قهوة المخربشين (5)

[نيهال]

وعليكم السلام ورحمه الله وبركاته

اهلا يا سمسه
نورتى

[امرأة العزيز]

المشاركة الأصلية بواسطة semsema2008

هههههههههههه ماشى وانا موفقه ان المشاريب على حسابى طيب اتفضلى تطلبى ايه انا عاوزه شاى وانتى

ساندوتشين لحمة وواحد شيش طاوق وكانز اسبريت او سففن اب..

والتحلية عصير فراولة باللبن او مانجة او الاتنين يعني هههههههههههههههه

فرصة بصراحة... يا رب ما تسيبي القهوة ابدا انا حاخد اي كرسي جنبك وقعد جنبك علطول ههههههه

[semsema2008]

لالالالالالالالالالالالا انا كده هفلس خفو شويه

واهلا بيكى يا نيهال

[امرأة العزيز]

من اولها بتتراجعي يا سمسمة.. وانا الي اتعشمت فيكي

حكتفي بالفرجة عليكي وانتي بتشربي الشاي.. معرفش حهون عليكي بقي ولا ايه

[semsema2008]

لا طبعا يا قلبى متهنيش انتى لو عاوزه عينى كمان متغلاش عليكى

[semsema2008]

بس انا حسه ان القهوه نايمه مش كده ولا ايه

[امرأة العزيز]

المشاركة الأصلية بواسطة semsema2008

لا طبعا يا قلبى متهنيش انتى لو عاوزه عينى كمان متغلاش عليكى

ربنا يخليكي ده العشم برضه..

اه فعلا نايمة شوية..

بكرة الظهر بتكون مليانه..

تقريبا كلهم راحوا ناموا دلوقتي انا وانتي بس الي صحيين

سلاام

[amr_miza1]

يا صباح الخير على احلى مخربشين .. القهوة هادية ليه كدا ...

نسرين .. عينى عليكى باردة
نيهال ..
الوجه الجديد .. سمسمة ..

منورين القهوة ..

هشرب ينسون يا سنقر ماتبصليش كدا

[شاعــ الليل ــر]

السلام عليكم ورحمة الله وبركاته

أهل القهوة الكرام

وحشتوني
جداً جداً جداً

وحشني كلكم يا مخربشين
جناب العمده
عمر
عمرو

آيات
... ألف مبروك للمرة المليون وعلي فكرة أنا مش ناسي وعدي
أمرأة العزيز
... عوداً حميداً وألف مبروك علي الألفية التانية
بحور
نيهال
برديس
سها
... ألف ألف مبروك الألفية الأولي يا قريني
أبتسامة
ضحي
سمسة
... الوجه الجديد نورتينا

وكل الناس المخربشين إلي في القهوة

[amr_miza1]

اسلاااااااااام ...

انت فين بس يا راجل بتغيب عننا .. وحشتنا جدااااا ..

اعذرنى عندى مشكلة فى الماسنجر مع الاسف ..

المهم انت عامل ايه.. واخبار اتجاهاتك الجديدة ايه .. ان شاء الله يكون خير ..

لالالا ابدا ... الحلبة على حسابى يا راجل عيييب

[شاعــ الليل ــر]

هههههههههههههههههههه
خلي الحلبة عليا أنا يا عمووووور
وشربات كمان يا صحبي

كنت هكلمك في التليفون أقولك ان الحمد لله ربنا كرمني بشغل
وشغل كويس كمان
وكان نفسي تكونوا هنا أول ناس تعرفوا وطبعاً انت أولهم يا عمووور

[amr_miza1]

طيب الحمد لله .. يالا بشرة خيـــــــــــر ان شاء الله يكون خير لينا كلنا

انت لازم تدبح حاجة لله .. ارنب مثلا .. اى حاجة يعنى علشان اخواتك اللى فى القهوة ..


وبعدين يا راااجل بتفرحنى يعنى تقولى كنت هكلمك .. ومكلمتنيش ليه ..

يا اسكندرانى يا جدع ههههههههههههههه

طبعا احسن ناس واجدع ناس طيب ايه رأيك محدش هيدفع حساب الشربات غيرى ..

[شاعــ الليل ــر]

ههههههههههههههههههههههه
ربنا يخليك يا عمووور
والله العظيم وما ليك عليا حلفان "وأنت عارف" أنا كنت في الشغل وعمال اقول : هكلمه دلوقتي ... شويه واقول : أعمل المكالمة دي واكلمه ... نص ساعة واقول : طيب حالاً بس أخلص ده وأكلمه ... وقوم ايه وقت ما قلت خلاص أكلمك الكريدت يخلص وتقولي : قد رفص رصيدكم وأنا في قلب الميناء جووه وطبعاً معرفتش اشحن ولسه مروح النهارده الصبح ...
معلش يا عموووور

[amr_miza1]

ولا يهمك يا اسلام .. عموما انتظر التليفون منى دلوقتى خلى بالك

ومش لازم المبررات دى كلها ماتقلقش انا اللى هحاسب يعنى ..

[شاعــ الليل ــر]

ماشي يا عموووور
أنا في أنتظار تليفونك
ولا أقولك أنا هكلمك دلوقتي
متعرفش حد بيبيع شربات
عايز أجيب زجاجة لسنقر يعملها لكل أهل القهوة الصبح عشان مش هكون موجود " زمانك بتقول هيصدرني فيها " أبداً والله يا عمووور