قهوة المخربشين (5)

[H.E.R.O]

المشاركة الأصلية بواسطة عتاب

قولولي بقا
كلمة (اشمعنى)
ايه انطباعك عنها لما بتسمعها
بتحبها والا بتكرهها
بتقولها ؟؟
ياترى بتشوف ان ليك حق تقولها والا لا ؟؟

كلمة اشمعني
لما باسمعها مش بحبها
بحب اقولها بس مش بحب اسمعها
باقولها كل يوم تقريبا
بقولها للضمير العربي
اشمعنا (( ألنا الابادة وحدنا ولغيرنا كتب البقاء ))

انا بيكون ليا حق طبعا اني اقولها اني بحاول اغير بيها الناس حوليا

[amr_miza1]

المشاركة الأصلية بواسطة عتاب

قولولي بقا
كلمة (اشمعنى)
ايه انطباعك عنها لما بتسمعها
بتحبها والا بتكرهها
بتقولها ؟؟
ياترى بتشوف ان ليك حق تقولها والا لا ؟؟

اهلا عتاب ..

عم صبحى واحد بيبس على حساب هيرو

بخصوص كلمة اشمعنى فهى على حسب موقعها فى الجملة لان مكانها بيختلف من موقف لآخر

ممكن حد يقولها ومالوش الحق فى انه يقول اشمعنى .. مفيش مثال يحضرنى دلوقتى لكن فعلا ليها اوقات مينفعش انها تتقال وبتكون مستفزة جدا ..

واوقات بتكون منطقية جدا وواجبة نظرا لوجود احتكامات وتصرفات غير مقبولة من الاخر .. فبيبقى طبيعى اننا نسمع كلمة اشمعنى ..

طيب اشمعنى السؤال دا يا عتاب ..

كمان واحد بيبس يا سنقر

[amr_miza1]

اعتقد ان اشمعنى بتاعتى مستفزة جدا .. لانها استفذتنى انا

[H.E.R.O]

هيا بصراحة مستفزة جدا جدا جدا
وكلامك صحيح
بتبقي علي حسب الجملة
طيب اشمعنا احنا بنقول كلمة اشمعنا ومن غير ما نعملها حساب ؟؟

[عتاب]

هههههههههههههه
لا مش مستفزة ولا حاجة
اهلا هيرو واهلا عمرو
اجابة سؤالك ياعمرو سببها حاجة مهمة اوي
اني في شغلي بالاقي فيه (خيار وفقوس ) معرفش يعني ايه فقوس بس مش مهم
المهم اني بالاقي تمييز عنصري مش فاهمة التمييز بيكون على اي اساس بالظبط
المهم لما اجي واطب التغيير الاقي المدير يقولي الكل زي بعضه
اقوله لا فيه تمييز لبعض الناس
يقولي ماحبش حد يقول اشمعنى فلان
طيب مش من حقي اسأل اشمعنى فلانة او فلان مميزين عننا !!
عشان كده باسأل من حقي اقول اشمعنى والا لا

[H.E.R.O]

في الشغل
مش عارف والله
بس الانسان في كل مكان لازم يبقي فيه تمييز
علشان البشر شخصيات
وكل شخصية مختلفة عن التاني
وفيه واحد محبوب اكتر من واحد تاني لقلب اي حد فبيبقي يفضله ولو بنسبة بسيطة
واحنا لازم نشوف ايه اللي بيميز داه ويخلي الناس بتفضله ونحاول نعمل زيه
وداه رايي والله اعلم

[جناب العمدة]

اهلا عتاب

اشمعنى كلمة تقيلة قوى بمجرد خروجها قد تعطى
انطباع للمتلقى ان صاحبها انانى .
لكن ساعات بيكون الانسان مش قادر يكتمها لوصول
التمييز والظلم مثلا حد عدم الاحتمال
ساعتها بتخرج غصب عن الانسان .
انا نادر جدا جدا جدا لما بقولها لفظيا .
بس ضمنيا بقولها كتير ... على سبيل المثال
فنى هندى لو اتاخر ساعة واحدة .. ياخد اضافى
وانا لما اسهر لنص الليل المدير يقوللى .. يعنى انا بآخد اضافى
وللا رئيس الحسابات ....
طيب انا مااااااااالى انا لى حق .. باقول : يارتنى كنت فنى ولكنتش محاسب
طبعا هو بيفهم .

[فراق84]

السلام عليكم
ازيكم
اولا بالنسبة ل(اشمعنى) فهي مستفزة لما تكون موجهة لك
لانك بتحس بتدخل بشؤون لا تعني الاخر
اما لو كانت صادرة منك
فهي بسبب انك بتطلب حق من حقوقك ..ومش عارف ليه مش حتاخدو
او زي ما قالت اختي عتاب ..هناك تمييز عنصري بالموضوع
يعني احيانا يحق لك قولها
لما تكون عايز حقك
وتكون مش من حقك لما يكون تدخل باللي ما يعنكاش

المشاركة الأصلية بواسطة عتاب

هههههههههههههه
لا مش مستفزة ولا حاجة
اهلا هيرو واهلا عمرو
اجابة سؤالك ياعمرو سببها حاجة مهمة اوي
اني في شغلي بالاقي فيه (خيار وفقوس ) معرفش يعني ايه فقوس بس مش مهم
المهم اني بالاقي تمييز عنصري مش فاهمة التمييز بيكون على اي اساس بالظبط
المهم لما اجي واطب التغيير الاقي المدير يقولي الكل زي بعضه
اقوله لا فيه تمييز لبعض الناس
يقولي ماحبش حد يقول اشمعنى فلان
طيب مش من حقي اسأل اشمعنى فلانة او فلان مميزين عننا !!
عشان كده باسأل من حقي اقول اشمعنى والا لا

اختي عتاب
الفقوس نوع من الخضروات
شبه الخيار كتير بس اطول وانحف وطعمو يفرق شوية
وعشان كدة مقترن فيه دايما
لانو بيشبه كتير
يعني لماذا هما شبه بعض ونفرق بينهم
اختكم فراق

[bo7or]

المشاركة الأصلية بواسطة omarr

رقيه


كوولنا حلوين كتير , مسكرين ...



موتينى من الضحك حرام عليكى يا شيخه ..

طب و إيه المشكلة
منا من ساعة مادخلت القهوة و عمر بيهلكنا من الضحك

[bo7or]

أشمعنى !!

أعتقد ان الكلمه دى ليها أكتر من معنى فى الإستخدام اليومى ..
يعنى أغلب الوقت انا لما بقولها بتبقى بمعنى ... ليه ؟
يعنى ممكن أسأل عتاب أشمعنى فتحتى الموضوع ده
أعتقد ان الكلمة عادية اوى هنا ..

لكن أشمعنى بالمعنى المقصود !! اللى بنستخدمه للسؤال عن سبب التفرقة زى ما هو مذكور أعلاه .. مظنش انى بستخدمها دلوقتى .. يمكن لما كنت طفلة ((كنت )) ماشى يا أولادى ؟ كنت بقولها بقى

أما دلوقتى و أنا جدة كدة محبش ابدا حد يقولى أشمعنى بمعناها دى .. لأنى (انا) مش هبقى مدية حد حق اكتر او أقل من حقه .. أما لو حصل من حد .. هنضطر نسأل أشمعنى ؟

و على سيرة الخضار اللى عتاب بتحكى عنه ..الخيار و الفقوس ..

سمعت تعبير قريبا من أحد الزملاء ...
لو كان نيل مصر صلصة .. مكنش هيكفى الكوسة اللى فى مصر

[عتاب]

هههههههههههههههه
تعليقك جميل اوي يا رقية وخصوصا الكوسة

اما فراق طبعا لازم اشكرها على المعلومة
اعتقد الفقوس بالوصف ده تبقى القتة (القثاء) ؟؟

جناب العمدة شكرا على مشاركتك الجميلة
ومتفقه معاك جدا في كلامك
وياريتك كنت فني هندي والحمد لله على كل شيء

هيرو
مش دايما التمييز بيكون له سبب
يعني عندنا فيه مدرسين بتاخد حصصها بدري وتروح على بيتها
واحنا نقعد لاخر اليوم
من حقي وقتها اقول اشمعنى لاني باطالب بحقي

[amr_miza1]

مش دايما التمييز بيكون له سبب
يعني عندنا فيه مدرسين بتاخد حصصها بدري وتروح على بيتها
واحنا نقعد لاخر اليوم
من حقي وقتها اقول اشمعنى لاني باطالب بحقي

بالظبط دا يا عتاب اللى كنت عاوز اقوله ...

ان فى وقت زى دا بتقولى اشمعنى بشكل لا ارداى وبيكون من حقك تقولى اشمعنى .

واوقات تانية بتكون غير مبررة ومالهاش معنى ..

[omarr]

حبايبى " رواد قهوه المخربشين "

عساكم بخير ...

عتاب ..

لما بسمع كلمه اشمعنى , عادي ..هى كلمه على لسان الناس ..

بس للأسف هى كلمه الضعيف .. المظلوم .. فى الغالب

ولو نطقها القوى فهو اكيد بيقولها عشان يمنع عن الضعيف حق او بيرفض له طلب ..

عموما انا مش باستخدمها تقريبا ..

اشمعنى !!! = ايش معنى !!! = ليه ياولاد ال... !!!

عم صبحى .. واحد صلصه كوسه ... وطبق فاقوس ..

الحساب عند هيررررررو

[H.E.R.O]

ماشي يا باشا
عم صبحييييييييي خليهم اتنين
بس انا ليا سؤال لحضرتك
هوا اسم حضرتك الحقيقي استاذ عمر ولا اسم ابن حضرتك ؟؟؟
اشماعني الناس كلها عارفة هههههههههههههههه

[omarr]

هيرو ..

اسمى حسين ...

اسم ابنى مروان عنده سنتين ..

بس لاحظت ان الناس بتنادينى باسمين .. لقبى و اسمى ..وده بيعمل لخبطه
عشان كده افضل ان الناس تنادينى بلقبى " عمر " مجرد من اى شىء

بدون حضرتك و بدون استاذ .. عمر فقط تشعرنى بالراحه ..