قهوة المخربشين (5)

[Ebn elbalad]

السلام عليكم ورحمة الله وبركاته

إزيكم يا رواد قهوة المخربشين .. يارب تكونوا فى أفضل حال دايما إن شاء الله

باشمهندسة لقاء : حضرتك خلصتى دراسة ولا لسا ؟؟ وممكن أعرف تخصص حضرتك إيه ؟؟ أصل العبد لله لسا فى أول طريقه ومش فاهم حاجة .....

[فراق84]

انت عاوز تتخصص ايه؟

[عتاب]

المشاركة الأصلية بواسطة duha

اهلا عتاب
اول مرة نتلاقى في القهوة في نفس الوقت
ازايك وعامله ايه

قصصك جميله فعلا ولو مش كدة ما كانت فازت في مسابقه القصه

فراق ان شاء الله بارفعه لك اليوم

اهلا حبيبتي
اهو اتقابلنا اخيرا في القهوة وبره
وميرسي يا حبيبتي على رأيك وتشجيعك
انا يدوب باكتب مواقف من الحياة ماتعتبرش قصص

[duha]

فراق
تم رفع الكتاب ولله الحمد
اتفضلي
كتاب خوارق اللاشعور للدكتور علي الوردي
4shared.com - document sharing - download ط®ظˆط§ط±ظ‚ ط§ظ„ظ„ط§ط´ط¹ظˆط±.pdf

[فراق84]

شكرا كتير اختي ضحى
تسلم ايدك
غلبتك كتير
فراق

[duha]

عتاب
بجد انا قريت قصتك وقتها
وهي بجد تعكس مواقف من الحياه عبرتي عنها بشكل جميل
تسلم ايدك

[Ebn elbalad]

المشكلة إنى بفكر فى قسمين مختلفين تماما عن بعضهما البعض

يعنى فرق ما بين السما والأرض

تخصص ميكانيكا وتخصــص عمارة ....!!!

تناقض غريب والأغرب إنى لسا ما أخدتش قرار محدد وكتابة استمارة الرغبات على الأبواب !!!

[duha]

فراق
مفيش غلبه ولا تعب بالعكس انا احب اخدم

[duha]

ابن البلد
انا تخصصي هندسه سيطرة وحاسبات
تخصص جميل
السيطرة تخصص جميل وعملي جدا
وفيه مجالات واسعه

[لقاء]

السلام عليكم


ابن البلد

ازيك يا زميل


أنا خلصت اعدادي هندسة ..... ودلوقتي سنة أولى مدني .

مش فاهم حاجة ..... شيء طبيعي

أنا بردو مش فاهمة حاجة ..... وهاخلص ال 5 سنين ومش هافهم حاجة .

أهلا بيك في نادي ال مش فاهمين حاجة


ههههههههه ...... بهزر انت صدقت



شوف يا زميل

في الأول بتكون صعبة الحكاية .... بس بعد كدا الأمر بيكون سهل .... خصوصا لما تتخصص .... ويا سلام لو كان التخصص ده بتحبه .....


الدكاترة بيقولوا لينا أنو الدراسة مش يعني الهندسة الفعلية .... لأنه الدراسة حاجة .... وعند الشغل والتطبيق حاجة تانية خالص ....


المهم ..... لو احتجت أي حاجة بجد قولي .... أنا ممكن أساعدك .... وبتكلم جد لعلمك .

انت في سنة كام وناوي تتخصص ايه .

[فراق84]

المشاركة الأصلية بواسطة Ebn elbalad

المشكلة إنى بفكر فى قسمين مختلفين تماما عن بعضهما البعض

يعنى فرق ما بين السما والأرض

تخصص ميكانيكا وتخصــص عمارة ....!!!

تناقض غريب والأغرب إنى لسا ما أخدتش قرار محدد وكتابة استمارة الرغبات على الأبواب !!!

اخي ابن البلد
هو صحيح تخصصين بعاد عن بعض
بس لازم تدرسها من عدة نواحي
اولا:انت ميولك اكتر فين
شوف الخطة الدراسية
صحيح صعب تحدد
بس ممكن تشوف انت بتحب تتعمق فاي وحدة
ثانيا:مجالها بالمجتمع اهم
الافضل التخصص اللي له مجال
احسن ما تتخرج بعد 5 سنوات متلاقيش شغل بعديها(بعيد الشر)
والتخصصين كويسين بصراحة
انت بالاخير لازم تقرر
اختك فراق

[عتاب]

ابن البلد
نفس اللي فراق قالته كنت هاقولهولك
اهم شيء تشوف التخصص اللي هايشغلك بعد ما تتخرج
لان ممكن تتخصص وبعدها تقعد ع القهوة مش عارف تشتغل
ربنا يوفقك

[Ebn elbalad]

Duha : يعنى إيه تخصص سيطرة ده ؟؟ .. أنا أعرف حاسبات بس يعنى إيه سيطرة ؟؟

ENG. Lqaa : أنا دلوقتى فى إعدادى هندسة ولو أنتى فى هندسة القاهرة أكيد عارفة إنى أنا اتنفيت لمدينة الشيخ زايد ـ ملحق الكلية ـ لإن عدد الطلبة فى ساحة كلية الهندسة بلغ حوالى 15000 طالب وطالبة فكان لازم يضحوا بدفعة عشان الباقى يعيش

إن شاء الله ناوى ميكانيكا أو عمارة بس المشكلة إن ده حاجة وده حاجة تانية خالص .. اظن إنك مهندسة وعارفة الناس كلها بتتكلم عن ميكانيكا إزاى ... ده اللى خوفنى إنه أدخله مع إن فرصة العمل فيه ممتازة أما عمارة فقسم بصراحة حبيته فعلا لكن بعد 5 سنين الواحد مش ضامن أى حاجة .. وزى ما أنتى قلتى الدراسة حاجة والشغل العملى حاجة تانية خالص

فراق : الطريق فى ميكانيكا داخل الكلية صعب لكن بعد التخرج إن شاء الله أسهل لكن عمارة بعد التخرج أصعب مع إنها داخل الكلية قمة فى الإمتاع .. عشان كده لازم الواحد يفكر زى ما قلتى على المدى البعيد مش القريب .. يعنى دول 5 سنين بيخلصوا فى لمح البصر إنما بعد كده الواحد بيواجه المصير المجهول ومش بتغنى عنه أى حاجة اتمتع بيها !!!

عتاب : فعلا عندك حق لازم أفكر لأدام مش مجرد 4 أو 5 سنين فى الكلية .. المفروض أبص وأشوف أنا هشتغل فين بعد كده حتى لو القسم ده كان صعب .. صعب جدا .. ميكانيكا ده قسم أسطورة

أشكركنّ على سرعة الاستجابة وعلى فكرة أنا الترم الأول جبت جيد مرتفع الحمد لله .. ادعوووولى الترم التانى أصعب بكتيييييير من الأول !!
ابن البلد

[فراق84]

ربنا يوفقك

[نيهال]

السلام عليكم ورحمه الله وبركاته

ابن البلد...بالنسبه لاختيار قسمك

شوف انت عايز ايه واعمله

مش موضوع مين ليه مستقبل ومين ملوش

لانك لو حبيت اللى بتعمله حتتفوق فيه وحتكون مميز وبعرف ان فرصه العمل سهله ودى عن تجربه شايفاها

تانى حاجه بقى يا زميل الكفاح......
ايا كان المجال اللى حتتخصص فيه حاول تعرف ازاى تحصل على المعلومه نفسها ......
لانك منغير الاساس ما تقدر تتقدم اى خطوه فى مجال الهندسه
واحنا فى الكليه كانوا كل شويه يقولولنا الدراسه حاجه والشغل حاجه
ومش ده اللى لقيته بالعكس خالص
الدراسه بدايه العمل


احنا فى الكليه مش بناخد معلومه وبس
احنا بنتعلم ازاى نقدر نطور نفسنا ونحصل على الجديد دائما


زمايلى فى قسم عماره....شغلهم فى الكليه والمشاريع هيه كانت اساس عملهم الان وعايزه اقولك شغلهم جميل ومتميز ومطلوبين

بالنسبه لميكانيكا فللاسف ......مش فى مصر ....فرصه العمل افضل بالخارج كتير

يعنى بنهايه الامر
الشغل موجود
وفرصه العمل متوفره
المهم انك تحب اللى بتعمله ...

لقاء.....حاولى تستفيدى بالدراسه...لان اكيد مش بنضيع نت عمرنا خمس سنوات ومش حنستفيد فيها بعد كده
على فكره انا مهندسه مدنى زيك
اتمنى بجد انى ارجع الكليه....لانها مهمه جدا لو ناويه تنجحى فى حياتك المهنيه بعد ذلك
او على الاقل تكونى فاهمه اللى بيحصل حوليكى ايه




عندى صداع.....حاسه ان ضغطى مرتفع...شوفللى اى حاجه يا عم صبحى