك ومنغير سكر بليز

حاسيبلكم ورقه اناقشكم فيها واقول راييى بما ان مش فيه حد يرد عليا الان
ايه رايكم لما تلاقى اى موظف مش بيمشى غير بالتعريفه بتاعته؟
لما تلاقى مرتبه صغنتوت اد كده وقايل ان ده حلاله علشان يقدر يعيش
يسرق يعنى؟
والله الراجل عامل اللى عليه وزياده

خدوا عندكم لما تلاقى موظف استقصد دكتوره فلانيه وكام دكتور بالمره ورافع عليهم قضيه لعدم سدادهم الضرائب حاجه كده تساوى لها 20 جنيه فى السنه واخد بيها حكم بالحبس دون وصول اى انذرا لهم بالدفع.لان الاستاذ الغير محترم منع وصول الانذارات لهم وبالتالى اتحول لحكم.....يعنى الدكتور يوكل محامى ب 200جنيه على الاقل ويعمل توكيل باد كده علشان فى الاخر يدفع مبلغ 20 جنيه
ايه رايكم؟
السيئات كتير والله بس العيب مش فى مصرنا الحبيبه
العيب فيا انا وانت
اللى بنسمح لمثل هؤلاء باستغلالنا...
اللى يربى اولاده على السرقه واخذ ما ليس له
احنا اللى بايدينا نرفع نفسنا او نسحق بالقاع كما هو الحال الان
فاين نحن مما يحدث حولنا......هل وجدت الوقت لكى تفكر فى حل مشاكل غيرك فانت تجد لحظات تسرقها من الزمن للتفكير بذاتك وبمشاكلك الخاصه
كله مشغول مشغول....بس يا ترى فيه حد عارف هوه عايز يوصل لايه...
عارف هدفك ايه بحيث تفرح لما تحققه والا اهى ماشيه والنهارده زى امبارح
نصيحه من بنوته مش عندها خبره كتيره فى الحياه بس اهى بتشخبط علشان تعرف
حدد هدفك يا صديقى واعرف انت عايز توصل لايه
عايز تربى اولادك وتطلعهم احسن خلق الله
عايز تشترى شقه وعربيه ورصيد فى البنك .بس المهم بعد كده ترجع لاهلك
انا اعرف ناس اكلتهم الغربه وما بيقدروا يعيشو الان فى مصر برغم مستواهم اتحسن كتير لكن خلاص اتعودا على هناك
مش حددوا هدفهم من البدايه
حقق هدفك وشوف وصلت فيه لحد ايه


بالمناسبه انت هدفك ايه
حاولت تحدده قبل كده؟

[duha]

السلام عليكم ورحمة الله وبركاته
مقدماً نبارك لكم قرب الشهر الفضيل جعلنا الله واياكم من صوامه وقوامه وعتقائه .
رمضان فرصه لاتكرر إلا مره في السنه .. ولايدركه إلا ذو حظ عظيم .
هاهو على الابواب .. ولاندري هل ندركه ام تدركنا المنايا ..
كل سنه وانتو طيبين والامه الاسلاميه كلها بخير وامن وسلام