قهوة المخربشين (5)

[Dr-Ayat]

ان هنا يا برديس انا ناوية اطفش الواد سنقر واشتغل مكانه
بلا طب بلا نيلة ههههه

[duha]

السلام عليكم جميعا
عمر عمرو جناب العمدة ايات برديس وبحور لسه مش باينه
عمو صبحي لسه فطرت حالا الشاي لو سمحت
شكرا برديس انك شرحتي الفطيرة تعني ايه
كنت اسال يعني ايه فطير مشلتت يقولولي يعني فطير مدور ويزيدو في حيرتي
عمرو

اعتقد ان التوافق الاجتماعي والمادي والثقافي وال.........
يجب ان يكون متوفر في اي علاقه زوجيه
واعتقد ان ثقافه الزوجه تكون من الاولويات في اختيار الزوجه
لعده اسباب
الاول انها هتكون جليس مؤنس لك
والثاني لان العبء الاكبر في تربيه الاطفال يكون على الزوجه
فاذا كانت الزوجه ثقافتها قليله اكيد ستؤثر سلبا على تنشئه الاطفال

[برديس]

على رايك يا دكتوره خدنا ايه من التعليم فى الاخر يا عنى مرتبك
هيكون كام 150جنيه ياشيخه
دا الواد سنقر بيتحصل عليهم فى يومين شفتى بقا هنقر عليه
معاه الاعداديه وبيتحصل على مرتب اكبر مننا شفتى اخرت الى تعلموا
هو حسين فين مردش على استفسارتنا ليه

[amr_miza1]

واعتقد ان ثقافه الزوجه تكون من الاولويات في اختيار الزوجه
لعده اسباب
الاول انها هتكون جليس مؤنس لك
والثاني لان العبء الاكبر في تربيه الاطفال يكون على الزوجه
فاذا كانت الزوجه ثقافتها قليله اكيد ستؤثر سلبا على تنشئه الاطفال

فعلا والجزئيتين أهم من بعض .. الاولى لانها هتكون الانسان الاول فى حياتى وبالطبع الحوار هيكون معاها اكتر ..
والأولاد أكيد بيتأثروا بشخصية امهم بشكل كبير جدا ..

شكرا يا ضحى على الإفادة

برديس انا من رأييى تشتغلى مع ايات بدل سنقر

[bo7or]

ايه دة ايه دة .....ايه دة ...

اروح محاضرة واحدة الاقى صفحات اتفتحت و اتقفلت...
و اكل و عزومات و فطير...امال لو كانوا محاضرتين كان ايه اللى حصل؟؟
مكنش العشم,, من غيرى؟؟؟...
يلا كلها ساعة و المغرب يؤذن له و هقضيها اكل مصرى من اللى قلبك يحبه يا دكتورة
و خلاص زعلت و انكسرت شايفين وشى فى الارض ازاى
الاحق على ايه ولا ايه انا دلوقتى
مش هعرف ارد...
يلا دايما اخلينى انا الكبيرة....
احبائى عموور دكتورتى استاذى المفضل حسين حبيبتى برديس زعيم الكفر منورناو بالهنا و الشفا يا عم.....
الليلة عيد و العريس بيتجوز و مادام العريس بيتجوز يبقى العروسة هتتجوز..عريس متين و العروسة متينة ياللى هويت المتين سيبك من المتينة.. لا المتين بينفع و لا المتينة عالاصل دور.....
دة فاصل من التهييس فى رواية اخري الهبل بس ليه مغزى....

(((هل اللى يعنيكوا اكثر الطرف الاخر نفسه و لا اهله و "اصله" يعنى ممكن تتقدم لحد لمجرد انها من عيلة كذا والدها يعمل فى كذا......)))
وفى جانب تانى وراء السؤال المستوى بين الاسرتين هو شبيه باسئلة عمرو و برديس..
عشان كان فى نقاش اخير بينى و بين صاحباتى ان فى زيجة مش هتتم عشان الشاب والده حلاق ووالد الفتاه دكتور جامعى؟؟؟


طولت موت بس مش هعرف اجاوب عليكوا خليها لاصحاب الخبرة و العقل و التجربة عنى...
و السلام ختام...

[bo7or]

ايه اللى بيحصل؟؟؟؟؟؟؟
مش لاعب ادخل جوة ويندوز الرد اخرج الاقى دة كله.....
مش لاعب خلاص...

[برديس]

والله يا عمرو انا شايفه كده برده مش احسن من مهنة التدريس ووجع القلب
والطلبه الى تجيب الضغط العالى
عماله اقول ايه النور الى هل ده والصوت العالى والحجات دى كلها
اتارى بحور وصلت بس يا خساره المغرب هيدن وهقوم هحاول ارجع تانى
بس الواحد بعد ما بيفطر بيكسل بس هحاول على قد ما اقدر

[amr_miza1]

المشاركة الأصلية بواسطة برديس

والله يا عمرو انا شايفه كده برده مش احسن من مهنة التدريس ووجع القلب
والطلبه الى تجيب الضغط العالى
عماله اقول ايه النور الى هل ده والصوت العالى والحجات دى كلها
اتارى بحور وصلت بس يا خساره المغرب هيدن وهقوم هحاول ارجع تانى
بس الواحد بعد ما بيفطر بيكسل بس هحاول على قد ما اقدر

ههههههههههه على فكرة يا برديس المفروض ان انا مدرس لغة عربية ههههههه
ان شاء الله لو اترفدت من شغلى هاجى اشتغل معاكم فى القهوة هههههههههه

[amr_miza1]

المشاركة الأصلية بواسطة bo7or

الليلة عيد و العريس بيتجوز و مادام العريس بيتجوز يبقى العروسة هتتجوز..عريس متين و العروسة متينة ياللى هويت المتين سيبك من المتينة.. لا المتين بينفع و لا المتينة عالاصل دور.....
دة فاصل من التهييس فى رواية اخري الهبل بس ليه مغزى....

يا عينى يا بحور ... والله كانت كويسة امبارح
كل دا علشان ملحقتش الفطير والحمام ..
والا علشان المحاضرة ..
لا اله الا الله ..
حد يشوفلها دكتور يا اخوانا بسرعة

[rosi_smile]

السلام عليكم
اخباركم ايه
كده اعدين من غيري
يلا بأه انا جيت اهه

[Dr-Ayat]

شايفة يا برديس بذمتك مش صبي قهوجي احسن من دكتور؟
ويالا يا ستي ايدي فإيدك عشان نشوف الطلبات قال 150 قال ده الواد سنقر
بياخد بقشيش بس 150 كل يوم انا شوفت عمرو شايل ورقة ابو مية بيديهاله

كده يا عمرو:(

قال على رأي المثل ويل لأمة طبيبها فقير
ويا بخت أمة سنقرها غني

بت يا بحور هاتفطري لوحدك هاتزوري

[Dr-Ayat]

روزييي منورة واللهي يا اهلا بيكي اتفضلي ..

واحد نسكافيه يا سنقر بسرعة ياض

وشيشة ليا من فضلك

احيانا بحس ان انا حسنين مش آيات

[amr_miza1]

روووووزى
الفرفوشة الجميلة .. منورة القهوة والله
اجرى يا سنقر هات اللى الدكتورة حسنين قلتلك عليه قصدى آيااات معلش اصل الحروف بين ايات وحسنين شبه بعض اوى

معلش يا روزى هضطر اخرج بقى بس كويس انى لحقتك وسلمت عليكى
سلااام يا جماعة ان شاء الله مش هتأخر

[bo7or]

المشاركة الأصلية بواسطة amr_miza1

يا عينى يا بحور ... والله كانت كويسة امبارح
كل دا علشان ملحقتش الفطير والحمام ..
والا علشان المحاضرة ..
لا اله الا الله ..
حد يشوفلها دكتور يا اخوانا بسرعة

بتقول فيها دة انا لسعت خلاص مقولكش محاضرة جامدة جدا تعمل دماغ فظيعة...وانك تفهم حاجة ابدا اصله ندر نادرينه الدكاترة بتوع المادة دى ان محدش يفهم....
يلا ربنا يسامح اللى كان السبب...و بتعترف انكوا كلتوا من غيرى!!!!!
و اة يا دكتورة فطرت لوحدى مهو انتوا خلصتوا علحمام و قضتوها ....
يوم ليك و يوم عليك...انا داخل انام بأة فطرنا و كسلنا...
و بالنسبة للمشاريب يا أخ عمرو لازم تتطور تقولى قهوة و ينسون و خلافه لأ احنا عايزين نرتقى شوية و دة يبقى مشروع الكفر الجديد كافيه المخربشين... و نبتدى بالميلك تشيك عشان عارفين ازاى بحبه....
دة طبعا على ايد عم برديس و صبيانه عمرو و أيات... منتظرين التجديدات...

اه شكلى اتجننت فعلا يلا ربنا معاية اصحى الاقى الاستاذ حسين رادد علينا مينفعش كدة...

لأ لأ كفاية كدة اللون الموف عليكم زمانكم زهقتوا اغيره بأة

[omarr]

عمرو .. برديس .. د.آيات

لا اعرف الا تجربتى الذاتيه و لذلك اجد نفسى عاجز عن الأجابه عن الأسئله .
حقيقه انا مثلكم ... لا اعرف ولست موقنا
فكرت فى ردود كثيره ..لكن وجدتها انها ردود عايمه ..ماسخه ..
انا حقيقه لا اعرف ولست على يقين الا مما جربته او عايشته .

كده ياسنقر .. تضحك عليا وتقول لى اعمل فيها واد فاهم .. شفت ..

ادينى اهه مش عارف اجاوب على 3 اسئله ..هات يالله سندوتش كوسه ..