قهوة المخربشين (5)

[amr_miza1]

مساء الخير على كل الناس الحلوين الموجودين وال مش موجودين

اما رايي دلوقت فانا اميل للزواج التقليدى بشرط معلومات كافية لكل طرف عن الطرف التانى

فعلا يا جناب العمدة لان المعلومات دى كفيلة بتقريب الشخصيتين من ناحية التفكير والاهتمامات

نجاح الزواج وفشله يعتمد اولا واخيرا على استعدادك النفسي للزواج ومدى تقبلك لشريك الحياه
اما فكرة الزواج التقليدي وغيره فسيان عندي
واخيرا اكيد اكيد الطيبون للطيبات

ضحى من زمان وانا بقول العبارة دى , ان الاستعداد النفسى للزواج هو أهم شيء فبمجرد انى أشعر برغبتى فى الزواج وانهاء حياة العزوبية وتكوين أسرة صغيرة فهذا يعد حافزا ومساعدا لإنجاح العلاقة ومن ثم الزواج ككل

طريقه التعارف والتى فيها كثيرا من الأحراج

حسين بالفعل فأنا لا اعرف مسبقا الاتجاهات والميول الشخصية والاهتمات التى قد تساعدنى على ادراك هيئة الزواج والعلاقة قبل أن اتزوج بالفعل وربما يكون ذلك عاملا سلبيا مؤثرا فى العلاقة الزوجية بعد ذلك بسبب اختلاف التفكير وطريقة التصرف ..

خطاء بعض العائلات واشراك البنت والولد فى تفاصيل الأتفاقات الماديه الخاصه بالزواج

ربما أختلف معك .. اعتقد ان الوضوح حتى فى المسائل المادية يعد من الشفافية المطلوبة بين الزوجين .. مثال لذلك .. صديق تمت خطبته قريبا ثم ذهب أهل العروس والعروس نفسها لزيارة شقتها قبل التجهيز .. فالشقة قبلى وبعيدة بعض الشيء عن مداخل الشمس ولكنا واسعة .. رفضت أم العروس ورفضت العروس مع وجود موافقة على الشخص نفسه .. فكيف تكون هنا الموافقة على الممعنى والمضمون ( الزوج ) ولا يكون هناك اتفاق على مجرد ( شقة ) وتمسكت الام والعروس بشكل مستفز على الاتفاق على شقة اخرى للزواج علما بأن شقته هذه ملك وليست ايجار .. فسيضطر ان يترك ملكه ويعيش فى شقة ايجار .. رفض وفسخ الخطوبة !!
لذلك أرى ان الاتفاق فى المسائل المادية قد يوضح لى بعض الصفات ومن خلالها تتكشف بعض الأمور

قبول عيوب الطرف الأخر .. او نقول قبول الأختلافات فى وجهات النظر بينهما

ولذلك لصعوبة فكرة الطلاق وما يتبعها من أضرار نفسية بالغة وأدهى من ذلك فى حالة وجود أبناء .. الى جانب اضرار مادية جراء الطلاق .. فالغالب ان يرضى الزوجين كل منهما الاخر استنادا على مقولة شرقية غير صحيحة ( اللى حصل حصل )

ولكنى مما سبق من آراءكم أرى ميلا أكثر للزواج التقليدى واقتنعت كثيرا بالزواج التقليدة ولكنة به بعض الثغرات او العيوب التى من المتاح تلافيها قبل الزواج وفى فترة الخطوبة .
شكرا لحديثكم فقد أفادنى شخصيا .. ومازلت متابعكم
تحياتى

حناب العمدة حسين ..حد يعزمنى على فنجان قهوة انا غلبان وبكون نفسى

[Dr-Ayat]

ســــــــــــالخير جميعا
عمرو منور

جناب العمدة الغدا اهو انا ما غيرتش رأيي:(

عملتلك فطير مشلتت ووز وحمام محشي بالفريك

[amr_miza1]

المشاركة الأصلية بواسطة Dr-Ayat

ســــــــــــالخير جميعا
عمرو منور

جناب العمدة الغدا اهو انا ما غيرتش رأيي:(

عملتلك فطير مشلتت ووز وحمام محشي بالفريك

ســـــــــــــالنور

دا نورك يا ايات

ماهو جناب العمدة مش هياكل الاكل دا وانا هقف اتفرج يعنى !! والا ايه

[برديس]

مساء الخير على رواد القهوة الكرام
ايات وحشتينى جدا
حسين عمرو جناب العمده منورالقهوة ضحى وبحور وحشتونى كلكم
الزواج التقليدى مش عارفه اقول ايه
بصراحه انا راى ان الزواج عباره عن شركه كل واحد بيشوف هو عايز من
الطرف الاخر ايه وهيقدر يدهوله ولا لا
طبعا الزواج التقليدى انجح لانك بتكون عارف كل حاجه عن الشخص الى امامك
وبعد كده بتكون فترة الخطوبه هى الى هتحدد اذا كنت هتقدر تكمل مع الشخص ده ولا
لا
وبعدين الزواج فى الاول والاخر قسمه ونصيب مهما يحصل اذا كان ليك نصيب فى الشخص
ده هتلاقى كل حاجه سهلة ومتوفره لو مفيش نصيب
كل حاجه هتتفركش ولو حتى قبل الفرح بشهر (حصل ياجماعه والله)
اهم حاجه هو الدين لان الشخص المتدين والى عارف دينه كويس
اذا حبك هيكرمك وهيسعدك جدا واذا لا قدر الله محبكيش مش هيهينك
بس هو ده راى
سنقر هتلى ينسون اصل صوتى رايح خالص

[جناب العمدة]

المشاركة الأصلية بواسطة amr_miza1

ســـــــــــــالنور

دا نورك يا ايات

ماهو جناب العمدة مش هياكل الاكل دا وانا هقف اتفرج يعنى !! والا ايه

شفتى اهو عمرو بصلى فى الجوز حمام والكام فطيره والوزاية
لازم تنشريها متخليها بالسر كده
يالا بسم الله ياعمرو بسم الله يا جماعة

جماعة ايه بأه هو هيفضل حاجة ،

[جناب العمدة]

اهم حاجه هو الدين لان الشخص المتدين والى عارف دينه كويس
اذا حبك هيكرمك وهيسعدك جدا واذا لا قدر الله محبكيش مش هيهينك
بس هو ده راى
سنقر هتلى ينسون اصل صوتى رايح خالص

هو ده مفتاح النجاح ومتسيش الاستخارة لانك بتقولى يا رب
حدد اختيارى ، وشوفى مين بأه اللى بيحدد (سبحانه)
تاخدى حتة فطيرة ، ياريت تكونى عاملة رجيم احسن

[Dr-Ayat]

برديييييس منورة واللهي وحشتينا وحشنا كلامك الحمد لله بالسلامة ..

عمروو الخير كتيييييير اتفضل مد ايدك

جناب العمدة يا رب يكون الأكل عجبك



هو ده الفطير؟ انا عمري ما دقته الا هو عبارة عن ايه

[amr_miza1]

برديس ازيك يا بنتى عاملة ايه فينك ..
جناب العمدة انا مش قادر اكمل الوزة وقفت فى زورى
الفطير عبارة عن فطير بس حلو يعنى ههههههههه
انتى بقى يا ايات تستاهلى الدبح .. قصدى يعنى هنبقى ندبحلك خروف والا حاجة علشان العزومة الجامدة دى

[برديس]

المشاركة الأصلية بواسطة جناب العمدة

هو ده مفتاح النجاح ومتسيش الاستخارة لانك بتقولى يا رب
حدد اختيارى ، وشوفى مين بأه اللى بيحدد (سبحانه)
تاخدى حتة فطيرة ، ياريت تكونى عاملة رجيم احسن

ماهو انت لما تعمل الاستخاره كده بتكون كل حاجه على ربنا
فى الاول والاخر الى ربنا عايزه بيكون


هاخد طبعا حتة فطيره مش عامله رجيم ولا حاجه بس انا اعرف كمان ان فى حمام
ولا هتسك عليه
ايات ايه انتى عامله حسابك على كام شخص علشان اكملك

[omarr]

ضحى .. عموووور . د.آيات . جناب العمده .. برديس .بحور
والغائبين .. شاعر الليل . ابتسامه الحياه و نسرين

منورررررررين بارائكم و فرحان بكل كلمه بتقولها عشان كلنا بنحاول نعرف الأفضل والمفضول
الحلو واللى احلى من الحلو . يعنى نسعى الى افضل طريقه . وده لواحده سبب كافى اننا
نأتى الى القهوه نتحاور بكل حريه , على اختلاف تجاربنا و خبراتنا الذاتيه .. او زى ما كتبت
ضحى .. احترام خريطه الأخر ..

ان معكم انتظر .. الأستمرار فى مناقشه الموضوع الحالى ...
حد عنده استفسار ؟!!!!!!!!
لو مافيش ... يبقى اقترحوا شىء تانى .

عم صبحى اوعى وشك .. عشان الفطير وصل ..

[برديس]

المشاركة الأصلية بواسطة Dr-Ayat

هو ده الفطير؟ انا عمري ما دقته الا هو عبارة عن ايه

اديه يا دكتوره ايه الفضايح دى
بصى يادكتوره الفطير عباره عن
دقيق ابيض معجون بماء وملح فقط
بعد كده بتفرد زى البتزا وبيجمع بالسمن البلدى وممكن تضفيلها قشطه
وبعدين بيوضع فى الصنيه وتفرديه على قد الصنيه وتحطيه فى الفرن
طعمه حلو بس تقيييييييييييييييييييل جدا على المعده مش اى حد بيستحمل
ياكله
ايه رايك فى الوصفه دي هايله مش كده

[amr_miza1]

حسيييييييين مساء الخير كويس انك لحقت الغدا معانا

عندى استفسار لو تكرمت .. بالنسبة للمستوى التعليمى بين الزوجين ... انا اعتقد ان لابد ان يكون هناك اقترابا فى المستوى الثقافى أو على الاقل المستوى التعليمى .. لان الزوج اكثر ما يحتاجه هو اقامة الحوار فى كل الاتجاهات مع زوجته .. والزوجة ايضا فى احتياج لذلك الحوار ..
هل توافقنى الرأى أم انه من الممكن أن اتزوج بانسانة على قدر ضئيل من العلم او الثقافة ؟

[برديس]

عمرو ازيك انا موجوده بس بدخل فى اوقات انتوا مش بتكونو موجدين
حسين عندى استفسار صغير اصلى محتاره جدا
لو الزوجه مستواها المادى اعلى من الزوج بتكون فيه مشكله ولا لا
ولو الزوجه موهل عالى والزوج موهل متوسط ممكن تمشى ولالا

[Dr-Ayat]

شايفة لفضايح يا برديس ..
معلش اصل ثقافتي في الأكل سورية
الحاجة بقى طبخها كله شامي .
اما اسافر مصر هاتعزموني ليها
________________________________

النسبة لاستفسار عمرو انا خطر فبالي سؤال بردو ليه كتير من الشبان بيخافو او بيتحاشوا يتجوزا بنت مثقفة او ثقافتها اعلى من ثقافتهم؟

[برديس]

معلش يا دكتوره خليها علينا
اول ما تيجى مصر قوليلى بس وانا اعزمك على احلى فطير مشلتت
ايه مشيتوا ولا ايه
كده يا سنقر طفشت الزباين روح يا شيخ الله يسمحك